Fréttablaðið - 13.06.2004, Blaðsíða 38

30 13. júní 2004 SUNNUDAGUR
32 liða úrslit VISA-bikars karla í knattspyrnu:
HK sló út bikarmeistara ÍA
FÓTBOLII HK-ingar komu mjög á
óvart í 32 liða úrslitum Visa-
bikars karla í knattspyrnu í gær
með því að slá út bikarmeistara
Skagamanna í hádeginu í gær.
Það var Hörður Már
Magnússon sem skoraði sigur-
mark Kópavogsliðsins undir loks
leiksins en HK er sem stendur í
öðru sæti 1. deildar karla.
Skagamenn fundu engar leiðir
framhjá Gunnleifi Gunnleifssyni
sem hélt hreinu í sjötta sinn í
sumar en HK hefur leikið alls sjö
leiki í deild og bikar. Skagamenn
voru eina úrvalsdeildarliðið sem
datt úr 32 liða úrslitunum að
þessu sinni en hin 9 fóru öll
áfram. Það var samt meira um
óvænt úrslit, botnlið 2. deildar
karla, Afturelding burstaði 1.
deildarlið Hauka 5–0 og 3. deildar-
lið Reynis úr Sandgerði sló úr 1.
deildarlið Þórsara, 1–0.
Fram, FH, Víkingur og Kefla-
vík unnu öll sannfærandi sigra en
önnur lið í Landsbankadeildinni
lentu í jöfnum leikjum. Víkingar
höfðu skorað aðeins 2 mörk í
fyrstu fimm leikjum sínum en
skoruðu sjö gegn Sindra á
Hornafirði.
Síðasti leikurinn í 32 liða úrsli-
tunum fer fram í dag en það
verður síðan dregið um leiki 16
liða úrslitanna á morgun. ■
Nýtt Norðurlandamet
Þórey Edda Elísdóttir stökk yfir 4,54 metra á móti í Þýskalandi og bætti fjögurra ára met Völu
Flosadóttur sem hafði átt Íslandsmetin í greininni í sex ár. Þórey Edda á nú bæði Íslandsmetið
innanhúss (4,51) og utanhúss (4,54) í stangarstökki kvenna.
FRJÁLSAR ÍÞRÓTTIR Þórey Edda Elís-
dóttir bætti bæði Íslands- og
Norðurlandametið í stangarstökki
utanhúss á alþjóðlegu móti í
Kassel í Þýskalandi á föstudags-
kvöldið. Þórey stökk 4,54 metra
og bætti bæði fjögurra ára
Íslandsmet Völu Flosadóttur um
fjóra sentimetra
sem og tveggja
ára norðurlanda-
met sænsku stúlk-
unnar Kristinar
Belin.
Vala setti Ís-
landsmetið sitt á
Ólympíuleikunum
í Sydney árið 2000
en stökk hennar
upp á 4,50 metra
færði henni þá
bronsverðlaunin
eftirminnilegu.
Vala hefur átti íslandsmetið í
stangarstökki kvenna allar götur
síðan 1. júní 1998 er hún bætti
fjögurra daga met Þóreyjar.
Þórey Edda hefur sýnt mikinn
dug í vetur, sigrast bæði á erfið-
um meiðslum sem og á vonbrigð-
um frá síðasta tímabili. Hún bætti
sinn besta árangur um um níu
sentimetra en áður átti hún best
stökk upp 4,45 metra á Heims-
meistaramótinu Edmonton 2001
þegar hún hafnaði í sjötta sæti.
Þórey Edda á einnig Íslandsmetið
innanhúss sem hún setti árið 2001
þegar hún stökk 4,51 metra.
Önnur á mótinu
Þórey varð önnur á mótinu, hin
bandaríski heimsmetshafi, Stacy
Dragila, sigraði og stökk 4,78
metra. Stökksería Þóreyjar var
mjög glæsileg, hún fór yfir í
fyrstu tilraun við byrjunarhæðina
(4,14 metrar) og fór líka yfir 4,24
m, 4,34 m og 4,44 m í fyrstu til-
raun. Þórey Edda setti Íslands- og
Norðurlandametið í annarri til-
raun en felldi síðan þrívegis 4,64.
Þýska stúlkan Carolin Hingst
stökk yfir 4,54 líkt og Þórey Edda
en Þórey notaði færri tilraunir og
hreppti því silfurverðlaunin á
mótinu. Þessi árangur er mikill
sigur fyrir Þóreyju Eddu sem var
kát á heimasíðu sinni.
„Þá kom loksins að því að mér
tækist að slá metið, ekki verra að
það gerist á ólympíuári. Mér líður
alveg svakalega vel eftir þetta því
vinnan í vetur og í vor er búin að
vera alvegt rosalega mikil. Það er
svo gaman að fá að uppskera eftir
allt erfiðið. Ég er í fínu formi og
hásinin virðist bara batna eftir
því sem reynir meira á hana. Ég
verð að viðurkenna að ég botna
bara ekkert í henni. En á meðan
ég get stokkið, þ.e.a.s verkurinn
er betri, er ég í skýjunum,“ skrif-
aði Þórey Edda á heimasíðu sína
en næsta mót hjá henni er hér
heima um næstu helgi.
Á leiðinni heim til Íslands
„Næst fer ég heim og fer á
viku sjúkraþjálfunarprógramm
og keppi svo á Evrópubikarnum
næstu helgi á Íslandi. Þar vonast
ég eftir því að fólk flykkist á völl-
inn enda stórviðburður í fjálsum
íþróttum þar á ferð,“ sagði Þórey
Edda að lokum á heimasíðu sinni:
/www.thorey.net.
ooj@frettabladid.is
SKOTSKÓRNIR GERÐIR KLÁRIR
Króatinn Dado Prso, leikmaður franska
liðsins Mónakó, hugar hér að knatt-
spyrnuskónum sínum eftir síðustu æfingu
liðsins fyrir leikinn gegn Sviss í dag.
FÓTBOLTINN
16 lið frá 10 löndum keppa á Laugardalsvelli 19. - 20. júní
..mætum til að hvetja okkar fólk
Keppnin stendur yfir kl. 13:45 til 16:00 á laugardag og kl. 14:00 til 16:30 á sunnudag
ÞRÓUN ÍSLANDSMETS KVENNA
Í STANGARSTÖKKI ÚTI FRÁ ´96:
4,17 Vala Flosadóttir (28.9.1996)
4,18 Þórey Edda Elísdóttir (28.5.1998)
4,20 Vala Floadóttir (1.6.1998)
4,31 Vala Flosadóttir (9.6.1998)
4,36 Vala Flosadóttir (13.6.1998)
4,50 Vala Flosadóttir (25.9.2000)
4,54 Þórey Edda Elísdóttir (11.6.2004)
BESTI ÁRANGUR ÞÓREYJAR Á
HVERJU ÁRI FRÁ 1998
1998 4,21 (9. ágúst)
1999 4,22 (30. júní)
2000 4,30 (3. júní)
2001 4,45 (6. ágúst)
2002 4,44 (27. ágúst)
2003 4,41 (7. júní)
2004 4,54 (11.júní)
„Þá kom
loksins að
því að mér
tækist að
slá metið,
ekki verra
að það ger-
ist á ólymp-
íuári.“
■ ■LEIKIR
 13.00 KFS og Þróttur R. mætast á
Helgafellsfelli í Vestmannaeyjum í
32 liða úrslitum VISA-bikars karla
í knattspyrnu.
 14.00 Valur og Þór/KA/KS mætast
á Valsvelli í fyrsta leik 4. umferðar
Landsbankadeildar kvenna.
■ ■ SJÓNVARP
 11.55 Formúla 1 á RÚV. Upptaka
frá tímatöku í gær fyrir Kanada-
kappakstrinum í Montreal.
 15.00 Spurt að leikslokum á RÚV.
Endursýnt frá því í gær.
 15.30 EM í fótbolta á Sýn. Bein
útsending frá leik Sviss og
Króatíu í B-riðli EM í fótbolta.
 15.50 Formúla 1 á RÚV. Bein
útsending frá Kanada-kapp-
akstrinum í Montreal.
 18.15 US PGA Tour 2004 á Sýn.
 18.30 EM í fótbolta á Sýn. Bein
útsending frá leik Frakka og
Englendinga í B-riðli EM í fót-
bolta.
 19.10 Inside the USA PGA Tour
2004 á Sýn.
 19.35 Evrópumótaröðin á Sýn.
Sýnt frá evrópsku mótaröðinni í
golfi.
 20.30 Box á Sýn. Sýnt frá hnefa-
leikakeppni í Manchester á
Englandi. Meðal keppanda voru
Prinsinn Naseem Hamed en
keppnin fór fram í apríl 1999.
 22.40 Helgarsportið á RÚV. Allt
um íþróttaviðburði helgarinnar
heima og erlendis.
 22.55 Spurt að leikslokum á RÚV.
Þorsteinn J. fer um víðan völl í
umfjöllun sínni um EM í fótbolta
og fær til sín spekinga.
 23.35 EM í fótbolta á RÚV.
Útsending frá leik Sviss og
Króatíu sem fór fram fyrr í dag í
B-riðli EM í fótbolta.
 00.55 NBA körfuboltinn á Sýn.
Bein útsending frá fjórða leik
Detroit Pistons og LA Lakers um
NBA-titilinn í körfubolta. Leikurinn
fer fram í Detroit. Detroit er 2–1
yfir í einvíginu en það lið sem fyrr
vinnur fjóra leiki verður meistari.
HVAÐ? HVENÆR? HVAR?
10 11 12 13 14 15 16
Sunnudagur
JÚNÍ
ÚRSLITIN Í 32 LIÐA ÚRSLITUM
VISA-BIKARS KARLA:
Fram–Grótta 4–0
Fylkir–ÍH 2–0
Reynir S.–Þór Ak. 1–0
Fjölnir–ÍBV 1–2
Selfoss–Grindavík 0–2
Breiðablik–Njarðvík 0–2
Tindastóll–KA 0–1
Afturelding–Haukar 5–0
HK–ÍA 1–0
Fjarðabyggð–Valur 0–2
Víðir–KR 1–3
KS–Stjarnan 1–2
Ægir–FH 0–5
Völsungur–Keflavík 0–3
Sindri–Víkingur 0–7
GUNNLEIFUR HÉLT HREINU
Gunnleifur Gunnleifsson markvörður HK
lokaði á Skagamenn í bikarnum í gær.
Gunnleifur hefur staðið í marki HK í sjö
leikjum í sumar og haldið hreinu í sex
þeirra. HK hefur unnið 4 leiki 1–0.
ÍSLANDS- OG NORÐURLANDAMETHAFINN
Þórey Edda Elísdóttir á nú bæði Íslands- og Norðurlandametið í stangarstökki kvenna.