Fréttablaðið - 21.09.2004, Blaðsíða 6

6 21. september 2004 ÞRIÐJUDAGUR
Leikskólakennarar án samninga:
Vilja sömu laun og kennarar
KJARAMÁL Daglaun leikskólakenn-
ara eru um 30 þúsund krónum
lægri en grunnskólakennara á
mánuði. Leikskólakennarar setja
fram kröfur um sambærileg laun
fyrir sambærilega menntun í
kjaraviðræðum við ríkið.
Björg Bjarnadóttir, formaður
Félags leikskólakennara, segir nið-
urstöðu kjaraviðræðna kennara
verða nýttar til viðmiðunar í við-
ræðum leikskólakennara við ríkið.
„Leikskólakennarar eru tölu-
vert fyrir neðan kennara í launum.
Við höfum ekki rannsakað af hver-
ju svo er og sennilega eru margar
skýringar. Ætli ástæðan sé ekki
fyrst og fremst viðhorfin í samfé-
laginu. Eftir því sem fólkið er
yngra er það minna merkilegra,“
segir Björg: „Okkar mál hanga á
deilu grunnskólakennara og
hvernig henni fram vindur. Ekkert
hefur verið rætt lengra inn í fram
í tímann og ekki er tímabært að
segja til um hvort komi til verk-
falls.“
Karl Björnsson, formaður
samninganefndar sveitarfélag-
anna í viðræðum við leikskóla-
kennara, segir viðræðurnar við
leikskólakennara á grunnstigi:
„Ég geri mér grein fyrir því að
allir opinberir starfsmenn sem og
starfsmenn á opinberum markaði
munu horfa til niðustaðna kjara-
samninga kennara,“ segir Karl.
Kjarasamningar leikskólakenn-
ara runnu út í ágústlok. Björg
segir viðræðuáætlun við sveitar-
félögin ná út september. Í fram-
haldinu verði skoðað hvort hún
verði framlengd. ■
Ágreiningur í hæsta-
rétti um Jón Steinar
Ólafur Börkur Þorvaldsson, hæstaréttardómari telur meirihluta hæsta-
réttar raða Jóni Steinari Gunnlaugssyni of aftarlega í hæfnisröð í um-
sögn um skipan hæstaréttardómara.
HÆSTIRÉTTUR Meirihluti hæsta-
réttar hefur í umsögn til setts
dómsmálaráðherra komist að
þeirri niðurstöðu að lagaprófess-
orarnir Eiríkur Tómasson og
Stefán Már Stefánsson séu hæf-
astir umsækjenda um laust starf
dómara í réttinum. Ólafur Börk-
ur Þorvaldsson, hæstaréttar-
dómari skilaði séráliti þar sem
hann segist telja að Jóni Steinari
Gunnlaugssyni, hæstaréttarlög-
manni sé skipað of aftarlega í
hæfnisröð meirihlutans.
Í umsögn meirihlutans segir
að Hjördís Hákonardóttir, dóm-
stjóri sé næst hæfust en að baki
henni og prófessorunum standi
jafnir Allan Vagn Magnússon,
Eggert Óskarsson og Jón Steinar
Gunnlaugsson. Leó Löve er
skipað aftast.
Þessu unir Ólafur Börkur
Þorvaldsson, hæstaréttardómari
ekki ,einn hæstaréttardómara.
Hann segir í umsögn sinni að
hann telji „hæpið að ... raða um-
sækjendum í sérstaka röð eftir
hæfni.“ Ólafur Börkur gagnrýn-
ir að fræðistörfum sé gert
hærra undir höfði en starfi sak-
sóknara, dómara og lögmanna.
„Verður því sú aðferð sem við-
höfð er hjá meirihlutanum að
mínu áliti ekki eins sanngjörn og
ætla mætti við fyrstu sýn.“
Síðan segir Ólafur Börkur:
„Lögmaðurinn Jón Steinar
Gunnlaugsson er, vegna kunn-
áttu og reynslu, afburðamaður á
sviði lögfræði. Því er mér
ómögulegt að komast að þeirri
niðurstöðu að raða honum jafn
aftarlega og gert er í áliti meiri-
hlutans.“ Óvenjulegt er að
hæstiréttur skili ekki samhljóða
umsögn um umsækjendur um
starf hæstaréttardómara en þó
ekki einsdæmi.
Geir H. Haarde, fjármálaráð-
herra er settur dómsmála-
ráðherra í skipan dómara að
þessu sinni. Björn Bjarnason,
dómsmálaráðherra lýsti sig
vanhæfan til þess vegna óút-
kljáðs máls Hjördísar Hákonar-
dóttur. Umboðsmaður Alþingis
hafði komist að þeirri niðurstöðu
að farið hefði verið á svig við
jafnréttislög þegar Ólafur Börkur
Þorvaldsson, var skipaður hæsta-
réttardómari, en Hjördís var þá
eins og nú umsækjandi um starf
hæstaréttardómara.
Geir H. Haarde, er nú staddur
í Bandaríkjunum þar sem hann
mun meðal annars flytja ræðu
utanríkisráðherra á allsherjar-
þingi Sameinuðu þjóðanna. Hann
hefur lýst því yfir að embættis-
veitingin bíði heimkomu hans í
næstu viku. Allir hæstaréttar-
dómararnir telja alla umsækj-
endurna sjö hæfa til starfans og
því er settum dómsmálaráðherra
– lagalega að minnsta kosti – í
sjálfsvald sett hvern hann skipar
í embættið.
a.snaevarr@frettabladid.is
Kosningar í Úkraínu:
Ásakanir um
bolabrögð
KÆNUGARÐUR, AP Rannsókn er hafin
í Úkraínu á hugsanlegu morðtil-
ræði við einn helsta stjórnarand-
stæðing þjóðarinnar. Viktor Yus-
hchenko varð veikur þann 6. sept-
ember og var sendur á sjúkrahús
í Vín í Austurríki og er talið hugs-
anlegt að reynt hafi verið að eitra
fyrir honum.
Forsetakosningar fara fram í
október og er Yushchenko einn
aðsópsmesti frambjóðandinn.
Kosningastjóri hans lýsti því yfir
um leið og veikindin gerðu vart
við sig að eitrað hefði verið fyrir
frambjóðandanum. Læknar gátu
hvorki staðfest né hafnað tilgát-
unni.
Annar leiðtogi stjórnarand-
stöðunnar, Yulia Tymoshenko,
hélt því fram í gær að stjórnvöld
hefðu haft í hyggju að nema sig á
brott í aðdraganda kosninganna. ■
VEISTU SVARIÐ?
1Hvar er leiksýningin Sellófan sýnd?
2Hve miklu fleiri íslenskir ríkisborgar-ar fluttu frá Austfjörðum en til þeirra
fyrstu átta mánuði ársins?
3Hve mörg mörk fengu Íslandsmeistar-ar FH á sig í Landsbankadeildinni í
sumar?
Svörin eru á bls. 22
VALT Í LAUSAMÖL Bíll valt
skammt frá Flúðum laust fyrir
hádegi í gær. Að sögn lögreglu
missti ungur ökumaður stjórn á
bílnum í lausamöl með þeim
afleiðingum að hann fór út af
veginum og valt. Maðurinn var
fluttur með sjúkrabíl á Landspít-
alann. Hann slasaðist lítilsháttar.
Bíllinn er líklega ónýtur.
FULLUR UM MIÐJAN DAG Einn
maður var kærður fyrir ölvun-
arakstur í Reykjavík um klukkan
þrjú í gærdag. Ökulag mannsins
þótti eitthvað skrykkjótt og var
hann því stöðvaður.
■ LÖGREGLUFRÉTTIR
■ LÖGREGLUFRÉTTIR
Sveinn Einarsson:
Gaf andvirði
veisluhalds
Sveinn Einarsson, fyrrum þjóð-
leikhússtjóri, hélt ekki upp á
sjötugsafmælið sitt heldur gaf
hann Íslandsdeild Amnesty
International andvirði slíkrar
veislu.
Sveinn afhenti gjöfina á skrif-
stofu Amnesty International í
Hafnarstræti í gær þar sem
Jóhanna K. Eyjólfsdóttir veitti
henni viðtöku. Tekið er á móti
frjálsum framlögum til mann-
réttindastarfsins í SPRON á
reikning 1158-26-8717. ■
SVEINN EINARSSON
Gaf andvirði afmælisveislu.
VIKTOR YUSHCHENKO
Talið er hugsanlegt að veikindi hans megi
rekja til eitrunar.
FR
ÉT
TA
B
LA
Ð
IÐ
/A
P
MAT OG TÖLVU STOLIÐ Brotist var
inn á matsölustað í miðbænum
skömmu eftir hádegi í gær og mat
stolið. Einnig var brotist inn á
heimili í Austurbænum. Gluggi
var spenntur upp og skartgripum,
rafmagnstækjum og fartölvu
stolið. Ekki er vitað hverjir voru
að verki og eru bæði málin í rann-
sókn.
HÆSTIRÉTTUR
Meirihluta réttarins og Ólaf Börk Þorvaldsson, hæstaréttardómara (annar frá vinstri)
greinir á um hvort raða skuli umsækjendum í hæfnisröð og hvar skipa skuli Jóni Steinari
Gunnlaugssyni í þá röð.
Á LEIKSKÓLANUM KLÖMBRUM
Formaður Félags leikskólakennara veltir
því fyrir sér hvort lægri laun leikskólakenn-
ara en grunnskólakennara séu vegna þess
að yngra fólk þyki minna merkilegra en
það eldra.
BJÖRG BJARNADÓTTIR
Segir leikskólakennara horfa til samninga
grunnskólakennara. Þeir vilja sambærileg
laun fyrir sambærilega menntun.