Fréttablaðið - 06.08.2004, Blaðsíða 39

FÖSTUDAGUR 6. ágúst 2004 31
King Arthur
Þjóðsagan um Artúr konung er ótrúlega safaríkur
efniviður í ævintýraspennumynd með rómantísku
ívafi og dass af tragedíu. Það er allt til staðar, göf-
ugur konungur, glæsilegir riddarar, fögur mey, óút-
reiknanlegur seiðkarl, galdrasverð, mystísk höll,
ástarþríhyrningur o.fl. o.fl. Ofurframleiðandinn Jerry
Bruckheimer er hins vegar samkvæmur sjálfum sér
og valtar yfir allt sem heitir fágun og fínlegheit.
Góður biti í hundskjaft.
KD
Shrek 2
„Eini dragbítur myndarinnar er Disney-legur boð-
skapurinn, illa falinn og nett móðgandi. Hvernig
væri að treysta áhorfendum einu sinni til að lesa á
milli línanna og draga sínar eigin ályktanir? Há-
punktarnir, og þeir eru margir, hefja myndina samt
upp og þegar leikar standa hæst og grínið er í al-
gleymingi er hrein unun að sökkva sér inn í þenn-
an litríka og stórskrýtna heim.“
KD
Spider-Man 2
„Persónusköpuninni gefin góður tími og handritið
er skrifað með ákaflega mikilli virðingu fyrir Spider-
Man-blöðunum þannig að þeir sem hafa átt Lóa
að vini síðan í barnæsku fá ofboðslega mikið fyrir
sinn snúð en einn helsti galdur myndarinnar er sá
að hún skemmtir bæði þeim sem þekkja sögu
Spider-Man fram og aftur ekki síður en þeim sem
eru bara að koma til að sjá gott bíó. Þessi fer beint
á stall með Empire Strikes Back. Geðveik mynd. Al-
veg tótallí brilljant.“
ÞÞ
Around the World in 80 Days
„Stóri bömmerinn er einfaldlega sá að handritið er
stefnulaust rekald og það hefur verið höfundum
og leikstjóranum gersamlega ofviða að festa sög-
una á filmu. Við sitjum því uppi með samhengis-
lausa moðsuðu misskemmtilegra hasar- og slags-
málaatriða og sumarmynd sem nær aldrei að
skapa spennu.“
ÞÞ
Eternal Sunshine of the
Spotless Mind
„Eternal Sunshine er hreinn gullmoli í bíóflórunni.
Mynd sem gleymist seint og býður upp á enda-
lausar vangaveltur fyrir þá sem á annað borð
nenna að pæla í nokkrum sköpuðum hlut. Brilljant
mynd.“
ÞÞ
Harry Potter and the Prisoner
of Azkaban
„Fyrir þá sem hafa lesið bókina er þetta hin prýði-
legasta skemmtun, þó svo að myndin bæti engu við
það sem fyrir var skrifað. Þeir sem ekki hafa lesið
bókina ganga mun ringlaðri út úr salnum en þegar
þeir komu inn og foreldrar fá að hlýða á margar „af
hverju“ spurningar næstu daga á eftir.“
SS
Þórarinn Þórarinsson
Kristófer Dignus
Svanborg Sigmarsdóttir
Teiknimyndasagan um köttinn
Gretti, sem hatar mánudaga en
elskar lasagne, hefur verið ákaflega
vinsæl í gegnum árin. Nú hefur
loksins verið gerð kvikmynd um
þessa skondnu persónu sem ber ein-
faldlega heitið Garfield.
Það er enginn annar en gaman-
leikarinn Bill Murray sem ljáir
Gretti rödd sína og gerir það víst
með miklum sóma enda þekkur
fyrir kaldhæðnisleg tilsvör eins og
kötturinn lati. Breckin Meyer, sem
lék meðal annars í Road Trip, fer
með hlutverk Jóns, eiganda Grettis.
Jennifer Love Hewitt, sem lék síð-
ast í The Tuxedo á móti Jackie
Chan, er í hlutverki Liz sem Jón er
hrifinn af.
Myndin fjallar um vandræði sem
skapast þegar Jón kemur heim með
hundinn Odie. Grettir verður af-
brýðisamur vegna athyglinnar sem
hundurinn fær og hugsar honum
þegjandi þörfina.
Aðrir sem fara með hlutverk í
myndinni eru Debra Messing, úr
þáttunum Will&Grace, og Alan
Cumming, sem er meðal annars
þekktur sem Nightcrawler úr X-
Men 2. ■
Olsen-systur í New York
Garfield
Internet Movie Database 4,5 af 10
Rottentomatoes.com 13%=Rotin
Metacritic.com 26 af 100
Entertainment Weekly C-
Los Angeles Times 1 af 5
Fahrenheit 9/11
Internet Movie Database 7,8 af 10
Rottentomatoes.com 84%=Fersk
Metacritic.com 66 af 100
Entertainment Weekly B+
Los Angeles Times 4 af 5
FRUMSÝNDAR UM HELGINA
(DÓMAR Í ERLENDUM MIÐLUM)
GRETTIR Kötturinn lati Grettir er loksins kominn á hvíta tjaldið. Bill Murray ljáir
honum rödd sína.
Hatar mánudaga en elskar lasagne
Rómantíska gamanmyndin New
York Minute skartar tvíbura-
systrunum Ashley og Mary-Kate
Olsen í hlutverkum systranna
Jane og Roxy Ryan sem þola ekki
hvor aðra.
Ashley leikur Jane sem er
mikill dugnaðarforkur og gengur
vel í skóla. Systir hennar Roxy er
aftur á móti uppreisnargjörn og
hefur engan áhuga á náminu.
Saman fara þær til New York og
þar lenda þær í miklum ævintýr-
um.
Á meðal annarra leikara eru
Eugene Levy, sem er þekktur
sem pabbinn í American Pie, og
grínistinn Andy Richter. Jack Os-
bourne, sonur rokkarans Ozzy,
fer einnig með lítið hlutverk í
frumraun sinni á hvíta tjaldinu. ■
Í NEW YORK Tvíburasysturnar Ashley og Mary-
Kate Olsen fara með aðalhlutverkin í myndinni
New York Minute.