Fréttablaðið - 16.04.2004, Blaðsíða 6
6 16. apríl 2004 FÖSTUDAGUR
GENGI GJALDMIÐLA
Bandaríkjadalur 73.93 0.64%
Sterlingspund 131.36 -0.82%
Dönsk króna 11.83 0.60%
Evra 88.05 0.57%
Gengisvísitala krónu 123,11 -0,27%
Kauphöll Íslands
Fjöldi viðskipta 377
Velta 9.038 milljónir
ICEX-15 2.660 0,22%
Mestu viðskiptin
Íslandsbanki hf. 3.663.517
Kaupþing Búnaðarbanki hf. 483.377
Pharmaco hf. 356.891
Mesta hækkun
Samherji hf. 3,85%
Össur hf 2,91%
Flugleiðir hf. 2,04%
Mesta lækkun
Líf hf -3,85%
Burðarás hf. -0,93%
SÍF hf. -0,72%
Erlendar vísitölur
DJ * 10.357,0 -0,2%
Nasdaq * 1.994,5 -1,5%
FTSE 4.505,5 0,5%
DAX 4.004,6 -0,2%
NK50 1.474,5 0,4%
S&P * 1.126,2 -0,2%
* Bandarískar vísitölur kl. 17.
Veistusvarið?
1Ítalskur maður greiddi metfé fyrir nefConcordeþotu. Hve mikið kostaði
nefið?
2Íslenska karlalandsliðið í knattspyrnuer í 60. sæti á styrkleikalista FIFA.
En hverjir eru efstir á listanum?
3Hvaða nágrannasveitarfélag Reykja-víkur vill fá sýslumannskontór í
bæinn?
Svörin eru á bls. 35
Mikil viðskipti með bréf í Íslandsbanka:
Milestone keypti fyrir 2,9 milljarða
VIÐSKIPTI Milestone, eignarhalds-
félag í eigu Karls Wernerssonar,
bankaráðsmanns í Íslandsbanka,
og systkina hans, hefur eignast
virkan eignarhlut í Íslandsbanka.
Milestone keypti 350 milljón
króna hlut í Íslandsbanka með
framvirkum samningi til 15. júlí á
genginu 8,34 eða fyrir 2,9 millj-
arða. Straumur fjárfestingar-
banki fjármagnar framvirka
samninginn. Karl Wernersson og
fjölskylda ráða nú ríflega 12%
hlut í bankanum. Fyrirvari er á
viðskiptunum um samþykki Fjár-
málaeftirlitsins. Fari eignarhlutur
í banka yfir tíu prósent kallar það
á samþykki Fjármálaeftirlitsins
sem metur hæfi viðkomandi til að
fara með virkan hlut í bankanum.
„Þetta er langtíma fjárfesting,“
segir Karl Wernersson en vill að
öðru leyti ekki tjá sig um kaupin.
Gengi bankans endaði í 8,5 á
markaði í gær og er nú komið yfir
gengi í framvirkum samningi til
1. júní sem Helgi Magnússon og
Orri Vigfússon gerðu við Lands-
bankann um kaup á stórum hlut í
bankanum. Helgi keypti bréf í
bankanum í nafni hlutafélags fyr-
ir rúma átta milljarða og gaf út
yfirlýsingu um að hann hyggðist
vinna að aðkomu fleiri fjárfesta
að eignarhlut sínum. Þá var gengi
bankans 7,7. Samkvæmt heimild-
um er ekkert nýtt að frétta af að-
komu annarra að hlut Helga, en sú
vinna er á áætlun.
Væringar voru í bankaráði
bankans á síðasta ári, en sam-
kvæmt heimildum blaðsins hef-
ur bankaráðið ásamt forstjóra
unnið að því að skerpa stefnu
bankans. ■
Vanvirða við alla araba
Palestínumenn segja að með stuðningsyfirlýsingu sinni við hugmyndir Ísraelsmanna um frið
fyrir botni Miðjarðarhafs hafi Bush Bandaríkjaforseti drepið allar samningaumleitanir
milli Ísraels og Palestínu.
PALESTÍNA „Þetta er dauðadómur
yfir friðarferlinu og hræðileg
mistök af hálfu Bandaríkja-
manna,“ segir Abbas Zaki, hátt-
settur aðili í Fata-hreyfingu Yass-
irs Arafat, vegna yfirlýsingar
Bandaríkjaforseta um fullan
stuðning við hugmyndir Ísraels-
manna um frið fyrir botni Mið-
jarðarhafs. „Þessi yfirlýsing gerir
Bandaríkjamenn ófæra um að
taka framar þátt í friðarumleitun-
um og er vanvirða við alla araba.“
Yfirlýsing George Bush Banda-
ríkjaforseta um marga og vænlega
kosti hugmynda Ariels Sharon,
forsætisráðherra Ísraels, um
framtíð lands síns hefur vakið afar
hörð viðbrögð innan Palestínu og
arabaheimsins alls. Þykir þeim
Bush hafa stigið skref afturábak í
háttvísi með nánast skilyrðislausri
aðdáun sinni á aðgerðum Sharons
enda er um mikla stefnubreytingu
að hálfu Bandaríkjamanna að
ræða. Þykir Sharon hafa unnið
stóran og óvæntan sigur með því
að fá Bush til þess að fallast á þá
friðaráætlun Ísraelsmanna sem
var hvað ósanngjörnust gagnvart
Palestínumönnum. Hann hefur
stuðning á fleiri stöðum því Bretar
og Þjóðverjar hafa einnig tekið já-
kvætt í tilögurnar.
Palestínumenn eru æfir yfir
tillögunum en þeir hafa barist fyr-
ir því að landamæri landanna
tveggja frá 1967 fái að haldi sér
en þá tilheyrði Gasa-svæðið og
Vesturbakkinn Palestínumönnum
að öllu leyti. Að mati Ísraels-
manna og nú Bandaríkjamanna,
er það útilokað og Palestínumenn
verði að gera sér grein fyrir að
forsendur hafi breyst. Ekki sé
lengur forsvaranlegt að kalla tæp-
lega hundrað þúsund ísraelska
landtökumenn af svæðum á Gasa
og Vesturbakkanum.
Meðal þess sem Bush og Sharon
hafa náð samkomulegi um er að
Ísrael haldi að mestu því landi sem
þeir hafa tekið herskildi undir ný-
lendur sínar undanfarna áratugi.
Samkvæmt því skal Ísrael draga
landnema sína til baka að mestu
leyti frá Gasa-svæðinu og frá fjór-
um stöðum á norðvesturhluta Vest-
urbakkans en halda öðrum sex eft-
ir. Einnig tekur Bush undir hug-
myndir Sharons um að leyfa
palestínsku flóttafólki ekki að snúa
aftur til síns heima en þúsundir
þeirra dvelja í nágrannalöndum.
Forsætisráðherra Palestínu,
Ahmed Qurei, sagði aldeilis ó-
ásættanlegt að Ísraelsmenn taki
sér það bessaleyfi að ráðskast
með land Palestínumanna en
Qurei hefur þótt sýna Ísraels-
mönnum mikla lipurð síðan hann
tók við embætti. Er hann alvar-
lega að íhuga að segja af sér
vegna ummæla Bandaríkjafor-
seta þar sem þeir hafa nú sett
blessun sína yfir allt það sem
Ísraelsmenn hafa gert á hlut
Palestínumanna um áratugabil.
albert@frettabladid.is
Spánn:
Vændis-
hringir
upprættir
SPÁNN. AP Lögregla á Spáni hefur
upprætt tvo stóra glæpahringi sem
sérhæfðu sig í mansali á konum til
vændis. Fórnarlömb glæpamann-
anna voru að megninu til frá fyrr-
um austantjaldslöndum á borð við
Rúmeníu og Búlgaríu. Fundust þær
margar í annarlegu ástandi í íbúð
nálægt bænum Almería og kom í
ljós að mennirnir höfðu ráð undir
rifi hverju gagnvart stúlkunum.
Mörgum var hótað líkamsmeiðing-
um ef þær höguðu sér ekki vel en
þær er verst létu voru sprautaðar
niður með eiturlyfjum. ■
SHARON OG BUSH
Ariel Sharon brosir breitt þessa dagana enda var stuðningur Bandaríkjamanna mun meiri en nokkur átti von á.
KÆRAR ÞAKKIR SHARON
Palestínumenn eru furðu lostnir og reiðir
vegna stuðningsyfirlýsinga Bush við
Ísraelsmenn.
KARL WERNERSSON
Félag í eigu hans og systkina hans er
komið með virkan eignarhlut í Ís-
landsbanka. Þau keyptu bréf í bank-
anum fyrir tæpa þrjá milljarða í gær.
FR
ÉT
TA
B
LA
Ð
IÐ
/G
VA