Fréttablaðið - 28.08.2004, Blaðsíða 4
4 28. ágúst 2004 LAUGARDAGUR
Líkfundur í Najaf:
Tíu lík í dómssal al Sadr
ÍRAK, AP Íraska lögreglan fann að
minnsta kosti tíu lík í byggingu í
Najaf, sem talið er að sjíaklerkur-
inn Muqtada al Sadr hafi notað
sem dómssal.
Stuðningsmenn al Sadr segja
líkin vera af félögum þeirra sem
hafa fallið í átökum við íraskar og
bandarískar hersveitir undan-
farnar vikur. Daunninn af líkun-
um varð til þess að lögreglan fann
þau. Líkin höfðu verið brennd og
voru mjög rotin.
Blaðamaður AP-fréttastofunn-
ar sá tíu lík sjálfur í byggingunni.
Líkin voru hulin með teppum en
eitt líkanna var af eldri konu. Ekki
er ljóst hvað varð fólkinu að
aldurtila. Talsmaður lögreglunnar
í Najaf segir sum líkanna vera af
lögreglumönnum en önnur af
óbreyttum borgurum.
Áður en átökin hófust í Najaf
sakaði lögreglan stuðningsmenn
al Sadr um að taka lögreglumenn í
gíslingu og drepa suma þeirra.
Réttarsalur al Sadr hefur verið
starfræktur um skeið en stjórn-
völd í Írak hafa farið fram á að
honum verði lokað. ■
HÚSNÆÐISMÁL Íbúðalánasjóður til-
kynnti í gær að frá og með næsta
mánudegi yrðu vextir á lánum
sjóðsins 4,35 prósent. Þetta er 0,05
prósentustigum lægra en bank-
arnir hafa boðið í þessari viku.
Hallur Magnússon hjá Íbúða-
lánasjóði segir að tekin hafi verið
ákvörðun um það í fyrradag að í
stað þess að vaxtabreytingar
sjóðsins hlaupi á heilum tugum þá
séu þær á heilum og hálfum tugi.
Þetta hefur það í för með sér að
vextir á lánunum verða 4,35 pró-
sent en ekki 4,4 prósent.
Að sögn Halls var þetta ákveð-
ið í fyrrakvöld en hann segir að
Íbúðalánasjóður sé þó ekki að
keppa við bankana sem í vikunni
hafa boðið 4,4 prósenta vexti. „Við
erum ekki að keppa við einn eða
neinn í þessu,“ segir Hallur.
Bankarnir hafa gagnrýnt
Íbúðalánasjóð fyrir að fara ekki í
opin útboð um skuldabréf í íbúða-
lánakerfinu en Hallur segir að
vegna aðstöðunnar á bankamark-
aði nú hafi verið gripið til þess
ráðs að hafa útboðið lokað. „Og
það er líka alveg ljóst að þessa
dagana hefðu hagsmunir bank-
anna verið að hækka ávöxtunar-
kröfu bréfanna,“ segir Hallur.
Hallur segir að hjá Íbúðalána-
sjóði hafi menn efasemdir um að
bankarnir geti staðið undir því að
bjóða lán með þeim kjörum sem
hafa verið auglýst. „Hvernig á
Sparisjóðurinn að geta boðið 4,4
prósenta vexti ef langtímavextir
lækka ekki á næstu örfáu mánuð-
um. Þeir geta ekkert fjármagnað
þetta,“ segir Hallur.
Hallur telur að þótt bankarnir
séu farnir að bjóða svo lága vexti
til íbúðakaupa þá ógni það ekki til-
vist Íbúðalánasjóðs. „Í fyrsta lagi
þá hefði þetta tilboð KB banka
aldrei orðið nema með tilstilli
Íbúðalánasjóðs. Þetta er bein af-
leiðing af tvennu; endurskipu-
lagningu skuldabréfaútboða hjá
okkur þar sem við tryggðum okk-
ur og lækkuðum vaxtagólfið í
landinu með sölu á íbúðabréfum á
erlenda markaði og úrskurðar
ESA um að starfsemi okkar félli
innan ákvæða EES-samningsins,“
segir hann.
Hann segir að Íbúðalánasjóð-
ur hafi það markmið að tryggja
jafnræði á lánamarkaði og
lækka vextina. Það sé hins veg-
ar ekki markmið að Íbúðalána-
sjóður haldi svo hárri markaðs-
hlutdeild sem hingað til. „Þvert
á móti þá er það mjög ánægju-
leg þróun að bankarnir séu að
koma inn á þetta í meiri mæli,“
segir Hallur.
thkjart@frettabladid.is
AÐSKILNAÐARMÚRINN KLIFINN
Palestínskir mótmælendur klifra upp á
aðskilnaðarmúrinn sem ætlað er að verði
fullreistur á næsta ári.
Landnemabyggðir á
Vesturbakkanum:
Bush gefur
Sharon
grænt ljós
ÍSRAEL, AP Ariel Sharon, forsæt-
isráðherra Ísraels, hefur fengið
meðbyr til að framfylgja áætl-
un sinni um byggingu 1.800
húsa á vesturbakkanum eftir að
bandarísk stjórnvöld neituðu að
fordæma áætlunina.
Óbeinn stuðningur Banda-
ríkjanna verður hugsanlega til
þess að Sharon getur friðað
harðlínumenn sem hafa sett sig
á móti aðgerðunum.
Palestínumenn eru hins veg-
ar ævareiðir og þessi ákvörðun
Bandaríkjamanna gæti gert
þeim erfitt með að miðla mál-
um milli deilenda, en í henni
felst breyting á margra ára
stefnu þeirra í málefnum Mið-
Austurlanda. ■
Er rétt hjá Ólafi Stefánssyni að
taka sér frí frá keppni með hand-
boltalandsliðinu?
Spurning dagsins í dag:
Á borgin að selja fyrirtæki sem eru í
samkeppni við einkaaðila?
Niðurstöður gærdagsins
á visir.is
28%
72%
Nei
Já
KJÖRKASSINN
Farðu inn á visir.is og segðu þína skoðun
visir.is
Kúba:
Milljarða
króna tjón
HAMFARIR Stjórnvöld á Kúbu áætla
að skemmdir af völdum fellibylsins
Charley sem gekk yfir eyjuna fyrir
tveimur vikum síðan nemi tugum
milljarða króna.
Um 70 þúsund heimili í landinu
urðu fellibylnum að bráð og eru al-
veg eða að hluta til ónýt. Rafmagn
fór af tugum borga og bæja og enn
er verið að koma lagi á rafmagn
víða. Um 13 þúsund manns eru
heimilislausir í Havana einni sam-
an en ekki er vitað með vissu um
heildarfjöldann á landinu öllu.
Skorað hefur verið á stjórnvöld að
bregðast sem fyrst við ástandinu í
landinu. ■
UPPBYGGING HAFIN
Fellibylurinn Charley olli usla á fleiri
stöðum en í Bandaríkjunum.
DÓMSSALURINN
Eitt líkanna tíu var af aldraðri konu
en stuðningsmenn al Sadr segja
þetta fallna skæruliða.
Stykkishólmur:
Kærður fyrir
kynferðis-
ofbeldi
LÖGREGLA Fjörutíu og sex ára gam-
all maður er grunaður um að hafa
beitt stúlku á ellefta ári kynferð-
islegu ofbeldi í Stykkishólmi þeg-
ar Danskir dagar voru haldnir þar
fyrr í mánuðinum. Málið var kært
til lögreglu.
Í Fréttablaðinu í gær kom fram
að lögreglan í Stykkishólmi vildi
ná tali af konu sem hafði fylgt
stúlkunni frá Laufásvegi í Stykk-
ishólmi að tjaldstæðinu þar í bæ.
Konan hafði samband við lögregl-
una snemma í gærmorgun eftir að
hafa lesið fréttina og gat því
styrkt framburð stúlkunnar.
Stúlkan er frá Reykjavík og
var gestkomandi í Stykkishólmi
ásamt foreldrum sínum. Foreldr-
ar hennar gistu á tjaldsvæðum en
hún í heimahúsi í bænum. Maður-
inn sem grunaður er um verknað-
inn var einnig gestkomandi í bæn-
um og gisti í sama húsi og stúlkan.
Hún yfirgaf húsið og hjálpaði kon-
an henni að komast á tjaldstæðin
til foreldra sinna. ■
Landbúnaðarháskólinn:
Ágúst skip-
aður rektor
MENNTAMÁL Dr. Ágúst Sigurðsson
hefur verið skipaður í stöðu rekt-
ors Landbúnað-
arháskóla Ís-
lands til næstu
fimm ára. Skól-
inn verður til úr
s a m e i n i n g u
Landbúnaðarhá-
skólans á Hvann-
eyri, Garðyrkju-
skóla ríkisins og
Rannsóknastofn-
unar landbúnað-
arins frá og með
1. janúar 2005.
Ágúst lauk doktorsprófi í bú-
fjárerfðafræði við sænska land-
búnaðarháskólann árið 1996 og
hlaut viðurkenningu fyrir framúr-
skarandi árangur í doktorsnámi frá
konunglegu sænsku akademíunni.
Umsækjendur um stöðuna voru
14 og voru þeir allir taldir uppfylla
lágmarksskilyrði laga um hæfni. ■
ÁGÚST
SIGURÐSSON
Nýskipaður rektor
við Landbúnaðar-
háskóla Íslands.
VIÐSKIPTI Hlutabréf í deCode, móð-
urfélagi Íslenskrar erfðagreining-
ar, féllu hratt í viðskiptum á
hlutabréfamörkuðum vestan hafs
í gær í kjölfar yfirlýsingar um að
e n d u r s k o ð u n a r f y r i r t æ k i ð
Pricewaterhouse Coopers væri
hætt að starfa fyrir deCode.
Að sögn Eiríks Sigurðssonar,
upplýsingafulltrúa Íslenskrar
erfðagreiningar, var ekki um
neinn ágreining á milli aðilanna
tveggja að ræða. Hann segir að
engar deilur séu um reiknings-
skil eða bókhald. „Enda hefði
þurft að tilkynna það til banda-
ríska verðbréfaeftirlitsins,“ seg-
ir Eiríkur.
Stutt er í aðalfund deCode og
má þá búast við því að nýir endur-
skoðendur félagsins verði kynntir
„Það má líka segja að þetta sé
hluti af því ferli að skipta um end-
urskoðendur,“ segir hann.
Bréf í deCode lækkuðu í við-
skiptum á Nasdaq í gær og stóðu í
5,75 dölum á hlut við lokun
markaða – sem er 9,52 prósenta
lækkun frá fimmtudeginum.
Fjármálafyrirtækið J.P. Morg-
an gaf út yfirlýsingu vegna brott-
hvarfs Pricewaterhouse Coopers
og telur ekki að efnislegur ágrein-
ingur hafi ráðið ákvörðuninni en
gefur í skyn að samskipti milli
endurskoðenda og fjármáladeild-
ar deCode hafi valdið samstarfs-
slitunum. J.P. Morgan telur ekki
að þessi tíðindi hafi áhrif á verð-
mat félagsins. ■
VEIÐIMENNSKA Veiðifélag Skaftár lýs-
ir yfir alvarlegum áhyggjum vegna
hugmynda Landsvirkjunar um fyr-
irhugaða Skaftárveitu, þar sem
hluta af vatnsmagni árinnar verði
veitt yfir á vatnasvæði Tungnaár og
Þjórsár. Ályktun þess efnis var
samþykkt á aðalfundi Veiðifélags
Skaftár. Þar segir að félagið leggist
því alfarið gegn öllum virkjana-
framkvæmdum sem hugsanlega
gætu haft áhrif á vatnsbúskap og
veiðimöguleika í ánum á vatna-
svæði Skaftár og þar með stofnað í
hættu þeim miklu atvinnuhagsmun-
um sem byggðarlagið hefur af veiði
og veiðitengdri ferðaþjónustu. ■
Veiðifélag Skaftár:
Áhyggjur af
Skaftárveitu
deCode skiptir um endurskoðendur:
Bréf lækkuðu um 9,5 prósent
HÖFUÐSTÖÐVAR ÍSLENSKRAR ERFÐAGREININGAR
deCode leitar nú að nýjum endurskoðanda eftir að Pricewaterhouse Coopers sagði sig
frá verkefninu.
■ BANDARÍKIN
FRESTA ÁKÆRU Í GUANTANAMO
Bandarískur herdómstóll sem
dæmir í málum fanga í herstöðinni
við Guantanamo-flóa hefur frestað
að birta meintum aðalgjaldkera al-
Kaída hryðjuverkasamtakanna
ákæru. Honum verður birt ákæra
síðar ásamt níu öðrum, þar á meðal
nokkrum sem stóðu að árásunum á
World Trade Center.
HALLUR MAGNÚSSON
Hefur áhyggjur af því að bankarnir standi ekki undir því að bjóða lán á þeim kjörum sem
kynnt hafa verið undanfarna viku.
FR
ÉT
TA
B
LA
Ð
IÐ
/R
Ó
B
ER
T
Engin samkeppni
án Íbúðalánasjóðs
Íbúðalánasjóður lækkaði í gær vexti niður fyrir tilboð bankanna. Hallur
Magnússon segir að samkeppnin á lánamarkaði í dag sé vegna tilvistar
Íbúðalánasjóðs. Sjóðurinn sé því ekki óþarfur.