Fréttablaðið - 23.06.2004, Blaðsíða 30
23. júní 2004 MIÐVIKUDAGUR
„Ég uppgötvaði Cure þegar ég var
þrettán ára í gegnum vini mína í Ár-
bæjarskóla,“ segir Birgir Örn Stein-
arsson, söngvari hljómsveitarinnar
Maus. „Ég fékk svo rosalega áráttu
að ég komst ekki í gegnum daginn
án þess að hlusta á eina Cure-plötu í
gegn. Ég keypti allt sem ég komst
yfir og á örugglega eitt stærsta
Cure-safnið á Íslandi.“
Í kvöld ætlar Birgir að fjalla um
feril hljómsveitarinnar The Cure á
svonefndu Tímakvöldi í húsakynn-
um Klink og Bank. Hann ætlar að
spila sjaldgæfar og óútgefnar upp-
tökur og beina athyglinni sérstak-
lega að þeirri list Cure að sjá fegurð-
ina í öllu sem dapurt er.
„Það sem hefur alltaf heillað mig
við Cure er að þótt tónlistin sé
kannski frekar melankólísk og döp-
ur þá eru textarnir það ekkert endi-
lega. Söngvarinn hefur sjálfur sagt
að hann líti ekki á þetta sem þung-
lyndistónlist, því fyrir honum er
hljómsveitin að breyta einhverju
sem er dapurlegt í eitthvað fallegt.“
Birgir varð svo heppinn að kynn-
ast meðlimum hljómsveitarinnar
persónulega um það bil áratug eftir
að hann gerðist eldheitur aðdáandi
þeirra.
„Ég tel einn þeirra til góðra vina
minna í dag. Með þessu fékk ég enn-
þá meira innsæi í það sem þeir eru
að gera. Þeir sögðu mér allt sem
kemur hvergi fram annars staðar,
svo nú veit ég eiginlega óþarflega
mikið um þessa hljómsveit.“
Birgir ætlar meðal annars að
fjalla um hinn sérstaka hljóðheim
hljómsveitarinnar, sem hefur haft
mikil áhrif á fjölmargar hljómsveit-
ir sem á eftir hafa komið.
Á næstu vikum er von á nýrri
plötu frá The Cure, þeirri fyrstu
sem komið hefur frá henni í fjögur
ár. Hún fær þegar góða dóma og að-
dáendur bíða hennar með mikilli eft-
irvæntingu.
Tímakvöldið hefst klukkan níu í
kvöld og fer þannig fram að Birgir
setur plötur á fóninn og miðlar af
fróðleik sínum á milli laga. ■
Kynnir gömlu átrúnaðargoðin
■ TÓNLIST
Deiliskipulag - Eyvindarholt 1
Bæjarstjórn Álftaness auglýsir hér með tillögu að
deiliskipulagi landspildunnar Eyvindarholt 1,
Álftanesi, skv. 25. gr. skipulags- og byggingarlaga
nr. 73/1997. Skipulagssvæðið afmarkast af mörk-
um lands Eyvindarholts 1, sem liggur austanvert
við Norðurnesveg. Í skipulagstillögunni er gert ráð
fyrir íbúðarlóð með einu einbýlishúsi í Eyvindar-
holti 1, auk óbyggðs svæðis innan veghelgunar-
svæðis meðfram Norðurnesvegi.
Skipulagstillagan verður til sýnis á bæjarskrifstofu
Álftaness, Bjarnastöðum, frá kl. 08:00-16:00 alla
virka daga frá 23. júní til 23. júlí 2004.
Þeim sem telja sig eiga hagsmuna að gæta er
gefinn kostur á að gera athugasemdir við skipu-
lagstillöguna.
Frestur til að skila inn athugasemdum rennur út
4. ágúst 2004. Athugasemdum skal skilað til
skipulagsfulltrúa Álftaness, Bjarnastöðum.
Þeir, sem ekki gera athugasemdir við tillöguna
innan tilskilins frests, teljast samþykkir henni.
Bæjarstjórinn á Álftanesi
HVAÐ? HVENÆR? HVAR?
Með Avis kemst þú lengra
Pantaðu AVIS bílinn áður en þú
leggur af stað – Það borgar sig
Hringdu til AVIS í síma 591-4000
Innifalið í verði er ótakmarkaður akstur, trygging, vsk. og
flugvallargjald. (Verð miðast við lágmarksleigu 7 daga).
Ekkert bókunargjald - Gildir til 31. mars 2005.
Verð háð breytingu á gengi.
Benidorm kr. 1.900,- á dag m.v. A flokk
Alicante kr. 1.900,- á dag m.v. A flokk
Costa del Sol kr. 2.100,- á dag m.v. A flokk
www.avis.is
Við
gerum
betur
Spánn
AVIS Knarrarvogi 2 - 104 Reykjavík - Sími 591 4000 Fax 591 4040 - Netfang avis@avis.is
Munið Visa
afsláttinn
■ ■ TÓNLEIKAR
12.00 Ólafur Kolbeinn Guð-
mundsson leikur á píanó á há-
degistónleikum í Hafnarborg.
22.00 Andrea og Blúsmennirnir
hennar verða í banastuði á
Næsta bar við Ingólfsstræti.
■ ■ FYRIRLESTRAR
21.00 Tímakvöld í Klink og Bank.
Birgir Örn Steinarsson fjallar
stuttlega um feril The Cure.
■ ■ SAMKOMUR
19.00 Jónsmessuleikur verður á
níu stöðum í Kjarnaskógi á Akur-
eyri með álfum, seiðkonum, Jóns-
messubrennu og mörgu fleiru.
Brúðuleiksýningin Jörðin verður
sýnd, og eftir að dagskrá lýkur
verður haldið í Jónsmessugöngu
upp í klettana fyrir ofan skóginn.
20.00 Menningarhátíðinni Björtum
dögum í Hafnarfirði lýkur að venju
með Jónsmessuævintýri í Hellis-
gerði. Götulistahópur vinnuskólans
gæðir garðinn lífi með litríku glensi
og gríni og á sviðinu verða Das-
bandið, Hundur í óskilum, Kór
Flensborgarskólans, KK, Karla-
kórinn Þrestir, Dixielandfélagið,
Tangósveit lýðveldisins og frum-
flutt verður nútímadansverk eftir
Steinunni Ketilsdóttur.
Jónsmessubál verður við Tungurétt í
Svarfaðardal í kvöld. Þar skemmta
menn sér við söng og sögur.
■ ■ MESSUR
23.00 Miðnæturguðsþjónusta
verður í Hallgrímskirkju í tilefni af
Jónsmessu.
BIRGIR ÖRN, Í MIÐJUNNI,
ÁSAMT SÖNGVARA OG
BASSALEIKARA THE CURE
Robert Smith söngvari og Simon
Gallup bassaleikari hafa haldið
hljómsveitinni The Cure gangandi
í aldarfjórðung.
Sannkallað Jónsmessuævintýri
verður í kvöld í Hellisgerði, hinum
fagra skrúðgarði Hafnfirðinga. Þar
koma fram listamenn á borð við
Dasbandið, Dixielandfélagið og
Tangósveit lýðveldisins, ásamt kór
Flensborgarskólans í Hafnarfirði og
karlakórnum Þröstum.
Einnig verður flutt nýtt dansverk
eftir Steinunni Ketilsdóttur.
Hljómsveitin Hundur í óskilum
sér um kynningar og verður með al-
mennt sprell, auk þess sem götu-
listahópur vinnuskólans gæðir garð-
inn lífi með litríku glensi og gríni.
„Við erum að eigna okkur Jóns-
messuhátíðina. Það er hvergi betra
að halda upp á Jónsmessuna en í
Hellisgerði,“ segir Marín Hrafns-
dóttir, menninarfulltrúi Hafnar-
fjarðarbæjar. Jónsmessuhátíðin í
Hellisgerði er lokapunkturinn á
lista- og menningarhátíðinni Björt-
um dögum, sem hófst 12. júní.
„Við höfum verið mjög heppin
með veður, nema fyrsta daginn þeg-
ar það gerði þvílíkt slagviðri að mað-
ur trúði því varla. En fall er farar-
heill og þetta hefur verið mjög vel
sótt, þótt við höfum verið að keppa
við fótboltann stundum og svo góða
veðrið.“
Marín hvetur fólk að mæta með
góða skapið í kvöld, og taka úlpuna
með ef það skyldi líta út fyrir rign-
ingu. ■
Jónsmessuhátíð
Hvergi betra að halda upp
á Jónsmessuna
SYNGUR Í HELLISGERÐI
Kristján Kristjánsson er einn þeirra lista-
manna sem koma fram á Jónsmessuhátíð
í Hafnarfirði.