Fréttablaðið - 16.04.2004, Blaðsíða 2
2 16. apríl 2004 FÖSTUDAGUR
,,Ég nefnilega veit það ekki en ég
hyggst komast að því. “
Mist Rúnarsdóttir knattspyrnuþjálfari náði þeim
einstæða árangri að fá 99,5 stig af 100 möguleg-
um á þjálfaraprófi hjá KSÍ. Hún ætlar að komast
að því hvað dró hana niður.
Spurningdagsins
Mist, hvað klikkaði?
Hörð átök um völd
í Húsfélagi alþýðu
Í hörð átök stefnir á aðalfundi Húsfélags alþýðu. Tekist verður á um
hvort stjórnin eigi að öðlast „alræðisvald“ eða ekki. Í húsfélaginu eru 170
íbúðir, sem áður voru félagslegar en eru nú á frjálsum markaði.
FÉLAGSMÁL „Það hafa orðið tíð eig-
endaskipti á íbúðum sem heyra
undir Húsfélag alþýðu vegna ó-
ánægju með einræðislega tilburði
formannsins. En það þorir enginn
að segja neitt opinberlega af ótta
við að verða hreinlega lagður í
einelti,“ sögðu tveir íbúðareigend-
ur sem eru í Húsfélagi Alþýðu,
þau Árni Theódórsson og Stein-
þórunn Steinþórsdóttir.
Gríðarleg óánægja hefur verið
viðvarandi meðal hóps fólks sem
er í Húsfélagi alþýðu með þá
stjórnunarhætti, sem þar tíðkast.
Mikil óvissa er sögð ríkja meðal
íbúanna um hver séu réttindi
þeirra og skyldur. Nú hefur stein-
inn tekið úr, því á aðalfundi fé-
lagsins sem haldinn verður næst-
komandi mánudag verður lögð
fram samþykkt um starfssvið
húsfélagsins, þar sem stjórnin
öðlast „alræðisvald,“ að sögn við-
mælenda blaðsins. Samkvæmt því
nær umboð stjórnar yfir ákvarð-
anir hvað varðar útlit, heildarsvip
og samræmi húsanna, einnig til að
sinna öllu sameiginlegu viðhaldi
utan húss, viðhaldi og rekstri hita-
kerfa, sameiginlegra lagna svo og
innheimtu hita- og húsgjalda, svo
eitthvað sé nefnt.
„Stjórn Húsfélags alþýðu, og
enginn annar aðili hefur umboð
félagsmanna til að taka allar
nauðsynlegar ákvarðanir varð-
andi ofangreindan tilgang hús-
félagsins,“ segir í samþykktinni.
Í Húsfélagi alþýðu, sem stend-
ur á gömlum grunni eru hvorki
fleiri né færri en 170 íbúðir. Það
nær yfir félagslegu íbúðirnar sem
reistar voru af Byggingarfélagi
alþýðu um og eftir 1930. Þær eru
við Ásvallagötu, Hofsvallagötu,
Brávallagötu, Bræðraborgarstíg
og Hringbraut. Íbúðirnar eru
löngu komnar á frjálsan markað
en húsfélagið starfar enn af krafti.
Hinir óánægðu hafa leitað til
Húseigendafélagsins, en í álits-
gerð þess um málið, sem send hef-
ur verið til allra félagsmanna,
segir að samþykktir húsfélagsins
sem lagðar verða fram á aðal-
fundinum séu kolólöglegar. Sé
þess vænst að stjórn húsfélagsins
muni „sjá til sólar í þessu máli og
dragi þennan óskapnað til baka,“
en láti smíða aðra samþykkt, sem
standist lög, virði hagsmuni og
rétt félagsmanna og kynni það vel
og rækilega áður en það verður
borið upp til samþykktar á fundi.
Kristín Róbertsdóttir formað-
ur Húsfélags alþýðu, vildi ekki
svara spurningum blaðamanns
síðdegis í gær.
jss@frettabladid.is
MÚR Í BETLEHEM
Mannréttindaráð Sameinuðu þjóðanna
gagnrýnir harðlega byggingu öryggismúrs á
Vesturbakkanum.
Sameinuðu þjóðirnar:
Fordæma
hernám
Ísraela
GENF, AP Mannréttindaráð Samein-
uðu þjóðanna hefur fordæmt her-
nám Ísraela á Golan-hæðum í Sýr-
landi og meðferð þeirra á Palest-
ínumönnum. Ályktun þessa efnis
var samþykkt í ráðinu með yfir-
gnæfandi meirihluta atkvæða.
Í ályktuninni er fjallað um
meint mannréttindabrot Ísraela á
hernumdu svæðum Palestínu; af-
tökur, sprengjuárásir á íbúða-
hverfi og eyðileggingu heimila og
ræktarlands. Bygging öryggis-
múrs Ísraela á Vesturbakkanum
er einnig harðlega gagnrýnd.
Bandaríkin, Bretland, Ástralía,
Þýskaland, Holland, Ítalía og Ung-
verjaland greiddu atkvæði gegn
ályktuninni. ■
Fer í fangelsi:
Stal síma og
leikföngum
DÓMSMÁL Maður á fertugsaldri var
dæmdur í tveggja mánaða fang-
elsi í Héraðsdómi Reykjaness í
gær fyrir stuld á farsíma og leik-
föngum að andvirði tvo þúsund
króna. Annar mánuðurinn er skil-
orðsbundinn til þriggja ára.
Maðurinn játaði brot sín ský-
laust. Hann hefur tvisvar áður
hlotið dóm og með broti sínu nú
rauf hann skilorð í annað skipti. ■
Selfoss:
Þrír menn
handteknir
LÖGREGLUMÁL Lögreglan á Selfossi
hefur í haldi þrjá karlmenn eftir
húsleit í tengslum við innbrot í
grunnskólann í Hveragerði. Í kjöl-
far innbrotsins var gerð húsleit
hjá mönnunum. Við leit fannst
ýmis tölvubúnaður úr skólanum
sem saknað var úr skólanum.
Einnig fannst umtalsvert magn
fíkniefna í vistarverum mann-
anna. Í gær hafði ekki verið tekin
ákvörðun um hvort óskað yrði eft-
ir gæsluvarðhaldi yfir mönnun-
um. Líklegt er að fleiri tengist
málinu og rannsakað er hvort það
tengist öldu innbrota í nágrenni
Selfoss undanfarnar vikur. ■
Alls 24 mál sem tengjast hjúskap og dvalarleyfi
útlendinga rannsökuð:
Ágalli á lögum
hamlar rannsóknum
ALÞINGI Útlendingastofnun hefur á
undanförnum árum sent mál 24
einstaklinga til frekari rannsókn-
ar hjá lögreglu, að því er fram
kemur í svari dómsmálaráðherra
við fyrirspurn Bryndísar
Hlöðversdóttur, Samfylkingunni.
Bryndís spurði um það hversu
mörg mál hafi síðastliðin tíu ár ver-
ið til rannsóknar hjá Útlendinga-
stofnun eða lögreglu, þar sem rök-
studdur grunur var um hjúskap í
þeim tilgangi einum að afla dvalar-
leyfis og nauðungarhjónaband.
Útlendingastofnun hefur haft
til umfjöllunar mál 50–60 einstak-
linga á síðustu þremur árum, en
vegna ágalla á lögum hefur ekki
þótt fært að aðhafast frekar í
þeim málum. Fæst mál hafa farið
til eiginlegrar lögreglurannsókn-
ar þar sem ekki hefur tekist að
færa sönnur á að um refsivert
athæfi geti verið að ræða.
Tvö mál hafa verið tekin til
rannsóknar lögreglu þar sem
grunur er um að stofnað hafi ver-
ið til hjúskapar til að afla dvalar-
leyfis. Í fyrra tilvikinu var grunur
um skipulagða starfsemi, en rann-
sóknin náði til 26 fjölskyldusam-
banda, eða frá átján hjónum. Eftir
frumrannsókn þóttu ekki vera
fyrir hendi heimildir til að halda
rannsókninni áfram. Seinna málið
er enn til rannsóknar hjá lögreglu.
Útlendingastofnun er einungis
kunnugt um eitt tilvik þar sem því
var haldið fram að um nauðungar-
hjónaband væri að ræða. ■
BJÖRN BJARNASON
Í svari dómsmálaráðherra við fyrirspurn
Bryndísar Hlöðversdóttur um hjúskap og
dvalarleyfi segir að tvö mál hafi verið tekin
til rannsóknar lögreglu þar sem grunur er
um að stofnað hafi verið til hjúskapar í
þeim tilgangi einum að afla dvalarleyfis.
FRUMKVÖÐULL
Stytta Sigurjóns Ólafssonar af Héðni Valdimarssyni stendur við húsnæði sem hann hafði
forgöngu um byggingu á um 1930. Þessar íbúðir eru löngu komnar út úr
félagslega kerfinu, en Húsfélag alþýðu starfar þó af krafti.
Davíð Oddsson er í New York:
Ræddi við Bush um varnarmálin
STJÓRNMÁL Davíð Oddsson forsætis-
ráðherra og George W. Bush Banda-
ríkjaforseti ræddust við í síma í
gær. Þeir ræddu meðal annars um
stöðu varnarsamnings Íslands og
Bandaríkjanna og ástandið í Írak.
Davíð var í New York þar sem
hann ávarpaði aðalfund Íslensk-am-
eríska verslunarráðsins í Skandin-
avíuhúsinu. Í ræðu Davíðs fjallaði
hann meðal annars um varnarsam-
starf Íslands og Bandaríkjanna og
sagði það hafa verið farsælt. Hann
sagði þó að Ísland hefði ekki áhuga
á áframhaldandi samstarfi ef
Bandaríkin sæju sér ekki fært að
tryggja lágmarksvarnarviðbúnað á
Keflavíkurflugvelli.
Í ræðu sinni fjallaði Davíð um
einkavæðinguna á Íslandi. Hann
sagði mikilvægt að einkavæðingin
hafi verið unnin á löngum tíma og
fylgis við hana hefði verið aflað.
Þetta hafi skilað sér í því að bank-
arnir væru nú bæði framsýnir og
kraftmiklir og veittu fyrirtækjum
og heimilum í landinu góðan stuðn-
ing. Davíð sagði í ræðu sinni að
starf stjórnmálamanna væri þess
eðlis að árangur starfs þeirra gætti
oft ekki fyrr en löngu eftir að þeir
væru horfnir af vettvangi. Taldi
hann þetta sérstaklega eiga við um
frjálslynda stjórnmálamenn sem
treysta frjálsum markaði til úr-
lausnar í samfélaginu. ■
DAVÍÐ ODDSSON
Ræddi við George W. Bush Bandaríkjaforseta í síma í gær.
Málverkafölsun:
Hoff seldur
sem Kjarval
MÁLVERK Ólafur Ingi Skúlason for-
vörður lét uppboðshúsið Bruun
Rassmusen í Danmörku vita af
því að hann teldi að málverk sem
til stóð að bjóða á uppboði sem
haldið var fyrir um viku síðan
væri falsað. Eftir ábendinguna
var verkið tekið úr sölu.
„Hún var tvíseld hjá uppboðs-
húsinu Bruun Rassmusen. Fyrst
árið 1985 og síðan 1992. Þá var
hún seld sem verk eftir Mogens
Hoff svo er hún boðin aftur upp
núna sem Kjarvalsverk,“ segir
Ólafur Ingi. Hann segir Pétur Þór
Gunnarsson hafa keypt verkið
árið 1992 en það hafi verið selt
tveimur árum síðar frá Gallerí
Borg sem Kjarvalsmálverk.
Í frétt á RÚV var haft eftir
Pétri að hann kannist ekki við að
hafa keypt málverk eftir Hoff hjá
uppboðshúsinu en ónafngreindur
heimildarmaður RÚV staðfesti að
Pétur hefði keypt verk eftir Hoff
árið 1992. ■