Fréttablaðið - 04.03.2004, Blaðsíða 29
Kambódía heilsaði okkur meðgríðarlegum hita og raka. Við
fórum frá Saigon með báti upp
Mekong-fljótið yfir til Kambódíu,
sem er einstaklega falleg leið. Við
fórum í S-21, sem er alræmt
öryggis- og pyntingafangelsi frá
tímum rauðu Khmeranna. Þar er
talið að yfir 13.000 manns hafi
verið misþyrmt á valdatíma Pol
Pots. Að meðaltali fóru um 100
manns á hverjum degi úr S-21 yfir
á Choeung Ek (Killing Fields) sem
voru síðan líflátnir og grafnir þar
í fjöldagröfum. Þess má geta að
mestu grimmd sýndu verðir á
unglingsaldri sem pyntuðu og líf-
létu vini og ættingja án þess að
blikna. Í Choeung Ek er búið að
reisa mikið minnismerki um þá
sem voru líflátnir þar. Í yfir 140
fjöldagröfum sem búið er að opna
hafa fundist líkamsleifar nærri
9.000 manna, en þó hafa enn ekki
allar grafirnar verið opnaðar
þarna. Höfuðkúpurnar voru sett-
ar í minnismerkið sem er stór
turn, þar sem þeim var raðað eft-
ir kyni og aldri, frá gólfi og upp í
rjáfur. Það var óhugnanleg tilfinn-
ing að vera þarna og sjá þessar
grafir og ummerkin eftir þessa
helför Khmeranna gegn eigin
fólki. Það voru fyrst og fremst
menntamenn, stjórnmálamenn,
læknar og prófessorar sem týndu
lífi í miskunnarlausri herferð
Khmeranna.
Fólkið hérna í Kambódíu er
ótrúlega vinalegt þrátt fyrir að
hafa gengið í gegnum þetta helvíti
á jörð fyrir minna en 30 árum. Að
auki er Kambódía eitt jarð-
sprengjuþéttasta land í heimi,
þess bera margir íbúar glöggt
merki. Fátækt er áberandi hérna
en fólkið og sérstaklega börnin
eru glöð og stutt í brosið hjá þeim.
Með kveðju frá Kambódíu,
Þórir og Gunnar
29FIMMTUDAGUR 4. mars 2004
■ Um landið
NETPLÚS TIL KRÍTAR Plúsferðir
bjóða Netplús á 50 sætum til
Krítar í júní og júlí. Verðdæmi 5.
og 12. júlí: 39.232 kr. á mann mið-
að við að 2 fullorðnir og 2 börn
tveggja til ellefu ára ferðist sam-
an, 49.980 kr. ef 2 ferðast saman.
Innifalið er flug gisting í 7 nætur
á Skala, ferðir til og frá flugvelli
erlendis og flugvallarskattar.
Netplús er aðeins bókanlegt á
Netinu.
Tvo kílometra frá ströndinni.Íbúðir, raðhús eða einbýlishús.
Skoðið vefsíðuna www.bonalba.com.
Sendum bæklinga og verðlista.Verð frá 8 milljónum. Allt að 70%lán vextir 1% + Evrópuvextir.
Skrifstofa í versluninni Micasa Síðumúla 35
Umboðsmaður: Árni Björn Guðjónsson. Sími: 6625941 fax 5885109 e-mail micasa@mi.is
Kynnum glæsilegt íbúðarhverfi á Spáni,
BONALBA, rétt fyrir austan Alicante.
■ Út í heimStutt í brosið í Kambódíu
SKÍÐA- OG JEPPAFERÐ Útivist
efnir til skíða- og jeppaferðar um
næstu helgi, 5.-7. mars, í Land-
mannalaugar. Á
föstudagskvöld
verður keyrt í
Hrauneyjar og gist
þar. Skíðamenn
ganga frá Sigöldu í
Landmannalaugar.
Þar fara allir í bað og láta þreyt-
una líða úr sér. Á sunnudeginum
verður haldið aftur í Sigöldu og
til byggða.
KRINGUM KLEIFARVATN Á sunnu-
dag 7. mars
efnir Útivist
til göngu í
kringum
Kleifarvatn á
Reykja-
nesskaga milli
Sveifluháls og
Vatnshlíðar. Brottför er kl. 10.30
frá BSÍ. Verð kr. 1600 fyrir fé-
lagsmenn og 1900 fyrir aðra.
ÞÓRIR OG GUNNAR Í KAMBÓDÍU
Á turninum eru 8.985 hauskúpur sem
hefur verið raðað eftir kyni og aldri.
Heimsferð
GUNNAR
OG ÞÓRIR
■
skrifa ferðapistla
úr 120 daga
heimsreisu sinni.