Fréttablaðið - 16.10.2004, Síða 6

6 16. október 2004 LAUGARDAGUR
Samfylkingin vill fækka ráðuneytum:
Eitt ráðuneyti í stað fjögurra
STJÓRNMÁL Þingflokkur Samfylk-
ingarinnar hefur lagt fram á Al-
þingi frumvarp sem gerir ráð fyrir
að stofnað verði nýtt atvinnumála-
ráðuneyti sem komi í stað ráðu-
neyta fjögurra málaflokka, það er
sjávarútvegs-, landbúnaðar-, iðnað-
ar- og viðskiptaráðuneyta.
Auk þess er lagt til að nýja ráðu-
neytið fái nokkra málaflokka sem
heyra undir önnur ráðuneyti, svo
sem ferðaþjónustu og þekkingar-
iðnað. Gert er ráð fyrir að undir-
búningi að stofnun hins nýja ráðu-
neytis verði lokið fyrir árslok 2006.
Össur Skarphéðinsson, formað-
ur Samfylkingarinnar, segir að
ráðuneytum hafi fjölgað úr hófi
fram og löngu sé orðið tímabært að
fækka þeim og gera starfsemi
þeirra skilvirkari. Þá séu stofnanir
íslensku stjórnsýslunnar of marg-
ar miðað við verkefni samfélags-
ins. Einnig séu þær of smáar til að
takast á við æ flóknari verkefni
margþætts tæknisamfélags. - ás
HEILBRIGÐISMÁL Það verður að út-
rýma iðjuleysi á geðdeildum,
auka hreyfingu sjúklinga og bæta
eftirfylgni. Það verður að beita
öllum aðferðum til þess að við-
halda von sjúklingsins um að
hann fái bata.
Þetta sagði Jón Arnar Arason,
einn félaga í Hugarafli sem er
hópur geðsjúkra einstaklinga í
bata og iðjuþjálfa með víðtæka
reynslu af geðsviði. Þessi hópur
boðar byltingu í meðferð geð-
sjúkra og var starf hans kynnt á
blaðamannafundi í gær. Félagar í
honum hafa gert könnun á jafn-
ræðisgrundvelli meðal þeirra
geðsjúku einstaklinga sem dvöl-
du á geðdeildum Landspítala - há-
skólasjúkrahúss í sumar. Heil-
brigðisráðuneytið og Nýsköpun-
arsjóður námsmanna studdu
þessa vinnu sem og Landspítali –
háskólasjúkrahús. Elín Ebba Ás-
mundsdóttir og Auður Axelsdótt-
ir, iðjuþjálfar á LSH, höfðu yfir-
umsjón með framkvæmd verk-
efnisins, að ógleymdum tveimur
4. árs iðjuþjálfanemum við Há-
skólann á Akureyri. Niðurstöður
vinnu sinnar hefur hópurinn gef-
ið út í skýrslu. Á fundinum í gær
tilkynnti Eydís Sveinbjarnardótt-
ir, sviðsstjóri geðsviðs LSH, að
hún legði til að stofnað yrði eins
konar gæðaráð með fólki úr Hug-
arafli og af geðsviði. Gengið yrði
í að laga sum atriði, sem miður
þættu í skýrslunni strax, en gerð
framkvæmdaáætlun um annað
sem tæki lengri tíma.
Í verkefninu sem hópurinn
vann á geðdeildum LSH var ein-
ungis spurt hvernig fólk upplifði
það að vera inni á deildinni.
Niðurstöður þess sýndu að sjúk-
lingarnir eru yfirleitt ánægðir
með starfsfólkið. Þó töldu sumir
að ákveðið úrræðaleysi ríkti hjá
því þegar sjúklingar tjáðu tilfinn-
ingar sínar, til dæmis reiði og
angist. Sumum fannst örla fyrir
fordómum hjá því í sinn garð.
Þá fannst sjúklingunum að
ýmsir gallar væru á iðjuþjálfun
þeirri sem veitt er á spítalanum.
Erfitt væri að komast að, iðju-
þjálfar hefðu lítinn tíma fyrir þá
og lítið væri að gera fyrir karl-
menn. Sumir sjúklinganna voru
óánægðir með mikla lyfjanotkun.
Þá lagði fólk áherslu á að það
fengi að vera þátttakendur í
ákvörðunum sem teknar væru
um meðferð þess á geðdeildum.
jss@frettabladid.is
Flokksþing repúblikana:
Dýrasta þing
sögunnar
BANDARÍKIN, AP Flokksþing
repúblikana í New York í haust er
dýrasta útnefningarhátíð í sögu
bandarískra stjórnmála og þar
með væntanlega heimsins alls.
Alls kostaði þingið andvirði tæpra
ellefu milljarða króna.
Um þriðjungur upphæðarinnar
fór í öryggisgæslu, sem var á
kostnað ríkissjóðs. Að auki lagði
New York-borg til öryggisgæslu,
samgöngur og fleira sem kostaði
rúmlega hálfan milljarð króna.
Megnið af fénu safnaðist þó með
framlögum einstaklinga og fyrir-
tækja, samtals rúmir sex milljarð-
ar króna. Mest gaf Michael
Bloomberg, borgarstjóri í New
York, hálfan milljarð króna.
Flokksþing demókrata í júlí
kostaði vel innan við helming á
við þing repúblikana. ■
VEISTU SVARIÐ?
1Hvað heitir nýr formaður Starfs-greinasambandsins?
2Hvor bandarísku forsetaframbjóðend-anna er talinn hafa haft betur í kapp-
ræðum í sjónvarpi?
3Hvers vegna voru sænskir fjölmiðlargagnrýnir á íslenska fótboltalandslið-
ið?
Svörin eru á bls. 50
Munch-ránið:
Hringurinn
þrengist
NOREGUR, AP Norska lögreglan
telur hringinn vera að þrengjast
um þjófana sem stálu málverkum
Edvards Munch í ágúst, að því er
fram kemur í Verdens Gang og
Dagbladet. Þar segir að lögreglan
hafi rakið ferðir bíls ræningjanna
næstu daga fyrir ránið og komist
að því að hann hafði farið um
hendur margra þekktra glæpa-
manna.
Ræningjarnir stálu einni útgáfu
Ópsins og Madonnu um miðjan
dag. Ránið vakti furðu manna
vegna þess hversu bíræfið það
var og hversu slappar öryggisráð-
stafanirnar voru. ■
■ LÖGREGLUFRÉTTIR
KVIKNAÐI Í REYKOFNI Kjöt í
þremur reykklefum skemmdist
þegar eldur kviknaði í reykofni í
kjötvinnslu Kjarnafæðis á Sval-
barðseyri í gærmorgun. Óvíst er
um eldsupptök.
FÓTBROTNAÐI Í VINNUSLYSI
Maður fótbrotnaði illa í vinnu-
slysi í nýbyggingu Norðuráls á
Grundartanga á ellefta tímanum í
gærmorgun. Fjögur til fimm
hundruð kíló af járni sem verið
var að hífa sporðreistist og lenti
á manninum.
ÁFANGA FAGNAÐ
Hópurinn í Hugarafli afhenti Jóni Kristjánssyni heilbrigðisráðherra og fleiri velunnurum
skýrsluna. Á myndinni, sem er frá afhendingunni, eru f.v., Garðar Jónasson frá Hugarafli,
Jón Kristjánsson heilbrigðisráðherra, Elín Ebba Ásmundsdóttir, yfiriðjuþjálfi á LSH, og Þór
Þórarinsson, skrifstofustjóri í heilbrigðisráðuneytinu.
FR
ÉT
TA
B
LA
Ð
IÐ
/G
VA
BÍLAFLOTI RÍKISSTJÓRNARINNAR
Samfylkingin telur ráðuneytin allt of mörg.
FR
ÉT
TA
B
LA
Ð
IÐ
/T
EI
TU
R
Boða byltingu í
meðferð geðsjúkra
Hópur geðsjúkra í Hugarafli boðar byltingu í meðferð geðsjúkra, eftir
að hafa unnið verkefni á Landspítala. Sviðsstjóri á geðsviði leggur til að
gengið verði í lagfæringar á atriðum sem bent er á í niðurstöðum.
■ SUÐUR-AMERÍKA
MYRTUR ÚT AF 15 KRÓNUM
Sextán ára piltur í Gvæjana
hefur verið ákærður fyrir morð.
Hann lenti í deilum við bekkjar-
félaga sinn um hvor þeirra ætti
að borga andvirði fimmtán króna
fyrir snakk sem þeir voru að
kaupa. Hann kastaði grjóti í
höfuð félagans, sem lést á
sjúkrahúsi nokkrum dögum síðar.