Fréttablaðið - 23.10.2004, Qupperneq 6

6 23. október 2004 LAUGARDAGUR
Margaret Hassan sagðist óttast um líf sitt í myndbandi sem al-Jazeera birti:
Ég vil ekki deyja eins og Bigley
ÍRAK, AP „Hjálpið mér, hjálpið
mér. Þetta gætu verið síðustu
klukkustundirnar mínar. Vin-
samlegast hjálpið mér,“ sagði
Margaret Hassan grátandi á
myndbandi sem komið var til
al-Jazeera sjónvarpsstöðvarinn-
ar. Hassan er stjórnandi CARE
hjálparsamtakanna og var
hneppt í gíslingu á dögunum.
Hassan bað breskan almenn-
ing um að fara þess á leit við
Tony Blair forsætisráðherra að
kalla breskar hersveitir heim
frá Írak og að flytja þær alls
ekki til Bagdad. Hún sagði það
veru hersveitanna að kenna að
fólk eins og hún og Kenneth
Bigley væru tekin í gíslingu.
„Ég vil ekki deyja eins og
Bigley,“ sagði hún.
Bigley var hnepptur í gísl-
ingu ásamt tveimur Bandaríkja-
mönnum. Þegar Bretar urðu
ekki við kröfum gíslatökumanna
um að fara frá Írak myrtu þeir
Bigley og sendu myndband af
aftöku hans til sjónvarpsstöðva.
Margaret Hassan hefur sinnt
hjálparstarfi í Írak um þriggja
áratuga skeið. Eftir birtingu
myndanna í gær hvöttu breskir
og írskir ráðamenn gíslatöku-
mennina til að sleppa henni. ■
Byssumaður var
sagður hættulaus
Ungur maður sem strauk úr fangelsinu við Skólavörðustíg á mánudag var
sagður hættulaus þegar lýst var eftir honum. Hann er nú ákærður fyrir vopnað
rán með skammbyssu og fyrir að leggja haglabyssu að andliti manns.
DÓMSMÁL Nítján ára piltur sem
strauk úr fangelsi í vikunni og
sagður var hættulaus hefur verið
ákærður fyrir vopnað rán í Hring-
brautarapóteki, en hann var með
skammbyssu. Hann er líka ákærð-
ur fyrir að hafa lagt haglabyssu
að andliti manns í heimahúsi. Pilt-
urinn er í gæsluvarðhaldi og kom
hann í héraðsdóm í óvenjumikilli
gæslu. Þrír fangaflutningamenn
komu með hann og tveir lögreglu-
menn aðstoðuðu við gæslu við
þingfestingu málanna í Héraðs-
dómi Reykjavíkur í gær.
Pilturinn játar að hluta vopnaða
ránið í Hringbrautarapótek í byrj-
un september síðastliðins. Hann
játar að hafa komið í apótekið með
hulið andlit og vopnaður gas-
skammbyssu. Hann segist ekki
kannast við að hafa miðað byssunni
að starfsstúlku í apótekinu, hótað
henni lífláti fengi hann ekki afhent
lyfið rítalín. Hann viðurkennir að
hafa hótað lyfsalanum lífláti fengi
hann ekki lyfið. Átök hófust á milli
lyfsalans og piltsins. Við það hljóp
skot úr byssunni. Einnig játar pilt-
urinn að hafa
neytt lyfsalann,
með því að miða á
hann byssunni, til
að afhenda sér
sextán pakkningar
af rítalíni. Í
ákærunni segir að
hann hafi haldið
byssunni að höfði
lyfsalans og hótað
að hleypa af.
Í annarri á-
kæru er pilturinn sakaður um að
hafa lagt haglabyssu að andliti
manns og hótað að skjóta hann
þegar maðurinn bað um aðstoð
lögreglu í síma. Pilturinn kannast
við að hafa verið með haglabyss-
una en segist ekki hafa beint
henni að andliti mannsins. Í sömu
ákæru er hann sakaður um að
hafa hótað afgreiðslumanni á
bensínstöð og otað að honum
hnífi. Pilturinn játar að hafa verið
með hníf en segist ekki hafa otað
honum að neinum, hann hafi bara
verið að fikta.
Lögreglan í Hafnarfirði handtók
piltinn seint á mánudagskvöld eftir
að hann réðst á starfsmann og tók
hálstaki, á veitingastað í bænum.
Tók hann starfsmanninn meðal
annars hálstaki. Pilturinn hafði
strokið úr fangelsinu við Skóla-
vörðustíg fyrr um daginn því hann
vildi ekki fara á Litla-Hraun
þangað sem átti að flytja hann.
hrs@frettabladid.is
Ólafsfjörður:
Húsleit og
handtökur
LÖGREGLA Þrír menn voru hand-
teknir eftir húsleit í Ólafsfirði í
gær. Tveir mannanna eru grun-
aðir um innbrot í leikskóla bæjar-
ins en þeim þriðja var sleppt fljót-
lega eftir handtökuna.
Í innbrotinu var stolið fjórum
dvd-drifum úr tölvum, nýrri staf-
rænni myndavél auk annarra
tölvuhluta. Lögreglan fékk í gær-
morgun dómsúrskurð til húsleitar
hjá mönnum sem áður hafa kom-
ist í kast við lögin. Í húsleitinni
fannst hluti þýfisins. Mönnunum
tveimur var sleppt að loknum
yfirheyrslum hjá lögreglu í gær-
kvöld. ■
Aldarafmæli:
Móttaka í
Bjarkarhlíð
LANDVERND Í tilefni af því að í
mánuðinum er heil öld liðin frá
fæðingu Hákonar Guðmundsson-
ar, fyrsta formanns Landvernd-
ar, bjóða dætur hans, Skógrækt-
arfélag Íslands og Landvernd til
samkomu í Bjarkarhlíð við Bú-
staðaveg á morgun klukkan tvö,
að því er fram kemur á Vef Land-
verndar.
Hákon var yfirborgardómari
og hæstaréttarritari, fæddist á
Hvoli í Mýrdal árið 1904 og lést í
ársbyrjun árið 1980. Hann var
mikill áhugamaður um skógrækt
og landgræðslu og varð fyrsti
formaður Landverndar árið
1969. Hákon og kona hans Ólöf
Árnadóttir bjuggu og ræktuðu í
liðlega 30 ár við Bjarkarhlíð í
Reykjavík. ■
,,Hann
viðurkennir
að hafa
hótað lyf-
salanum líf-
láti fengi
hann ekki
lyfið
VEISTU SVARIÐ?
1Hvað hefur ríkisskattstjóri gert JóniÓlafssyni að greiða mikið til viðbótar
í skatt?
2Hvar eru lendurnar sem Hæstirétturskar úr um í svokölluðu þjóðlendu-
máli á fimmtudaginn?
3Hvað kostar krufning?
Svörin eru á bls. 50
Akureyrarbær:
Skilaboð
á strætó
FORVARNIR Nýir auglýsingaborðar
eru komnir á strætisvagna Akur-
eyrar með áletrunum „Mamma
er mín fyrirmynd! Foreldrar eru
bestir í forvörnum“ og „Pabbi er
mín fyrirmynd! Foreldrar eru
bestir í forvörnum“. Með þessu
vill áfengis- og vímuvarnanefnd
Akureyrarbæjar vekja foreldra
til umhugsunar um að þeir eru
fyrirmynd barna sinna, að því er
fram kemur í tilkynningu bæjar-
ins.
„Það að vera góð fyrirmynd
þýðir það að þú þarft að sýna þá
hegðun sem þú villt að barn þitt
og unglingur temji sér,“ segir
í tilkynningu nefndarinnar og
áréttað að það sem foreldrar
gerir vegi þyngra en það sem
þeir segja.
- óká
Umboðsmaður Alþingis:
Óvönduð stjórnsýsla
hjá Háskóla Íslands
STJÓRNSÝSLA Umboðsmaður Al-
þingis segir Háskóla Íslands hafa
brotið gegn góðum stjórnsýslu-
háttum þegar hann síðasta vetur
ákvað að stytta tímabilið sem
nemendur hafa til að greiða skrá-
setningargjald við skólann. Þá
átaldi Umboðsmaður skólann
fyrir seinagang í svörum við fyr-
irspurnum sínum vegna málsins.
Hætta átti að veita nemendum
frest fram á sumar til að greiða
gjöldin, líkt og gert hafði verið
undanfarin ár. Stúdentar áttu að
greiða gjaldið á tímabilinu 22. til
26. mars, en eftir mótmæli Stúd-
entaráðs var frestur til greiðslu
framlengdur til 4. júní. Um leið
skaut Stúdentaráð málinu til Um-
boðsmanns Alþingis.
Jarþrúður Ásmundsdóttir, for-
maður Stúdentaráðs, segist vænta
þess að Háskólinn taki mark á úr-
skurði Umboðsmanns Alþingis.
„Svo kynntum við stúdentar
okkar sjónarmið mjög rækilega í
vor og förum áfram fram á að
greiðslufrestur verði veittur fram
á sumar. Ótækt er að ætlast til að
fólk greiði skrásetningargjöld í
mars, þegar fólk er komið í botn
í yfirdráttarheimild, námslán
uppurin og langt í að tekjur vegna
sumarvinnu skili sér.“ - óká
ESB og Darfur:
Leggja fé í
friðargæslu
BRUSSEL, AP Evrópusambandið
hefur ákveðið að styrkja friðar-
gæslustarf Afríkuríkja í Darfur
með fjárframlagi að andvirði
rúmra átta milljarða króna.
Framlagið nemur um helmingi
þeirrar upphæðar sem talið er að
það kosti að fjölga friðargæslu-
liðum í Darfur í Súdan úr 390 í
rúmlega þrjú þúsund.
Stjórnir Afríkuríkja höfðu
bent á að til þess að hægt væri að
binda enda á átök og árásir í
héraðinu þyrftu Vesturlönd að
leggja til fjármuni og aðstoð við
að flytja hermenn. Stjórnir
Bandaríkjanna, Kanada og Ástr-
alíu hafa sagst reiðubúnar að sjá
um flutning friðargæsluliða. ■
VEGGJAKROT Á HÆSTARÉTT
Dómvörður í Hæstarétti kallaði til lögreglu
vegna veggjakrots á húsi réttarins sem
hann varð var við þegar hann mætti til
vinnu í gærmorgun. Samkvæmt upplýsing-
um frá lögreglu stóð „Hæstiréttur fyrir
karla“ og „Hún reitti hann til reiði“. Lög-
reglan í Reykjavík rannsakar málið.
ÚR HÉRAÐSDÓMI REYKJAVÍKUR
Piltur sem strauk úr fangelsinu við Skólavörðustíg í vikunni mætti í Héraðsdóm í óvenju
mikilli gæslu. Hann strauk því hann vildi ekki í fangelsið á Litla-Hrauni en þangað átti að
flytja hann.
FR
ÉT
TA
B
LA
Ð
IÐ
/V
AL
LI
MARGARET HASSAN
Augljóst var af myndbandinu sem birtist í
gær að Margaret Hassan óttaðist mjög um
líf sitt.
JARÞRÚÐUR ÁSMUNDSDÓTTIR
Formaður Stúdentaráðs Háskóla Íslands
segir ótækt að ætlast til að stúdentar við
Háskóla Íslands greiði skrásetningargjöld
næsta árs í mars þegar þeir eru hvað blank-
astir og langt í tekjur vegna sumarvinnu.
FR
ÉT
TA
B
LA
Ð
IÐ
/P
JE
TU
R
06-07 22.10.2004 21:26 Page 2