Fréttablaðið - 04.03.2004, Blaðsíða 4
4 4. mars 2004 FIMMTUDAGUR
Er Arsenal búið að tryggja sér
enska meistaratitilinn?
Spurning dagsins í dag:
Ertu hlynnt(ur) eflingu sérsveitar lög-
reglu?
Niðurstöður gærdagsins
á www.frett.is
20,8%
61,0%
Nei, Man. Utd. tekur titilinn
18,2%Nei, Chelsea tekur titilinn
Já
Kjörkassinn
Farðu inn á frett.is og segðu þína skoðun
frétt.is
Tók fyrir borð af Skaftafelli í stormi:
Björgunarskipið hefur líklega sokkið
BJÖRGUNARSKIP „Það sást ekkert til
björgunarskipsins og líklega er
það sokkið,“ segir Valgeir Elías-
son, upplýsingafulltrúi Slysavarn-
arfélagsins Landsbjargar. Björg-
unarskipið, sem er af Arun-gerð,
tók fyrir borð af flutningaskipinu
Skaftafelli í fyrrakvöld í aftaka-
veðri. Strendur voru gengnar frá
Selvogsbergi að Krísuvíkurtanga
en þangað var talið líklegast að
skipið gæti rekið. Fokker-vél
Landhelgisgæslunnar flaug
einnig yfir stórt svæði en ekkert
sást til skipsins.
Valgeir segir skipið kosta á
milli fjórtán og fimmtán milljónir,
notað. Verið var að flytja skipið
frá Englandi en það var áður í
eigu Konunglega
breska sjóbjörgunar-
félagsins. Skipið var
fest í gámafleti á þil-
fari Skaftafells, sem
var um átta sjómílur
frá Krísuvíkurbergi
á Reykjanesi þegar
brotsjór reið yfir það
rétt fyrir klukkan ell-
efu í fyrrakvöld.
Stormur og tíu til tólf
metra ölduhæð var
þegar óhappið átti
sér stað.
Einhver bið verður á að Raufar-
hafnarbúar fái nýtt björgunarskip,
en skipta átti því sem fór í sjóinn
út fyrir það gamla. ■
ALÞINGI „Landhelgisgæslan er
hornreka í fjárveitingum og er
skikkuð til þess að sinna ákveðnum
verkefnum á fjölbreyttum sviðum,
en hún er fjársvelt,“ sagði Guðjón
A. Kristjánsson, formaður Frjáls-
lynda flokksins, þegar sjúkraflutn-
ingar Landhelgisgæslunnar voru
til umræðu utandagskrár á Alþingi
í gær. Guðjón sagði óvissuástand
hafa skapast eftir að Landspítalinn
sagði upp frá 1. maí næstkomandi
samningi um þyrluvakt og ráðgjöf,
sem var í gildi milli Landspítalans
og þriggja ráðuneyta.
„Landhelgisgæslan getur boðið
upp á fljótvirkustu neyðarþjónustu
sem völ er á, bæði til sjávar og
sveita. Þörfin fyrir þyrluna og
sjúkraflutningar Gæslunnar eru
nú í uppnámi,“ sagði Guðjón.
Björn Bjarnason dómsmálaráð-
herra sagði að unnið hefði verið að
því að styrkja starf Landhelgis-
gæslunnar. Tekið yrði mið af
skýrslu sem Ríkisendurskoðun
væri að vinna um rekstur og fjár-
mál Landhelgisgæslunnar.
„Gæslan kemur víða að verki og
það er nauðsynlegt að haga störf-
um hennar á þann veg að hún sé
sveigjanleg. Það verður ekki dreg-
ið úr þeirri þjónustu eða því öryggi
sem unnt er að veita með notkun
þyrlu Gæslunnar í þágu fólksins í
landinu,“ sagði Björn.
Valdimar. L. Friðriksson, vara-
þingmaður Samfylkingarinnar,
sagði sjúkraflutningana mikilvæg-
an hlekk í öryggismálum Íslend-
inga og með uppsögn þyrluvaktar-
samnings væru öryggis- og heil-
brigðismál landsmanna enn einu
sinni komin í uppnám.
„Ráðherrar verða að hafa metn-
að til að leysa sín verkefni áður en
þau verða að vandamáli, hvað þá
lífshættulegu vandamáli eins og
hér stefnir í,“ sagði Valdimar.
Birkir J. Jónsson, Framsóknar-
flokki, lagði áherslu á að Landhelg-
isgæslan og dómsmálaráðuneytið
yrðu að komast að nýju samkomu-
lagi um sjúkraflutninga, annað væri
ólíðandi gagnvart íslensku þjóðinni.
Steingrímur J. Sigfússon, for-
maður Vinstri grænna, sagði að
Landhelgisgæslan hefði lengi búið
við fjársvelti og á engan hátt getað
beitt tækjakosti sínum eða mann-
afla sem skyldi í þágu sinna mikil-
vægu verkefna.
„Það skapast ófremdarástand 1.
maí næstkomandi ef læknar, sem
annað hafa björgunarþyrlu Gæsl-
unnar, láta af störfum eins og fyrir-
hugað er,“ sagði Steingrímur.
„Það þarf enginn að óttast að
hér ríki eitthvert tómarúm og
hættuástand vegna þessara mála.
Að sjálfsögðu verður búið þannig
um hnúta að ekki skapist óvissa,“
sagði ráðherra.
bryndis@frettabladid.is
Kynferðisafbrotamaður:
Vanaður að
eigin ósk
DALLAS, AP Fyrrum starfsmaður
kristilegu ungliðahreyfingarinnar
YMCA í Dallas, sem fundinn var
sekur um að hafa misnotað yfir
fjörutíu unga drengi, var vanaður
í fangelsi í Texas, að eigin ósk.
Texas er eina ríkið í Bandaríkjun-
um þar sem slíkar aðgerðir eru
heimilar.
David Wayne Jones var dæmd-
ur í fimmtán ára fangelsi árið
1991 en búist er við því að hann
ljúki afplánun í þessari viku.
Hann á þó yfir höfði sér málsókn
vegna fleiri kynferðisbrota og
verður því að líkindum að sitja
áfram í fangelsi að svo stöddu. ■
LÖG UM UMSKURN KVENNA Fólk
sem lætur umskera stúlkubörn bú-
sett í Bretlandi getur nú átt yfir
höfði sér allt að fjórtán ára fangelsi.
Umskurn kvenna hefur verið bönn-
uð í Bretlandi síðan árið 1985 en nú
eru gengin í gildi ný lög sem kveða
á um hertar refsingar. Lögin eiga
líka við um þá sem fara með stúlkur
úr landi til að láta umskera þær.
113 KÍLÓGRÖMM AF HERÓÍNI
Austurríska lögreglan lagði hald á
113 kíló af heróíni sem voru falin í
rúmenskum flutningabíl á leið til
Frakklands.
Þetta er mesta
magn heróíns
sem fundist
hefur í Austur-
ríki en áætlað
söluverðmæti þess er tæpir fimm
milljarðar íslenskra króna. Lög-
reglan stöðvaði flutningabílinn á
þjóðvegi í suðurhluta landsins eftir
að hafa fengið ábendingar frá
þýskum yfirvöldum. Tveir rúm-
enskir bílstjórar voru handteknir.
Grænmetisnámskeið
Verð kr. 4.900
Við kennum að versla inn hollt hráefni & elda gómsæta
& næringaríka rétti úr grænmeti, baunum & tofu, að
ógleymdum sykurlausum eftirréttum.
Kennari er Sólveig á Grænum kosti
Námskeiðsdagar í mars:
Miðvikudagur 10. mars kl. 19-23
Miðvikudagur 17. mars kl. 19-23
Skráning á námskeiðin & upplýsingar
eru á Grænum Kosti í síma 5522607
Egilsstaðir:
Bruni í útfararstofu
BRUNI Bruni varð í húsi útfarar-
þjónustu við Miðás á Egilsstöðum
um klukkan tvö síðdegis í gær.
Eldurinn kom upp í kyndiklefa
sem liggur utanvert á húsinu og
er samtengdur því með röri.
Eldurinn var mestur í þaki
hússins. Slökkvistarf tók tölu-
verðan tíma þar sem mjög hvasst
var og eldurinn náði stöðugt að
læsa sig á ný í klæðninguna. Lög-
reglan fór af staðnum um fimm-
leytið en slökkviliðið sá um að
standa vakt um húsið fram á
kvöld til öryggis.
Einn maður var við vinnu í hús-
inu og komst hann út af sjálfsdáð-
um þegar hann varð eldsins var.
Hann sakaði ekki. Töluverðar
skemmdir eru á húsinu sökum
brunans. ■
FRÁ SLÖKKVISTARFI
Mikið hvassviðri var á Egilsstöðum í gær og torveldaði það slökkvistarf. Eldurinn blossaði
upp hvað eftir annað.
DEILT UM GÆSLUNA
Dómsmálaráðherra sagði í utandagskrár-
umræðum á Alþingi í gær að ekki yrði
dregið úr þeirri þjónustu eða því öryggi
sem unnt væri að veita með notkun þyrlu
Gæslunnar í þágu fólksins í landinu.
Gæslan er fjársvelt, sagði málshefjandi,
Guðjón Arnar Kristjánsson.
TF-LÍF
Þingmenn sögðu gæsluna hornreka í fjárveitingum en hún væri skikkuð til þess að sinna ákveðnum verkefnum á fjölbreyttum sviðum.
Sjúkraflutningar
í uppnámi
Þingmenn stjórnarandstöðunnar gagnrýna stjórnvöld vegna óvissu
varðandi sjúkraflutninga Landhelgisgæslunnar. Öryggismál landsmanna
í uppnámi segir Samfylkingin. Ekkert hættuástand segir ráðherra.
■ Evrópa
BJÖRGUNARBÁTUR AF ARUN-GERÐ
Samskonar skip fór í sjóinn um átta sjómíl-
ur út af Krísuvíkurtanga þegar verið var að
flytja það frá Englandi.
Par bundið við tré:
Bjargað eftir
tíu tíma
HONG KONG, AP Óprúttnir náungar
réðust á mann og konu í almenn-
ingsgarði í Hong Kong, rændu
veskjum þeirra og farsíma og
skildu þau síðan eftir bundin við
tré. Parinu var bjargað tíu
klukkustundum síðar eftir að
þjófarnir höfðu greint móður
annars fórnarlambsins frá at-
burðunum.
Móðir mannsins varð áhyggju-
full þegar sonur hennar og
tengdadóttir mættu ekki í fjöl-
skyldumatarboð. Þegar hún
hringdi í farsíma sonarins fékk
hún þær upplýsingar að þau
hefðu verið rænd og skilin eftir
bundin við tré í almenningsgarði.
Móðirin hringdi á lögreglu sem
fann parið. Maðurinn og konan
voru með sár eftir reipið en að
öðru leyti ómeidd. ■