Fréttablaðið - 01.10.2004, Side 44

ABC barnahjálp heldur árlegan
söfnunardag sinn á útvarpsstöð-
inni Lindinni í dag og að þessu
sinni verður safnað fyrir korna-
barnahúsi við El Shaddai barna-
heimilið við Chennai í Indlandi.
Heimilið var stofnað árið 1995 og
hefur alfarið verið rekið fyrir ís-
lenskt fé síðan.
Börnin á heimilinu eru 171 tals-
ins og eiga 163 þeirra íslenska
fósturforeldra en stuðningsaðila
vantar til að greiða fyrir fram-
færslu og menntun 8 barna á
heimilinu. Uppbygingin á heimil-
inu hefur verið mikil á síðustu
árum. Lokið var við byggingu nýs
íbúðarhúss fyrir börnin um síð-
ustu áramót en til að hægt verði
að halda áfram að taka við yfir-
gefnum kornabörnum er nauðsyn-
legt að byggja sérstakt korna-
barnahús fyrir heimilið. Korna-
barnahúsið kostar fullfrágengið
um 4,7 milljónir og hafa þegar
safnast 2 milljónir upp í það.
Áætlað er að 30 kornabörn dvelji
þar í senn en flytji í stærra húsið
til að rýma fyrir yngri börnum
þegar þau eru farin að stálpast.
Dagskráin á Lindinni verður
frá 9 - 18 á FM 102,9 á höfuðborg-
arsvæðinu en útsendingar nást
víða um land. Einnig er hægt að
skrá sig fyrir stuðningi við bygg-
ingu eða barn á heimasíðu ABC á
slóðinni www.abc.is. Tilfinnan-
lega vantar nú stuðningsaðila fyr-
ir börn í Indlandi, sérstaklega á
Heimili litlu ljósanna sem einnig
er rekið af Íslendingum.
Forstöðukona heimilisins, Eva
Alexander, hefur tvisvar komið til
Íslands og biður nú fyrir innilegt
þakklæti fyrir stuðninginn við að
hjálpa nauðstöddum börnum
í Indlandi. Söfnunarreikningur
fyrir kornabarnahúsið er í Ís-
landsbanka nr. 515-14-280 000 (kt.
690688-1589). ■
Iðnskólinn í Reykjavík er 100 ára
í dag þannig að nemendur og
kennarar á Skólavörðuholtinu
hafa ærna ástæðu til að fagna.
Hátíðarhöldin hófust formlega í
gær með hátíðarathöfn fyrir
boðsgesti í Hallgrímskirkju en
forseti Íslands, menntamálaráð-
herra og fulltrúar Samtaka iðnað-
arins og Iðnaðarmannafélagsins
ávörpuðu samkomuna. Þá var
sýningu um sögu skólans opnuð
en almenningi gefst tækifæri til
að taka þátt í gleðinni og skoða
sýninguna um helgina.
„Skólinn byrjaði sem kvöld- og
sunnudagaskóli fyrir iðnaðar-
menn og almenning í Reykjavík
þar sem ýmis grunnatriði eins og
teikning og reikningur voru
kennd,“ segir Haukur Már Har-
aldsson, kennari og upplýsinga-
fulltrúi Iðnskólans. „Þá var
skólinn til húsa í Vinaminni í
Mjóstræti en flutti svo upp í
gamla Hegningarhúsið og hélt
áfram þar sem kvöldskóli. Síðar
var ákveðið að gera skólann að al-
vöruskóla og að því komu
ýmsir merkir karlar í Reykjavík
sem höfðu metnað fyrir hönd iðn-
aðarins. Jón Þorláksson var þar
fremstur í flokki en hópurinn lét
reisa Iðnaðarmannahúsið við
Tjörnina fyrir skólann sem var
þó áfram kvöldskóli.“
Haukur segir að skólinn hafi
verið kvöldskóli fyrstu 50 árin
eða svo en síðan hafi ríkið tekið
við rekstrinum og þá var hann
gerður að dagskóla.“
Iðnskólinn hefur tútnað út á
alla kanta á þessum 100 árum. „Í
upphafi voru nokkrir tugir nem-
enda við skólann en nú heyrir það
til algerra undantekninga ef nem-
endafjöldinn fer niður fyrir 2000
á ári en við bjóðum líka upp á
kvöld- og fjarnám.“ Tölvutæknin
er vitaskuld orðin áberandi hvort
tveggja í kennslu og starfi Iðn-
skólans. „Tæknin er orðin allsráð-
andi í öllum faggreinum og við
reynum að halda vel í við hana og
fylgjumst vel með. Þetta hefur
verið mjög áberandi í bókagerð-
argeiranum þar sem farið hefur
verið alla leið frá handsetningu
Gutenbergs yfir í tölvuvinnslu.“
Skólinn verður opinn almenn-
ingi á laugardaginn og sunnudag-
inn frá klukkan 13-17 en þá verða
allar starfsnámsbrautir með sýn-
ingar og verða nemendur og
kennarar við hendina til að kynna
einstaka þætti fyrir
gestum og gangandi. Þá leiðir
Guðjón Friðriksson sagnfræðing-
ur gönguferð milli þeirra húsa
sem hýst hafa skólann þessa öld
sem liðin eru frá stofnun hans.
Lagt verður af stað á laugardag-
inn klukkan 14 og gengið frá Iðn-
skólanum á Skólavörðuholti að
Hegningarhúsinu við Skólavörðu-
stíg, þaðan að Vinaminni við
Mjóstræti og
loks að Iðnaðarmannahúsinu við
Tjörnina. ■
32 1. október 2004 FÖSTUDAGUR
WALTER MATTHAU
Þessi krumpaði stuðbolti og gamanleikari
fæddist á þessum degi árið 1920. Hann lést í
júlí árið 2000.
Metnaðarfullt iðnnám í 100 ár
IÐNSKÓLINN Í REYKJAVÍK: ER 100 ÁRA Í DAG
timamot@frettabladid.is
HAUKUR MÁR HARALDSSON Heldur upp á 100 ára afmæli Iðnskólans í Reykjavík með nemendum og samkennurum um helgina. Í
gær kom út bókin Iðnskóli í 100 ár eftir Jón Ólaf Ísberg sagnfræðing þar sem hann rekur sögu skólans. „Við erum montin af skólanum
okkar og finnst þetta vera góður skóli. Hér er afar gott að vera og skólanum hefur haldist ótrúlega vel á kennurum en hér er fólk sem
hefur starfað við skólann í 30 - 40 ár,“ segir Haukur.
1. október 1918
Sameinaður herafli araba og
Breta náði Damaskus af
Tyrkjum í fyrri heimsstyrjöld-
inni á þessum degi árið
1918. Með þessum sigri var
búið að frelsa alla Arabíu en
Bretinn T.E. Lawrence, betur
þekktur sem Arabíu-
Lawrence, var lykilmaður í
þessari aðgerð. Lawrence
þótti herkænn með ein-
dæmum en stærsta afrek
hans var þó að sameina
araba í baráttunni gegn
Tyrkjum en undir stjórn hans
helltu arabar sér út í árang-
ursríkan skæruhernað.
Lawrence gerði sér miklar
vonir um að það mætti
halda aröbum saman sem
einni þjóð en þær væntingar
runnu út í sandinn fljótlega
eftir sigurinn í Damaskus.
Lawrence hélt þá vonsvikinn
heim til Englands og taldi
Breta hafa stuðlað að sundr-
ungu á meðal araba og af-
þakkaði því meðal annars
orður sem Georg V konung-
ur hugðist veita honum fyrir
afrek sín. Að stríðinu loknu
barðist Lawrence harkalega
fyrir sjálfstæði arabalanda
og mætti meðal annars á
friðarráðstefnu í París í
arabakufli. Hann lenti í al-
varlegu bifhjólaslysi árið
1935 og lést af sárum sín-
um.
ARABÍU-LAWRENCE Þessi goð-
sagnakennda frelsishetja samein-
aði araba gegn Tyrkjum.
ÞETTA GERÐIST MERKISATBURÐIR
1880 Thomas Edison hefur
fjöldaframleiðslu á raf-
magnslömpum.
1936 Tilkynnt er að Francisco
Franco hershöfðingi sé
æðsti stjórnandi Spánar.
1987 Átta manns láta lífið þegar
5,9 stiga jarðskjálfti ríður
yfir Los Angeles.
1988 Mikhaíl Gorbatsjov tekur
við embætti forseta Sovét-
ríkjanna.
1989 7.000 Austur-Þjóðverjum
er tekið fagnandi þegar
kommúnistastjórnin í
landinu gefur þeim leyfi til
að fara til Vestur-Þýska-
lands.
1990 George Bush eldri, forseti
Bandaríkjanna, ávarpar
allsherjarþing Sameinuðu
þjóðanna og ítrekar for-
dæmingar Bandaríkjanna
á hertöku Íraka á Kúvæt.
Arabíu-Lawrence tekur Damaskus
„Læknirinn minn sagði mér að ég ætti sex
mánuði eftir ólifaða en þegar ég gat ekki
borgað reikninginn gaf hann mér sex mán-
uði til viðbótar.“
- Walter Matthau tók lífinu létt en þrátt fyrir framlengingu
frá lækninum hvarf hann að lokum til feðra sinna.
AFMÆLI
Magnús Stefánsson alþingisþingmaður
er 44 ára.
GÓÐVERK
Vinkonurnar Rebekka R. Rósudóttir
Mitra, Steinunn Ósk Magnúsdóttir og
Thelma Ósk Magnúsdóttir, stóðu á dög-
unum fyrir tombólu í Mosfellsbæ. Alls
söfnuðust 3.373 krónur en tombólan
stóð yfir í þrjá verkfallsdaga. Ágóðann
létu þær renna til UNIFEM á Íslandi
vegna áherslu félagsins á réttindi
kvenna og stúlkubarna í fátækari hlut-
um heimsins.
ARABAR OG BRETAR HREKJA TYRKI FRÁ DAMASKUS
ANDLÁT
Guðrún Pálsdóttir Ullsten, tannlæknir,
lést í Vasteras í Svíþjóð 8. september.
Jarðarförin hefur farið fram í kyrrþey.
Alan D. Stenning, 35 Roberts Ride,
High Wycombe, Englandi, er látinn.
Engilbert Þorvaldsson, Heiðarvegi 57,
Vestmannaeyjum, lést 26. september.
Jóhanna Jóhannsdóttir, Byggðavegi 99,
Akureyri, er látin.
Aðalbjörg Signý Sigurvaldadóttir, Eld-
járnsstöðum, Blöndudal, lést 27. sept-
ember.
JARÐARFARIR
13.00 Hjálmfríður Guðný Sigmunds-
dóttir, frá Hælavík, til heimilis á
Sunnubraut 16, Reykjanesbæ,
verður jarðsungin frá Keflavíkur-
kirkju.
13.30 Guðbjörg Þóra Þorsteinsdóttir,
(Bagga frá Þórshamri), Lindar-
braut 13A, Seltjarnarnesi, verður
jarðsungin frá Seltjarnarneskirkju.
13.30 Árni M. Rögnvaldsson, frá Dæli í
Skriðdal, verður jarðsunginn frá
Akureyrarkirkju.
13.30 Sigríður Sigurðardóttir, Fanna-
fold 140, Reykjavík, verður jarð-
sungin frá Grafarvogskirkju.
13.30 Árni M. Rögnvaldsson, frá Dæli í
Skíðadal, verður jarðsunginn frá
Akureyrarkirkju.
14.00 Hákon Sveinsson, frá Hofstöð-
um, Reykhólasveit, Svölukletti 1,
Borgarnesi, verður jarðsunginn frá
Borgarneskirkju.
16.00 Grétar Haraldsson, Berjavöllum
2, Hafnarfirði, verður jarðsunginn
frá Ytri-Njarðvíkurkirkju.
Safnað fyrir kornabarnahúsi
MUNAÐARLAUST KORNABARN Aðalfundur ABC barnahjálpar var haldinn í ágúst. Þar
kom fram að 93,2 milljónir voru sendar til hjálparstarfa erlendis árið 2003 af 100,8 millj-
óna heildartekjum starfsins eða um 93% en öll framlög til starfsins eru send óskert til
hjálpar munaðarlausum og fátækum börnum sem í dag eru rúmlega 4.300 talsins.