Fréttablaðið - 06.08.2004, Blaðsíða 10

10 6. ágúst 2004 FÖSTUDAGUR
BÆTIST Á KJÖRSKRÁNA
Þessar afgönsku konur mættu í mosku í
Kabúl til að skrá sig á kjörskrá fyrir forseta-
kosningarnar sem fara fram í október. Níu
af hverjum tíu Afgönum með kosningarétt
hafa skráð sig á kjörskrá. Konur eru 41
prósent þeirra sem hafa skráð sig.
Peningalausir hælisleitendur:
Vegið að mannlegri virðingu
FLÓTTAFÓLK Vegið er að mann-
legri virðingu og sjálfræði hæl-
isleitenda með því að greiða
þeim ekki vasapeninga, að mati
Ragnars Aðalsteinssonar hæsta-
réttarlögmanns. Um áramót tók
félagsþjónusta Reykjanesbæjar
við umsjá fólks sem hér leitar
pólitísks hælis og um leið var
látið af greiðslum vasapeninga
líkt og tíðkast hafði fyrir þann
tíma þegar umsjá fólksins var í
höndum Rauða kross Íslands.
„Það hefur nú verið vaninn til
þessa hér á Norðurlöndum að
greiða slíka vasapeninga þannig
að fólk hefði eitthvert sjálfræði.
Þetta er meðal annars gert til að
fólk glati ekki algjörlega hinni
mannlegu virðingu og geti gert
aðra hluti en þá sá sem heldur
þeim uppi ákveður, til dæmis
keypt sér tannkrem, tannbursta,
eða jafnvel farið í bíó,“ segir
Ragnar og bætir við að ákvörð-
unin um að greiða fólkinu ekki
vasapeninga sé pólitísk. „Í
þessu liggja ugglaust skilaboð
um að menn skuli ekki koma
hingað í leit að hæli.“
Helgi Gunnlaugsson, prófess-
or í félagsfræði við Háskóla Ís-
lands, telur nokkuð harkalega
fram komið við hælisleitendur
að neita þeim um vasapeninga.
„Þetta eru manneskjur eins og
aðrir,“ segir hann og telur að
haga ætti umönnun flóttafólks
með þeim hætti að það geti bor-
ið höfuðið sem hæst miðað við
bágar aðstæður sínar. ■
Stefnir í stórslys
við Geysi
Íslenskur leiðsögumaður varð vitni að því þegar við lá að stórslys yrði
við Geysi í Haukadal. Ferðafólk hafði verið að gægjast ofan í hverinn,
þegar hann gaus skyndilega. Fólkið átti fótum fjör að launa.
„Það stefnir í stórslys við Geysi ef
ekki verða settar upp nákvæmar
merkingar á svæðinu,“ sagði
Harpa Harðar leiðsögumaður og
starfsmaður í Goethestofnuninni í
Reykjavík. Hún kveðst hafa orðið
vitni að því að fólk hafi beinlínis
sett sig í lífshættu við að standa of
nærri Geysi í Haukadal, sem hafi
þá gosið, öllum að óvörum. Hún
segir merkingar ófullnægjandi og
fólk virði ekki blátt band sem sett
hafi verið umhverfis hverinn.
Það var þann 24. síðasta mán-
aðar, sem Harpa var á ferð með
hóp af þýskum ferðamönnum á
Geysissvæðinu. Hún var búin að
ítreka við þá allar umgengnisregl-
ur við hverina.
„Þegar ég kom inn inni á efra
svæðið sá ég hvar ungir foreldrar
með 2 börn stóðu við gígbarminn
hjá Geysi í mesta gufumekkinum
og skyggndust niður í gosgíginn!
Ég hrópaði hástöfum til þeirra að
hypja sig af svæðinu og jafnframt
hvort þau hefðu í hyggju að bren-
na sig og börnin til bana. Þau
færðu sig þá um nokkra metra úr
gufumekkinum en stóðu samt
áfram rétt við barminn.
Einni mínútu síðar byrjaði Geys-
ir að gjósa og kom mikil og væn
gusa af 80-100˚C heitu vatni og gufu
upp um um það bil 6-8 metra og féll
niður þar sem unga parið hafði
staðið rétt áður. Þau urðu að taka til
fótanna en fóru þó ekki langt.
Um leið komu fleiri manns
hlaupandi og hoppuðu yfir bláa
bandið til að skoða gosið í sem
mestri nálægð, „Ég persónulega
varð fyrir áfalli, enda sá ég
banaslys fyrir mér.“
Harpa kvaðst hafa hlaupið til
Geysisstofu til að kalla á ábyrgan
aðila sem gæta ætti svæðisins.
Henni hefði verið tjáð að landvörð-
ur ætti að vera staddur á hvera-
svæðinu, en hún hefði ekki orðið
hans vör. Hún kveðst vilja láta
ferðafólk greiða aðgangeyri að
svæðinu. Innkomuna mætti svo
nota til að greiða laun varða sem
leiðbeindu gestum og sæju til þess
að umgengnisreglum væri hlítt.
jss@frettabladid.is
út
sa
la
Allt að
50%
afsláttur
VOGUE REYKJAVÍK • MÖRKIN 4 • SÍMI 577 5060
VOGUE AKUREYRI • SKIPAGATA 18 • SÍMI 462 3504
RAGNAR AÐALSTEINSSON
Ragnar telur stjórnvöld senda
þau skilaboð að hælisleitendur
séu ekki velkomnir hér með því
að greiða þeim ekki vasapeninga
og vega þar með að mannlegri
virðingu og sjálfræði þeirra.
HÆTTUÁSTAND
Fólkið lengst til vinstri á myndinni stóð rétt við gíginn, þegar Geysir gaus, að sögn Hörpu Harðar leiðsögumanns, sem tók myndina þegar gosið
var í rénun. Hún sagði fólkið hafa tekið til fótanna þegar hún kallaði til þess að vara sig. Myndina tók hún 24. júlí ofan frá Konungshver.
KJARAMÁL „Þarna er um að ræða lít-
ið skref í rétta átt en engu að síður
er langt í land ennþá,“ segir Krist-
ján Gunnarsson, formaður Verka-
lýðs- og sjómannafélags Keflavík-
ur. Háttsettir aðilar innan varnar-
liðsins á Keflavíkurflugvelli hafa
gefið munnlegt samþykki til að
koma til móts við kröfur hundruða
íslenskra starfsmanna sem hafa
ekki fengið lögmætar kjarabætur
greiddar síðastliðin fjögur ár.
Kristján segir að í bígerð hafi
verið lögsóknir vegna þessa en
þær hugmyndir hafi nú verið lagð-
ar á hilluna. Björninn sé þó ekki
með öllu unninn. „Það er enn hópur
manna sem telur á sig hallað og
hyggst halda kröfum sínum til hlít-
ar. Þar er um að ræða aðila sem
telja sig eiga fleiri kröfur á hendur
varnarliðinu vegna ýmissa sér-
samninga þeirra starfsstéttar. Um
tæplega 20 manns er þar að ræða
og þeir halda málinu til streitu
þrátt fyrir að þessi árangur hafi
náðst. Það er of snemmt að segja
að málið sé í höfn.“
Samþykkir varnarliðið að
standa við hækkanir til starfs-
manna vegna almennra kjara-
samninga frá árinu 2000. Enn-
fremur verða greiddar upp
hækkanir frá marsmánuði síðast-
liðnum sem og vegna launaskriðs
í haust sem leið. ■
Kjaradeila starfsmanna varnarliðsins á Keflavíkurflugvelli:
Málið er ekki enn komið í höfn
BÆKISTÖÐ VARNARLIÐSINS Á KEFLAVÍKURFLUGVELLI
Varnarliðið hefur fallist á að greiða laun samkvæmt kjarasamningum í landinu en lítill
hópur telur sig eiga meira inni en það.
FR
ÉT
TA
B
LA
Ð
IÐ
/T
EI
TU
R
JÓ
N
AS
SO
N