Fréttablaðið - 14.05.2004, Blaðsíða 58

38 14. maí 2004 FÖSTUDAGUR
AF STAÐ
Ísraelinn Anna Gostomelsky spyrnir sér frá
bakkanum í 100 metra baksundi.
Gostomelsky tekur þátt í Evrópukeppninni
sem fram fer í Madríd þessa dagana.
SUND
A-landslið kvenna:
Maður kemur í manns stað
FÓTBOLTI A-landslið kvenna leikur í
kvöld vináttuleik við Englendinga
í Peterborough. Leikurinn verður
fyrsti leikur liðsins án fyrirliðans
Ásthildar Helgadóttur sem
meiddist í leik gegn Skotum um
miðjan mars.
„Það kemur bara maður í
manns stað og það verður gaman
að sjá hvernig þetta kemur út,“
sagði Helena Ólafsdóttir lands-
liðsþjálfari. „Við höfum leikið 4-5-
1 og það verða ekki miklar breyt-
ingar. Við munum verjast vel og
þess vegna erum við með 4-5-1 og
við höldum okkur bara við það.
Það kemur bara nýr maður inn
þar sem Ásthildur hefur verið.“
Margir leikmanna enska liðs-
ins leika með Fulham og Arsenal,
sem mætast í mikilvægum deild-
arleik á morgun. Leikmenn þess-
ara félaga leika því ekki allan
leikinn í kvöld. „Hún er með 22
leikmenn í þessum leik og kemur
örugglega til með skipta þessum
leik svolítið upp á milli þeirra.“
Helena sá upptöku með leik
Englendinga og Nígeríumanna.
„Þær virðast firnasterkar og
aggressívar þannig að við erum
að fara í hörkuleik sem mun ef-
laust nýtast okkur mjög vel í
næstu leikjum. Við lítum á leikinn
sem mikilvægan undirbúning
fyrir framhaldið hjá okkur,“ sagði
Helena en liðið leikur við Ung-
verja í undankeppni Evrópu-
keppninnar í lok mánaðarins.
„Það er frábært að fá að æfa eitt-
hvað fyrir stórleikina og fyrst
þetta þurfti að gerast er leikurinn
gríðarlega mikilvægur upp á
það.“
Byrnunarlið Íslands var til-
kynnt í gær: Þóra B. Helgadóttir -
Íris Andrésdóttir, Björg Ásta
Þórðardóttir, Erla Hendriksdóttir,
Guðrún Sóley Gunnarsdóttir -
Edda Garðarsdóttir, Erna B. Sig-
urðardóttir, Hólmfríður Magnús-
dóttir, Margrét Lára Viðarsdóttir,
Laufey Ólafsdóttir - Olga Fær-
seth. ■
■ TENNIS
SJÓNVARP

17.40 Olíssport á Sýn. Fjallað er um
helstu íþróttaviðburði heima og
erlendis.

18.30 Saga EM í fótbolta á RÚV.

19.00 Trans World Sport á Sýn.
Íþróttir um allan heim.

20.00 Gillette-sportpakkinn á Sýn.

20.30 Alltaf í boltanum á Sýn.

21.00 Meistaradeild UEFA á Sýn.
Fréttaþáttur um Meistaradeild
UEFA.

21.30 Kraftasport á Sýn. Í þættinum
verður sýnt frá Fitness bikarmóti.

22.00 Motorworld á Sýn. Kraftmikill
þáttur um allt það nýjasta í heimi
akstursíþrótta.
STÓRHUGA OG BJARTSÝNIR
FH-ingar samankomnir í Hafnarborg í gær. Ýmislegt í bígerð og tónlistin ómaði.
Flottur fundur
FH-inga
Stórhugur og bjartsýni ríkir í Kaplakrika og
knattspyrnuhús mun rísa þar í haust.
FÓTBOLTI Knattspyrnudeild FH hélt
blaðamannafund í Hafnarborg í gær
þar sem lagðar voru línur fyrir kom-
andi átök í Landsbankadeildinni í
sumar. Kynnt var nýtt nafn og merki
aðalstyrktaraðila deildarinnar sem
áður hét Delta/Pharmaco en heitir
núna Actavis. Nýir búningar voru
einnig kynntir til sögunnar og þá
skrifuðu nokkrir ungir leikmenn,
bæði í meistaraflokki karla og kven-
na, undir samning við liðið. Þá var
borinn á borð nýr hljómdiskur þar
sem finna má mikið af skemmtileg-
um og frískandi stuðningslögum
sem koma til með að óma um
Kaplakrikann í allt sumar og fram á
haust. Hafnarfjarðarmafían og
Karlakórinn Þrestir tóku lagið, sem
og Jón Ragnar Jónsson, einn þeirra
ungu leikmanna sem skrifuðu undir
við þetta tækifæri, og er óhætt að
segja að frammistaða þeirra hafi
glatt FH-hjörtun allverulega.
FH-ingar eru greinilega stórhuga
í fótboltanum og það fékkst staðfest
í spjalli sem Fréttablaðið átti við
formann deildarinnar, Guðmund
Árna Stefánsson: „Við viljum gjarn-
an gera umgjörðina eins góða og við
mögulega getum og ég tel að hún sé
vel viðunandi. Um leið gerum við
auknar kröfur til leikmanna okkar
inni á vellinum. Við erum ekki að
setja neinn þrýsting á þá þó að stór-
hugur sé í mönnum, enda þurfum
við þess ekki, þeir hafa jafn mikinn
metnað og forráðamenn félagsins til
þess að brjóta ísinn og landa stórum
titli í sumar. Það eru allar forsendur
fyrir góðu sumri en við viljum festa
okkar í sessi sem stórlið og erum
auðvitað eitt af stærri félögum
landsins sé mið tekið af þátttakenda-
fjölda. Fjárhagslega stendur knatt-
spyrnudeildin býsna vel, það er mik-
il velta og við eigum marga góða
styrktaraðila. Okkur hefur tekist að
reka deildina með hagnaði síðustu
ár og að því verður áfram stefnt.
Síðan verður alger aðstöðubylting
hér í bænum þegar ráðist verður í
byggingu innihúss sem stefnt er á að
taka í notkum í september. Húsið
verður með aðeins öðru sniði en önn-
ur slík hús hér á landi. Völlurinn
verður hálf stærð knattspyrnuvöll-
ur eða hér um bil og staðsettur vest-
anmegin við íþróttahús Kaplakrika
og þar geta allir flokkar æft allan
veturinn. Kostnaður verður aðeins
um fimmtungur af velli í fullri
stærð en framkvæmdin verður á
hendi okkar FH-inga í góðri sam-
vinnu við bæjaryfirvöld og verður
stofnað sérstakt rekstrarfélag um
húsið. Ég á fastlega von á því að
svona hús muni spretta upp eins og
gorkúlur um allt land í kjölfarið, og
þá sérstaklega í minni sveitarfélög-
um, enda er ýmislegt hagræði fólgið
í byggingu þess konar húsa sem
mun skila sér mjög vel. Það er því
margt í bígerð og menn eru bæði
stórhuga og bjartsýnir en um leið
raunsæir,“ sagði Guðmundur Árni
Stefánsson, formaður knattspyrnu-
deildar FH, að lokum. ■
HVAÐ? HVENÆR? HVAR?
11 12 13 14 15 16 17
Föstudagur
MAÍNAVRATILOVA KEPPIR Á NÝ Mart-
ina Navratilova keppir í einliðaleik
á Opna franska meistaramótinu
sem hefst eftir tíu daga. „Hún vildi
fá að halda upp á að það eru liðin
20 ár frá því hún sigraði hér síð-
ast,“ sagði talsmaður mótsins.
Navratilova, sem er 47 ára, sigraði
á 167 mótum á ferlinum, þar af
tvisvar á Opna franska meistara-
mótinu. Navratilova keppti í ein-
liðaleik í síðasta mánuði en hún
hefur ekki keppt í einliðaleik á
stórmóti í áratug.
FR
ÉT
TA
B
LA
Ð
IÐ
/S
TE
FÁ
N
HELENA ÓLAFSDÓTTIR
Leikurinn við Englendinga mikilvægur
undirbúningur fyrir næstu leiki.
58-59 (38-39) Sport 13.5.2004 20:54 Page 2