Fréttablaðið - 04.03.2004, Blaðsíða 14

14 4. mars 2004 FIMMTUDAGUR
BIÐLAÐ TIL KJÓSENDA
Spænski forsætisráðherrann, Jose Maria
Aznar, ávarpar stuðningsmenn sína í
spænska bænum Ceuta á norðurströnd
Afríku í gær. Þingkosningar verða á Spáni
14. mars.
Hár tollur á I-Pod tölvur:
Sala innanlands hverfandi
NEYTENDAMÁL Lítið hefur selst af
I-Pod tölvum frá Apple á Íslandi
þótt tækið hafi verið einhver vin-
sælasta jólagjöf bæði í Evrópu og
Ameríku um síðustu jól. Ástæða
þessa er að íslensk tollayfirvöld
hafa skilgreint tækið sem upptöku-
tæki, en ekki harðdisk eða lófatölvu.
Þessi skilgreining gerir það að
verkum að 32 prósenta tollur (þar af
4,5 prósent vegna stefgjalda) leggst
á verð vörunnar en tölvur og harðir
diskar bera almennt engan toll.
I-Pod er harður diskur sem býð-
ur upp á viðmót til afspilunar á tón-
list og hefur sá notkunarmöguleiki
verið í forgrunni í auglýsingum á
notagildi tækisins. Mun þetta vera
ástæða flokkunar tollayfirvalda en
forsvarsmenn Apple á Íslandi und-
irbúa málflutning til þess að fá
flokkuninni hnekkt.
„Þótt framleiðandi vöru kjósi að
draga fram einn kost fremur en
annan á það ekkert að breyta vör-
unni. Þetta er svolítið eins og bílarn-
ir sem kallaðir eru „mobile“ og inni-
halda GSM-síma séu flokkaðir sem
GSM-símar en ekki bílar,“ segir
Ólafur Hand, framkvæmdastjóri
Apple á Íslandi.
Að sögn Ólafs er flokkun ís-
lenskra tollayfirvalda á tækinu
einsdæmi í Evrópu. ■
Framkvæmdastjóri
Íslenska dansflokksins:
Ákærður
fyrir fjárdrátt
DÓMSMÁL Fyrrverandi fram-
kvæmdastjóri Íslenska dans-
flokksins hefur verið ákærður
fyrir 2,3 milljóna króna fjárdrátt
og brot í opinberu starfi á ár-
unum 1999 til 2001. Málið var
þingfest í Héraðsdómi Reykja-
víkur í gær.
Framkvæmdastjórinn er
sakaður um að hafa dregið féð
með millifærslum og útgáfu 19
ávísana og að hafa ranglega skýrt
úttekt sem launagreiðslur. Þá gaf
hann út tilhæfulausa reikninga og
dró sér greiðslur sem dansflokk-
urinn átti að fá fyrir sölu. ■
YFIRBORÐ MARS
Mars í myndum geimreiðarinnar
Opportunity.
Líf á Mars:
Lokað fyrir
veðmál
LONDON, AP Nokkrir breskir veð-
bankar eru hættir að taka við veð-
málum um hvort einhvern tíma
hafi verið líf á Mars. Ákvörðunina
tóku þeir eftir að geimreið NASA
fann ummerki þess að vatn hefði
eitt sinn verið að finna á plánet-
unni rauðu.
„Í kjölfar frétta frá NASA telj-
um við líklegt að sannanir fyrir
lífi á Mars finnst á næstu árum,“
sagði Warren Lush, talsmaður
Ladbrokes-veðbankans. Þegar
fyrirtækið byrjaði að taka við
veðmálum á áttunda áratug síð-
ustu aldar töldu þeir líkurnar á
því að sönnur finndust fyrir lífi á
Mars vera einn á móti þúsund.
Undir það síðasta voru þær einn á
móti sextán. ■
HAÍTÍ, AP Til harðra bardaga kom
milli uppreisnarmanna og vopn-
aðra fylgismanna Jean-Bertrand
Aristide, fyrrum forseta Haítí, í
La Salinas-fátækrahverfinu í höf-
uðborginni Port-au-Prince í gær.
Mikil skothríð kvað við í hverfinu
og vegfarendur reyndu að koma
sér í skjól meðan bardaginn gekk
yfir. Aristide hefur átt mikinn
stuðning meðal íbúa hverfisins.
Þá komu bandarískir hermenn í
veg fyrir að uppreisnarmenn eltu
uppi embættismenn í stjórn
Aristide þegar þeir flúðu land í
gær. Það þykir til marks um að
Bandaríkjamenn ætli að ganga
lengra í að spyrna gegn ofbeldis-
verkum en forystumenn þeirra létu
í veðri vaka þegar fyrstu friðar-
gæsluliðarnir voru á leið til Haítí.
Á líkhúsi borgarinnar fengust
þær upplýsingar að komið hefði
verið með 30 lík þangað frá því á
sunnudag. Þar með er talið að
fjöldi þeirra sem hafa látist af
völdum borgarastríðsins sé kom-
inn í 130 manns. Á líkhúsinu er
ekkert rafmagn og því ekki hægt
að frysta líkin þannig að lík af
rotnandi líkum er þar allsráðandi.
Aristide er enn í Mið-Afríku-
lýðveldinu og er óráðið hvar hann
fær hæli til frambúðar. ■
Uppreisnarmenn og stuðningsmenn Aristide börðust:
Barist í fátækrahverfi
Efasemdir um for-
gangsröðun í löggæslu
Ögmundur Jónasson spyr hvort efling sérsveita sé vísir að her. Formað-
ur fjárlaganefndar er ósáttur við undirbúning málsins. Helgi Hjörvar
vill að keyptur verði einkennisbúningur handa dómsmálaráðherra.
STJÓRNMÁL Í dag fara fram umræð-
ur utan dagskrár á Alþingi um
breyttar áherslur dómsmálaráð-
herra í löggæslumálum. Máls-
hefjandi er Ögmundur Jónasson,
þingmaður Vinstri grænna. Um-
ræðurnar koma í kjölfar frétta
um að stórefla eigi sérsveitir lög-
reglunnar. Málið var ekki kynnt
fjárlaganefnd þótt útgjaldaaukn-
ing sé því samfara.
Ögmundur segist ekki vilja
einangra umræðuna í dag við efl-
ingu sérsveita lögreglunnar. „Það
er náttúrlega engin launung á því
að Björn Bjarnason hefur verið
áhugamaður um að koma á fót ís-
lenskum her og menn spyrja eðli-
lega hvort þessi efling víkinga-
sveitarinnar er vísir að íslenskum
her,“ segir Ögmundur.
Magnús Stefánsson, Fram-
sóknarflokki, formaður fjárlaga-
nefndar, segist ekki hafa heyrt af
fyrirætlunum um eflingu sér-
sveita fyrr en í fréttum. Þetta seg-
ir hann óheppilegt og hefur gert
athugasemd vegna þessa. „Þetta
er spurning
um samskipti
manna,“ segir
Magnús.
H e l g i
Hjörvar, full-
trúi Samfylk-
ingar í fjár-
l a g a n e f n d ,
bendir á að í
fjárlögum hafi
verið gert ráð
fyrir sex
milljón króna
niðurskurð i
hjá embætti
Ríkislögreglustjóra, sem nú tekur
við auknum verkefnum. Hann
undrast þessa forgangsröðun.
„Sýslumaðurinn í Keflavík á í
engin hús að venda með hluta
starfseminnar og þarf að vera í
gámum. OECD sá ástæðu til að
vara sérstaklega við því að efna-
hagsbrotadeildin væri alvarlega
undirmönnuð,“ segir Helgi. Hann
nefnir einnig fjárhagsvanda dóm-
stóla og Landhelgisgæslunnar.
„Svo er allt í einu núna án
nokkurra heimilda hægt að
ákveða að fara í mörg hundruð
milljón króna leiðangur að því er
virðist út af áhugamálum eða
bernskudraumum eins manns,“
segir Helgi. Hann telur ekkert
hafa gerst frá samþykkt fjárlaga
sem kalli á þær aðgerðir sem nú
hafi verið kynntar af dómsmála-
ráðherra.
„Víkingasveitin, sem er góðra
gjalda verð, hefur sem betur fer
haft mjög lítil og nánast hverfandi
verkefni og það virðist því vera
augljóst að það séu mörg önnur
svið löggæslunnar sem þurfi frek-
ar eflingar við. Þá sýnist manni að
það ætti að eyða peningunum í
þau verkefni en gefa Birni bara
einkennisbúning til þess að leika
sér í,“ segir Helgi.
thkjart@frettabladid.is
Í HÖFUÐBORGINNI
Íbúar Port-au-Prince halda höndum á lofti til að sýna að þeir séu vopnlausir.
VÍKINGASVEITARMAÐUR
Ekki var haft samráð við fjárlaganefnd
áður en tilkynnt var um eflingu
sérsveita lögreglunnar. Þetta telur for-
maður nefndarinnar vera óheppilegt.
ÖGMUNDUR
JÓNASSON
Spyr hvort efling
sérsveitar sé vísir að
íslenskum her.
ÓLAFUR HAND
Ólafur segir mikið seljast af aukahlutum í
I-Pod tölvur á Íslandi, sem bendir til þess
að margir kaupi tækin í útlöndum.