Fréttablaðið - 13.06.2004, Blaðsíða 6

6 13. júní 2004 SUNNUDAGUR
Áratug eftir fjöldamorðin í Srebrenica:
Bosníu-Serbar viðurkenna
fjöldamorðin í fyrsta sinn
SARAJEVO, AP Háttsettir Bosníu-
Serbar hafa nú í fyrsta sinn viður-
kennt að hersveitir á þeirra veg-
um hafi framið fjöldamorð á um
8.000 múslimum í borginni Srebr-
enica í júlí árið 1994 þegar borg-
arastríðið í fyrrverandi Júgó-
slavíu stóð sem hæst. Þetta kemur
fram í nýrri rannsóknarskýrslu
óháðra aðila.
Srebrenica var á þessum tíma
einn af svokölluðum griðastöðum
Sameinuðu þjóðanna á svæðinu og
gættu hollenskir friðargæsluliðar
borgarinnar. Hersveitir Bosníu-
Serba hertóku borgina hins vegar
mótspyrnulaust og á næstu dög-
um á eftir hurfu um 8.000 karl-
menn og ungir drengir sporlaust.
Alþjóðlegur stríðsglæpadómstóll í
málefnum fyrrum Júgóslavíu hef-
ur lýst því yfir að þarna hafi ver-
ið framið þjóðarmorð en þar til nú
hafa Bosníu-Serbar ekki viljað
viðurkenna sök sína í málinu.
Í fyrra skipuðu stjórnvöld
Bosníu-Serba óháða rannsóknar-
nefnd lögfræðinga og dómara til
að rannsaka atburðina í Srebr-
enica og samkvæmt skýrslunni
liggur nú fyrir að ráðamenn hafa
viðurkennd ábyrgð Bosníu-Serba
á fjöldamorðunum. Í Bosníustríð-
inu, sem stóð frá 1992 til 1995,
féllu 250 þúsund manns. ■
Kostnaður hugsan-
lega ofmetinn
Kostnaður við þjóðaratkvæðagreiðslu um fjölmiðlalögin nær líklega
ekki 50 milljónum. Forsætisráðherra sagði við fjölmiðla að gera ætti ráð
fyrir 100-200 milljóna króna kostnaði vegna málsins.
ÞJÓÐARATKVÆÐI Samkvæmt út-
reikningum Fréttablaðsins nær
kostnaður við þjóðaratkvæða-
greiðslu um fjölmiðlalögin ekki
fjörutíu milljónum. Forsætisráð-
herra hefur sagt við fjölmiðla að
hann telji að kostnaðurinn muni
verða á bilinu 100-200 milljónir.
Þegar hann var beðinn að útskýra
þá tölu nánar sagði hann að þar
kæmi inn í prentunar- og dreifing-
arkostnaður við frumvarpið.
Samkvæmt upplýsingum frá
Hagstofu Íslands eru um 213 þús-
und manns á kjörskrá. Prentsmiðj-
an Gutenberg prentar töluvert af
efni fyrir Alþingi. Þar fengust þær
upplýsingar að kostnaður við
prentun frumvarpsins í 213 þús-
und eintökum væri rúmar sjö
hundruð þúsund krónur.
Kostnaður við dreifingu frum-
varpsins til allra kosningabærra
manna með Íslandspósti myndi
nema um 6,7 milljónum.
Í síðustu fjárlögum er gert ráð
fyrir tæpum 27 milljónum vegna
forsetakosninganna í sumar. Gera
má ráð fyrir að kostnaður vegna
þjóðaratkvæðagreiðs lunnar
sjálfrar verði svipaður enda um
mjög sambærilegt fyrirkomulag
að ræða. Aðeins er prentaður einn
kjörseðill og kosið er um hið sama
í öllum kjördæmum ólíkt því sem
gert er í alþingiskosningum eða
sveitarstjórnarkosningum.
Samtals nemur kostnaðurinn
því um 34,4 milljónum króna.
Fréttablaðið hafði samband við
forsætisráðuneytið vegna þessa
máls. Spurt var hvaða aðrir þætt-
ir kæmu inn í kostnað vegna þjóð-
aratkvæðagreiðslunnar en prent-
un og dreifing frumvarpsins auk
kostnaðs vegna atkvæðagreiðsl-
unnar sjálfrar. Ekki fengust nein-
ar frekari upplýsingar frá ráðu-
neytinu og vildi Kristján Andri
Stefánsson deildarstjóri ekki tjá
sig um málið að svo stöddu. Fyrst
yrði nefnd sem stofnuð var til
undirbúnings lagasetningar um
þjóðaratkvæðagreiðslu að skila
áliti sínu.
sda@frettabladid.is
Grunaður um ölvun:
Keyrði út í
tjörn
UMFERÐARSLYS Betur fór en á horfð-
ist þegar bíll keyrði út í tjörn rétt
fyrir utan Flateyri á fimmta tíman-
um í fyrrinótt.
Að sögn Lögreglunnar á Ísafirði
fór allur bíllinn í kaf og tókst öku-
manninum með naumindum að
koma sér út úr bílnum. Hann þykir
hafa sloppið ótrúlega vel og er lítið
lemstraður. Slökkviliðið á Ísafirði
náði bílnum á flot í gærmorgun og
er hann mikið skemmdur ef ekki
ónýtur. Bílstjórinn sagði að sauðfé
hafi hlaupið í veg fyrir bílinn með
þessum afleiðingum en lögreglan
grunar hann um ölvunarakstur.
Málið er í rannsókn. ■
MÆTT Á KJÖRSTAÐ
Kjósendur fengu frið en ráðist var á lög-
reglumenn.
Kosningaóeirðir:
Ráðist á
lögreglu
NORÐUR-ÍRLAND, AP Kaþólsk ung-
menni réðust að lögreglu vopnuð
bensínsprengjum, múrsteinum,
grjóti og blöðrum fylltum af máln-
ingu.
Árásin var gerð þegar lögreglu-
mennirnir fluttu atkvæði sem voru
greidd í Belfast til talningar. Nokkr-
ar bifreiðar skemmdust í árásinni en
einu meiðslin voru þau að einn kosn-
ingastarfsmaður skarst á fingri.
Gerry O’Hara, bæjarstjóri í
Belfast, sagði árásir sem þessar
nokkurs konar hefð. Ráðist hefur
verið á lögreglumenn við flutning at-
kvæðakassa við nær allar kosningar
frá því á níunda áratugnum. ■
VEISTU SVARIÐ?
1Í hvaða stofnun á Akureyri kom eldurupp í fyrrakvöld?
2Hvaða frambjóðandi til embættis for-seta Íslands hélt um helgina framboðs-
fund í Kaupmannahöfn?
3Evrópukeppnin í fótbolta hófst í gærog mun hún standa fram í júlíbyrjun.
Hvar fer keppnin fram?
Svörin eru á bls. 38
H
V
ÍT
A
H
Ú
SI
Ð
/
S
ÍA
Flott dagbók fyrir
hressar galdrastelpur,
stútfull af alls kyns
skemmtilegu efni og
dagbók frá og með
1. júlí '04 til 30. júní '05.
Mögnuð dagbók!
Bætiefni í Bónus:
Sýslumaður
setur lögbann
LÖGBANN Sýslumaðurinn í Reykja-
vík hefur sett lögbann við sölu á
bætiefninu Life Extension sem
heildverslunin Arnarvík ehf. hefur
selt til verslana Bónus undanfarnar
vikur. Heildsalan Celsus heilsu- og
hjúkrunarvörur ehf. krafðist lög-
bannsins, en hún hefur í nokkur ár
flutt inn vörur undir sama heiti og
telur sig hafa öðlast vörumerkja-
vernd á heitinu og umbúðum var-
anna. Arnarvík ehf. er, með lög-
banninu, óheimilt að flytja inn og
selja bætiefni undir þessu nafni.
Bónus hefur hætt að selja vöruna í
verslunum sínum. ■
Ástralía:
Hneyksli skek-
ur stjórnvöld
ÁSTRALÍA Fyrir þrettán árum síðan
var sú ákvörðun tekin af áströlskum
stjórnvöldum að láta almenning ekki
vita að blóð í blóðbönkum á ákveðn-
um svæðum í landinu væri líklega
sýkt af lifrarbólgu C.
Afleiðingar þessa eru að yfir 20
þúsund manns hafa smitast af veir-
unni og eru aðeins átta þúsund þeirra
enn á lífi. Hefur enn fremur komið
fram að vegna lélegra gagnaskráa
margra sjúkrastofnana í landinu séu
líkur á að mun fleiri séu sýktir en viti
ekki af því. Áströlsk stjórnvöld hafa
beðist afsökunar en vísa á bug öllum
hugmyndum um skaðabætur af neinu
tagi. ■
Kvennastyrkur:
Áhorfandinn
verðlaunaður
LISTSKÖPUN Guðrún Vera Hjartar-
dóttir hlaut 250 þúsund króna styrk
fyrir framlag sitt til myndlistar úr
minningarsjóði Guðmundu S. Krist-
insdóttur frá Miðengi. Sjóðnum er
ætlað að efla og styrkja listsköpun
kvenna og var afhentur við opnun
Listasafns Reykjavíkur í Hafnar-
húsinu í gær.
Listamaðurinn Erró stofnaði
sjóðinn í minningu Guðmundu
frænku sinnar sem arfleiddi hann
að húsi sínu að Freyjugötu 34. And-
virði íbúðarinnar er uppistaða
sjóðsins og er árlega veitt úr hon-
um, nú í sjöunda sinn. Umsjón með
sjóðnum hafa Reykjavíkurborg og
Errósafn. ■
KOSTNAÐUR VIÐ ATKVÆÐAGREIÐSLUNA SVIPAÐUR OG Í FOR-
SETAKOSNINGUM
Kostnaður vegna atkvæðagreiðslu: 27 milljónir
Kostnaður vegna prentunar frumvarps: 700 þúsund
Kostnaður við dreifingu frumvarps á 213.000 heimili: 6,7 milljónir
Samtals: 34,4 milljónir
DAVÍÐ ODDSSON
Davíð sagði að loknum samráðsfundi um þjóðaratkvæðagreiðslu á þriðjudag að kostnað-
urinn næmi á bilinu 100-200 milljónir. Hugsanlega hefur það verið ofmetin upphæð því
kostnaður við atkvæðagreiðsluna og prentun og dreifingu frumvarpsins er rúmar 34
milljónir króna.
FR
ÉT
TA
B
LA
Ð
IÐ
/G
VA
FYRIR STRÍÐSGLÆPADÓMSTÓLNUM
Bosníu-Serbinn Radislav Krstic er einn af
herforingjunum sem þurft hefur að svara
til saka fyrir glæpina í Bosníustríðinu.
ÁHORFANDI, 1996
Verk Guðrúnar Veru
Hjartardóttur. Hún
hlaut styrk úr sjóði
Guðmundu S. Krist-
insdóttur að upphæð
250 þúsund fyrir
framlag sitt til mynd-
listar.