Fréttablaðið - 23.06.2004, Blaðsíða 2
2 23. júní 2004 MIÐVIKUDAGUR
FRAMHALDSNÁM Alls hafa 6.606
nemendur sótt um innritun í fram-
haldsskóla á næstu haustönn sem
eru um 700 fleiri en gert er ráð
fyrir í fjárlögum. Aðstoðarmaður
menntamálráðherra segir í fjar-
veru hans að allir sem komi beint
úr grunnskólum landsins fái að
stunda nám í framhaldsskóla óski
þeir þess. Um 400 milljónir þurfi
til að brúa bilið á ársgrundvelli og
niðurstaða funda ráðuneyta sé að
vænta í vikunni. Formaður félags
íslenskra framhaldsskóla segir að
sjá hefði mátt vandann fyrir.
Steingrímur Sigurgeirsson, að-
stoðarmaður menntamálaráðherra,
segir að aukafjárveiting verði að
koma til svo nýnemarnir fái allir
skólapláss að hausti. „Fjármála- og
menntamálaráðuneytin eru að
ræða þessi mál og þetta verður
leyst,“ segir Steingrímur. „Það er
stefnt að því að tryggja að allir þeir
sem komi upp úr grunnskólunum
fái vist í framhaldsskóla. Það hefur
alltaf staðið til.“ Steingrímur segir
að ekki sé hægt að lofa hverjum og
einum nemanda um skólavist sem
gert hafi hlé á námi í framhaldss-
kólum en vilji halda því áfram. Það
verði þó reynt.
Ingibjörg Guðmundsdóttir, for-
maður félags íslenskra framhalds-
skóla, segir stöðuna óþægilega.
„Fyrst og fremst er þetta hræði-
lega óþægileg staða fyrir krakk-
ana og foreldra þeirra að eiga ekki
trygga skólavist og kannski ekki
mikla von um hana heldur,“ segir
Ingibjörg og bætir við: „Það verð-
ur mjög erfið staða fyrir þá sem
vilja taka upp þráðinn aftur og ég
veit ekki hvernig það fer.“
Ingibjörg segir málið snúast
um peninga, en fullur vilji sé til
að leysa það. „Hingað til höfum
við alltaf talað þannig að allir
ættu að komast í framhaldss-
kóla.“ Ingibjörg segir að nú sé í
fyrsta sinn rætt um að það sé
ekki sjálfsagt: „Á að taka upp
skólagjöld í Háskólanum eða
ekki? Á að taka upp skólagjöld í
framhaldsskólanum eða ekki?
Þetta er nýtt hjá okkur. Við eig-
um að veita okkur, allri þjóðinni,
þann munað að það sé sjálfsagð-
ur kostur allra að mennta sig. Við
eigum að borga fyrir það af
skatttekjum því það skilar sér í
aukinni hagsæld.“
gag@frettabladid.is
„Nei, ég treysti mér ekki að feta í
fótspor hennar.“
Óttarr Proppé er starfsmaður í bókabúð Máls og
menningar á Laugavegi en þar hófst sala á ævi-
sögu Bills Clinton í gær. Þegar fimmta bókin um
Harry Potter kom í sölu hér á landi skrýddist
Óttarr búningi galdrastráksins.
SPURNING DAGSINS
Óttarr, ætlarðu að klæða þig eins og
Monica Lewinsky núna?
INGIBJÖRG GUÐMUNDSDÓTTIR
Segir alltaf stærra hlutfall nemenda vilja fara í framhaldsskóla. „Brottfallið hefur minnkað
þannig að framhaldsskólarnir eru með svo marga nemendur fyrir. Þess vegna er svo erfitt
að taka við svona risastórum nýjum árgangi.“
EFNAHAGSMÁL Launavísitala í maí
hækkaði um 0,8 prósent frá því í
apríl. hækkað um 4,6 prósent á
ársgrundvelli. Á sama tíma hefur
verbólgan mælst 3,2 prósent.
Launahækkanir hafa því rétt ríf-
lega haldið í við verðbólguna.
Kaupmáttur launa hefur hækkað
um 1,35 prósent á tímabilinu.
Greining KB banka segir að
ætla megi að hækkun launavísi-
tölu eigi rætur í samningsbundn-
um hækkunum. Sé það rétt og
ekki gæti launaskriðs megi búast
við að heldur dragi úr hækkun
vísitölunnar á næstunni.
Búast má við að verðbólga
geti farið yfir þolmörk Seðla-
bankans sem eru fjögur pró-
sent. Gerist það og launaskrið
fylgir ekki með, þá má búast við
að kaupmáttur rýrni á næst-
unni.
Greining KB banka segir að
fara verði aftur til upphafs
ársins 2002 til þess að finna jafn
hægan vöxt kaupmáttar. Hækk-
un launa var þá töluverð, en
verðbólguskot át upp kaupmátt
launa á tímabilinu. ■
Launavísitalan og kaupmátturinn:
Verðbólgan nartar í kaupmáttinn
HÆKKUNIN RÝRNAR
Laun hafa hækkað um 4,6 prósent síðasta árið, en vaxandi verðbólga dregur úr vexti
kaupmáttar. Svo gæti farið að kaupmáttur rýrnaði á næstu mánuðum.
ÚR NÓA ALBÍNÓA
Samningur um framleiðslu á norrænu efni
fyrir kvikmyndahús og sjónvarp hefur verið
endurnýjaður til ársins 2009.
Styrkja menningu:
Samningur
endurnýjaður
KVIKMYNDIR Um 700 milljónum ís-
lenskra króna verður úthlutað ár-
lega til framleiðslu á efni fyrir
kvikmyndahús og sjónvarp úr
sameiginlegum sjóði Norður-
landa. Norræna ráðherranefndin
ásamt norrænu kvikmyndastofn-
unum og sjónvarpsfyrirtækjum
stendur straum af kostnaðinum.
Nýr samningur var undirritaður á
fundi menningarmálaráðherra
Norðurlanda í Reykjavík 9. júní.
Samningurinn gildir í fjögur ár
frá árinu 2005.
Steingrímur Sigurgeirsson, að-
stoðarmaður menntamála-
ráðherra, segir að einkareknar
sjónvarpsstöðvar Norðurlanda
hafi gefið í skyn fyrr á árinu að
þær hefðu ekki hug á að taka
áfram þátt í samstarfinu en hafi
að lokum ákveðið áframhaldandi
þátttöku. ■
Nýútskrifaðir
öruggir um vist
Staða nemenda sem gert hafa hlé á framhaldsmenntun sinni en vilja
komast aftur að er óljós. Alls hafa 6.606 nemendur sótt um nám í fram-
haldsskóla á næstu haustönn sem er um 700 fleiri en fjárveiting leyfir.
Kapphlaupið um Londis:
Tilboð Íranna
samþykkt
VIÐSKIPTI Mikilll meirihluti eigenda
verslunarkeðjunnar Londis sam-
þykkti tilboð írsku matvörukeðjunn-
ar Musgrave.
Þar með er lokið kapphlaupi um
félagið sem margir hafa sýnt áhuga.
Meðal þeirra sem vildu kaupa keðj-
una var félagið Lancelot sem KB
banki fjármagnaði. Af þeim kaupum
verður því ekki.
KB banki vinnur einnig að kaup-
um á kvikmyndahúsakeðjunni Od-
eon. Ekki er en ljóst hver niðurstað-
an verður þar, en þar eru möguleik-
arnir taldir mun meiri en í tilfelli
Londis. ■
Réttarhöldum yfir
Dutroux lokið:
Lífstíðar-
fangelsi
BELGÍA, AP Stærsta réttarhaldi í sögu
Belgíu lauk í gær þegar dómstóll tólf
manna dæmdi Belgann Marc
Dutroux til lífstíðarfangelsis fyrir að
ræna, nauðga og myrða ungar stúlk-
ur. Réttarhöldin hafa staðið yfir síð-
an í byrjun mars og hafa fá mál ver-
ið umtalaðri í Belgíu. Í síðustu viku
var Dutroux einnig dæmdur fyrir að
leiða hóp manna sem rændi og
nauðgaði hóp stúlkna á síðasta ára-
tug. Dómstóllinn setti ennfremur
þann varnagla að eigi Dutroux
möguleika á náðun í framtíðinni geta
yfirvöld sjálfkrafa skipað hann í tíu
ára varðhald til viðbótar. ■
LÍFSTÍÐARDÓMUR
Belginn Dutroux dæmdur í lífstíðarfangelsi.
Líkfundur á Þingeyri:
Líklega slys
LÖGREGLUMÁL Lík af eldri manni
fannst á floti í höfninni við Þing-
eyri um kvöldmatarleytið í gær-
kvöldi. Fóru lögreglumenn strax á
vettvang ásamt rannsóknarlög-
reglumanni frá Ísafirði og stóð
rannsókn enn yfir þegar Frétta-
blaðið fór í prentun. Ekkert benti
þó til annars við fyrstu sýn en að
um slys hafi verið að ræða en við-
komandi gerði út bát frá staðnum.
BORGARMÁL Á fundi borg-
arráðs í dag voru lagðar
fram tillögur að stofnun
fimm þjónustumiðstöðva
í hverfum borgarinnar,
stofnun sérstaks síma-
vers og um stóraukna
rafræna stjórnsýslu. Í
fréttatilkynningu frá
borgaryfirvöldum kemur
fram að ný stefna borgar-
innar hvíli á þremur stoð-
um; þjónustumiðstöðum í
hverfum, símaveri með
einu símanúmeri og öfl-
ugum vef Reykjavíkur-
borgar. Lykilhugtök
hinnar nýju stefnu
borgaryfirvalda
sem kynnt var í
dag eru þjónusta,
hagkvæmni og
samstarf.
Þórólfur Árna-
son borgarstjóri
segir markmiðið
með þessum breyt-
ingum að efla nær-
þjónustu við íbú-
ana. „Ég sé gífur-
leg tækifæri í í því
að efla þjónustuna
með þessum sam-
tvinnaða hætti,“
sagði Þórólfur.
Hann sagði áætlað-
an stofnkostnað
vegna breyting-
anna nema um
200 milljónum
króna en á móti
kæmu hagræðing-
aráhrif sem
næmu 1% af
rekstrarkostnaði.
Vilhjálmur Þ.
V i l h j á l m s s o n ,
oddviti borgar-
s t j ó r n a r f l o k k s
s j á l f s t æ ð i s -
manna, segir að
ekki hafi verið
sýnt fram á að
þjónustan batni
við breytinguna. „Þetta
eru sýndartillögur,“ segir
Vilhjálmur.
„Það er verið að
splundra þeim þætti í
þjónustu og stjórnsýslu
borgarinnar, sem hingað
til hefur verið fram-
kvæmdur með ágætum
hætti. Þeir starfsþættir
sem flytja á frá Félags-
þjónustunni og ÍTR verða í
meginatriðum áfram á nú-
verandi stað í viðkomandi
hverfum og því ranghermi
að segja að verið sé að
stofna þjónustumiðstöðv-
ar,“ sagði Vilhjálmur. ■
ÞÓRÓLFUR ÁRNASON
Ég sé gífurleg tækifæri í í því
að efla þjónustuna með
þessum samtvinnaða hætti.
Endurskipulagning á þjónustu Reykjavíkurborgar:
Þjónustan hvíli á þremur stoðum
VILHJÁLMUR Þ.
VILHJÁLMSSON
„Þetta eru sýndartillögur,“
segir oddviti
sjálfstæðismanna.