Fréttablaðið - 13.06.2004, Page 14
Kaka og kannski EM
Á þessum degi fyrir 2.327 árum dó
Alexander mikli. Alexander var
þekktur fyrir ótrúlega herkænsku
en veldi hans náði frá austanverðu
Miðjarðarhafi til Indlands. Hann
var aðeins 33 ára þegar hann dó í
Babýlon, þar sem Írak er nú.
Hann var sonur konungsins
Filippusar II og drottningarinnar
Ólympíu. Hann hlaut menntun
undir handleiðslu hins heims-
þekkta heimspekings Aristóteles-
ar og herþjálfun hjá föður sínum.
Er hann var 16 ára leiddi hann í
fyrsta sinn hermenn sína í orrustu
og tveimur árum seinna stjórnaði
hann stórum hluta af her föður
síns sem vann stóra orrustu sem
leiddi til þess að Grikkland lenti
undir stjórn Makedóníu. 336 fyrir
Krist var Filippus II drepinn og
Alexander var krýndur konungur.
Þrátt fyrir að Alexander hafi
stjórnað stærsta heimsveldi í sög-
unni fór hann af stað með nýja
herferð er hann sneri aftur frá
Persíu. Árið 327 f.Kr. hafði hann
náð undir sig Afganistan, Mið-
Asíu og norðanverðu Indlandi.
Næsta ár var her hans orðinn upp-
gefinn eftir átta ár af bardögum
og neitaði hann að fara lengra.
Alexander valdi erfiða leið í heim-
förinni og hélt í gegnum Markan-
eyðimörkina. Þegar loks var kom-
ið til Babýlon hóf Alexander
skipulagningu og byggingu flota
til að flytja herinn til Egyptalands.
En í júní 323 f.Kr. þegar vinnunni
við skipin var að ljúka varð Alex-
ander veikur eftir langa matar-
veislu og kappdrykkju. Hann dó
stuttu seinna. ■
ALEXANDER MIKLI
Hann var undrabarn í hermennsku og leiddi
fyrsta her sinn til sigurs er hann var 16 ára.
Alexander mikli deyr
„Vikan verður skemmtileg og
annasöm,“ segir Hrafn Jökulsson
liðsmaður Hróksins og nýkjörinn
varaforseti Skáksambands Ís-
lands. „Sumarskákmót Ístaks
stendur nú sem hæst í höfuðstöðv-
um Hróksins í Skúlatúni. Þar berj-
ast tíu meistarar og er hægt að
fylgjast með skákunum á heima-
síðunni okkar, www.hrokurinn.is.
Þarna fá íslensku strákarnir okk-
ar mjög gott tækifæri til að ná í
áfanga að alþjóðlegum meist-
aratitli. Það er gaman að geta boð-
ið upp á svona mót á heimavelli
Hróksins.
Hrókurinn stendur fyrir æf-
ingu í Vin, athvarfi Rauða kross-
ins við Hverfisgötu, á mánudag-
inn og þangað ætla ég í heimsókn.
Við höfum staðið fyrir vikulegum
æfingum í Vin síðan í fyrra og er
þar orðinn til góður kjarni. Á
þriðjudaginn verður æfing fyrir
krakka í Skúlatúni, milli 15 og 17,
og ég vona að ég missi ekki af
henni. Það er að koma fram ótrú-
lega kraftmikill og efnilegur hóp-
ur af strákum og stelpum í ís-
lensku skáklífi. Á miðvikudaginn
reikna ég með að heimsækja vini
okkar á Barnaspítala Hringsins,
en þar hefur Hrókurinn komið
reglulega í heimsókn undanfarið
ár.
Á þjóðhátíðardaginn verður úr-
slitamótið í Tívolísyrpu Hróksins
í Húsdýragarðinum. Þar verða 20
krakkar sem unnu sér rétt til
keppni um farmiða alla leið í
Tívolí í Kaupmannahöfn. Vikan að
öðru leyti verður undirlögð af
fundum og ráðstefnum vegna
margvíslegra skákmála. Þetta
hljómar líklega eins og ekkert
komist að í lífi mínu þessa vikuna,
annað en skák, enda er Hrókurinn
á mikilvægum tímamótum um
þessar mundir. Ætli ég slái svo
ekki botninn í vikuna með einvígi
við Kristjón frænda minn.“ ■
Hrókurinn á tímamótum
HRAFN JÖKULSSON
„Þetta hljómar líklega eins og ekkert kom-
ist að í lífi mínu þessa vikuna annað en
skák, enda er Hrókurinn á mikilvægum
tímamótum um þessar mundir. Ætli ég
slái svo ekki botninn í vikuna með einvígi
við Kristjón frænda minn.“
14 13. júní 2004 SUNNUDAGUR
■ AFMÆLI
■ ANDLÁT
OLSEN-SYSTUR
Tvíburarnir Mary Kate og Ashley eru 18 ára
í dag. Þær hafa getið sér gott orð í kvik-
myndaheiminum undanfarin ár. Myndin
var tekin af þeim á frumsýningu myndar-
innar „New York Minute“ í Hollywood á
dögunum.
13. JÚNÍ
Bjartmar Guðlaugsson, söngvari, er 52
ára.
Selma Björnsdóttir, söng- og leikkona,
er 30 ára.
Erik Thomas Johnson, Samtúni 14, lést
29. maí.
Sigríður Jóna Þorsteinsdóttir, Lækja-
smára 2, lést 7. júní.
■ ÞETTA GERÐIST
1381 Bændauppreisnin nær hámarki
þegar bændurnir koma í stórum
flokki inn í London.
1893 Rithöfundurinn Dorothy Sayers
fæðist í Oxford á Englandi.
1939 „Doc“ Barker er drepinn af fanga-
vörðum er hann reynir að flýja úr
Alcatraz. Hann var í frægu glæpa-
gengi með bræðrum sínum og
móður.
1944 Þjóðverjar varpa nýjum V-1 eld-
flaugum á Bretland.
1946 Útvarpsþáttastjórnandinn og
grínistinn Major Bowes deyr.
Hann naut mikilla vinsælda.
1971 The New York Times birtir Penta-
gon-skjölin en birting þeirra olli
miklum titringi. Fyrrverandi starfs-
maður varnarmála ráðuneytisins
stal skjölunum og lét birta þau.
„Það er frábært að eiga afmæli á
sunnudegi því þá má ég borða kök-
ur. Mánudagar og þriðjudagar eru
ómögulegir afmælisdagar þar sem
þeir eru ekki nammidagar,“ segir
Halldór Gylfason leikari en hann
er 34 ára í dag.
Halldór segist sjálfur ekki vera
neitt sérstaklega mikill bakari.
„Konan mín er góð að baka þegar
hún tekur sig til og það væri fallegt
af henni að gefa mér köku í afmæl-
isgjöf, það væri nóg fyrir mig.“
Sýningin á Don Kíkóta í kvöld
kemur þó í veg fyrir að Halldór
geri eitthvað merkilegt og mikið úr
afmælisdeginum en hann fer með
hlutverk í sýningunni. „Það er
aldrei að vita nema ég bjóði pabba
og systkinum mínum í kaffi en EM-
leikurinn kemur þó líka til greina.“
Aðspurður segist Halldór ekki
vera neinn brjálæðislegur fótbolta-
aðdáandi en segist þó halda með
sínum liðum og fylgjast með þeim.
„Þjóðverjar eru mitt lið í EM, þeir
eru agaðastir, einbeittastir og flott-
astir. Reyndar eru Svíar líka æðis-
legir,“ segir Halldór.
Það er í nægu að snúast hjá af-
mælisbarninu þessa dagana því
auk þess að vera að ljúka við sýn-
ingar á Don Kíkóta og Chicago er
hann einnig að ljúka tökum á
barnaefni fyrir RÚV. „Þegar þessu
er lokið mun ég slappa af. Það get-
ur þó verið að ég muni eitthvað
skemmta með vinum mínum í
Geirfuglunum. Annars verður gott
að slappa af þar sem veðrið á eftir
að vera gott í allt sumar fyrir utan
smá rigningu sem kemur þegar ég
fer í veiðiferðir.“
Halldór segist hafa gaman af
því að eiga afmæli þrátt fyrir að
hann geri oftast ekki mikið úr
deginum. „Það er mjög gaman að
fá SMS frá vinum og kunningjum.
Annars hélt ég eftirminnilega upp
á þrítugsafmælið mitt. Þorkell
Heiðarsson hammondleikari,
Ceres 4 og Tómas R. tróðu upp og
það er hægt að segja að þeir hafi
allir slegið í gegn.“ Tíu ára
afmælið kemur þó einnig til tals
fyrir þær sakir að hann rak vin
sinn úr veislunni. „Við vorum í
fótbolta og hann gaf boltann ekki
á mig, þannig að ég ákvað að reka
hann heim.“ ■
AFMÆLI
HALLDÓR GYLFASON
■ Don Kíkóti kemur í veg fyrir að hann
geri eitthvað merkilegt og mikið
úr deginum.
13. JÚNÍ 323 f.Kr.
ALEXANDER MIKLI
■ í Babýlon. Hann er helst þekktur
fyrir ótrúlega herkænsku.
HALLDÓR GYLFASON
Er að fara að leika í Don Kíkóta í kvöld. Kaka verður jafnvel á boðstólum hjá honum í dag og ef til vill verður horft á EM.
FR
ÉT
TA
B
LA
Ð
IÐ
/V
AL
LI
Ástkær móðir okkar, tengdamóðir,
amma og langamma,
JAKOBÍNA HALLDÓRA
ÞORVALDSDÓTTIR
Gullsmára 11, Kópavogi
Þorvaldur J. Sigmarsson Elin Richards
Hólmfríður K. Sigmarsdóttir Eðvald Geirsson
barnabörn og barnabarnabörn
Verður jarðsungin frá Kópavogskirkju
mánudaginn 14. júní kl. 13.30.