Fréttablaðið - 01.10.2004, Qupperneq 48

36 1. október 2004 FÖSTUDAGUR
FRJÁLSAR/FFIMLEIKAR Þórey Edda Elís-
dóttir er án efa fremsti frjáls-
íþróttamaður okkar Íslendinga í
dag en þessi geðþekka stúlka hafn-
aði einmitt í 5. sæti í stangarstökki
á Ólympíuleikunum í Aþenu sem
fram fóru í ágústmánuði.
Það eru færri sem vita að Þórey
Edda hóf íþróttaferil sinn hjá Fim-
leikafélaginu Björk í Hafnarfirði,
þá 9 ára gömul. Í vikunni var
Þórey Edda heiðruð af forráða-
mönnum Bjarkar og eru þeir að
vonum afar stoltir af þessum fyrr-
um nemanda sínum. Fréttablaðið
var á svæðinu og ræddi við
Þóreyju Eddu.
„Það er rosa gaman að koma
hingað aftur og gaman að sjá hvað
félagið hefur stækkað og dafnað
mikið frá því að ég var hérna,“
segir Þórey Edda og það er óhætt
að segja að henni sé vel tekið í
Bjarkarhúsinu - það þverfótar
varla fyrir litlum aðdáendum sem
vilja hitta og spjalla við goðið og
hún gefur sér góðan tíma í það og
hvetur litlu iðkendurna til dáða.
„Ef ég get komist svona langt þá
getið þið það líka,“ segir hún.
Flestir koma úr fimleikum
Flestir stangarstökkvarar í
fremstu röð koma úr fimleikum.
Af hverju hentar fimleikagrunnur-
inn stangarstökkvurum svona vel?
„Stangarstökkið er svo fjölbreytt,
þú þarft að vera sterkur í gegnum
allan líkamann, höndum fótum
jafnt sem í maga og baki,“ segir
Þórey og bætir við.
„Þetta er í raun eina greinin í
frjálsum íþróttum sem er þannig,
það eru mjög margir þættir sem
þurfa að fara saman til að mynda
þann heildarstyrk sem er nauðsyn-
legur til að ná
langt í grein-
inni. Það er
ekki nóg að
geta híft
sig upp á
stönginni,
þú þarft að
vita tækni-
lega hvern-
ig þú
ert í loftinu og geta hugsað á
tæknilegum nótum og það er nauð-
synlegt að þekkja líkamann og
nota heilann í tengslum við líkams-
hreyfingarnar. Það sama á við um
fimleikana, þegar þú ert að stökk-
va af gólfinu þarftu að þekkja lík-
amann og vita nákvæmlega hvar
þú ert í loftinu - þetta er flókið ferli
og það er ekki nóg að vera bara
hraður heldur þarftu að vera
tæknilega góður og sterkur.“
Þórey nefnir til dæmis að marg-
ar af rússnesku stelpunum sem í
dag eru í allra fremstu röð, komi
einmitt úr fimleikunum. „Flestar
þessar bestu eru einmitt með mik-
inn hraða og styrk og mikla fim-
leikahæfileika. Feafanova var í
fimleikum en veit reyndar ekki al-
veg með Isinbayevu það er mjög
áberandi hvað fimleikagrunnurinn
nýtist vel í stangarstökkinu.“
Stangarstökk kvenna er frekar
ung grein og það var fyrst keppt í
henni á Ólympíuleikum fyrir fjór-
um árum í Sidney og þróunin
hefur verið mjög ör sem og fram-
farirnar. Í framhaldi af því, eru
margar stelpur að koma inn í
stangarstökkið í dag sem hafa ein-
faldlega bara æft þá grein? „Það er
til líka, þá eru þær kannski búnar
að æfa stangarstökk frá því í
kringum 16 ára aldurinn en eru þó
búnar að vera gera fimleikaæfing-
ar,“ segir Þórey sem byjaði byrjaði
sjálf 19 ára gömul að æfa stangar-
stökk. „Ég nefni sem dæmi um
hversu fimleikaæfingar eru mikil-
vægar fyrir iðkendur í stangar-
stökki að þá æfi ég ennþá fimleika
einu sinni í viku.“
Stefnir á frekari framfarir
Þórey Edda stefnir á áfram-
haldandi framförum í sinni grein
og telur sig eiga talsvert inni. „Ég
ætla og get farið hærra, ef ég ætl-
aði mér ekki hærra væri ég ein-
faldlega hætt. Ég stefni bara á að
halda áfram á þessari braut,“ segir
Þórey sem býr í Þýskalandi þessi
misserin, nánar tiltekið í Leverku-
sen, og lætur hún vel af dvöl sinni
þar. „Það er gott að vera þarna,
frábærar aðstæður og toppþjálfun
og ég gæti í raun ekki beðið um
mikið meira,“ segir Þórey Edda en
hún er í fjarnámi í verkfræði frá
Háskóla Íslands og er líka á þýsku-
námskeiði og dagskráin hjá henni
er greinilega þéttskipuð.
Í framhahaldi af því er þá spurt
– hefur afreksfólk eins og Þórey
Edda tíma fyrir félagslíf, er ein-
hvern tíma frí frá æfingum og
keppni? „Það er meira á öðrum
nótum en hjá venjulegu fólki.“
Hún segir félagslíf sitt tengjast
íþróttinni mjög mikið. „Þegar ég er
að ferðast á mótin um allan heim
þá hitti ég mína útlendu félaga
sem koma frá fjölmörgum löndum.
Þetta er ekkert pöbbarölt, eins og
gefur að skilja, en það er alveg
nauðsynlegt að viðhalda félagslega
þættinum þótt maður sé í einstak-
lingsíþrótt sem krefst nokkuð mik-
illar einveru.“
Er enginn tími fyrir kærasta?
„Ég veit það nú ekki,“ segir Þórey
og svipurinn er óræður. „Hann
hlýtur að vera til einhversstaðar.“
Þórey Edda er pólítísk og hefur
látið til sín taka á þeim vettvangi
og var meðal annars í öðru sæti á
lista vinstri grænna fyrir síðustu
alþingiskosningar í suð-vestur
kjördæmi. Hefur hún hug á að láta
meira til sín taka á þeim vett-
vangi?
Lærdómsrík reynsla
„Ég hef ekki tekið neina ákvörð-
un um það ennþá, þetta var
skemmtileg og lærdómsrík
reynsla. Ég hef mikinn áhuga á
íþróttapólítík og það getur vel ver-
ið að ég fari meira út í hana heldur
en landspólitíkina – ég er í það
minnsta afar opin fyrir frekari
þátttöku,“ segir Þórey Edda Elís-
dóttir að lokum. sms@frettabladid.is
Þið getið líka komist svona langt
Þórey Edda Elísdóttir hitti yngstu iðkendurna í fimleikafélaginu Björk þar sem hún var heiðruð í fyrrakvöld. Þórey Edda
hóf einmitt feril sinn í fimleikum í Björk en hún náði fimmta sætinu í stangarstökki á Ólympíuleikunum í Aþenu.
Crystal Palace hefur ráðið til sín
gríska miðvörðinn
Vassillis Lakis. „Við
erum mjög ánægðir
að leikmaður af svo
háum staðli sem
Vassilis er sé kom-
inn í okkar raðir,“
sagði Iain Dowie, framkvæmdastjóri
Palace. Crystal Palace hefur ekki
gengið vel í ensku deildinni og hefur
aðeins fengið tvö stig úr fyrstu 7 leikj-
um liðsins. Lakis varð Evrópumeistari
með gríska landsliðinu fyrr á árinu.
Fyrsti leikur hans með Palace verð-ur gegn Fulham á mánudaginn.
Bobby Gould, knattspyrnustjóriPeterborough United í 3. deild,
gerði sér lítið fyrir og hætti hjá liðinu
í hálfleik í leik gegn Bristol City. Kall-
inn pakkaði saman og fór heim og
kláruðu leikmenn liðsins viðureignina
upp á eigin spýtur sem fór 1-0 fyrir
Bristol. „Já, það er rétt. Hann fór í
hálfleik,“ sagði Barry Fry, fram-
kvæmdastjóri Peterborough. „Ég held
að þetta hafi verið versti mánuður lífs
míns. Þetta er í síðasta sinn sem
hann kemst upp með eitthvað
svona.“ Ekki er hægt að segja að
Gould hafi riðið feitum hesti sem
knattspyrnustjóri ef undanskilinn er
úrslitaleikurinn um enska bikarinn
þegar lið hans, Wimbledon, vann
Liverpool í úrslitaleik. Gould hefur
m.a. verið við stjórnvölinn hjá Cardiff,
Coventry City og Bristol Rovers en
aldrei náð neinum teljandi árangri.
Eigendur Silversto-ne-brautarinnar
segjast hæfilega
bjartsýnir á mögu-
leikunum að halda
Formúlu 1
kappaksturinn á
næsta ári. Skipulag
næsta keppnistíma-
bils er í umsjá Bern-
ie Ecclestone en hann fer fram á 8,9
milljónir punda sem eigendur Silver-
stone virðast ekki geta reitt af hendi.
„Við höfum gert Ecclestone gott til-
boð og við bíðum nú eftir svari frá
honum,“ sagði Alex Hooten, stjórn-
arformaður British Racing Drivers’
Club. Hooten fullyrti að tilboðið væri
þess eðlis að eigendur Silverstone
myndu ekki græða á kappakstrinum.
Enski kylfingurinnNick Faldo hefur
boðið sig fram í fyrir-
liðastöðu Evrópu-
manna á næsta
Ryder-bikarsmóti
sem fer fram í K
Club á Írlandi árið
2006. Hinn 47 ára gamli Faldo full-
yrðir að hann hafi reynsluna sem til
þarf. „Ég veit hvaða brellum þeir
munu reyna að beita,“ sagði Faldo.
„Það er ekki margt nýtt sem hægt er
að gera og ef reynslan er fyrir hendi,
þá veit maður að hverju maður geng-
ur.“ Faldo hefur keppt 11 sinnum í
Ryder-bikarnum og á fjóra sigra að
baki. „Ef nefndin leitar til mín, þá verð
ég tilbúinn,“ sagði Nick Faldo.
Harry Redknapp, knattspyrnustjóriPortsmouth, vill ólmur ná í frans-
ka varnarmanninn Marcel Desailly.
Desailly, sem er 36 ára, er samnings-
laus eftir að hann sagði skilið við
Chelsea eftir síðasta tímabil. „Ég er að
leita að varnarmanni sem er án
samnings,“ sagði Redknapp. „Það er
enginn í Bretlandi, það er búið að
negla þá nú þegar.“ Redknapp fullyrti
að hann hefði leitað út fyrir land-
steinana og sett sig í samband við
Desailly. „Ég hef talað nokkrum sinn-
um við piltinn en hann er kominn
með gott starf við sjónvarp í Frakk-
landi og langar ekki að leika knatt-
spyrnu í augnablikinu. VIð verðum
bara að sjá til,“ sagði Harry Red-
knapp.
Juergen Klins-mann, þjálfari
þýska landsliðsins,
ætlar að leyfa
nokkrum ungum
leikmönnum að
spreyta sig í vináttu-
leik við Írani.
Reynsluboltar á við
markvörðinn Oliver
Kahn verða ekki með í leiknum. „Það
verða um 100 þúsund manns við-
staddir leikinn í Teheran,“ sagði Klins-
mann. „Það er mikilvægt fyrir ungu
leikmennina að fá að upplifa svo-
leiðis stemningu.“ Hinn tvítugi Per
Mertesacker, sem leikur með liði
Hanover, þreytir frumraun sína í
leiknum sem og Thomas Hitzl-
sperger, varnarmaður Aston Villa.
ÚR ÍÞRÓTTAHEIMINUM
Þjálfararáðstefna
í tengslum við
VISA bikarúrslitaleik karla
Dagskrá:
09:00 Ávarp
Sigurður Þórir Þorsteinsson, formaður KÞÍ
09:05 Hugrenningar og betri tækni við þjálfun
Ólafur Kristjánsson, þjálfari mfl. karla hjá Fram
09:35 Danska landsliðið á EURO 2004 í Portúgal
Peter Bonde, Fræðslustjóri Danska Knattspyrnusambandsins
og aðstoðarþjálfari Danska landsliðsins
11:30 Spáð í VISA bikarúrslitaleikinn
Farið yfir tölfræði liðanna sem leika til úrslita
12:00 Fulltúar liðanna sem leika til úrslita
Fulltrúar Keflavíkur og KA mæta
12:30 Hádegisverður á Grand Hótel
14:00 Úrslitaleikur VISA bikarsins Keflavík KA
Ráðstefnustjóri er Jörundur Áki Sveinsson
Verð Kr. 2.500,- fyrir félagsmenn KÞÍ Kr. 5.000,- fyrir ófélagsbundna
Skráning fer fram með því að senda tölvupóst á kthi@isl.is
UMVAFIN FRAMTÍÐAR FIMLEIKASTJÖRNUM Þórey Edda Elísdóttir fékk góðar móttökur hjá ungum fimleikastúlkum í Björk þegar
hún heimsótti þær í Bjarkarhúsið í Hafnarfirði. Þórey Edda hóf einmitt feril sinn í fimleikum hjá Björk. Fréttablaðið/Stefán
Íslenska kvennalandsliðið mætti Ólympíumeisturunum:
Þriggja marka tap
FÓTBOLTI Íslenska kvennalandsliðið
í knattspyrnu tapaði seinni leik
sínum gegn Ólympíumeisturum
Bandaríkjanna, 0-3, í fyrrnótt en
leikið var frammi fyrir 6.386
áhorfendum á hinum glæsilega
Heinz-velli í Pittsburgh. Banda-
ríska liðið vann nauman 4-3 sigur
í fyrri leiknum á laugardaginn
var, þar sem sigurmarkið kom
þegar þrjár mínútur voru liðnar
af uppbótartíma.
Bandaríska liðið byrjaði leik-
inn vel í fyrrinótt og fyrsta mark
liðsins kom eftir aðeins 85 sek-
úndur og aðalhetja bandaríska
liðsins, Abby Wambach, sem
lagði fyrra markið upp var búin
að koma Bandaríkjunum í 2-0
eftir aðeins 18 mínútna leik.
Wambach skoraði tvö mörk í
fyrri leiknum og hefur skorað 21
mark fyrir landsliðið á árinu sem
er það næstmesta í sögunni. Ís-
lenska liðið varðist aftarlega í
leiknum og náði ekki að ógna
mikið bandaríska markinu.
Þriðja mark bandaríska liðsins
kom á 61. mínútu þegar Kristine
Lilly skoraði sitt 99. landsliðs-
mark og vantar því eitt mark til
að verða fimmta knattspyrnu-
konan frá upphafi til að skora 100
mörk.
Íslensku stelpurnar stóðu sig
vel í þessari ævintýraferð til
Bandaríkjanna þar sem þær
stóðu í besta liði heimsins í
dag ef marka má niðurstöður
Ólympíuleikanna á dögunum.
Góðu minningarnar eru þó mun
fleiri úr fyrri leiknum þar sem ís-
lenska liðið náði að vinna upp
þriggja marka forskot og var ná-
lægt því að ná jafntefli gegn
þessu sterka bandaríska liði.