Fréttablaðið - 16.04.2004, Blaðsíða 12
12 16. apríl 2004 FÖSTUDAGUR
ÞUNGLYNDUR SIRKUSFÍLL
Dýralæknar voru kallaðar til að með-
höndla argentínska sirkusfílinn Mesry
sem þjáðist af þunglyndi og streitu eftir
að hafa verið aðskilin frá félögum sínum
í sirkusinum í nokkra daga.
Heilbrigðisráðherra um lyfjamálin:
Vísar fullyrðingum um tvöfalt kerfi á bug
HEILBRIGÐISMÁL „Ég vísa fullyrð-
ingum um tvöfalt kerfi hinna efn-
uðu og hinna efnaminni í lyfja-
málum á bug,“ sagði Jón Krist-
jánsson heilbrigðisráðherra um
framkomna gagnrýni lyfjaheild-
sala og smásala þessa efnis vegna
ákvörðunar ráðuneytisins um að
taka upp viðmiðunarverðskrá á
lyfjum.
Ráðherra sagði ljóst, að þar
sem viðmiðunin væri við ódýrari
lyf, væru þau í langflestum tilvik-
um jafngóð. Ef fólk þyrfti af
læknisfræðilegum ástæðum aðrar
tegundir og dýrari, þá gæti það
fengið lyfjakort.
„Í öðru lagi finnst mér, í ljósi
þess að í skýrslu ríkisendurskoð-
unar er bent á gífurlegan verð-
mun á lyfjakostnaði íbúa á Norð-
urlöndum og hér, eða allt upp í
48%, að apótekin hljóti að hafa
einhverja sveigju í sínum rekstri,
án þess að ganga út frá því fyrir-
fram að afslættirnir til sjúkling-
anna verði skornir niður.“
Ráðherra sagði, að kröfur þær
sem gerðar væru til apóteka um
húsnæði og fjölda lyfjafræðinga
yrðu teknar til athugunar í tengsl-
um við heildarendurskoðun lyfja-
laganna. ■
Forsendur fyrir lækkun
lyfjaverðs eru brostnar
Forsendur samkomulags lyfjaheildsala og lyfjaverðsnefndar um lækkaða álagningu á lyfjaverði
eru brostnar, segir formaður lyfjahóps Félags íslenskra stórkaupmanna. Ástæðan er ákvörðun
stjórnvalda um viðmiðunarverð samanburðarlyfja.
HEILBRIGÐISMÁL „Við náðum sam-
komulagi við lyfjaverðsnefnd, að
ákveðnum gefnum forsendum,
sem voru meðal annars að viðmið-
unarverðskrá samanburðarlyfja
yrði ekki tekin upp. Þetta gerðum
við eftir að hafa samið við lyfja-
fyrirtækin úti um ákveðna verð-
lækkun. Ef stjórnvöld ætla að
standa við ákvörðun sína um við-
miðunarverðskrána, þarf að end-
urskoða þetta samkomulag.“
Þetta sagði Guðrún Ýr Gunn-
arsdóttir, formaður lyfjahóps Fé-
lags íslenskra stórkaupmanna.
Lyfjahópurinn sendi frá sér
skýrslu í gær þar sem ákvörðun
stjórnvalda um viðmiðunarverð
samanburðarlyfja er harðlega
gagnrýnd. Guðrún Ýr benti á, að
slíkt kerfi væri hvergi notað á
hinum Norðurlöndunum nú. Það
hefði verið notað í Noregi í sjö ár,
en lagt niður 2000 því ekki hefði
reynst neinn sparnaður af því
vegna þess að því hefði fylgt mik-
ill kostnaður og utanumhald.
„En við höfum mestar áhyggj-
ur af meðferðaröryggi sjúklinga,
þar sem verið er að búa til tvöfalt
kerfi,“ sagði Guðrún Ýr. „Annað-
hvort hefur fólk efni á því að vera
í bestu meðferð eða það verður að
taka þá ódýrustu. Þó lyf séu flokk-
uð saman í flokk, þá eru þau ekki
endilega með nákvæmlega sama
verkunarsvið. Fólk er erfðafræði-
lega mismunandi, þannig að það
sem hentar einum passar ekki
endilega öðrum. Lyfjaþróun til
framtíðar hefur beinst að því að
einstaklingssníða meðferð eftir
því sem kostur er, í stað þess að
sjúklingar séu í einhverjum
meðaltalsstaðli sem hentar alls
ekki öllum.
Við sjáum ekki að viðmiðunar-
verðskrá verði til þess auka verð-
samkeppni á markaðinum. Við
erum með ákveðið verð skráð,
sem fyrirtækin úti viðurkenna
hér. Þó að nýtt kerfi verði tekið
upp mun það ekki hafa nein áhrif
til frekari verðlækkunar.“
Guðrún Ýr sagði enn fremur,
að með þessu kerfi væri verið að
taka völdin út höndum lækna. Þeir
þyrftu að hugsa meira um kostnað
heldur en það sem væri best fyrir
sjúklinginn, sem væri mjög var-
hugavert. Hvað varðaði lyf sem
væru með svipaða samþykkta
notkun, en ekki nákvæmlega eins,
þá væri það svo, að ef læknir ávís-
aði lyfi, sem veitt hefði verið
markaðsleyfi fyrir, en með sam-
þykkta notkun eða í skammta-
stærðum sem ekki væru í sam-
ræmi við markaðsleyfið, þá tæki
hann þar með á sig sérstaka
ábyrgð gagnvart viðkomandi
sjúklingi. Það þyrfti hann ekki að
gera ef hann ávísaði lyfinu ein-
ungis með tilliti til samþykktar
notkunar. Þá væri ábyrgðin lyfja-
fyrirtækisins.
Guðrún Ýr sagði, að þetta mál
væri ekki til lykta leitt, en aðilar
myndu ræðast við á næstu dögum.
jss@frettabladid.is
– hefur þú séð DV í dag?
Gaui litli
fórnarlamb
raðbílaþjófs
Blóðugt stríð milli eiturlyfjagengja í brasilísku fátækrahverfi:
Yfirvöld íhuga að kalla út herinn
RIO DE JANEIRO, AP Brasilískur eitur-
lyfjabarón féll í skotbardaga við
lögreglu í skógi skammt frá stærsta
fátækrahverfi Rio de Janeiro. Yfir-
völd í Brasilíu íhuga að kalla út her-
menn til að aðstoða lögreglu við að
uppræta glæpastarfsemi í hverfinu
og stilla til friðar
Lögreglan gerði eiturlyfjabarón-
inum Luciano Barbosa da Silva, sem
gengur undir nafninu Lulu, fyrirsát
í skóglendi skammt frá Rochina-
hverfinu. Skotbardagi braust út og
voru Lulu og ónafngreindur félagi
hans skotnir til bana. Að sögn lög-
reglu fannst mikið magn skotfæra á
heimili da Silva, fjögurra hæða
íburðarmiklu einbýlishúsi með út-
sýni yfir fátækrahverfið.
Lögreglan gerði áhlaup á
Rochina-hverfið síðastliðinn
föstudag þegar blóðugt stríð
braust út milli tveggja eiturlyfja-
gengja. Tveir lögreglumenn, sjö
eiturlyfjasalar og þrír óbreyttir
borgarar féllu í átökum lögreglu
og eiturlyfjagengja yfir páskana.
Um 1.300 lögreglumenn hafa verið
á vakt í hverfinu síðan á mánudag
en hugsanlegt er að herinn verði
kallaður til. ■
STUÐNINGSMENN FORSETANS
SIGRUÐU Uri, flokkur frjáls-
lyndra, fékk
hreinan meiri-
hluta í þingkosn-
ingunum í Suð-
ur-Kóreu. Frjáls-
lyndir munu nú
ráða yfir meiri-
hluta þingsæta í
fyrsta sinn í
fjóra áratugi. Uri-flokkurinn er
hliðhollur forseta landsins, Roh
Moo-hyun sem kærður hefur ver-
ið fyrir brot á kosningalöggjöf-
inni. Mál Roh verður tekið fyrir
hjá stjórnarskrárdómstól Suður-
Kóreu í september.
TALIBANAR SKUTU NÍU MANNS
TIL BANA Vígamenn úr röðum
talibana felldu lögregluforingja
og að minnsta kosti átta afganska
hermenn í umsátri í suðurhluta
Afganistan. Árásarmennirnir,
sem voru vopnaðir vélbyssum og
rifflum, hófu skothríð á herjeppa
á þjóðvegi í Zabul-héraði. Her-
mennirnir skutu einn árás-
armannanna en allir sem í bílnum
voru létu lífið.
Árásir skæruliða í
Tsjetsjeníu:
Tíu her-
menn felldir
RÚSSLAND, AP Tíu rússneskir her-
menn féllu fyrir hendi skæruliða í
Tsjetsjeníu í gær og fyrradag.
Fimm hermenn létust og átta
særðust þegar uppreisnarmenn
skutu sprengikúlum á eftirlits-
stöðvar víðs vegar í Tsjetsjeníu.
Fimm hermenn til viðbótar voru
skotnir til bana og níu særðust í
átökum við skæruliða í Vedeno-
héraði og Shatoi-héraði.
Rússneski herinn hefur undan-
farna daga leitað að uppreisnar-
mönnum sem skutu til bana sjö
lögreglumenn í þorpinu Iskhoi-
Yurt. Yfir 220 menn voru hand-
teknir í gær í fjallahéruðum í suð-
urhluta Tsjetsjeníu. ■
JÓN KRISTJÁNSSON
Apótekin hljóta að hafa svigrúm.
■ Asía
STRÍÐ Í FÁTÆKRAHVERFI
Yfir 1.300 lögreglumenn eru á vakt í Rocinha-hverfinu í Rio de Janeiro.
LYFJASLAGUR
Ákvörðun stjórnvalda um viðmiðunarverð lyfja hefur verið harðlega gagnrýnd, bæði af heildsölum og smásölum, sem telja að með því sé
verið að koma á tvöföldu kerfi.