Fréttablaðið - 09.09.2004, Page 48

9. september 2004 FIMMTUDAGUR
Fyrir tuttugu árum sendi hljóm-
sveitin Grafík frá sér hljómplöt-
una Get ég tekið séns, sem hafði
að geyma lög á borð við Mér
finnst rigningin góð og Þúsund
sinnum segðu já. Lög sem allir
landsmenn kannast við.
Í kvöld ætlar hljómsveitin að
koma saman og halda tónleika í
Austurbæ í tilefni þessa afmælis
vinsælustu plötu sveitarinnar,
jafnframt því sem platan sjálf
hefur verið endurútgefin.
„Það blundaði alltaf í mönnum
að grípa þetta tilefni,“ segir
Rúnar Þórisson gítarleikari, sem
stofnaði Grafík á Ísafirði í kring-
um 1980 ásamt þeim Rafni Jóns-
syni trommuleikara, sem féll frá í
sumar, og Erni Jónssyni bassa-
leikara. Helgi Björnsson söngvari
bættist í hópinn árið 1983, þá ný-
útskrifaður leikari.
Hljómsveitin hætti reyndar
árið 1987 fljótlega eftir að hún gaf
út hljómplötuna Leyndarmál með
Andreu Gylfadóttur, sem þá hafði
gengið til liðs við sveitina.
„Síðan þá hefur bandið ekki
starfað saman samfleytt,“ segir
Rúnar, en eitthvað hafa þeir þó
hist. Síðustu mánuðina áður en
Rabbi lést hittust þeir Helgi,
Rabbi og Rúnar reglulega og
sömdu meðal annars ein tíu lög,
sem hugsanlega gætu komið út á
nýrri plötu með Grafík áður en
langt um líður.
„Það er reyndar allt í gerjun
eins og er, og það verður bara að
koma í ljós hvað verður úr því.“
Í sumar hélt Grafík eina tón-
leika í Alþýðuhúsinu á Ísafirði, að-
eins þremur dögum eftir að Rabbi
var jarðsunginn. Rúnar segir að
andi Rabba hafi svifið þar yfir
vötnum. Engu var líkara en hann
hefði staðið með hljómsveitinni á
sviðinu og Rúnar segist sannfærð-
ur um að sú tilfinning muni aftur
gera vart við sig í kvöld.
„Hann var mikill drifkraftur í
sveitinni og gefandi persóna. Það
sakna hans allir mikið sem unnið
hafa með honum.“
Það verður sonur Rabba, Egill
Rafnsson, sem hleypur í skarðið
og leikur á trommurnar á tónleik-
unum í kvöld.
„Það lá beinast við að fram-
lengja lífdaga Grafíkur með syni
Rabba. Hann lék líka með okkur á
tónleikunum á Ísafirði.“
Þess má geta að Egill er einn af
krökkunum sem söng bakraddir í
laginu Mér finnst rigningin góð. Í
þeim hópi var einnig Lára, dóttir
Rúnars, sem líka er á fullu í tón-
listinni og sendi frá sér sína
fyrstu plötu á síðasta ári.
Innan fárra vikna er von á
nýrri hljómplötu með Rabba, og
Rúnar er sömuleiðis með sóló-
plötu langt komna í vinnslu. Þá er
Helgi Björnsson einnig með eitt-
hvað í pokahorninu. ■
Sænska djasstríóið Daisy ríður á
vaðið og spilar á fyrstu tónleikum
vetrarins í djassklúbbnum Múlan-
um. Eins og í fyrra verða tónleik-
arnir haldnir í Gyllta salnum á
Hótel Borg, en verða á fimmtu-
dagskvöldum í stað sunnudags-
kvölda.
„Þetta eru strákar sem eru bún-
ir að geta sér gott orð í Svíþjóð.
Þeir eru mjög opnir og fara bæði út
í frjálsan djass og svo hefðbundari
leiðir í sinni tónlist. Þeir fara svo-
lítið út og suður og eru um fram allt
skemmtilegir,“ segir Ólafur Jóns-
son, einn forsvarsmanna Múlans.
Þeir sendu frá sér plötu fyrir
nokkrum misserum, sem fékk góða
dóma, og hafa spilað víða. Meðal
annars ætla þeir til Eþíópíu að
halda tónleika þar í beinu fram-
haldi af Íslandsferðinni.
Þeir hafa einnig leikið mikið
með söngvaranum Daniel Lemma,
meðal annars í sænsku kvikmynd-
inni Jalla Jalla, sem margir kannast
við.
Dagskrá Múlans í vetur er enn
að taka á sig endanlega mynd, en
víst er að hún verður stútfull af
skemmtilegum tónleikum.
„Til dæmis kemur Tómas R. með
latínubandið sitt til að kynna fyrstu
íslensku djassbiblíuna. Það á að gefa
öll lögin hans út á bók,“ segir Ólafur.
„Djassbiblía“ er í munni djassara
nótnabók með þekktum djasslögum.
„Tómas ætlar að spila bæði
latínlögin sín og eitthvað af eldra
efni. Svo verða sólótónleikar með
Hilmari Jenssyni. Hann hefur ekki
gert það áður. Einnig verður Guð-
laug Ólafsdóttir söngkona með sína
fyrstu tónleika á Múlanum, og svo
verða tónleikar með Andrési Þór og
Jóel Pálssyni. Þeir spila Bill
Evans.“ ■
■ TÓNLEIKAR
Fimmtudaginn 9. september
PARIS AT NIGHT
e. Jacques Prévert kl 20
NÚTÍMADANSHÁTÍÐ:
THE CONCEPT OF BEAUTY
e. Nadiu Banine
WHERE DO WE GO FROM THIS
e. Peter Anderson kl 20
Föstudagurinn 10. september
PARIS AT NIGHT
e. Jacques Prévert kl 20
NÚTÍMADANSHÁTÍÐ:
MANWOMAN
e. Ólöfu & Ismo-Pekka Heikenheimo kl 20
Laugardagurinn 11. september
PARIS AT NIGHT
e. Jacques Prévert kl 20
NÚTÍMADANSHÁTÍÐ
MANWOMAN
e. Ólöfu & Ismo-Pekka Heikenheimo kl 20
Sunnudagurinn 12. september
LÍNA LANGSOKKUR
e. Astrid Lindgren kl 14
Áskriftarkort
í Borgarleikhúsið
gildir á 6 sýningar
kr. 10.000
þú sparar 5.500
Tíu miða
afsláttarkort
kostar 18.700 krónur
þú sparar 8.700
Frjálst sætaval
VERTU MEÐ Í VETUR
NÝTT: Miðasa la á net inu:
www. borgar le ikhus. is
Miðasalan, sími 568 8000
Erich Wolfgang Korngold ::: Robin Hood
Jón Þórarinsson ::: Þrír mansöngvar
Maury Yeston ::: Kyndarasöngurinn úr Titanic
Marlcolm Arnold ::: Tam O´Shanter, op. 51
Jón Leifs ::: Björn að baki Kára úr Sögusinfóníunni
Kurt Weill ::: Mackie Messer úr Túskildingsóperunni
Stephen Sondheim ::: Broadway Baby úr Follies
Richard Strauss ::: Till Eulenspiegels lustige Streiche
HÁSKÓLABÍÓI, FIMMTUDAGINN 9. SEPTEMBER KL. 19.30
Hljómsveitarstjóri ::: Rumon Gamba
Einsöngvari ::: Maríus Sverrisson
Háskólabíó vi› Hagatorg I Sími 545 2500 I sinfonia@sinfonia.is I www.sinfonia.is
Glæsileg byrjun
Starfsár Sinfóníuhljómsveitarinnar hefst á fimmtudaginn með glæsi-
legum tónleikum þar sem kynnt er til sögunnar ný íslensk söngstjarna
á hraðri uppleið: Maríus Sverrisson. Maríus hefur gert garðinn frægan
í Þýskalandi undanfarið þar sem hann hefur m.a. verið í lykilhlutverki
í verðlaunasöngleiknum Titanic, sem gekk fyrir fullu húsi í 10 mánuði
samfleytt. Tryggðu þér miða og góða byrjun á menningarvetrinum!
SÆNSKA DJASSTRÍÓIÐ DAISY Þeir Peter Janson bassaleikari, Joakim Rolandsson saxó-
fónleikari og Thommy Larsson trommuleikari spila á Múlanum í kvöld.
Múlinn búinn með fríið
HLJÓMSVEITIN GRAFÍK Á ÆFINGU Í GÆR Tuttugu árum eftir útkomu vinsælustu hljómplötu sveitarinnar kemur hún saman á tón-
leikum í Austurbæ.
■ TÓNLEIKAR
FR
ÉT
TA
B
LA
Ð
IÐ
/V
IL
H
EL
M
Tuttugu árum síðar
48-49 (36-37) slanga 8.9.2004 20:02 Page 2