Fréttablaðið - 02.10.2004, Blaðsíða 50

38 2. október 2004 LAUGARDAGUR
Við hrósum...
... FH-ingum fyrir að ljúka Evrópukeppni félagsliða með sæmd á
fimmtudagskvöldið. FH gerði markalaust jafnftefli gegn þýska liðinu
Aachen í Þýskalandi og er úr leik. FH sló út velska liðið
Haverfordwest og skoska liðið Dunfermline – sannarlega
góður árangur.
„Lífið fer að verða erfiðara fyrir Arsenal. Bráðum
mæta þeir sterkari liðunum í deildinni.“
Jose Mourinho, knattspyrnustjóri Chelsea, sem er flestum fremri í sálfræðihernaði
og notar hann grimmt gegn kollegum sínum Arsene Wenger og Alex Ferguson
sem stýra Arsenal og Manchester United, helstu andstæðingum Chelsea.sport@frettabladid.is
HVAÐ? HVENÆR? HVAR?
29 30 1 2 3 4 5
Laugardagur
OKTÓBER
HANDBOLTI Stjórn Handknattleiks-
sambands Íslands leitar nú log-
andi ljósi að nýjum landsliðsþjálf-
ara eftir að Guðmundur Guð-
mundsson sagði upp störfum í
vikunni. Fréttablaðið fékk Guðjón
Guðmundsson, íþróttafréttamann
á Sýn, til að segja sína skoðun á
því hvað næsti þjálfari íslenska
liðsins þyrfti að hafa til brunns að
bera og hvaða þjálfarar full-
nægðu þeim kröfum hans.
HM í Þýskalandi 2007
markmiðið
„Næsti þjálfari íslenska lands-
liðsins í handknattleik þarf fyrst
og síðast að geta hvatt sína menn
áfram og komið þeim í rétta gír-
inn fyrir leiki. Hann þarf að hafa
langtímamarkmið, sem er að
koma liðinu inn á HM í Þýskalandi
árið 2007. Það verður stórmót í
orðsins fyllstu merkingu og það
er gífurlega mikilvægt fyrir ís-
lenskan handbolta að eiga fulltrúa
þar. Einnig tel ég það algjört skil-
yrði að viðkomandi þjálfari hafi
reynslu og þekkingu á alþjóðleg-
um handbolta. Með fullri virðingu
fyrir deildinni hér heima þá er
það bara svo að það er spilaður
allt annar handbolti úti í heimi
heldur en hér á Íslandi,“ sagði
Guðjón.
Guðjón sagði jafnframt að
næsti þjálfari yrði að hafa trúnað
og traust leikmanna. „Hann þarf
sjálfur að vera sigurvegari því
það eru aðeins svoleiðis menn
sem geta smitað sigurvegarahug-
arfari yfir til leikmanna. Hann
þarf að vera sterkur í leikfræð-
inni og umfram allt þora að taka
ákvarðanir. Það er líka mikilvægt
að hann hafi frið fyrir æðstu
stjórn HSÍ og landsliðsnefndinni,
jafnvel þótt hann fari ef til vill í
taugarnar á sumum sem stýra
handknattleiksskútunni. Forystan
verður að meta málið ískalt og
velja hæfasta manninn hvort sem
henni líkar við hann eða ekki,“
sagði Guðjón.
Fjórir kostir í stöðunni
Aðspurður hvort hann væri
ekki tala um hinn fullkomna þjálf-
ara játti Guðjón því. „Við Íslend-
ingar eigum ekki að sætta okkur
við neitt minna og það er mín
skoðun að við eigum þrjá slíka
þjálfara í dag. Fyrstan skal telja
Alfreð Gíslason hjá Magdeburg
en hann er úti úr myndinni og
það þarf ekki að ræða hann. Síð-
an eru það þeir Viggó Sigurðs-
son og Geir Sveinsson en ég veit
að báðir þessir menn eru um-
deildir hjá handknattleiksforyst-
unni, jafnt innan stjórnar HSÍ
sem og landsliðsnefndar. Fjórði
kosturinn er síðan Atli
Hilmarsson. Hann
náði frábærum
árangri með KA
og er afburða-
góður drengur.
Ég myndi helst
vilja sjá hann
starfa með ann-
að hvort Geir
eða Viggó og
láta hann þá
vinna líka með
yngri lands-
liðunum. Það
væri hin full-
koma tvenna,“ sagði Guðjón og
bætti við að í hans huga kæmi út-
lendingur ekki til greina. „Þeir
þekkja ekki íslenskan handbolta
og yrðu bara í tómu tjóni.“
Erfitt verkefni
Guðjón sagði þó að nýr þjálfari
væri ekki öfundsverður af því
verkefni sem biði hans. „Guð-
mundur er hættur og þó hann hafi
á margan hátt verið umdeildur þá
verður mjög erfitt að taka við af
honum. Hann vann mjög skyn-
samlega við erfiðar aðstæður og
sá sem kemur á eftir honum hefur
ekki úr jafn sterkum hóp að moða
og Guðmundur hafði - hann verð-
ur að byggja
upp nýtt
lið til að
b y r j a
með.“ ■
Fjórir hæfir í starfið
Guðjón Guðmundsson, íþróttafréttamaður á Sýn, telur fjóra íslenska handboltaþjálfara
hafa það sem til þarf til að taka við íslenska landsliðinu af Guðmundi Guðmundssyni.
■ ■ LEIKIR
 14.00 Keflavík og KA mætast á
Laugardalsvelli í úrslitaleik VISA-
bikars karla í fótbolta.
 14.00 ÍBV og Víkingur mætast í
Vestmannaeyjum í 1. deild kven-
na í handbolta.
 15.00 Fram og FH mætast í
Framhúsinu í 1. deild kvenna í
handbolta.
 16.00 HK 2 og ÍBV mætast í
Digranesi í 32 liða úrslitum SS-
bikars karla í handbolta.
 16.15 Grótta/KR og Víkingur
mætast á Seltjarnarnesi í 1. deild
kvenna í handbolta.
 18.00 Fylkir og Höttur mætast í
Fylkishöll í 32 liða úrslitum SS-
bikars karla í handbolta.
■ ■ SJÓNVARP
 11.10 Upphitun á Skjá einum.
Hitað upp fyrir leiki dagsins í
ensku úrvalsdeildinni í fótbolta.
 11.40 Enski boltinn á Skjá einum.
Bein útsending frá leik
Southampton og Manchester
City í ensku úrvalsdeildinni í fót-
bolta.
 13.10 K-1 á Sýn.
 13.40 Á vellinum með Snorra Má
á Skjá einum.
 13.50 Bikarkeppninn í fótbolta á
RÚV. Bein útsending frá úrslitaleik
Keflavíkur og KA í VISA-bikar
karla í fótbolta.
 14.00 Enski boltinn á Skjá einum.
Bein útsending frá leik Arsenal
og Charlton í ensku úrvalsdeildin-
ni í fótbolta.
 15.40 UEFA Champions League á
Sýn. Fréttaþáttur um meistara-
deild Evrópu í fótbolta.
 16.00 Ólympíuleikarnir í Aþenu
2004 á RÚV. Sýnt frá keppni í fim-
leikum.
 16.10 Enski boltinn á Skjá einum.
Bein útsending frá leik West
Bromwich Albion og Bolton í
ensku úrvalsdeildinni í fótbolta.
 17.25 All Strength Fitness
Challenge á Sýn.
 17.50 Spænski boltinn á Sýn. Bein
útsending frá leik Real Betis og
Valencia í spænsku úrvalsdeildin-
ni í fótbolta.
 20.00 Inside the US PGA Tour
2004 á Sýn. Vikulegur fréttaþáttur
um bandarísku PGA-mótaröðina í
golfi.
 20.30 Motorworld á Sýn.
 21.40 Hnefaleikar á Sýn. Útsend-
ing frá bardaga James Toney og
Rydell Booker.
Willum Þór til Vals
Valsmenn, sem spila á nýjan leik í Lands-
bankadeildinni í fótbolta á næsta tímabili
eftir eins árs fjarveru á meðal þeirra bestu,
hafa gengið frá munnlegu samkomulagi
við Willum Þór Þórsson, fyrrum þjálfara
KR-inga, um að hann stýri liðinu á næsta
ári. Börkur Edvardsson, formaður knatt-
spyrnudeildar Vals, staðfesti þetta í samtali
við Fréttablaðið í gær og sagðist himinlif-
andi með að hafa nælt í Willum Þór.
„Hann var alltaf fyrsti kostur okkar eftir að
ljóst var að Njáll hafði málað sig út í horn
með fljótfærnislegum ummælum sínum í
fjölmiðlum. Það tók tíma að ná í hann í
Portúgal þar sem hann er í fríi en ég vil ít-
reka að þetta er aðeins munnlegt sam-
komulag, það hefur ekki verið skrifað und-
ir neitt,“ sagði Börkur. Aðspurður sagðist
hann hafa trú á því að Willum Þór væri
rétti maðurinn til að gera Val að toppliði í
deildinni. „Hann er afar sigursæll þjálfari
og við bindum vonir við að hann
nái að festa liðið í sessi á
meðal þeirra bestu. Við
höfum fengið nóg af því
að rokka á milli deilda og
ætlum okkur að komast í
fremstu röð. Ég trúi því að
Willum Þór sé maðurinn
sem getur látið það rætast,“
sagði Börkur og bætti við að
Valsmenn hygðust fá
fimm til sex leik-
menn til liðsins fyrir
baráttuna á kom-
andi tímabili.
Grétar til Djurgården
Framherjinn Grétar Hjartarson, sem skor-
aði ellefu mörk fyrir Grindvíkinga á nýaf-
stöðnu tímabili í Landsbankadeildinni, er
farinn til sænska liðsins Djurgården þar
sem hann
mun dvelja
til reynslu
næstu daga.
Grétar er
með lausan
samning við
Grindavík og
getur því far-
ið frítt til
þess liðs sem
vill fá hann.
Grétar verður
í viku hjá
Djurgården
og eftir það
kemur í ljós
hvort hann
semur við
liðið, sem hefur einn Íslending innan-
borðs, varnarmanninn efnilega Sölva Geir
Ottesen. Grétar hefur einnig vakið áhuga
flestra liða í Landsbankadeildinni og hafa
þau flest sett sig í samband við hann.
Óljóst með Sigurð
Ekki er orðið ljóst hvort Sigurður Jónsson
stýri Víkingum í 1. deildinni á næsta tíma-
bili en Víkingar féllu úr Landsbankadeild-
inni á nýafstöðnu keppnistímabili á
dramatískan hátt á síðustu mínútum loka-
umferðarinnar. Sigurður átti fund með
stjórn knattspyrnudeildar Víkings á
fimmtudagskvöldið þar sem málin voru
rædd og sagði í samtali við Fréttablaðið í
gær að það væri algjörlega óljóst hvort
hann yrði áfram hjá félaginu. „Ég þarf að
sjá hvort það er einhver metnaður fyrir því
hjá stjórninni að halda sama mannskap og
í sumar. Ef allir verða
áfram mun ég ekki
stökkva frá en ef
menn hafa ekki
metnað til að halda
þeim mönnum þá
læt ég mig hver-
fa. Þetta kemur
í ljós mjög
fljótlega,“
sagði
Sig-
urður.GUÐJÓN GUÐMUNDSSON Ekki
mögulegt að fá Alfreð en Geir og
Viggó hafa það sem til þarf.
GEIR SVEINSSON „Ég hef ekkert velt
þessu fyrir mér og get í raun ekki svarað
því hvort ég myndi þiggja starfið ef mér
væri boðið það. Ég hef áhuga á starfinu
sem líku og myndi hlusta á það sem þeir
hefðu fram að færa ef þeir myndu tala við
mig sem þeir hafa ekki gert,“ sagði Geir.
VIGGÓ SIGURÐSSON „Ég hef sagt það
áður að ég væri til í að ræða við forystu
HSÍ ef hún hefur áhuga á því. Ég veit ekki
hvað þeir eru að hugsa en eitthvað hlýtur
að gerast á næstunni. Ég óttast ekki að
hafa ekki það sem til þarf í þetta starf –
síður en svo,“ sagði Viggó Sigurðsson.
ATLI HILMARSSON „Ef ég á að segja al-
veg eins og er þá hef ég ekkert hugsað út
í þetta starf. Það hefur enginn frá HSÍ haft
samband við mig og á meðan svo er
hugsa ég ekki um þetta. Ég er í fínu starfi
og er ekkert á leið aftur í þjálfun – í bili að
minnsta kosti,“ sagði Atli Hilmarsson.
ÓSKAR HRAFN ÞORVALDSSON
ÍÞRÓTTAFRÉTTAMAÐUR
ÍÞRÓTTASKÝRING
LANDSLIÐSÞJÁLFARAMÁL HSÍ