Fréttablaðið - 23.06.2004, Blaðsíða 13

13MIÐVIKUDAGUR 23. júní 2004
LÖGREGLUMÁL Sá síðasti af þremur
Palestínumönnum sem framvís-
uðu fölskum vegabréfum við komu
hingað til lands 6. maí síðastliðinn
fer úr landi á morgun. Hinir tveir
voru sendir úr landi í gær.
Guðbjarni Eggertsson héraðs-
dómslögmaður, sem skipaður var
talsmaður mannanna meðan þeir
dvöldu hér á landi, sagði að þeir
hefðu verið hnepptir í gæsluvarð-
hald eftir að þeir hefðu verið bún-
ir að dvelja hér um hríð. Það hefði
verið gert vegna rannsóknarhags-
muna. Þeim hefði síðan verið
sleppt, en hnepptir aftur í varðhald
síðastliðinn miðvikudag á grund-
velli þess að Útlendingastofnun
hefði verið búin að úrskurða að
þeim skyldi vísað úr landi. Guð-
bjarni kvaðst hafa kært úrskurð-
inn samstundis til dómsmálaráðu-
neytisins. Niðurstaða þess hefði
hins vegar ekki borist þegar menn-
irnir voru sendir af landi brott.
Guðbjarni kvaðst ekki sáttur við
ríkjandi „regluverk“ að mennirnir
skyldu fluttir úr landi meðan verið
væri að bíða eftir ákvörðun dóms-
málaráðuneytisins.
Mennirnir voru allir fluttir til
Noregs, þar sem þeir hafa sótt um
pólitískt hæli. Norsk yfirvöld
munu fjalla um beiðni þeirra. ■
Palestínumenn með fölsuð vegabréf:
Sá síðasti fer úr landi í dag
ALBRIGHT MEÐ SJÁLFSÆVISÖGU
Madeleine Albright, fyrrverandi utanríkis-
ráðherra Bandaríkjanna, kynnti nýja
sjálfsævisögu sína í Madríd í gær.
Sveitarfélög fyrir norðan
og austan:
Kosið um
sameiningu
SVEITARSTJÓRNARMÁL Kosið verður
um sameiningu alls sex sveitar-
félaga samhliða forsetakosningum
á laugardaginn kemur.
Í umdæmi sýslumannsins á Ak-
ureyri verður kosið um sameiningu
Akureyrarkaupstaðar og Hríseyj-
arhrepps. Í umdæmi sýslumanns-
ins á Seyðisfirði verður kosið um
sameiningu Austur-Héraðs, Fella-
hrepps, Fljótdalshrepps og Norður-
Héraðs í eitt sveitarfélag. Kosn-
ingarétt hafa allir þeir sem hafa
lögheimili í þessum sveitarfélögum
þremur vikum fyrir kjördag. Við-
komandi sveitarstjórnir auglýsa
seinna nánar staðsetningu kjör-
staða og opnunartíma þeirra. ■
Forseti Slóvakíu:
Slóvakar
í Írak
SLÓVAKÍA, AP Nýkjörinn forseti Slóvak-
íu, Ivan Gasparovic, sagði á fyrsta
fundi sínum með fréttamönnum að
ekki eigi að kalla slóvakíska hermenn
í Írak heim; í bili að minnsta kosti.
Um eitt hundrað slóvakískir her-
menn eru í Írak en þrír þeirra létust í
byrjun maí og eru það einu hermenn
Slóvaka sem látist hafa í landinu.
Þingflokkar í minnihluta slóvakíska
þingsins hafa krafist þess að herliðið
verði kallað heim.
Gasparovic er þriðji forseti
Slóvakíu frá árinu 1993, þegar
Tékkóslóvakíu var skipt upp í Tékk-
land og Slóvakíu. Landið gekk í Evr-
ópusambandið og NATO fyrr á
þessu ári. ■
Auschwitz-Birkenau:
Búðir end-
urbyggðar
PÓLLAND, AP Rústir gasklefa og lík-
brennsluofna sem þjónuðu nasistum
í þjóðarmorðum á gyðingum í
Auschwitz-Birkenau verða byggðar
upp fyrir 38 milljónir ísl. króna.
Nasistar sprengdu búðirnar upp
til að fela verksummerki glæpsins í
lok seinni heimsstyrjaldarinnar.
Jarek Mensfelt, talsmaður Ausch-
witz-safnsins, segir að búðirnar séu
mikilvægsti hlekkur minjanna því
þar hafi flest fórnarlömb nasista
verið deydd, rúmlega ein af sex
milljónum sem létu lífið í helförinni.
Búðirnar eigi að vera viðvörun til
kynslóða framtíðarinnar. ■
MEÐ NORRÆNU
Mennirnir þrír komu til landsins með Norrænu. Þeir voru allir með fölsuð vegabréf.
FR
ÉT
TA
B
LA
Ð
IÐ
/T
EI
TU
R
KEYRT Á 50 KINDUR
Alls hefur verið keyrt á um 40 til
50 kindur og lömb í Dalasýslu frá
því í vor, samkvæmt upplýsing-
um frá lögreglunni í Búðardal.
Lögreglan segir ekkert lát vera á
þessum árekstrum og síðast í
fyrradag hafi verið keyrt á tvö
lömb. Langfæstir láta yfirvöld
vita ef þeir keyra yfir lömb eða
kindur og segir lögreglan það
ámælisvert.