Fréttablaðið - 16.04.2004, Blaðsíða 19
Tískusýningu ekki sjónvarpað Undirfatafyrirtækið Victoria Secret hætti við
að sjónvarpa árlegri undirfatasýningu – meðal annars vegna látanna í kring-
um það þegar Janet Jackson beraði brjóstið í úrslitaleik ameríska fótboltans.
Aðdáendur merkisins eru fjölmargir og sakna eflaust sýningarinnar.
Sissa tískuhús
G l æ s i b æ , s í m i 5 6 2 5 1 1 0
Glæsilegar dragtir, pelsar,
samkvæmisbuxur, pils og kjólar
stærðir 10-22.
Opið virka daga 10-18.00, laugardaga 10-16.00.
Steinunn Þóra Camilla Sigurðardóttir
Með „lukkusjalið“ sem kærastinn gaf henni á Spáni.
„Ég á mér eiginlega tvær uppáhaldsflíkur,“ segir
Steinunn Þóra Camilla Sigurðardóttir, ein stúlkn-
anna í hljómsveitinni Nylon. „Annars vegar eru
yndislegir skór sem ég keypti mér á tíu pund í
Birmingham.
Ég rakst á þessa ódýru búð þegar ég var að
rölta með mömmu, þeir eru ljósir hælaskór sem
eru eins og stígvél en ná upp að ökkla. Ég nota
þessa skó við allt, þeir eru ekki of háir og ég get
skellt mér í þá án fyrirhafnar. Þeir virka hvort
sem er við stutt pils eða gallabuxur.
Hin uppáhaldsflíkin mín er spænskt senjor-
ítusjal sem kærastinn minn gaf mér. Hann keypti
það þegar við vorum í fjallabæ sem heitir Ronda á
Suður-Spáni. Ég hef alltaf farið til Spánar á hverju
sumri frá því ég var þriggja ára. Spænsk minning
er mér því mjög mikilvæg og mér fannst alveg
yndislegt að kærastinn minn skyldi gefa mér eitt-
hvað svona fallegt. Enda þykir mér mjög vænt um
sjalið og einn fallegasti gripurinn sem ég á.“
Steinunn Þóra segist því spara sjalið svolítið en
alltaf nota það ef hún fer eitthvað fínt. „Þetta er
hálfgert lukkusjal. Til dæmis þegar ég fór í idol-
prufur komst ég áfram þegar ég var með það,“
segir hún og hlær.
Steinunn Þóra segist helst kaupa sér föt erlendis.
„Mér finnst líka mjög gaman að breyta fötum en hef
lítinn tíma haft til þess undanfarið,“ segir hún og
hefur lög að mæla því hún er nú á kafi í stúdents-
prófum.
Uppáhaldsflíkin:
Senjorítu-sjal
frá kærastanum