Fréttablaðið - 16.04.2004, Blaðsíða 10

10 16. apríl 2004 FÖSTUDAGUR
■ Asía
ÍRANAR MÓTMÆLA Í LUNDÚNUM
Írönsk börn taka þátt í mótmælaaðgerðum
fyrir utan sýrlenska sendiráðið í Lundún-
um. Í gær var ár liðið frá því að tveir
íranskir stjórnarandstæðingar voru hand-
teknir í Sýrlandi og framseldir til Íran.
Frumvarp um erfðafjárskatt:
Nýtt ákvæði á að taka af öll tvímæli
ALÞINGI Meirihluti efnahags- og við-
skiptanefndar Alþingis hefur lagt
fram frumvarp um erfðafjárskatt,
en í því er að finna bráðabirgða-
ákvæði þar sem leitast er við að
taka af öll tvímæli hvað varðar laga-
skil milli eldri og nýrri laga um
erfðafjárskatt. Hinn 1. apríl síðast-
liðinn tóku gildi ný lög um erfða-
fjárskatt, en eftir setningu laganna
hafa vaknað spurningar um það
hvort kveðið sé á um það með nægi-
lega skýrum hætti hvaða reglur
gildi um skipti á dánarbúum þeirra
sem önduðust fyrir 1. apríl 2004, í
þeim tilvikum sem ekki er heimild
til setu í óskiptu búi.
„Með frumvarpinu er kveðið á
um að lögin um erfðafjárskatt gildi
um skipti á dánarbúum þeirra sem
önduðust fyrir 1. apríl 2004. Gildir
það hvort sem þau búskipti eru haf-
in eða ekki. Frá þessu er þó sú und-
antekning að nýju lögin taka til bú-
skipta þeirra er hafa heimild til setu
í óskiptu búi, þótt andlát hafi verið
fyrir 1. apríl 2004, fari búskiptin
ekki fram fyrr en eftir gildistöku
laganna,“ segir í greinargerð. ■
Samband
lögreglumanna:
Formaðurinn
endurkjörinn
FÉLAGSMÁL Óskar Bjartmarz var á
miðvikudag endurkjörinn sem
formaður Landssambands lög-
reglumanna á landsþing sam-
bandsins sem lauk í Munaðarnesi
í gær.
Alls tóku 39 fulltrúar á þinginu
þátt í atkvæðagreiðslunni eftir að
frambjóðendur höfðu kynnt
áherslur sínar. Óskar hlaut 27
atkvæði gegn tólf atkvæðum
Berglindar Eyjólfsdóttur.
Berglind var síðar kjörin í
stjórn Landssambands lögreglu-
manna samkvæmt tillögu upp-
stillingarnefndar. ■
YFIR 1000 MÓTMÆLENDUR
HANDTEKNIR Lögreglan í
Katmandu, höfuðborg Nepals,
handtók á annað þúsund manns
sem hrópuðu
slagorð gegn
konungi
landsins og
kröfðust
þess að lýð-
ræði yrðu
endurvakið.
Á meðal
þeirra sem teknir voru höndum
var fyrrum forsætisráðherra
Nepal, Girija Prasad Koirala. Ein-
ræðisstjórn hefur farið með völd-
in í Nepal síðan konungurinn rak
þingið og ríkisstjórnina árið 2002.
MANNSKÆÐUR HVIRFILBYLUR Að
minnsta kosti 48 manns fórust og
hundruð slösuðust þegar hvirfil-
bylur fór yfir norðurhluta
Bangladesh. Þúsundir misstu
heimili sín þegar bylurinn hreif
með sér kofa í sveitaþorpum í
héruðunum Netrokona og My-
mensingh. Björgunarmenn segja
að tala látinna eigi eftir að hækka
verulega þar sem tuga er enn
saknað og margir eru alvarlega
slasaðir.
ALÞINGI
Pétur Blöndal og fleiri í meirihluta
efnahags- og viðskiptanefndar Al-
þingis hafa lagt fram frumvarp með
bráðabirgðaákvæði sem tekur af öll
tvímæli hvað varðar lagaskil milli
eldri og nýrri laga um erfðafjárskatt. FR
ÉT
TA
B
LA
Ð
IÐ
/G
VA
Í fallinu lamdi ég höfðinu viðvegg og meiddist við það í and-
liti, fékk glóðarauga og skrámur.
Ég rankaði við mér við það að
maður var að stumra yfir mér og
hljómaði mjög áhyggjufullur, en
þá hafði ég algjörlega misst
sjón,“ segir Helga Kristín Auð-
unsdóttir, 24 ára nemi í viðskipta-
lögfræði, og segir að lyfi hafi ver-
ið laumað í drykk hennar á
skemmtistað í Reykjavík aðfara-
nótt annars í páskum.
Samkvæmt upplýsingum frá
lögreglu er það vitað að lyf eru
sett í drykki hjá kvenfólki á
skemmtistöðum þegar þær leggja
frá sér glasið. Tilgangurinn er
koma stúlkunum í annarlegt
ástand, koma þeim út af skemmti-
stöðunum með því að láta líta út
fyrir að þær séu ofurölvi og mis-
nota þær síðan. Menn þykist vera
vinir fórnarlambanna að hjálpa
þeim heim.
Tvö lyf sem notuð hafa verið í
þessum tilgangi eru þekkt hér á
landi, annars vegar svefnlyfið
rohypnol, sem er lyfseðilskylt og
hins vegar eiturlyfið smjörsýra.
Rohypnol er í pilluformi en
smjörsýra í vökvaformi. Tölu-
verð umræða var um smjörsýru í
fjölmiðlum fyrir fáeinum árum í
kjölfar nauðgunartilviks á úti-
hátíð á Eldborg þar sem talið er
að það hafi verið notað.
Misstu rænu og muna lítið
Stúlkurnar fimm sem Frétta-
blaðið ræddi við sluppu þó vel og
var komið heim af vinum. Þær
eiga það allar sameiginlegt að
hafa ekki neytt mikils áfengis
kvöldið sem atvikið átti sér stað,
en þó fengið sér drykk á
skemmtistað og lagt hann frá sér
í einhverja stund. Þær lýsa því
hvernig þeim fór allt í einu að líða
mjög undarlega, og segjast gera
kláran greinarmun á þeirri líðan
og því hvernig það lýsir sér að
neyta of mikils áfengis. Allar
misstu þær rænu og muna lítið
eða ekkert eftir atvikinu, en tvær
þeirra slösuðust við fallið, önnur
þeirra töluvert.
Atvikin áttu sér stað á þremur
skemmtistöðum á mismunandi
tímum. Lögreglan segir að talið
sé að atvik sem þessi gerist víða
og séu ekki bundin við ákveðna
staði.
Auðbjörg Þóra Óskarsdóttir,
23 árs sálfræðinemi, og Helga
Kristín lentu báðar í því aðfara-
nótt annars í páskum að líða
mjög undarlega eftir að hafa
fengið sér einungis einn drykk á
staðnum.
Helga Kristín lýsir skyndi-
legri vanlíðan; hún fór að sjá
óskýrt og hrundi síðan niður.
„Mér tókst þó að finna vinkonu
mína sem var nálæg og dauðhélt í
höndina á henni meðan hún var að
koma mér heim. Ég heyrði það
sem sagt var, þekkti raddirnar, en
sá ekki neitt,“ segir Helga Krist-
ín.
Auðbjörg kannaðist við ein-
kennin hjá sér því hún telur sig
hafa lent í því áður að hafa verið
byrlað lyf á skemmtistað. Hún
segir að vinur hennar hafi lýst
því fyrir sér næsta dag í hvernig
ástandi hún hafi verið en sjálf
man hún ekkert.
„Hann þekkir mig vel og vissi
um leið að ég var ekki drukkin.
Ég hefði ekki getað hreyft
legg né lið ef ein-
hver ann-
a r
en hann hefði komið að mér,“ seg-
ir hún. Vinurinn kom henni heim í
leigubíl, þurfti að bera hana inn í
hús og lét síðan foreldra hennar
vita af því sem gerst hafði.
Engar sannanir að fá
Þær segjast báðar afar fegnar
að hafa komist heim heilu á
höldnu og vilja hvetja stúlkur til
þess að passa vel upp á drykkina
sína, láta þá aldrei frá sér og
þiggja aldrei drykk frá öðrum.
Enn fremur segja þær afar mikil-
vægt að sjá til þess að vinkonur
verði ekki viðskila og stúlkur
ættu aldrei að fara einar heim því
áhrifin af lyfjunum hellist yfir
mjög skyndilega. Þær segja jafn-
framt að eftir að hafa sagt vinum
frá því sem gerðist hafi fjöldi
stúlkna sagt þeim frá því að sama
hafi komið fyrir þær eða vinkon-
ur þeirra.
Helga Kristín segir frá því að
hún hafi farið upp á Borgar-
spítala næsta dag í von um að
hægt væri að taka blóðprufu og
mæla hvort henni hefði verið gef-
ið lyf.
„Þar fékk ég þau svör að þessi
próf væru ekki gerð því þau væru
of dýr,“ segir Helga. Hún segist
því hafa ákveðið að kæra málið
ekki til lögreglu, því hún hefði
engar sannanir fyrir því hvað
gerst hafði.
Kjálkabrotnaði og
braut sex tennur
Lilja Jónsdóttir, 21 árs sál-
fræðinemi, fór á skemmtistað
á útskriftardaginn sinn 20.
desember síðastliðinn. Þar
fékk hún sér einn bjór, en
hafði aðeins drukkið
einn drykk fyrir. Hún
lýsir sömu einkennum og Auð-
björg og Helga og bað vinkonu
sína að koma með sér heim þegar
henni fór að líða mjög illa. Þegar
þær fóru út af skemmtistaðnum
dettur hún svo harkalega niður,
fellur beint fram fyrir sig og á
hökuna. Hún kjálkabrotnaði svo
illa við fallið að kjálkabeinin
gerðu göt á eyrnagöngin og
blæddi verulega úr eyrunum á
henni. Hún braut sex tennur og
sauma þurfti sjö spor í skurð á
hökunni.
„Það var ekki eins og ég væri
að lyppast niður í yfirliði heldur
stífnaði ég öll upp áður en ég
datt,“ segir hún.
Henni var komið á bráðamót-
töku þar sem gert var að meiðsl-
um hennar. Hún segir að læknir
sem skoðaði hana hafi talið lík-
legt að henni hefði verið byrlað
lyf því einkennin bentu öll til
þess. Ekki var þó tekin blóðprufa
til að sannreyna hvort um það
hefði verið að ræða.
Hún segist mjög slegin yfir
atvikinu og gæta þess vel síðan að
leggja aldrei frá sér drykki og
vari sífellt aðra við því.
Á morgun verður rætt við for-
svarsmenn skemmtistaðanna
sem stúlkurnar voru á þegar
þeim var byrlað lyfið. Þeir segj-
ast ætla að grípa til sérstakra úr-
ræða til að reyna að fækka tilfell-
um sem þessum. Einnig verður
rætt við talsmann Stígamóta um
tilvik þar sem konum sem telja að
sér hafi verið gefið lyf hefur ver-
ið nauðgað. ■
Fréttaskýring
SIGRÍÐUR D. AUÐUNSDÓTTIR
OG TRAUSTI HAFLIÐASON
■ skrifa um nauðgunarlyf.
– hefur þú séð DV í dag?
Davíð
skrifaði undir
skipunarbréf
náfrænda síns
Nauðgunarlyf í drykki
Fimm stúlkur sem Fréttablaðið ræddi við segja að þeim hafi verið byrlað nauðgunarlyf á skemmtistað.
Þær misstu rænu. Tvær slösuðust við fall, önnur þeirra kjálkabrotnaði og missti tennur.