Fréttablaðið - 28.08.2004, Blaðsíða 44

FÓTBOLTI Andstæðingur FH-inga í 3.
umferð Evrópukeppni félagsliða
verður þýska 2. deildarliðið Alem-
ania Aachen. Það er sem stendur í
11. sæti 2. deildarinnar en það
segir þó lítið því aðeins eru búnar
tvær umferðir. Þetta lið hefur oft
gert mjög góða hluti í bikarkeppn-
inni þýsku og komst í úrslit henn-
ar í vor, sló meðal annars út stór-
lið Bayern Munchen á þeirri leið,
en beið lægri hlut gegn Werder
Bremen, 3-2, í úrslitaleiknum. En
þar sem Bremen varð einnig
Þýskalandsmeistari fékk Aleman-
ia Aachen sæti í Evrópukeppn-
inni.
Alemania Aachen kemur frá
borginni Aachen sem er margra
aldargömul og þar er að finna
margar glæsilegar byggingar
enda var hún höfuðstaður þýskra
konunga í rétt rúmlega hálfa öld.
Aachen er nálægt landamærum
Hollands og Belgíu og varð mjög
illa úti í sprengjuregni seinni
heimsstyrjaldarinnar. Ekki eru
nema 250 kílómetrar á milli
Aachen og höfuðborgar Hollands,
Amsterdam, og þangað fljúga
Flugleiðir og hópferð því örugg-
lega á dagskrá.
FH-ingar eru sáttir
Guðmundur Árni Stefánsson er
formaður knattspyrnudeildar FH
og Fréttablaðið heyrði í honum
hljóðið. „Það er varla að maður sé
búinn að jafna sig eftir þennan
sögulega sigur. Við erum sáttir
við að dragast gegn þessu þýska
liði því við ættum að eiga mögu-
leika í þá. FH-ingar eru afskap-
lega sáttir þessa dagana og nú er
bara að setja punktinn yfir i-ið í
keppnunum hér heima.“
Fyrri leikurinn verður hér á
landi 16. september en sá seinni
ytra tveimur vikum síðar.
sms@frettabladid.is
32 28. ágúst 2004 LAUGARDAGUR
Við hrósum...
... kvennaliði Vals í knattspyrnu fyrir skemmtilega auglýsingu í
Fréttablaðinu í gær þar sem þær vöktu athygli á leik sínum við
Breiðabliki. Í leiknum geta Valskonur unnið sinn fyrsta Íslandsmeist-
aratitil í 15 ár og þær notuðu þessa skemmtilegu leið til að trekkja
að áhorfendur á leikinn sem hefst klukkan 14.00 á Valsvelli í dag.
Vissir þú...
... að aðeins tvö félög, Breiðablik og KR, hafa orðið Íslandsmeistari í kvennafótbolta
síðustu 15 árin eða frá því að Valur vann 1989. Þá höfðu Valur og ÍA einokað titilinn
sex árin þar á undan en hafa hvorugt unnið síðan. Hver veit nema þeirra tími sé
runninn upp því Skagastúlkur geta endurheimt sæti sitt í úrvalsdeild vinni þeir Keflavík
í úrslitaleik 1. deildar kvenna og á sama tíma getur Valur orðið Íslandsmeistari.sport@frettabladid.is
FÓTBOLTI Valsstúlkur eru búnar að
eiga frábært tímabil í sumar og
þurfa aðeins einn sigur til að -
tryggja sér Íslandsmeistaratitil-
inn í fyrsta sinn síðan 1989. Valur
leikur gegn Breiðabliki í dag og
ÍBV í næstu viku. Valsstelpurnar
eru enn sem komið er taplausar í
deildinni og hafa verið á toppnum
nánast frá degi eitt.
Ragnheiður Víkingsdóttir var
fyrirliði Valsliðsins sem vann tit-
ilinn fyrir fimmtán árum síðan.
„Meistaraliðið mætir á völlinn í
dag til að styðja við stelpurnar,“
sagði Ragnheiður og bætti við að
biðin væri búin að vera alltof
löng. „Við erum að vísu búnar að
vinna nokkra bikara í millitíð-
inni,“ segir Ragnheiður sem hefur
verið meðlimur í öllum meistara-
liðum Vals til dagsins í dag. Valur
hefur fjórum sinnum orðið
Íslandsmeistari og níu sinnum
bikarmeistari, þar af tvisvar á
síðustu þremur árum.
Það hafa verið kynslóðaskipti í
herbúðum Vals og athygli hefur
vakið að leikmenn eru mestmegn-
is uppaldar Valsstúlkur. „Þær
hafa oft verið með í baráttunni en
ekki tekist að innbyrða titilinn. Nú
er kærkomið tækifæri til þess en
þetta er hvergi nærri búið.“
Framtíð Vals er mjög björt
Framtíð Vals er mjög björt enda
mikið og gott starf verið unnið og
vel haldið utan um þjálfun yngri
flokkanna. Ragnheiður hlær við
þegar hún er spurð hvort liðið í ár
sé betra en Valsliðið 1989.
„Já, þetta er allt annað umhverfi.
Þær byrja að æfa 10-11 ára gaml-
ar á meðan að við byrjuðum í
kringum fimmtán ára aldurinn.
Þær eru snemma komnar í tækni-
æfingar en ég er ekki frá því að
taktískt þá höfum við verið betri.
Við vorum ótrúlega góðar,“ segir
Ragnheiður hlæjandi. „En í dag er
úr miklu meira að moða en í þá
daga og eru liðin því með valda
stúlku í hverri stöðu. Það gerir
gæfumuninn.“
Hlíðabúar þurfa að bíða lengur
eftir titli frá meistaraflokki karla
en sá titill hefur ekki komið nærri
Valsheimilinu síðan 1987. Það
verður því hátíðarstemning á
Hlíðarenda í dag og er búist við
múg og margmenni á völlinn sem
mun vafalítið styðja við bakið á
sínu liði. smari@frettabladid.is
Fimmtán ár frá síðasta titli
Valskonur geta í dag unnið fyrsta Íslandsmeistaratitil félagsins í knattspyrnu karla og kvenna
síðan 1989. Ragnheiður Víkingsdóttir var fyrirliði Vals fyrir fimmtán árum.
ÚR ÍÞRÓTTAHEIMINUM
Bandaríkjamennfara svo sannar-
lega ekki tómhentir
heim af Ólympíu-
leikunum, ef marka
má frammistöðu
þeirra á fimmtudag-
inn þegar þeir sóp-
uðu til sín fimm verðlaunum, nánast á
einu bretti. Shawn Crawford, Bern-
ard Williams og Justin Gatlin hömp-
uðu þremur efstu sætunum í 200
metra hlaupi meðan að Dwight
Phillips og John Moffitt lentu í
tveimur efstu sætum úrslitanna í lang-
stökki. Einnig höfðu Bandaríkjamenn
ástæðu til að fagna Felix Sanches
sem stóð uppi sem sigurvegari í 400
metra grindarhlaupi. Sanches, sem er
frá Dómíníska Lýðveldinu, er fæddur í
New York og alinn upp í San Diego.
Grikkir fjölmenntuá úrslit 200
metra hlaupsins á
Ólympíuleikunum
þó svo að þeirra
maður, Kostas
Kenteris, væri fjarri
góðu gamni vegna lyfjamisferlis.
Grikkir hrópuðu nafn hans ótt og títt
enda höfðu þeir upphaflega borgað
fyrir aðgang til að sjá Kenteris verja
Ólympíutitil sinn. Shawn Crawford,
sigurvegari 200 metra hlaupsins,
sagðist skilja reiði Grikkja. „Við erum
stödd þar sem ólympíuleikarnir urðu
til, núverandi ólympíumeistari er
grískur en það voru vissar kringum-
stæður sem urðu til þess að hann gat
ekki tekið þátt“ sagði Crawford.
„Grikkir eru skiljanlega mjög
vonsviknir og reiðir“.
Dregið í 3. umferð Evrópukeppni félagsliða í knattspyrnu í gær:
FH mætir þýsku neðrideildar liði
VALSFÖGNUÐUR MEÐ FIMMTÁN ÁRA ALDURSMUN Valskonur geta tryggt sér Íslandsmeistaratitilinn í kvennafótboltanum vinni
þær Breiðablik í dag. Valur vann síðast titilinn fyrir fimmtán árum og þá tók Ragnheiður Víkingsdóttir við bikarnum eins og sjá má hér á
myndinn til vinstri. Þótt það eru ekki nema 15 ár síðan þá var myndin aðeins til svarthvít í myndasafni blaðsins. Valsstúlkur hafa sett
mikinn svip á knattspyrnusumarið með líflegum leik og skemmtilegum fögnum og hér sést eitt þeirra fyrir ofan en það er úr einum af
mikilvægari leikjum liðsins, 3–1 sigri á erkifjendunum úr liði ÍBV.