Fréttablaðið - 01.10.2004, Síða 28

Jack Daniel’s Tennessee Gold (oftast kallaður
Jack Gold) hefur sérstöðu í hópi áfengra gos-
drykkja. Hann hefur talsvert flóknara bragð en er
ekki jafn sætur. Jack Gold kemur frá bruggmeist-
urum Jack Daniel’s sem eiga heiðurinn af einu
þekktasta viskí í heimi - Jack Daniel’s No. 7. Á
meðan Jack Daniel’s No. 7 er réttnefndur drykkur
rokkstjarnanna, þá má segja að Jack Gold sé
drykkur poppstjarnanna. Drykkurinn er ferskur og
svalandi drykkur með lime og engifer sem yfir-
gnæfa þó ekki viskíbragðið. Samkvæmt víðtækri
blindsmakk-könnun í Svíþjóð telja 80% þeirra
sem þátt tóku að Jack Gold gæti komið í staðinn
fyrir bjórsötrið á virkum dögum og jafnframt verið
„stuðdrykkur“ helgarinnar.
Verð í Vínbúðum 320 kr.
Jack Gold:
Drykkur poppstjarnanna
Loksins ætlarðu að vera myndarleg/ur í eldhúsinu en þá vill
árans matreiðslubókin ekki haldast opin. Gott ráð er að setja
glæran disk sem hægt er að lesa í gegnum oná bókina og halda
áfram að búa til lítið kraftaverk í eldhúsinu.
Nýtt í Vínbúðum
„Margir kannast við það að börnin
þeirra borði lítið sem ekkert
heima hjá sér en séu miklir mat-
hákar í leikskólanum. Út frá
þessu algenga vandamáli kvikn-
aði hugmyndin,“ segir Ásta Vigdís
Jónsdóttir, ritstjóri bókarinnar
Krakkaeldhús sem nýverið kom
út hjá útgáfunni Hemru. Í bókinni
eru tíndar til uppskriftir frá leik-
skólum landsins, sem hafa verið
vinsælar hjá börnunum, og fram-
settar á einfaldan og skemmtileg-
an máta. Áherslan er lögð á hollt
og fjölbreytt fæði sem börnum
líkar og geta vel gengið sem mál-
tíð fyrir alla fjölskylduna. „Ég
prófaði mikið af þessum upp-
skriftum á mínu heimili og hafa
þær allar slegið í gegn hjá börn-
unum og þá sérstaklega plokk-
fiskurinn,“ segir Ásta Vigdís.
Hráefnið í allar uppskriftirnar er
mjög aðgengilegt og í flestum til-
fellum ódýrt, sem skiptir miklu
máli fyrir barnafjölskyldur.
„Grænmetið sem sjaldan er vin-
sælt er fléttað á skemmtilegan
hátt inn í uppskriftirnar og á þann
veg að börnin borði það með bestu
lyst,“ segir Ásta Vigdís og tekur
það fram að ekki eigi að ganga að
því vísu að börnin borði ekki til-
tekinn mat.
Vandað var við allan frágang á
bókinni að sögn Ástu og var það
haft að leiðarljósi að bókin væri
litrík og höfðaði til barna.
„Börnin geta sjálf valið sér mat
úr bókinni og taka þannig þátt á
heimilinu. Við viljum með þessari
bók stuðla að jákvæðri og
skemmtilegri stund fjölskyldunn-
ar við matarborðið,“ segir Ásta
Vigdís.
Plokkfiskur með rúgbrauði
Fyrir fjóra:
Soðinn fiskur (ýsa og saltfiskur) 500 gr
Soðnar kartöflur 300 gr
Laukur, meðalstór 1
Smjör 50 gr
Hveiti 2 msk
Mjólk 3 dl
Salt og pipar eftir smekk
1. Saxið laukinn og látið krauma við vægan
hita í smjörinu þar til hann er orðinn glær.
2. Stráið hveitinu yfir laukinn og smjörið, aukið
hitann og hrærið vel í 1-2 mínútur. Bætið
mjólkinni út í smátt og smátt og síðan fiski
og kartöflum.
3. Hitið án þess að suðan komi upp.
4. Hrærið varlega í á meðan, svo fiskurinn
verði laus í sér og blandist vel í sósuna án
þess að fara í tægjur.
5. Bragðbætið með salti og pipar.
Borinn fram með rúgbrauði.
Krakkaeldhús:
Matur sem börnin borða
Krakkar borða oft matinn í leikskólanum af bestu lyst, nú er hægt að elda svipaðan mat heima.