Fréttablaðið - 06.08.2004, Blaðsíða 2

2 6. ágúst 2004 FÖSTUDAGUR
Flutningabíllinn í slysinu við Laxá stóðst ekki skoðun:
Athugasemdir gerðar við hemlabúnaðinn
SLYS Flutningabíllinn, sem ekið
var út af brúnni í Laxá í Laxár-
dal á þriðjudaginn, stóðst ekki
skoðun í apríl vegna athuga-
semda sem meðal annars voru
gerðar við aksturshemla og
stýrisbúnað, að sögn Jóns Hjalta
Ásmundssonar, tæknistjóra öku-
tækjasviðs Frumherja.
Athugasemdirnar voru alls
fimm. Þær vörðuðu stillingu
aðalljósa, útblásturskerfið,
reykþykkni, stýrisenda, loftleka
í lofthemlakerfinu og hemlunar-
getu aksturshemla, að sögn Jóns
Hjalta.
Sigvaldi Arason, fram-
kvæmdastjóri Borgarverks, eig-
anda flutningabílsins, fullyrti
það í samtali við Fréttablaðið í
fyrradag að engar athugasemd-
ir hefðu verið gerðar við hemla-
búnað bílsins. Sigvaldi svaraði
ekki hringingum Fréttablaðsins
í dag.
„Við endurnýjuðum hemla-
búnað bílsins í vetur sem hluta
af reglulegri yfirferð á öllum
tækjum fyrirtækisins,“ sagði
Sigvaldi. Það var nokkru áður
en aðalskoðun fór fram. Hann
sagði því ekkert um það hvort
gert hefði verið við hemlabún-
aðinn eftir athugasemdirnar
sem voru gerðar við hemlabún-
aðinn við skoðun. ■
Vandi færður
milli borgarhluta
Kennslustofa verður færð frá frístundaheimili Engjaskóla í annan skóla í
borginni. Sumarnámskeið raskast og tilhögun daggæslu skólabarna í
vetur er ófrágengin. Ekkert samráð var haft við foreldraráð skólans.
SKÓLAMÁL Ákvörðun Fræðslumið-
stöðvar Reykjavíkur um að fjar-
lægja aðra færanlega kennslu-
stofu af tveimur sem Brosbær,
frístundaheimili Engjaskóla, hef-
ur til umráða, raskar starfsemi
leikjanámskeiða sem nú fara
fram á staðnum. Þá liggur ekki
fyrir hvernig tilhögun daggæslu
skólabarna verður háttað í vetur.
Kennslustofan var flutt burt í
gærkvöld þannig að starfsemin
fer úr 120 fermetrum í 60 fer-
metra.
„Aðalatriðið er að aðstaðan sé
viðunandi og bæði foreldrar og
starfsfólk séu ánægð með hana.
Eins og staðan er núna þá eru mál
í uppnámi,“ segir Atli Steinn
Árnason, forstöðumaður frí-
stundamiðstöðvarinnar Gufunes-
bæjar, en undir hana heyrir Bros-
bær. Hann segir að færa eigi stof-
una að öðrum skóla í Reykjavík
þar sem hennar sé þörf. Næsta
vetur er útlit fyrir að í Brosbæ
verði um 45 börn í gæslu með
skóla.
Guðbrandur Guðmundsson,
sem á sæti í foreldraráði, segir
sína tilfinningu að þarna séu emb-
ættismenn að höndla með mál
sem betur hefðu verið á forsvari
stjórnmálamanna. „Það er verið
að leysa plássvandræði annars
staðar með því að búa til vanda-
mál hjá okkur,“ segir hann og tel-
ur að eðlilegra hefði verið að
hinkra með flutning stofunnar
meðan leitað yrði viðunandi
lausnar. Þá bendir hann á að ekki
hafi verið haft samráð við for-
eldraráðið og því gefinn kostur á
að gefa umsögn sína um málið,
líkt og þó er kveðið á um í reglum
um samskipti foreldraráða og
skólayfirvalda í grunnskólum
Reykjavíkur.
Stefán Jón Hafstein, formaður
fræðsluráðs Reykjavíkur, segir að
sér hafi borist mótmæli foreldra.
„Ég hef ekki áhyggjur af því að
málið verði ekki leyst eftir að
hafa rætt bæði við Fræðslumið-
stöð og skólastjóra Engjaskóla.
Frístundaheimilið hefur verið
mjög rúmgott,“ segir Stefán og
bendir á að í samningi Fræðslu-
miðstöðvar og ÍTR sé gert ráð
fyrir að hvert frístundaheimili
hafi um 60 fermetra húsnæði sem
miðstöð og samnýti svo skólahús-
næði með skólanum. „Það verður
gert hér eftir,“ segir Stefán Jón en
telur um leið að vera kunni að
ekki hafi verið hugað nægilega að
sumarnámskeiðum sem standa
yfir í Brosbæ áður en ákveðið var
að færa kennslustofuna.
olikr@frettabladid.is
FRÁ DARFUR
Talið er að um ein milljón Súdana hafi
þurft að flýja heimili sín í Darfur-héraði
vegna ófriðar við arabíska vígamenn.
Utanríkisráðherra Súdans:
Lofar að
finna lausn
DARFUR, AP Utanríkisráðherra Súd-
ans lofaði í gær að kröfum Samein-
uðu þjóðanna um að binda enda á
skálmöld í Darfur-héraði yrði
mætt. Þá sagði hann ólíklegt að til
hernaðaríhlutana í héraðinu kæmi.
Engin vestræn ríkisstjórn hef-
ur hótað að ráðast inn í Súdan.
Kofi Annan, framkvæmdastjóri
Sameinuðu þjóðanna, hefur þó
nefnt þann möguleika að gripið
verði til aðgerða í Darfur-héraði
eftir að erfiðleikar stjórnvalda
við að afvopna sveitir arabískra
vígamanna komu í ljós. ■
■ ÓLYMPÍULEIKARNIR
„Það er best að þau lesi sjálf, bæði
leikinn og lífið.“
Sigurður Svavarsson er útgáfustjóri Eddu. Edda
gaf fjóra kassa af bókum til ólympíuliðs Íslands
sem er á leiðinni til Aþenu.
SPURNING DAGSINS
Sigurður, viltu þá frekar að það sé
lesið fyrir keppendurna heldur en yfir
þeim?
Hlutafjárútboð Google:
Gæti tafist
SAN FRANSISCO, AP Ekki er víst að
hægt verði að standa við áform
um að hlutafjárútboð í Google fari
fram á mánudaginn. Í ljós hefur
komið að um 23 milljónir hluta
hafa verið gefnir út á ólöglegan
hátt á síðustu þremur árum.
Strangar reglur gilda um til-
kynningar á hlutafjársölu í
Bandaríkjunum en þeim var ekki
hlýtt. Google býðst til að kaupa
hlutabréfin, sem ekki voru skráð,
til baka en líklegt er talið að ýms-
ir þeir sem töldu sig hafa keypt
hluti á löglegan hátt vilji hærra
endurgjald fyrir hlutinn en
Google býður. ■
ÁFRAM Í GÆSLUVARÐHALDI
Gæsluvarðhald yfir tæplega fer-
tugum manni sem var tekinn með
eitt kíló af amfetamíni og eitt kíló
af kókaíni á Keflavíkurflugvelli í
lok maí var framlengt í gær. Mað-
urinn verður í haldi uns dómur
fellur en þó ekki lengur en til
fimmtánda september. Maðurinn
var með efnin innanklæða.
■ ASÍA
ÞRETTÁN HERMENN LÉTUST Þrett-
án pakistanskir hermenn létust
þegar þyrla sem þeir voru í hrap-
aði í fjallshlíð. Verið var að flytja
hermennina til svæðis þar sem
talið er að háttsettir al-Kaídaliðar
hafist við. Hermálayfirvöld
kenndu vélarbilun um hrap þyrl-
unnar en sögðu hermennina samt
sem áður píslarvætti í baráttunni
gegn hryðjuverkum.
STJÓRNMÁL Nýjar reglur hafa
verið settar um inngöngu nýrra
félaga í Sjálfstæðisflokkinn eft-
ir að hluti Heimdellinga kærði
meðferð stjórnar á inntöku-
beiðnum nýrra félaga í aðdrag-
anda aðalfundar og kosninga í
stjórn félagsins í fyrra.
Kjartan Gunnarsson, fram-
kvæmdastjóri Sjálfstæðis-
flokksins, segir að reglurnar
gildi um öll félög innan flokks-
ins.
„Í reglunum segir meðal ann-
ars að ef stjórn í félagi ætli að
setja tímatakmarkanir varðandi
inngöngu nýrra félaga þurfi að
kynna þær með góðum fyrir-
vara. Fresturinn verður jafn-
framt að vera lengri en lág-
marksfrestur til að auglýsa
aðalfund,“ segir Kjartan.
Atli Rafn Björgvinsson, for-
maður Heimdalls, segist reikna
með því að félagið muni starfa
eftir þessum nýju reglum.
„Frestur til að skrá nýja fé-
laga verður tilkynntur með góð-
um fyrirvara áður en aðalfund-
ur verður boðaður,“ segir Atli.
Hann segist vona að reglurnar
komi í veg fyrir deilur vegna
stjórnarkjörs líkt og þær sem
upp komu í fyrra.
Bolli Skúlason Thoroddsen,
mótframbjóðandi Atla Rafns í
síðustu kosningum, segir að
aðalatriðið sé að þeir sem vilji
ganga í Sjálfstæðisflokkinn geti
gert það með einföldum hætti.
„Við lítum svo á að það hafi
alltaf verið í gildi auðskiljanleg-
ar og einfaldar reglur um inn-
göngu nýrra meðlima en í fyrra
voru reglurnar þverbrotnar af
stjórn Heimdalls,“ segir Bolli. ■
Nýjar reglur um inngöngu í Sjálfstæðisflokkinn:
Afstýri deilum
við stjórnarkjör
Íslenskir fjárfestar:
Kaupa í
Tékklandi
VIÐSKIPTI Fjárfestahópur sem í eru
meðal annars íslenskir fjárfestar
hefur keypt yfir 70 prósenta hlut í
tékknesku fjarskiptafyrirtæki.
Meðal fjárfestanna er
Björgólfur Thor Björgólfsson,
stjórnarformaður Burðaráss, en
hann hefur tekið þátt í fjárfest-
ingum í símafyrirtæki í Búlgaríu
ásamt meðal annars Landssíman-
um. Landssíminn er ekki þátttak-
andi í þessari fjárfestingu.
Fyrirtækið, Ceske Radiokom-
unikace, skiptist í símaþjónustu,
útvarps- og sjónvarpssendingar.
Markaðsvirði fyrirtækisins er
36,7 milljarðar króna og hefur
eigendum minnihluta hlutafjár
verið gert yfirtökutilboð. ■
Lögreglan í Reykjavík:
Leitar að
brennuvargi
LÖGREGLA Leitað er að brennuvargi
eða -vörgum sem kveiktu í fjórum
bílum í Vesturbæ Reykjavíkur að-
faranótt þriðjudags. Einnig var
gerð tilraun til að kveikja í
fimmta bílnum.
Kveikt hefur verið í eða gerð
tilraun til íkveikju í níu bílum í
Vesturbæ Reykjavíkur frá því
snemma árs. Ekki fást upplýsing-
ar hjá lögreglu hversu vel á veg
rannsóknin er komin en svo virð-
ist sem kveikt hafi verið í bílunum
innan frá. Enginn hefur verið
handtekinn vegna þessa. ■
MIKIÐ EFTIRLIT Tæplega 200
íþróttamenn munu þurfa að gang-
ast daglega undir lyfjapróf á
Ólympíuleikunum í Aþenu sem
senn hefjast. Er þetta langmesta
eftirlit á íþróttamóti til þessa og
fjórðungi meira en á síðustu
Ólympíuleikum í Sydney í Ástral-
íu. Niðurstöður eiga að liggja fyrir
eigi síðar en 36 tímum seinna.
FLUTNINGABÍLLINN SEM FÓR ÚT AF BRÚNNI YFIR LAXÁ Í LAXÁRDAL
Vörubifreiðin teyptist tíu metra niður í stórgrýti. Hafði fengið athugasemdir í skoðun
vegna stýrisenda og hemlunarbúnaðar í apríl. Þykir mesta mildi að enginn hafi slasast.
FR
ÉT
TA
B
LA
Ð
IÐ
/S
IG
U
RÐ
U
R
SI
G
U
R
B
JÖ
R
N
SS
O
N
STEFÁN JÓN HAFSTEIN
Formaður fræðsluráðs segist fullviss um að
leyst verði úr málum vegna daggæslu
skólabarna í Engjaskóla í vetur með far-
sælum hætti.
BROSBÆR VIÐ ENGJASKÓLA
Annað tveggja einingahúsa, sem notað var undir frístundaheimilið Brosbæ við Engjaskóla í
Grafarvogi í Reykjavík, var í gær flutt til að leysa húsnæðisvanda í öðrum skóla í borginni.
FR
ÉT
TA
B
LA
Ð
IÐ
/V
IL
H
EL
M
■ DÓMSMÁL
KJARTAN GUNNARSSON
Nýjar reglur hafa verið settar um inngöngu nýrra félaga í Sjálfstæðisflokkinn eftir kæru
vegna stjórnarkjörs Heimdalls í fyrra.