Fréttablaðið - 23.10.2004, Síða 51

LAUGARDAGUR 23. október 2004 39
Furðulegt háttalag hunds um nótt,
margverðlaunuð metsölubók
Marks Haddon, er komin út í ís-
lenskri þýðingu Kristínar R.
Thorlacius. Söguhetjan er 15 ára
einhverfur drengur sem er stærð-
fræðiséní. Í bókinni er að finna
hinar ýmsu stærðfræðiformúlur
og þrautir og því ekki létt verk
fyrir leikmann að koma þeim öll-
um til skila. Kristín segir að synir
og frændur hafi lagt henni lið en
þeir eru sérfræðingar á ýmsum
sviðum. Örnólfur er stjörnufræð-
ingur. Ólafur er veðurfræðingur
og Finnnbogi er jarðfræðingur.
Lárus Thorlacius, bróðursonur
Kristínar, er eðlisfræðingur, og
lagði einnig sitt af mörkum.
„Ég leitaði einnig til fleiri sér-
fræðinga, talaði við lækna vegna
ýmissa lýsinga í bókinni,“ segir
Kristín. „Ég hef aldrei þurft að
tala við jafn marga út af þýðingu
á bók.“ Hún segist hafa haft afar
mikla ánægju af því að þýða bók-
ina enda hafi hún hrifist af henni
við fyrsta lestur. Finnbogi Rögn-
valdsson, sonur Kristínar, segist
hafa þýtt nokkrar stærðfræð-
isannanir og nokkur fræðiheiti og
fagorð. „Hlutur minn var afskap-
lega lítill og Kristín á heiðurinn af
þýðingunni. Bókin finnst mér frá-
bær og á allt öðru plani en annað
sem maður hefur áður lesið,“ seg-
ir Finnbogi. ■
Ný skáldsaga eftir Marquez
Aðdáendur Nóbelsverðlaunahöf-
undarins Gabriel Garcia Marquez
hafa beðið í áratug eftir nýrri
skáldsögu frá honum. Nú er bókin
komin út. Hún heitir í lauslegri
þýðingu Minningar um þunglyndu
hórurnar mínar og gerist á sjötta
áratugnum. Aðalpersónan er ní-
ræður karlmaður sem í tilefni af-
mælis sína ákveður að eyða nótt
með hreinni mey. Bókin er ein-
ungis 115 blaðsíður og áætlað er
að hún verði prentuð í um milljón
eintökum í spænsku útgáfunni.
Útkomu bókarinnar var flýtt
vegna þess að óprúttnir náungar
voru byrjaðir að selja sjóræn-
ingjaeintök af verkinu á götum
Kolumbíu. Þar í landi er gríðarleg
sala á ólöglegum DVD-diskum,
bókum og geisladiskum sem eru
þá iðulega á hálfvirði.
Marquez fékk Nóbelsverðlaun-
in í bókmenntum árið 1982. Fyrir
tveimur árum gaf hann út fyrsta
bindi endurminninga sinna sem
fékk gríðarlega góða dóma. ■
FURÐULEGT HÁTTALAG HUNDS UM
NÓTT Kristín R. Thorlacius þýddi þessa
frábæru bók og sérfræðingar réttu henni
hjálparhönd við þýðinguna.
Sérfræðingar rýna í verðlaunahund
GABRIEL GARCIA MARQUEZ Ný skáld-
saga er komin út eftir hann.
Fyrirmyndir í
Atómstöðinni
Hannes Hólmsteinn Gissurarson
hélt í gær fyrirlestur í Háskóla Ís-
lands um skáldsöguna Atómstöðina
eftir Halldór Laxness.
Hannes telur að Atómstöðin eigi
sér sterka fyrirmynd í bókinni
Anna öreigastúlka (Anna prolet-
arka) eftir tékkneska kommúnist-
ann Ivan Olbracht, sem gerist í
Prag 1919-1920, en Einar Olgeirsson
hafði einmitt í ritdómi 1932 bent
Kiljan á þessa bók sem réttar og
sannar öreigabókmenntir.
Hannes Hólmsteinn sagði að ein
fyrirmynd Uglu sé Arnheiður Sig-
urðardóttir og séu vísbendingar um
það í sögunni, auk þess sem Kiljan
hafi látið að því liggja við Arnheiði
sjálfa. Organistinn sé settur saman
úr tveimur mönnum, Erlendi í Unu-
húsi og Þórði Sigtryggssyni. Fyrir-
myndir Búa Árlands séu aðallega
Guðmundur Vilhjálmsson, forstjóri
Eimskipafélagsins, og Pálmi Hann-
esson rektor. Forsætisráðherrann
sé auðvitað Ólafur Thors.
Aukapersónur sögunnar eigi sér
líka fyrirmyndir. Landaljómi sé til
dæmis Thor Vilhjálmsson, sonur
Guðmundar Vilhjálmssonar, guðinn
briljantín, sé Ragnar Frímann
Kristjánsson, sem alræmdur var
um 1945, og Kleópatra eigi sér
fyrirmynd í Guðmundu Sigurðar-
dóttur. Bítar eða Tvö hundruð þús-
und naglbítar sé settur saman úr
Sigurjóni Péturssyni í Álafossi og
Jóhanni Þ. Jósefssyni, en blýgrái,
sorglegi maðurinn sé vitaskuld
Jónas frá Hriflu. ■
Kaktusblómið og nóttin
Um ævi og skáldskap Jóhanns
Sigurjónssonar. Höfundur Jón Viðar
Jónsson. Afar athyglisverð bók sem
varpar nýju ljósi á líf og skáldskap
Jóhanns. Jón Viðar rýnir á gagn-
rýninn hátt í leikrit og ljóð um leið
og hann tekst á við goðsögnina um
skáldið og þar kemur ýmislegt nýtt
og forvitnilegt í ljós. Mjög góð
ævisaga.
[ BÓK VIKUNNAR ]
HANNES HÓLMSTEINN Er með kenn-
ingu um fyrirmyndir í Atómstöð Halldórs
Laxness.
50-51(38-39) bókaopna 22.10.2004 18:02 Page 3