Fréttablaðið - 23.06.2004, Blaðsíða 6

6 23. júní 2004 MIÐVIKUDAGUR
Nýr aðalhagfræðingur tekur við í Seðlabankanum:
Næg verkefni framundan
SEÐLABANKINN Arnór Sighvatsson
hefur verið ráðinn aðalhag-
fræðingur Seðlabanka Íslands í
stað Más Guðmundssonar sem
hvarf til starfa hjá alþjóða-
greiðslubankanum í Basel.
Arnór hefur verið staðgengill
aðalhagfræðings í bankanum og
þótti ásamt Þórarni G. Péturssyni
líklegastur í stöðuna. Hann segir
að þrátt fyrir að hafa verið næst-
ráðandi Más hafi ráðningin komið
á óvart. „Þetta eru jafn miklar
fréttir fyrir mig og aðra,“ segir
Arnór
Aðalhagfræðingur Seðlabankans
stýrir vinnu sem mótar peninga-
málastefnu bankans. Framundan er
vaxtarskeið í íslensku efnahagslífi
með tilheyrandi hættu á ofhitnun
hagkerfisins. Verkefni stjórnar
peningamála er að koma í veg fyrir
slíka ofhitnun með því að beita
hækkun stýrivaxta. „Það er ekki
víst að allt sem frá okkur kemur á
næstunni verði taldar góðar fréttir,“
segir Arnór. Seðlabankinn hefur
boðað að vaxtahækkunarferli sé
hafið. Hækkun stýrivaxta telst ekki
til bestu frétta, jafn nauðsynleg og
hún er fyrir jafnvægið í efnahags-
lífinu.
Auk Arnórs og Þórarins sóttu
Ásgeir Daníelsson, Jóhann Rúnar
Björgvinsson og Þorsteinn Þor-
geirsson um stöðuna. ■
Íslensk hlutabréf
í hæstu hæðum
Íslenskur hlutabréfamarkaður hækkaði meira en nokkur markaður í fyrra.
Þróunin heldur áfram í ár. Markaðurinn er hátt verðlagður um þessar
mundir, en líkur á snöggri lækkun eru ekki miklar enn sem komið er.
MARKAÐUR Úrvalsvísitala Kaup-
hallar Íslands hefur tvöfaldast á
tólf mánaða tímabili. Vísitalan
nálgast nú óðfluga 3000 stig og
hefur hækkað mikið á þessu ári
eftir metár í fyrra. Hækkunin
frá áramótum er um 50 prósent.
Sérfræðingar greiningar-
deilda bankanna töldu í upphafi
árs að ekki væri verulegt svig-
rúm fyrir hækkanir á þessu ári.
Síðan þá hafa orðið miklar
hækkanir og áfram virðist
bjartsýnin ríkja á íslenskum
hlutabréfamarkaði. „Við teljum
að markaðurinn sé yfirverð-
lagður,“ segir Edda Rós Karls-
dóttir, forstöðumaður greining-
ardeildar Landsbankans. Hún
segir að þrátt fyrir hátt verð sé
mikil bjartsýni ríkjandi á mark-
aði og ekki horfur á að hann
lækki mikið á næstunni.
Eftir því sem væntingar í við-
skiptum á markaði verða meiri
um framtíðarrekstur fyrir-
tækja, því meiri hætta er á
snöggri stórri lækkun. Edda Rós
segir það ekki mat sitt að svo sé
komið á íslenska markaðinum
enn sem komið er, þrátt fyrir
miklar hækkanir að undan-
förnu. „Það er hins vegar ljóst
að miklar framtíðarvæntingar
eru komnar í verð hlutabréfa
margra félaga.“
Kaup KB banka á danska
bankanum FIH hleyptu lífi í
markaðinn og hafa bréf bankans
hækkað mikið að undanförnu.
Bankinn var yfirverðlagður
samkvæmt mati greiningar
Landsbankans. Kaupin nú kalla
á nýtt verðmat sem koma mun í
dag. Gera má ráð fyrir að kaup-
in í Danmörku hækki verðmatið
á bankanum. Bankinn hefur
þegar tekið út miklar hækkanir
og spurningin er hvort bankinn
sé búinn að taka út þá hækkun
sem nýtt verðmat gefur til
kynna.
Meðal þess sem sérfræðingar
nota til greiningar á verðmati
fyrirtækja eru ýmsar kenni-
tölur sambands rekstrar og
markaðsvirðis. Edda Rós segir
ljóst að slíkar kennitölur séu
háar á íslenska markaðinum
sem gefur háa verðlagningu til
kynna. Svo nefnt VH-hlutfall
sem er hlutfallið milli mark-
aðsvirðis fyrirtækis og hagnað-
ar þess er nálægt fimmtán fyrir
íslenska markaðinn. Það þýðir
að með núverandi hagnaði tekur
fimmtán ár fyrir fyrirtækin að
greiða markaðsvirði sitt. Hlut-
fallið er enn hærra þegar tillit
er tekið til þess að mikill gengis-
hagnaður er fyrirsjáanlegur í
uppgjöri banka og fjárfestingar-
félaga á árinu.
Til þess að standa undir
áhættuálagi á fjárfestingu í
hlutabréfum þarf hagnaður fyr-
irtækjanna að aukast, ef verðið á
að haldast svo hátt til framtíðar.
haflidi@frettabladid.is
Breska ríkisútvarpið BBC:
Erfiðir tímar
í vændum
BRETLAND Herða þarf róðurinn hjá
breska ríkisútvarpinu BBC til
muna ef ná á tökum á gríðar-
legum skuldum stofnunarinnar
en það verður fyrsta verkefni
nýs framkvæmdastjóra. Hefur
sá varað starfsmenn sína við að
framundan séu erfiðir tímar og
ljóst að grípa þurfi til róttækra
aðgerða á nokkrum sviðum sem
gætu kallað á uppsagnir. Þó lofar
hann hlustendum betra efni og
meiri gæðum en verið hefur en
BBC hefur hingað til þótt standa
afar framarlega að gæðum, hvort
sem um er að ræða útvarpsefni
eða sjónvarpsefni. ■
Fjárfestingarfélagið Eyrir:
Kaupir meira
í Marel
VIÐSKIPTI Fjárfestingarfélagið
Eyrir sem er í eigu feðganna
Þórðar Magnússonar og Árna
Odds Þórðarsonar hefur eignast
12,84 prósent í Marel. Fyrir áttu
þeir rúm níu prósent. Þeir hafa að
undanförnu aukið verulega við
eign sína í félaginu og skammt er
síðan hluturinn fór yfir fimm pró-
sent. Burðarás er stærsti einstaki
hluthafinn í Marel.
Þeir feðgar eru ekki ókunnir
rekstri Marels. Fyrir um fjórum
árum áttu þeir stóran hlut í gegn-
um fjárfestingarfélagið Gildingu.
Gilding hóf fjárfestingar um það
leyti sem dró saman í hagkerfinu.
Gilding rann inn í Búnaðarbankann
og fengu eigendur Gildingar bréf í
bankanum fyrir. Sú fjárfesting hef-
ur reynst farsæl því gengi bankans
hefur hækkað mikið síðan. ■
■ NORÐURLÖND
GENGI GJALDMIÐLA
Bandaríkjadalur 72.76 0.29%
Sterlingspund 132.32 -0.59%
Dönsk króna 11.83 0.27%
Evra 87.91 0.26%
Gengisvísitala krónu 123,29 0,15%
Kauphöll Íslands
Fjöldi viðskipta 366
Velta 3.899 milljónir
ICEX-15 2.957 1,06%
Mestu viðskiptin
Landsbanki Íslands hf. 610.096
Kaupþing Búnaðarbanki hf. 503.137
Marel hf. 462.386
Mesta hækkun
Marel hf. 6,32%
Jarðboranir hf. 3,45%
Burðarás hf. 3,03%
Mesta lækkun
Össur hf. -2,82%
Samherji hf. -1,87%
Og fjarskipti hf. -1,18%
Erlendar vísitölur
DJ * 10.325,3 -0,5%
Nasdaq * 1.973,2 -0,1%
FTSE 4.468,5 -0,8%
DAX 3.928,4 -1,5%
NK50 1.396,1 -0,1%
S&P * 1.128,4 -0,2%
* Bandarískar vísitölur kl. 17.
VEISTU SVARIÐ?
1Hvað heitir eiginkona Ástþórs Magn-ússonar?
2Hvaða nágrannaþjóð Íslendinga héltupp á 25 ára heimastjórnarafmæli í
fyrradag?
3Hvað heitir enski táningurinn sem ermarkahæstur á EM í Portúgal?
Svörin eru á bls. 31
Umboðsmaður Alþingis:
Ráðuneyti
endurskoði
STJÓRNSÝSLA Umboðsmaður Al-
þingis beinir því til félagsmála-
ráðuneytisins að það taki til end-
urskoðunar mál fyrirtækis, vegna
samnings um háhraðanet í til-
teknu sveitarfélagi.
Umrætt fyrirtæki kvartaði
yfir því að ráðuneytið hefði með
úrskurði sínum hafnað kröfu þess
um að ógilda ákvörðun sveitar-
stjórnar tiltekins hrepps um að
heimila sveitarstjóra að undirrita
samning við annað fyrirtæki um
háhraðanet í sveitarfélaginu.
Fyrrnefnda fyrirtækið taldi
samninginn ólögmætan.
Í áliti umboðsmanns segir að
umdeildur samningur hefði ekki
legið fyrir hjá félagsmálaráðuneyt-
inu þegar það felldi úrskurð í mál-
inu né hafði ráðuneytið óskað eftir
umsögn sveitarstjórnar hreppsins
til stjórnsýslukærunnar. ■
VERÐUR NÓG AÐ GERA
Talsvert mun reyna á stjórn peningamála á
næstu misserum. Arnór Sighvatsson mun
fara fyrir hópi sérfræðinga Seðlabankans
sem mun greina og leggja tillögur fyrir
bankastjórnina um breytingar á stýrivöxtum.
FR
ÉT
TA
B
LA
Ð
IÐ
/S
TE
FÁ
N
MESTA HÆKKUN FÉLAGA Í KAUP-
HÖLL ÍSLANDS FRÁ ÁRAMÓTUM
KB banki 91,54%
Fjárfestingarfélagið Atorka 91,11%
Marel 82,48%
Jarðboranir 81,82%
Össur 60,55%
YFIRVERÐLÖGÐ FYRIRÆKI
Edda Rós Karlsdóttir, forstöðumaður grein-
ingardeildar Landsbankans, segir það mat
deildarinnar að hlutabréf séu orðin dýr.
Hins vegar ríki bjartsýni á markaði og líkur
á snöggri lækkun séu ekki miklar.
HITTUST Á HÖFN Dómsmálaráð-
herrar Norðurlanda funduðu í gær
á Höfn í Hornafirði. Björn Bjarna-
son dómsmálaráðherra stjórnaði
fundinum en Ísland gegnir for-
mennsku í Norrænu ráðherra-
nefndinni. Ráðherrarnir voru sam-
mála um að herða þyrfti baráttuna
gegn alþjóðlegri glæpastarfsemi.
Rætt var hvernig finna mætti sam-
norrænar lausnir á vandanum.