Fréttablaðið - 04.03.2004, Blaðsíða 8

8 4. mars 2004 FIMMTUDAGUR
Þvílík vitleysa
„Það hefur ekkert breyst, bara
að bæta gæði þjónustunnar með
því að taka bíla á rekstrarleigu.
Þvílík vitleysa.“
Guðmundur Hallvarðsson þingmaður um heima-
hjúkrunardeiluna, Fréttablaðið 3. mars
Nú heldur hvað?
„Meginmarkmið einkavæðingar
ríkisviðskiptabankanna var
ekki að ná fram aukinni hag-
ræðingu, enda Íslandsbanka
ekki gefinn kostur á þátttöku í
henni.“
Bjarni Ármannsson, bankastjóri Íslandsbanka,
DV 3. mars
Betrunarvist?
„Ástandið á Litla-Hrauni er í
raun skelfilegt. Neysla er í há-
marki og tilgangsleysið enda-
laust.Vonir deyja í stórum stíl
og engar slóðir liggja til upp-
hefðar eða endurreisnar.“
Þór Sigurðsson, fangi á Litla-Hrauni,
Morgunblaðið 3. mars
Orðrétt
Húð- og kynsjúkdómadeild:
Klamidíusmitum fækkar
HEILBRIGÐISMÁL „Fimmtán til tutt-
ugu prósenta fækkun varð á
klamidíutilfellum á milli áranna
2002 og 2003,“ segir Jón Hjaltalín
Ólafsson, sérfræðingur í húð- og
kynsjúkdómum.
Jón segir ástæður fyrir fækk-
uninni geta verið að nú séu að
koma fram árgangar sem fengið
hafa fræðslu í skólunum, frá
læknanemum, um kynsjúkdóma
og varnir gegn þeim. Hann segir
húð- og kynsjúkdómadeild hafa
gert átak í að sinna sjúklingum
betur og að fleiri komi til skoðunar
en áður. Þegar smit greinist er það
rakið og þeir boðaðir í skoðun sem
hugsanlega gætu hafa smitast af
kynsjúkdómnum. Jón segir skrán-
ingu um smit og kynsjúkdóma
vera mjög góða hér á landi sem
gæti meðal annars verið ástæða
fyrir því að hlutfallslega hafi fleiri
greinst með klamidíu hér á landi
en nágrannalöndunum undanfarin
ár. Nú sé staðan hins vegar orðin
sú að hlutfall þeirra sem greinast
er á svipuðu róli og í þeim löndum
sem eru okkur næst. ■
Kerry mætir Bush
Sviðið er tilbúið og aðalleikararnir valdir fyrir forsetakosningarnar í Bandaríkjunum. John
Edwards dró sig í hlé eftir að John Kerry vann níu af tíu forkosningum demókrata í fyrrinótt.
BANDARÍKIN, AP Stríðshetjan John
Kerry etur kappi við stríðsforset-
ann George W. Bush í bandarísku
forsetakosning-
unum í nóvem-
ber. Úrslitin í tíu
forkosningum
demókrata í
fyrrinótt gull-
tryggðu það.
Kerry vann í níu
af þeim tíu ríkj-
um þar sem var
kosið. Eina ríkið
þar sem hann
vann ekki var
Vermont, þar
sem fyrrum rík-
i s s t j ó r i n n
Howard Dean
fékk flest at-
kvæði þrátt fyr-
ir að hafa dregið
sig út úr kosningarbaráttunni.
Aðalkeppinautur Kerry, John Ed-
wards, vann ekki sigur í einu ein-
asta ríki þessa örlagaríku nótt.
Þegar úrslit næturinnar lágu
fyrir dró Edwards sig í hlé og
kvaðst ánægður með hversu langt
hann hefði náð. Edwards hefur
gagnrýnt Kerry harkalega undan-
farið en var mun jákvæðari í hans
þegar ljóst var að hann yrði for-
setaefni demókrata í haust.
„Kosningabarátta hans hefur ver-
ið mjög öflug. Hann hefur verið
magnaður málsvari málefna sem
við trúum öll á; fleiri störf, betri
heilbrigðisþjónustu, hreinna um-
hverfi og öruggari heim.“
„Þessi sigur er mér mjög mik-
ils virði,“ sagði Howard Dean þeg-
ar úrslitin lágu fyrir í heimaríki
hans Vermont. Þar fékk hann tvö-
falt fleiri atkvæði en Kerry þrátt
fyrir að hafa sagt sig frá barátt-
unni tveimur vikum fyrr.
George W. Bush Bandaríkja-
forseti hringdi í Kerry þegar ljóst
var í hvað stefndi og óskaði hon-
um til hamingju með sigurinn.
Kerry sagði starfsmönnum sín-
um að hefja nauðsynlegan undir-
búning að vali á varaforsetaefni.
Helstu ráðgjafar hans sögðu
mögulegt, en ekki líklegt, að hann
útnefndi varaforsetaefni talsvert
áður en flokksþing demókrata fer
fram í júlí. ■
Aðstoðaði gyðinga:
Náðuð eftir
hálfa öld
SVISS, AP Svissneska ríkisstjórnin
hefur náðað nær áttræða konu
fyrir að hafa hjálpað gyðingum
að komast frá Frakklandi til
Þýskalands í seinni heimsstyr-
jöld. Gyðingarnir flýðu útrým-
ingarherferð nasista en Sviss-
lendingar settu lög árið 1938 sem
lokuðu landamærunum fyrir
flóttamönnum sem sættu ofsókn-
um vegna kynþáttar eingöngu.
Náðun svissnesku konunnar
byggir á nýsamþykktum lögum
þar sem þeim sem hjálpuðu
gyðingum að flýja nasista eru
gefnar upp sakir. 27 mál bíða
úrlausnar. ■
JEAN-LOUIS BRUGUIERE
Þekktur franskur dómari hefur yfirumsjón
með rannsókninni á hótunarbréfunum.
Hótunarbréf:
Sprengjur á
lestarteinum
PARÍS, AP Óþekkt samtök hafa sent
franska innanríkisráðuneytinu
fjölda bréfa þar sem þau hóta því
að koma fyrir sprengjum á lestar-
teinum í Frakklandi ef þau fái
ekki greiddar yfir fimm milljónir
Bandaríkjadala.
Eitt bréfanna leiddi yfirvöld að
sprengju sem hafði verið falin
undir lestarteinum í Frakklandi,
að sögn ónafngreindra heimildar-
manna innan lögreglunnar. Sam-
tökin sem standa á bak við bréfa-
sendingarnar kalla sig AZF en
skammstöfunin vísar til efna-
verksmiðju í suðvestanverðu
Frakklandi sem sprakk árið 2001
með þeim afleiðingum að þrjátíu
manns fórust. Rannsóknaraðilar
komust að þeirri niðurstöðu að um
slys hefði verið að ræða. ■
JÓN HJALTALÍN ÓLAFSSON
Jón segir fræðslu í skólum hugsanlega
eiga stóran þátt í að færri greinist með
klamidíu nú en áður.
FR
ÉT
TA
B
LA
Ð
IÐ
/G
VA
TILBOÐ
í öllum verslunum Kjarnans,
fimmtudag, föstudag og laugardag.
Ath. opið laugardag til kl: 16 VERIÐ VELKOMIN
Austurvegi 3-5 Selfossi
Kjarnadagar á Selfossi
Frumvarp um Lánasjóð námsmanna:
Hluti láns verði styrkur
STJÓRNMÁL Átta þingmenn Sam-
fylkingar hafa lagt fram frum-
varp um breytingu á lögum um
Lánasjóð íslenskra námsmanna
þar sem meðal annars er lagt til
að 30% lánsins breytist í styrk ef
nemandi lýkur námi á eðlilegum
tíma.
Björgvin G. Sigurðsson, frum-
flutningsmaður tillögunnar, segir
breytinguna meðal annars miða
að því að hvetja námsmenn til
þess að klára nám á eðlilegum
hraða en það sé bæði háskólum og
ríkisvaldinu dýrt ef nemendur
ílengjast mjög í námi.
„Þetta er miklu réttlátari og
betri leið til að hraða almennt
námsframvindu heldur en upp-
taka skólagjalda sem yrði til þess
að minnka verulega aðsókn að
skólanum auk þess sem það bítur
í skottið á sér þar sem lán vegna
skólagjalda yrðu til þess að heild-
arútgjöld ríkissjóðs myndu senni-
lega ekki lækka,“ segir Björgvin.
Aðrar breytingar sem lagðar eru
til er lækkun endurgreiðsluhlutfalls
úr 4,75% í 3,75% af heildarlaunum á
ári og að krafa um ábyrgðarmenn á
lánum verði afnumin. Eins er lagt til
að námslán verði greidd út mánað-
arlega en ekki í lok annar eins og nú
tíðkast. ■
SIGRI FAGNAÐ
John Kerry vann í níu af tíu ríkjum í fyrrinótt. Hann hefur unnið í 27 af 30 forkosningum til þessa og varð öruggur um tilnefningu
demókrata við brotthvarf John Edwards.
DRAUMURINN ÚTI
John Edwards náði ekki þeim árangri sem
hann vonaðist eftir og dró sig í hlé.
„Hann hef-
ur verið
magnaður
málsvari mál-
efna sem við
trúum öll á:
fleiri störf,
betri heil-
brigðisþjón-
usta, hreinna
umhverfi og
öruggari
heimur.“
BJÖRGVIN G. SIGURÐSSON
Frumflutningsmaður frumvarps um
breytingar á lögum um Lánasjóð
íslenskra námsmanna.