Fréttablaðið - 21.09.2004, Blaðsíða 38
30 21. september 2004 ÞRIÐJUDAGUR
Laganemarnir Fróði Steingríms-
son, Daði Ólafsson og Bergur Ebbi
Benediktsson eru frumkvöðlar að
nýjum þætti sem verður sýndur í
Ríkissjónvarpinu. Þeir félagar
skrifuðu handritið og fara um 15
lögfræðinemar úr Háskóla Íslands
með allan leik en Orator, félag
lögfræðinema, stendur að þáttun-
um. Þættirnir kallast „Réttur er
settur“ en þættir með því nafni
voru áður á dagskrá sjónvarpsins
og hófu göngu sína á sjöunda ára-
tugnum og voru á dagskrá í um
tuttugu ár. Nýja þættinum er ekki
ætlað að líkjast þeim gamla of
mikið heldur er ætlunin að búa til
nýja þætti undir sama nafni.
Aðspurður hvort þeir muni líkj-
ast lögfræðidramanu The Practice
svarar Fróði: „Ég áttaði mig á því
þegar ég horfði á þann þátt um
daginn að ekki er hægt að líkja
þeim saman. Við einbeitum okkur
að réttarhöldunum og dómsmálun-
um en fjöllum ekki um einkalíf
lögfræðinganna og eru þættirnir
því lausir við ástarvellu og fram-
hjáhöld.“ Þeir félagar höfðu það
markmið að velja áhugaverð og
skemmtileg dómsmál og því hægt
að búast við alvörudeilum og
ærslafullum réttarhöldum.
„Tilgangur þáttanna er aðallega
að fræða fólk um íslenskt dóms-
kerfi auk þess sem þeir innihalda
áhugaverð dómsmál úr einkalífi
fólks sem margir geta samsamað
sig með,“ segir Fróði. Byrjað
verður á að sýna prufuþátt og von-
ast félagarnir til að fá góðar undir-
tektir og að þátturinn verði áfram
á dagskrá sjónvarpsins. Fyrri upp-
tökur á þáttunum fóru fram í
stúdíói í lok ágúst og seinni upp-
tökur eru nú í fullum gangi. Ríkis-
sjónvarpið kostar gerð þáttanna og
sér um upptökur og leikmynd og
auglýsingastofan Þeir Tveir sér
um framleiðslu, klippingu og leik-
stjórn. ■
Fáðu flott
munnstykki
í dag
Kennari
rekinn úr
stjórn vegna
gruns um
dónaskilaboð
til nemenda
Strokupilturinn
framseldur af
mömmu sinni
Lögreglan kom
honum á Stuðla
Mikil hamingja ríkti á dögunum við
Gullfoss þegar erlendur ferða-
maður bað ástkonu sinnar við foss-
inn. Maðurinn er frá Nýja-Sjálandi
og konan frá Ástralíu. Mikið var af
fólki við Gullfoss þennan dag og
ákaft klappað þegar maðurinn
skellti sér á skeljarnar. Bónorðið
kom henni mikið á óvart og sagði
hún með tárin í augunum að hann
hefði sagt fyrir mörgum árum að ef
þau myndu einhvern tíma komast
til Íslands myndi hann biðja hennar.
Svarið stóð heldur ekki á sér: Já! ■
Bónorð við Gullfoss
LÖGFRÆÐINEMAR RÁÐAST Í ÞÁTTAGERÐ.
Lausir við ástarvellu
„Er það ekki bara O sole mio?“ spyr Gunnar Þórðarson á
móti þegar hann er spurður hvort hann eigi sér eitthvert
uppáhaldslag. Eitthvað sem honum finnst standa upp úr
af öllum lögum sem samin hafa verið í heiminum.
„Nei annars, þetta var alveg út í loftið,“ bætir hann svo
við.
Þegar hann hafði fengið tóm til að jafna sig aðeins á
spurningunni, kom þó svarið: „Ætli það sé ekki músíkin í
La Bohème. Hún er alveg yndisleg og í miklu uppáhaldi
hjá mér.“
Tónlistin í La Bohème er ein vinsælasta ópera sem skrif-
uð hefur verið. Hún er eftir ítalska tónskáldið Giaccomo
Puccini og var frumflutt í Torínó árið 1896. Hún sló
reyndar ekki í gegn strax, því formið þótti kannski einum
of frjálslegt og afslappað miðað við það sem menn áttu
að venjast á þessum tíma.
Gunnar Þórðarson er einhver ástsælasti og vandaðasti
lagahöfundur þjóðarinnar, og af einhverjum ástæðum
höfðar þessi gullfallega tónlist sterkt til hans.
„Hún er alveg frábær þessi ópera. Ég er búinn að sjá hana
fjórum sinnum og reyni að sjá hana alltaf þegar hún er
flutt.“
La Bohème hefur nokkrum sinnum verið flutt hér á landi,
síðast í Íslensku óperunni árið 2001, og jafnan við miklar
vinsældir.
„Það er alveg kominn tími á að flytja hana aftur,“ segir
Gunnar og er staðráðinn í að mæta strax og færi gefst.
| SÉRFRÆÐINGURINN |
VIÐ GULLFOSS Maðurinn stóð við loforð sitt til margra ára að biðja hennar á Íslandi.
Mikil leynd hvílir yfir væntan-
legri skáldsögu Ólafs Jóhanns
Ólafssonar, reyndar svo mikil að
einungis örfáir aðilar munu hafa
vitneskju um efni sögunnar.
Fréttablaðið getur hins vegar
upplýst að skáldsaga Ólafs
Jóhanns mun bera titilinn Sak-
leysingjarnir.
Hið eina sem hefur spurst út
um efni bókarinnar er að hér sé
á ferðinni mikil örlagasaga og
hún sé að hluta til byggð á sann-
sögulegum atburðum er skóku
íslenskt þjóðfélag og skildu
eftir sig djúpstæð sárindi í ekki
svo fjarlægri fortíð. Sumar af
persónum bókarinnar eiga sér
sem sagt raunverulegar fyrir-
myndir og þar á meðal eru
þekktir núlifandi Íslendingar.
Fréttablaðið hefur heimildir
fyrir því að þessar sögupersón-
ur Ólafs Jóhanns, sakleysingj-
arnir, sitji nú og lesi handritið
og hjá útgáfufélagi hans bíða
menn spenntir eftir viðbrögðum
þeirra. ■
Bók Ólafs Jóhanns byggir á raunverulegu fólki:
Sakleysingjarnir lesa
ÓLAFUR JÓHANN ÓLAFSSON Hér held-
ur höfundurinn á Sóley dóttur sinni en að-
alpersóna Sakleysingjanna ber einmitt líka
það nafn.
FR
ÉT
TA
B
LA
Ð
IÐ
/G
VA
RÉTTUR ER SETTUR Upptökur á nýju lögfræðiþáttunum eru enn í fullum gangi.
GUNNAR ÞÓRÐARSON „Hún er alveg frábær
þessi ópera.“
Lagasmíðar: Tónlistin í La Bohème
FR
ÉT
TA
B
LA
Ð
IÐ
/V
IL
H
EL
M