Fréttablaðið - 06.08.2004, Blaðsíða 4

4 6. ágúst 2004 FÖSTUDAGUR
Afkoma sveitarfélaganna árið 2003:
Rekstur víða erfiður
SVEITARSTJÓRNARMÁL „Af þessu má
draga þá ályktun að afkoma
sveitarfélaganna í landinu sé
enn í járnum og rekstur víða
afar erfiður,“ segir Gunnlaugur
Júlíusson, sviðsstjóri hag- og
upplýsingasviðs Sambands ís-
lenskra sveitarfélaga. Birtar
hafa verið bráðabirgðaniður-
stöður úr ársreikningum sveit-
arfélaga árið 2003 og er afkom-
an lakari en árið á undan sem
einnig reyndist mörgum erfitt.
Gunnlaugur segir enga ein-
hlíta ástæðu fyrir erfiðleikun-
um. „Róðurinn virðist vera sér-
staklega erfiður fyrir millistór
sveitarfélög sem hafa á bilinu
eitt þúsund til fimm þúsund
íbúa. Íbúum á þessum slóðum
hefur fækkað til muna á undan-
förnum árum meðan kröfur
þeirra sem eftir verða um
hækka um betri þjónustu í takt
við það sem gerist á stærri þétt-
býlisstöðum.“
Fleiri þættir vega þungt í
rekstarafkomu sveitarfélag-
anna. Handbært fé sem þau hafa
til ráðstöfunar í rekstri sínum
lækkaði umtalsvert milli ára, úr
5,7 milljörðum króna í 4,3 millj-
arða. Eignir hækkuðu þó á sama
tíma og launagjöld, sem er
stærsti útgjaldaliðurinn, lækk-
uðu um tæp tvö prósent. ■
Óttaðist um líf sonar
síns á hverjum degi
Móðir fjögurra ára drengs með bráðaofnæmi fyrir jarðhnetum telur
vítamíndropa hafa vakið ofnæmið. Um tveggja ára skeið óttaðist hún
um líf sonar síns af þessum sökum en er nú farin að slaka á.
HEILBRIGÐISMÁL Sólbjörg Linda
Reynisdóttir óttaðist á hverjum
degi í tvö ár um líf sonar síns, Arn-
þórs Birkis Sigurðssonar, sem nú
er fjögurra ára. Hún segist heldur
vera farin að slaka á núna.
Arnþór Birkir er með svæsið
bráðaofnæmi fyrir jarðhnetum.
Honum voru gefnir A- og D -
vítamíndropar þegar
hann var kornabarn og
telur móðir hans að
jarðhnetuolía í dropun-
um hafi vakið ofnæmið.
Neyðarsprauta með
adrenalíni fylgir barn-
inu hvert sem það fer.
Lítil börn geta fengið
lostviðbrögð ef
það þarf
að sprauta þau, að sögn Lindu.
„Hann var alltaf mjög slæmur í
húðinni og órólegur þegar hann var
lítill,“ sagði Sólbjörg Linda. „Það
hætti um svipað leyti og hætt var
að gefa honum dropana.“
Hún sagði að tvisvar sinnum
hefði Arnþór Birkir fengið upp í
sig eitthvað sem hann ekki þoldi og
fengið slæm köst. Í annað
skiptið hefði það verið kex-
kaka.
„Hann bólgnaði upp á
augabragði og náði ekki
andanum. Ég sló í bakið á
honum og hann gubbaði bit-
anum. Hann náði sér án þess
að það þyrfti að sprauta
hann,“ útskýrði hún og bætti
við að sprautan væri ætluð
til að sprauta í gegnum
fötin. Hálsinn lok-
ist svo snöggt í
s v æ s n u
ofnæmiskasti, að um sekúndur séu
að ræða sem geti kostað mannslíf,
sé ekki fljótt og rétt brugðist við.
Hún kvaðst ekki kaupa neinar
vörur sem minnsti vafi gæti leikið
á að innihéldu jarðhnetur. Þess
vegna hefði hún hringt í hinar
ýmsu verksmiðjur hér heima til að
fullvissa sig um að vörur þeirra
gerðu það ekki.
„Hins vegar lenti ég í því að ég
keypti einhverja olíu til að setja út
í baðið hjá Arnþóri Birki. Hún átti
að hafa góð áhrif á húðina. En hann
fékk rosaleg ofnæmisviðbrögð svo
það hefur verið einhver snefill af
hnetu í henni án þess að það væri
merkt. Annað dæmi get ég nefnt.
Ég keypti oft SMS - bananaskyr
handa honum. Umbúðirnar voru í
sérstökum lit. Einhverju sinni ætl-
aði ég að kaupa svona pakkningu,
en leit utan á hana í einhverri
rælni. Þá var búið að skipta
bananaskyrinu út fyrir hnetuskyr.
Þetta fannst mér vítavert, vegna
þessa les ég á allar umbúðir í hvert
sinn sem ég versla.
„Það snýst allt um þetta. Ég er
alltaf á vaktinni og get aldrei
sleppt af honum augunum utan
heimilis. Fólk þyrfti að vera virki-
lega á verði gegn því að bjóða börn-
um umhugsunarlaust kex eða sæl-
gæti, til dæmis í stórmörkuðum.“
jss@frettabladid.is
Forsætisráðherra:
Davíð við
góða líðan
VEIKINDI Davíð Oddsson forsætis-
ráðherra er við góða líðan og tek-
ur að sögn
lækna eðlileg-
um framförum
eftir aðgerð
sem var gerð á
honum fyrr í
vikunni eftir að
illkynja mein
hafði greinst í
skjaldkirtli hans.
Forsætisráðherra hefur verið
fluttur á legudeild Landspítala -
háskólasjúkrahúss að því er fram
kemur í tilkynningu frá forsætis-
ráðuneytinu. ■
SÉRTRÚARSÖFNUÐURINN
Hauskúpur og aðrar líkamsleifar voru í
varðveislu safnaðarins.
Sértrúarsöfnuður:
Fimmtíu
lík fundust
NÍGERÍA, AP Þrjátíu manns í austur-
hluta Nígeríu voru handteknir eft-
ir að líkamsleifar fimmtíu mann-
eskja fundust. Fólkið virðist hafa
verið fórnarlömb sértrúarsafnað-
ar. Mörg líkanna höfðu verið
smurð og virðist sem sum fórnar-
lömbin hafi látist eftir að hafa inn-
byrt eitur til að sanna sakleysi sitt
í einhvers konar trúarathöfnum.
Lögreglan leitar nú líkamsleifa
fleiri manna. Sértrúarsöfnuðurinn
er sagður koma á sáttum í deilu-
málum, sérstaklega varðandi við-
skipti, með því deiluaðilar eru látn-
ir drekka ólyfjan og sá saklausi
sagður lifa af. Æðstiprestur safn-
aðarins losnaði við handtöku sök-
um aldurs en hann er fjörgamall. ■
Eskifjörður:
Sportbátur
sökk
BJÖRGUN Sportbátur sökk í höfn-
inni á Eskifirði í gær.
Að sögn Halldórs Vilhjálms-
sonar, formanns björgunarsveit-
arinnar Brimrúnar, sást báturinn
á floti klukkan tíu í gærmorgun en
var sokkinn tveimur tímum síðar.
Ekki er mjög djúpt þar sem bátur-
inn sökk og stóð hann á hælnum á
mótornum. Björgunarsveitin
dældi sjó úr bátnum og dró hann
upp í fjöru þaðan sem hann var
fluttur á brott með flutningabíl. ■
■ BANDARÍKIN
Ætlarðu að fylgjast með Gay
Pride um helgina?
Spurning dagsins í dag:
Á að veita umsækjendum um pólitískt
hæli hér á landi vasapeninga?
Niðurstöður gærdagsins
á visir.is
81%
19%
Nei
Já
KJÖRKASSINN
Farðu inn á visir.is og segðu þína skoðun
visir.is
Rússneska þingið:
Banna bjór-
auglýsingar
MOSKVA, AP Neðri deild rússneska
þingsins samþykkti í gær að
banna bjórauglýsingar í sjónvarpi
mestan hluta dagsins. Fastlega er
búist við því að frumvarpið verði
að lögum á næstu vikum.
Takmarkanirnar geta haft í för
með sér mikil áhrif á rússneskan
efnahag en bjórsala er í hröðum
uppgangi í landinu. Þá gætu tak-
markanirnar minnkað umtalsvert
tekjur sjónvarpsmiðla og minnk-
að stuðning framleiðenda við
íþróttaviðburði. ■
HEFÐI BRUGÐIST FYRR VIÐ John
Kerry, forsetaframbjóðandi
demókrata, sagði blaðamönnum að
hann hefði brugðist fyrr við en
George W. Bush Bandaríkjaforseti
þegar honum var tilkynnt um
hryðjuverkaárásirnar 11. septem-
ber. Bush sat kyrr í sjö mínútur
meðal skólabarna eftir að ráðgjafi
hans sagði honum frá árásunum.
STÓRHÆTTULEG DÝR Ár hvert
valda dýr umferðarslysum þar sem
meira en 26 þúsund Bandaríkja-
menn slasast og 200 látast. Í helm-
ingi tilfella slasast ökumenn þegar
þeir aka á dýr en hinn helmingur-
inn slasast þegar bílnum er beygt
til að koma í veg fyrir að keyra á
dýr, hvort sem um er að ræða kýr,
dádýr eða íkorna.
DÝRAVERND Fæstir nýta sér leður í
búninga sína á Gay Pride-hátíðinni
heldur frekar gervidót og plast, seg-
ir Skjöldur Eyfjörð, rekstrarstjóri
Jóns forseta, skemmtistaðar fyrir
samkynhneigða. Félagar í dýra-
verndunarsamtökunum PETA og ís-
lenskir dýravinir stóðu á Austur-
velli á hádegi á miðvikudag og skor-
uðu á gesti Gay Pride-hátíðar um
komandi helgi að nota ekki leður í
búninga sína.
Magnús Skarphéðinsson, for-
sprakki íslenskra dýravina og með-
limur í PETA, segir það dapurlegt
að sífellt sé lögð meiri áhersla á
leðrið í Gay Pride-göngunni.
„Gangan hefur verið auglýst er-
lendis sem Gay Pride Leather
Summit 2004 in Iceland. Þetta hefur
vakið athygli erlendis og við trúum
því að samkynhneigðir, sérstaklega,
séu mjög góðhjartað fólk og geri
þetta meira í hugsunarleysi að velja
sér leðurflíkur.“
Skildi stendur á sama hvort not-
að sé leður í búningana. „Það ganga
allir í leðurskóm og hafa leðursófa-
sett heima hjá sér þannig að ég veit
ekki hver tilgangurinn er að fara út
á götu og æpa að það eigi ekki að
nota leður. Við erum að éta þessi dýr
og af hverju á þá ekki að nýta húð-
ina. Það er ekki eins og dýrin séu
rækuð fyrir leðrið eitt,“ segir
Skjöldur. ■
Hvatt til notkunar gerviefna á hátíð samkynhneigðra:
Fæstir klæða sig í leður
FR
ÉT
TA
B
LA
Ð
IÐ
/V
IL
H
EL
M
REYKJAVÍK
Rekstur borgarinnar þótti ekki framúrskar-
andi en var þó mun betri en margra ann-
arra sveitarfélaga úti á landi.
FR
ÉT
TA
B
LA
Ð
IÐ
/G
VA
STÖÐUGT Á VAKTINNI
Sólbjörg Linda Reynisdóttir, móðir Arnþórs
Birkis, þarf alltaf að vera vakandi yfir því að
hann láti ekki ofan í sig neitt með hnetum í.
Hann er með svæsið bráðaofnæmi og hefur
fengið afar slæmt kast.
GERVIEFNI OFAN Á
Íslenskir dýravinir og PETA hvöttu til notkunar á gerviefnum í Gay Pride-göngunni á laugardag.