Fréttablaðið - 06.11.2004, Blaðsíða 8

8 6. nóvember 2004 LAUGARDAGUR
KJARAMÁL Bifreiðastjórar sem fjár-
festu í nýjum bílum og hófu skóla-
akstur í haust standa illa að vígi
vegna sex vikna verkfalls kennara,
segir Steinn Sigurðsson, formaður
Félags hópferðaleyfishafa.
Steinn segir mörg sveitarfélög
ekki hafa greitt fyrir umsaminn
skólaakstur í verkfallinu. Það eigi
sérstaklega við stærstu sveitar-
félögin, Reykjavíkurborg meðal
þeirra:
„Við erum ekki að tala um að fá
greitt fullt gjald heldur að launa-
hlutur bílstjórans í málinu sé
greiddur og að öðrum þræði líka í
fastakostnaði bílsins.“
Júlíus Sigurbjörnsson, deildar-
stjóri rekstrardeildar Fræðslumið-
stöðvar Reykjavíkur, segir samn-
inga ekki brotna: „Þessi þáttur
mála var ekki inni í útboðsskilmál-
unum eða samningnum.“
Steinn segir yfirleitt ekki tíund-
að í samningunum hvernig greiða
eigi fyrir þjónustuna mæti börnin
ekki í aksturinn. Samningarnir séu
þó gerðir um akstur í tiltekinn
dagafjölda.
Júlíus segir að í skilmálum
standi að falli akstur niður að hálfu
skólans eigi að láta vita: „Það er
það eina sem sagt er.“ - gag
Deilt er um það hvar Jasser Arafat verði jarðaður:
Hryðjuverkamenn
hvíla ekki í Jerúsalem
ÍSRAEL, AP Ísraelar segja
að Palestínumenn fái
ekki að jarða Jasser Ara-
fat, forseta Palestínu, í
Jerúsalem. Arafat liggur
nú mikið veikur
á sjúkrahúsi nærri París
í Frakklandi.
Arafat hefur á liðnum
árum upplýst aðstoðar-
menn sína um það að
hann vilji verða jarðaður
nærri moskunni Al Aqsa
í Jerúsalem, en staðurinn
er sá þriðji heilagasti í ís-
lamskri trú. Ísraelsmenn
þvertaka fyrir þetta.
„Hann verður ekki
jarðaður í Jerúsalem því
Jerúsalem er borg þar
sem kóngar gyðinga hvíla, ekki ar-
abískir hryðjuverkamenn,“ segir
Yosef Lapid, dómsmála-
ráðherra Ísraels. Nabil
Shaath, utanríkisráð-
herra Palestínu, segir að
á meðan óvissa ríki um
heilsufar Arafats verði
ekkert samband haft við
Ísraelsmenn vegna
skipulagningar útfarar-
innar.
Ekki hefur verið úti-
lokað að Arafat verði
jarðaður á Vesturbakk-
anum. Ísraelsmenn vilji
helst að Arafat verði jarð-
aður á Gaza. Tæplega 30
ættingjar Arafats hvíla í
grafreit í Khan Younis á
Gaza. Grafreiturinn er
hins vegar í miðjum
grænmetismarkaði svo útilokað er
talið að hann verði jarðaður þar. ■
Sjómenn gagn-
rýna samninginn
Áhöfn Örfiriseyjar telur nýjan kjarasamning
leiða af sér sérsamninga og segja erfitt að sjá að
um tímamótasamning sé að ræða.
KJARAMÁL Hásetar á frystitogaran-
um Örfirisey telja að verði nýr
sjómannasamningur samþykktur
fari af stað sérsamningar við
hverja áhöfn. Ákvæði í samningn-
um ógildi öll önnur atriði sem
samkomulag sé um.
Sævar Gunnarsson, formaður
Sjómannasambands Íslands, segir
að skýrt sé kveðið á um það í
samningnum að heimilt sé að
stéttarfélög sjómanna semji við
útgerðirnar um breytingar. Það
þurfi þau ekki að gera telji þau
breytingarnar ekki til hagsbóta.
Í samningnum segir að samn-
ingsaðilum sé heimilt að lækka
skiptaprósentu á skipum tíma-
bundið eða ótímabundið eða gera
breytingar á öðrum atriðum
kjarasamningsins. Við gerð slíks
samnings sé horft til afkastagetu
skips, tækja, búnaðar og vélar-
afls. Áhöfn Örfiriseyjar, togara í
eigu HB Granda, telur að það geti
haft í för með sér að komi nýtt
tæki um borð í skipin óski útgerð-
in þess að skiptaprósentan verði
lækkuð. Það leiði til þess að
hvergi verði sama skiptaprósenta
um borð í skipum:
„Við bara skiljum ekki hvernig
sjómannaforustan getur lagt fram
þennan samning og talað um tíma-
mótasamning. Við erum orðlausir
yfir orðalaginu í þessum samn-
ingi,“ segir í tilkynningu áhafnar-
innar.
Áhöfnin gagnrýnir að orlof
hækki ekki nema háseti sé meira
en tíu ár hjá sömu útgerð. Hún
hefur einnig áhyggjur af því að
tveggja prósenta mótframlag í
lífeyrissjóð sé einungis launatil-
færsla þar sem frystiálag sé
lækkað um 3 prósent.
Sævar segir hárrétt að sjó-
menn taki þátt í kostnaði við
breytingarnar á samningnum:
„Við leynum því ekkert að við tók-
um launakostnaðinn niður um tæp
þrjú prósent. Á móti sömdum við
um félagsmálapakka, sem við
köllum svo, sem mjög erfitt er að
verðmeta mjög nákvæmlega en
við teljum að við höfum fengið um
tvö til þrjú prósent umfram það
sem við lækkuðum launin um
fyrst,“ segir Sævar. Það komi
fram í lífeyrissjóðnum, í leyfi í
veikindum barna, séreignarsjóðn-
um, lengri uppsagnarfresti, olíu-
verðsviðmiði og víðar.
gag@frettabladid.is
Gíslamál í Afganistan:
Gáfu frest
AFGANISTAN, AP Afgönsku gísla-
tökumennirnir sem hnepptu þrjá
starfsmenn Sameinuðu þjóðanna í
gíslingu í Kabúl fyrir rúmri viku
hafa gefið Sameinuðu þjóðunum
aukinn frest til draga sig út úr
Afganistan.
Gíslatökumennirnir, sem hafa
hótað að myrða gíslana fari Sam-
einuðu þjóðarnar ekki út úr land-
inu, hafa gefið afgönskum stjórn-
völdum og Sameinuðu þjóðunum
frest þar til í dag til að hefja form-
lega viðræður. Samkvæmt skila-
boðunum var ekki sagt hvað yrði
um gíslana ef viðræður hefjast
ekki. Óttast er að þeir muni myrða
gíslana ef engin hreyfing kemst í
málið í dag. ■
Ólafsfjörður:
Innbrot í
tækjasal
LÖGREGLUMÁL Þrír góðkunningjar
lögreglunnar brutust inn í sund-
laug Ólafsfjarðar og þaðan
í tækjasal og stálu handlóðum
og æfingarbeltum aðfaranótt
fimmtudags.
Lögreglan í Ólafsfirði segir að
grunsemdir um innbrotið hafi
vaknað þegar sundlaugarvörður
fann sígarettustubba við heita
potta. Vörðurinn hefði því næst
skoðað upptökur úr myndavéla-
kerfi þar sem innbrotsmennirnir
sáust. Lögreglan yfirheyrði
mennina, tækin voru endurheimt
og málið telst upplýst.
- gag
SVONA ERUM VIÐ
HLUTFALL FÓLKS 15 TIL 79 ÁRA
SEM REYKIR DAGLEGA
Ár Fjöldi
1999 25,2%
2000 22,9%
2001 23,6%
2002 21,6%
2003 22,4%
HEIMILD: HAGSTOFA ÍSLANDS
Þjóðarbókhlaðan:
Opin á
kvöldin
MENNTAMÁL Þjóðarbókhlaðan mun
opna aftur á kvöldin frá og með
næsta mánudag. Ákvörðun um
þetta hefur verið samþykkt á
fundi Háskóla-
ráðs. Á þriðja
þúsund stúd-
enta höfðu
skrifað undir
áskorun þessa
efnis fyrir
fund ráðsins.
Í ákvörðun
h á s k ó l a r á ð s
felst að Þjóðarbókhlaðan verður
opnuð aftur frá og með mánu-
deginum 8. nóvember og út árið.
Málið verður síðan endurskoðað í
janúar og frekari ákvarðanir
teknar um framhaldið. Mikill hug-
ur er innan ráðsins um að halda
safninu opnu á kvöldin og leita
lausna til að svo geti orðið. - jss
BREYTINGAR
Háskólaráð hefur
samþykkt lengdan
opnunartíma Þjóðar-
bókhlöðunnar.
BEÐIÐ VIÐ
SJÚKRAHÚSIÐ
Fjölmargir stuðnings-
menn Arafat stóðu fyrir
utan Percy-sjúkrahúsið í
Frakklandi í fyrrinótt.
Bifreiðastjórar standa illa að vígi vegna kennaradeilunnar:
Vilja fá greitt fyrir skóla-
akstur í verkfalli kennara
AKSTUR FRÁ LAUGALANDSSKÓLA
Bifreiðastjórar vilja fá launagreiðslur vegna
samninga um skólaakstur þá daga sem
verkfallið stóð yfiir. Um það var ekki samið.
FR
ÉT
TA
B
LA
Ð
IÐ
/G
VA
SÆVAR GUNNARSSON
Segir að lækka hafi þurft laun sjómanna um þrjú prósent til að ná fram úrbótum af fé-
lagslegum toga. Þær úrbætur skili sjómönnum tveimur til þremur prósentum umfram það
sem lækkað hafi verið um. Áhöfn Örfiriseyjar gagnrýnir samninginn.
EINN GÍSLANNA
Shqipe Habibi, starfsmaður Sameinuðu
þjóðanna frá Kosovo, er meðal þriggja
gísla í Afganistan.
08-09 5.11.2004 22:04 Page 2