Fréttablaðið - 02.10.2004, Blaðsíða 8
8 2. október 2004 LAUGARDAGUR
Tony Blair fór á sjúkrahús vegna óreglulegs hjartsláttar:
Ætlar að sitja þriðja
kjörtímabilið
ENGLAND Tony Blair, forsætisráð-
herra Bretlands, fór í gærmorgun
á sjúkrahús til meðferðar vegna
óreglulegs hjartsláttar. Læknir
Blairs sagði að ekki væri um eig-
inlega skurðaðgerð að ræða held-
ur minniháttar aðgerð sem þús-
undir Breta færu í á hverju ári.
Búist er við að Blair verði kominn
aftur til vinnu eftir helgi.
„Mér líður ágætlega,“ sagði
Blair áður en hann yfirgaf Down-
ing-stræti 10 ásamt eiginkonu
sinni snemma í gærmorgun.
„Þetta er ekkert alvarlegt. Þetta
kom upp fyrir tveimur mánuðum
og hefur ekki haft áhrif á störf
mín.“
Búist er við því að þingkosn-
ingar verði í Bretlandi næsta vor
og sagðist Blair hafa fullan hug á
því að sitja sem forsætisráðherra
í þriðja kjörtímabilið en hann
reiknaði alls ekki með því að vera
lengur en það. Andrew Marr,
stjórnmálaskýrandi BBC, sagði að
þessi yfirlýsing kæmi væntanlega
eins og köld vatnsgusa framan í
Gordon Brown fjármálaráðherra
en stór hópur innan Verkamanna-
flokksins vill að hann verði næsta
forsætisráðherraefni flokksins.■
Tjaldferðalög
að leggjast af
Gestum á tjaldsvæðum þjóðgarða á Þingvöll-
um og í Skaftafelli hefur fækkað um 50 til 60
prósent á fjórtán árum.
FERÐAMÁL Íslenskum gestum á
tjaldstæðum hefur fækkað um 60
til 70 prósent í þjóðgarðinum á
Þingvöllum frá árunum 1990 og
1991. Þá var algengt að 9 til 10 þús-
und Íslendingar gistu þar á ári
hverju og um 2 þúsund útlendingar
að auki. Nú þykir gott ef íslenskir
næturgestir ná fjórum þúsundum.
Fjöldi erlendra ferðamanna stend-
ur að mestu í stað.
Sambærilegar tölur frá þjóð-
garðinum í Skaftafelli sýna að þar
er fækkun íslenskra næturgesta
sambærileg og á Þingvöllum, eða
nálægt 50 prósentum frá 1990 til
2003. Í fyrra gistu einungis 3.625
Íslendingar í þjóðgarðinum, en í
sumar nær 5 þúsund. Í Skaftafelli
hafa að hafa erlendir næturgestir
að jafnaði verið um og yfir 10 þús-
und á ári frá 1995.
Guðrún S. Kristinsdóttir, yfir-
landvörður á Þingvöllum, segir að
síðan 1990 hafi aukist mjög fram-
boð á gistingu á tjaldstæðum víðar
á Suðurlandi og Þingvellir kunni af
þeim sökum að gjalda nálægðar-
innar við höfuðborgina. „Fólk fer
orðið miklu meira og lengra og
dreifist líka á stærra svæði, á tjald-
stæði sem ekki voru til hér áður
fyrr,“ segir hún.
Sigurður Oddsson, þjóðgarðs-
vörður á Þingvöllum, segir gestum
hafa fækkað nokkuð fyrir allmörg-
um árum þegar lokað var fyrir við-
veru hjólhýsa. Þá hafa síðustu ár
verið gerðar breytingar á tjald-
svæðum við sjálft Þingvallavatn,
þar sem nú er einungis heimilt að
tjalda á einum stað, auk þess sem
tjaldvögnum hefur verið úthýst.
Sigurður bendir þó á að aðstaða
fyrir gesti hafi verið bætt mjög á
Þingvöllum. „Við erum komin með
nýjar snyrtingar og sturtur bæði á
Nyrðri- og Syðri-Leirum svo og
þurrkaðstöðu. Næsta sumar setj-
um við svo upp sambærilega að-
stöðu í Vatnskoti.“
Árni Bragason, forstöðumaður
umhverfisverndarsviðs hjá Nátt-
úrufræðistofnun, segir vísbending-
ar um að „fellihýsamenningin“ sé
að snúa við þróuninni varðandi
gistingu Íslendinga á tjaldsvæðum.
Hann bendir einnig á aukið fram-
boð gistingar og telur að eftir því
sem fólk hafi meira á milli hand-
anna sæki það frekar í gistingu þar
sem þjónusta er meiri, svo sem í
bændagistingu eða á hótel lands-
ins. „Annar sjáum við líka hvað
veðurfarið ræður orðið miklu. Ís-
lendingar keyra hiklaust lands-
horna á milli eftir góðu veðri,“ seg-
ir hann. olikr@frettabladid.is
■ FJARSKIPTI
Hótel Rangá er fjögurra stjörnu sveitahótel á bökkum Rangár, milli
Hellu og Hvolsvallar. Vi› bjó›um fyrirtaks fundar- og veislua›stö›u.
Vertu velkominn!
Sími: 487 5700
www.icehotels.is
N
O
N
N
I
O
G
M
A
N
N
I
I
Y
D
D
A
/
s
ia
.i
s
/
N
M
1
3
3
8
9
Nordica • Loftlei›ir • Flughótel • Flú›ir • Rangá • Klaustur • Héra›
96 KM TIL REYKJAVÍKUR
EINKAAFNOT MÖGULEG
KJÖRI‹ FYRIR HVATAFER‹IR
FRÁBÆRAR VEITINGAR
HÓTEL RANGÁ
fi E G A R H A L D A Á G Ó ‹ A N F U N D
AUKINN HRAÐI Í október og nóv-
ember verður aukinn hraði á öll-
um ADSL-tengingum viðskipta-
vina Símans. Þegar hefur verið
hafist handa við að auka hraðann
og þurfa viðskiptavinir ekki að
biðja um hann sérstaklega. Upp-
lýsingar um breytinguna er að
finna á vef Símans, en til dæmis
fara hægustu tengingar, 256 kb/s,
í 1.024 kb/s.
Á LEIÐ Á SJÚKRAHÚS
Tony Blair og eiginkona hans Cherie fóru
saman í gærmorgun á Hammersmith-
sjúkrahúsið í vesturhluta Lundúna.
FJÖLDI NÆTURGESTA Í ÞJÓÐ-
GARÐINUM Á ÞINGVÖLLUM
1990 TIL 2004:
Ár Gestir alls Íslendingar Útlendingar
1990 10.920 8.728 2.192
1991 11.719 9.683 2.036
1992 9.531 7.211 2.320
1993 9.036 7.327 1.709
1994 8.217 6.013 2.204
1995 4.597 2.855 1.742
1996 5.407 3.378 2.029
1997 5.140 3.292 1.848
1998 6.701 5.132 1.569
1999 6.325 4.603 1.722
2000 5.694 3.704 1.990
2001 5.441 3.427 2.014
2002 4.932 2.944 1.988
2003 7.198 4.589 2.609
2004 4.578 2.662 1.916
Heimild: Þjóðgarðurinn á Þingvöllum/Hagst.Ísl.
SUMARBLÍÐA Á ÞINGVÖLLUM
Íslendingar gista síður á tjaldsvæðum þjóðgarðsins á Þingvöllum nú en áður, meðan
fjöldi útlendinga er nær óbreyttur síðustu ár.
SIGURÐUR ODDSSON
Þjóðgarðsvörðurinn á Þingvöllum segir að-
stöðu hafa verið mjög bætta á tjaldstæðum
þjóðgarðsins. Breytingar á ferðamynstri Ís-
lendinga eru taldar ráða miklu um hve gest-
um tjaldstæðanna hefur fækkað.
SJÓNVARPSDAGSKRÁ
VIKUNNAR »