Fréttablaðið - 25.09.2004, Blaðsíða 44

28 25. september 2004 LAUGARDAGUR
Ég reyni að nálgast hann eins og
um góðan og hjartahlýjan mann
sé að ræða,“ segir Ágúst Ólafs-
son, barítonsöngvarinn ungi sem
syngur titilhlutverkið í Sweeney
Todd, rakarann morðóða, sem
Íslenska óperan frumsýnir innan
tíðar. Hlutverk Todds er fyrsta
hlutverkið sem Ágúst syngur á
óperusviðinu en hann hefur verið
við söngnám erlendis um nokk-
urra ára skeið – reyndar er Ágúst
enn í námi við Sibeliusar-akadem-
íuna í Helsinki, en hefur ekki haft
tíma til þess að ljúka því vegna
anna.
Rödd Ágústs er ekki vel þekkt
hér heima, enda hefur hann að-
eins tvisvar komið fram á opin-
berum tónleikum í Salnum í
Kópavogi. Okkur, sem urðum
vitni að þeim tónleikum, duldist
hins vegar ekki að hér var á ferð
stórkostlegur söngvari og bíðum
auðvitað spennt eftir því að hlýða
á hann í Sweeney Todd, í hlut-
verki illvirkjans. En hvað meinar
maðurinn með því að morðóði
rakarinn sé góður og hjartahlýr?
Reynslan hefur gert hann að ill-
menni
„Todd hefur lent í alveg hrika-
legri stöðu,“ segir Ágúst. „Það
hefur verið illa farið með hann.
Allt sem er honum einhvers virði
í lífinu er tekið frá honum. Konan
hans fremur sjálfsmorð í kjölfar-
ið á illverkum dómara og dóttir
hans er síðan ættleidd af þessum
sama dómara. Þetta er staðan
þegar Todd kemur kemur aftur
heim til London eftir fimmtán ára
fangavist í Ástralíu, en þangað
var hann sendur af téðum dóm-
ara. Reynslan hefur gert hann að
því illmenni sem við sjáum á svið-
inu.“
Hvað kom til að þú varst val-
inn í þetta stóra hlutverk?
„Bjarni Daníelsson óperustjóri
hringdi í mig og spurði hvort ég
hefði áhuga á að taka þátt í iþessu
verkefni. Ég þekkti þetta verk lít-
ið og samdi reyndar um að taka
það að mér án þess að hafa litið á
nóturnar – sem er mjög óvenju-
legt. En ég var staddur í Þýska-
landi og átti ekki aðgang að nót-
unum. Hins vegar hafði ég heyrt
um þetta verk vegna þess að
söngkennarinn minn í Finnlandi
hafði sungið hlutverkið við
Finnsku óperuna, auk þess sem
frægir söngvarar eins og Thomas
Allen og Bryn Terfel höfðu
sungið það nýlega.“
Hvernig varð þér við þegar þú
sást nóturnar?
„Mér brá þegar ég las þær.
Legan á sönglínunni er mjög lág í
hlutverkinu og reyndar hef ég
lesið viðtal við Sondheim, höfund
óperunnar, þar sem hann sagðist
vera undrandi á þeim vinsældum
sem hún hefur náð vegna þess að
hann er að gera mjög miklar kröf-
ur til söngvaranna. En það var ein
ástæðan fyrir því að ég tók hlut-
verkið og ég sé ekki eftir því.
Ég ræddi við söngkennara minn í
Finnlandi og hann mælti eindreg-
ið með því að ég tæki það, einkum
vegna þess að það gerir miklar
kröfur til leiks og mig vantar
meiri þjálfun þar.“
Nemandi hjá Elizabeth
Schwarzkopf
Ágúst hóf söngnám við Tónlistar-
skólann í Hafnarfirði, þar sem
kennari hans var Eiður Ágúst
Gunnarsson. Þar var hann í fjögur
ár áður en hann hélt til Finnlands
til þess að nema við Síbelíusar-
akademíuna, en seinustu tvö árin
hefur hann verið skiptinemi í
ljóðasöngsdeild í Karlsruhe í
Þýskalandi. Við akademíuna í
Helsinki á hann eftir að ljúka
lokasöngprófinu og skrifa lokarit-
gerðina. „Það eru alltaf að koma
skemmtileg verkefni,“ segir
Ágúst, „auk þess sem ég hef tekið
þátt í ýmsum söngkeppnum. Í
Þýskalandi hef ég líka svo frá-
bæran kennara, Elizabethu
Schwarzkopf, auk þess sem ég hef
sótt masterklassa hjá Dietrich
Fischer-Dieskau, svo ég hef tafist
frá hefðbundnu söngnámi.“
Hefði ekki verið sniðugt að
klára fyrst í Finnlandi?
„Nei, þegar maður hefur tæki-
færi til þess að vinna með söngv-
urum eins og Schwarzkopf, sem
er orðin 88 ára gömul, þá grípur
maður það á meðan það gefst. Slík
tækifæri er ekki hægt að geyma.“
Hvernig tónlist hlustarðu helst
á þegar þú ert ekki að vinna?
„Ég hlusta á klassíska tónlist.
Ég byrjaði að læra söng vegna
mikils áhuga á klassískri tónlist.
Mig langaði einfaldlega til þess að
vita svo miklu meira um hana. Það
var bara tilviljun að ég skyldi
hafa rödd til þess að syngja hana
sjálfur. Að þessu leyti er ég mjög
einhæfur. Ég kaupi um það bil
hundrað geisladiska á ári og fer
mikið á klassíska tónleika.
Klassíkin er bara svo víðfeðm að
það er alltaf eitthvað nýtt til þess
að hlusta á. Ég lofaði sjálfum mér
að vísu einhvern tímann að ég
skyldi hlusta á djass þegar ég
hætti að syngja, væri kominn á
eftirlaun. Ég legg ekki í það strax,
vegna þess að þegar ég fæ dellu,
þá fæ ég hundrað prósent dellu og
vil hafa tíma fyrir hana.“
Lífið snýst um tónlistina
Ertu alinn upp við mikla hlustun á
klassískri tónlist?
„Nei. Móðir mín spilaði ein-
staka sinnum klassíska diska. En
þegar ég var að alast upp var
verið að sýna Kontrapunkt í sjón-
varpinu og þar vaknaði minn
áhugi.“
Hefurðu einhver önnur áhuga-
mál en sönginn?
„Það kemst afskaplega lítið
annað að. Ég reyni að hreyfa mig
og les mikið – en fyrst og fremst
snýst lífið um tónlistina.“
Hvað með einkalífið?
„Jú, jú, það er í góðu lagi. Ég á
kærustu.“
Er ún söngkona?
„Nei, hún er píanóleikari,
japönsk og býr í Þýskalandi.“
Hefurðu einhver plön um að
flytja heim til Íslands?
„Ég er ekki með nein ákveðin
plön eftir sýninguna hér á Sween-
ey Todd. Þetta er fyrsta „prófess-
jónal“-sýningin sem ég tek þátt í
og ég er dálítið að mæla út hvað
ég vil gera í framtíðinni; hvort ég
vil vera á óperusviðinu eða hvort
ég vil vera í ljóðasöng, óratoríum
og slíku. En næstu misserin er
planið að vera í útlöndum vegna
þess að ég hef þar aðgang að
bestu kennurum sem völ er á.“
sussa@frettabladid.is
Ágúst í hnotskurn
• Nam við Tónlistarskólann í Hafnarfirði, hjá Eiði Ágústi Gunnarssyni í fjögur ár.
• Er í námi við Síbelíusar-akademíuna í Helsinki.
• Er nú skiptinemi í Karlsruhe í Þýskalandi, undir leiðsögn Elisabeth
Schwarzkopf.
• Hefur sótt masterklassa hjá Dietrich Fischer-Dieskau og er að byrja að taka
þátt í söngkeppnum.
• Hlutverk Sweeneys Todd er fyrsta hlutverk Ágústs á óperusviði. Frægir söngv-
arar á borð við Thomas Allen og Bryn Terfel hafa nýlega sungið það hlutverk
í óperuhúsum erlendis.
• Áhugi Ágústs á klassískri tónlist kviknaði á unglingsárunum þegar hann
fylgdist með norrænu spurningakeppninni Kontrapunkti í sjónvarpinu.
SWEENEY TODD
Illvirkinn sem hefur
glatað öllu sem er
honum einhvers virði,
gæðir sér á kjötbökum
hjá frú Lóett.
Brá þegar ég las nóturnar
Ágúst Ólafsson baríton þreytir frumraun sína á sviði í hlutverki Sweeneys Todd hjá Íslensku óperunni. Hann stundar
söngnám við Síbelíusar-akademíuna í Helsinki, en hefur seinustu tvö árin verið skiptinemi í Karlsruhe í Þýskalandi.
ÁGÚST ÓLAFSSON Tilviljun að ég hafði rödd í klassíska tónlist.