Fréttablaðið - 06.11.2004, Blaðsíða 52

Sigvaldi Jónsson er einn af þessu fólki.
Hann er harður rokkari sem lifir harð-
kjarnalífi og stýrir heimasíðunni dor-
dingull.is þar sem hann býr til heimasíð-
ur fyrir tuttugu til þrjátíu þungarokks-
hljómsveitir. „Á síðunni minni kynni ég
ýmsar hljómsveitir, held tónleika og
auglýsi þá. Einnig er ég með þunga-
rokks-útvarpsþátt á X-inu 97,7.
Fyrir utan þennan harðkjarna lífstíl
þá er ég ósköp venjulegur kall sem á
kærustu og hund og vinn hjá tölvufyrir-
tæki á daginn.“ Valli Dordingull eins og
hann er oftast kallaður lítur ekki út
fyrir það en hann er einn af hörðustu
grænmetisætum landsins. „Ég er
straightedge grænmetisæta sem þýðir
að ég er ekki bara grænmetisæta heldur
drekk ég ekki og dópa ekki og er í raun-
inni á móti öllum vímugjöfum. Svona
lifnaðarháttur tengist í rauninni pönk-
menningu alveg heilmikið,“ segir Valli.
40 6. nóvember 2004 LAUGARDAGUR






Það eru ekki allir sem lifa venjulegu lífi og
sinna dæmigerðum störfum og áhugamál-
um. Inn á milli er fólk sem lítur ósköp
venjulega út og kemur fólki skemmtilega á
óvart með því að sökkva sér í óhefðbundin
hobbí og störf. Aðrir líta út fyrir að vera
villtari en allt en reynast svo venjulegasta
fólk og bestu skinn.
Frímann Andrésson vinnur hjá útfararstofu kirkjugarðanna og sinn-
ir öllu því sem viðkemur andláti. „Við sjáum um flest sem við kemur
hinum látna. Við flytjum hann, búum hann í föt og kistuna, undirbú-
um útför og keyrum í kirkjugarðinn,“ segir Frímann.
Þegar helgin tekur við umbreytist Frímann hinsvegar úr útfarar-
stjóra í hressan techno- og house-plötusnúð, sem er eitthvað sem ekki
allir geta gert. „Þegar maður er búinn að vera í heila viku í útfarar-
starfinu er ansi hentugt að skipta um hlutverk og spila
fyrir fólk í allt öðrum gír. Ég er búinn að vera að fikta við plötusnúða-
starfið síðan ég var 15 ára að spila í Ölduselsskóla.“ Frímann spilar
aðallega á Kapital og stundum á Nasa og kallar sig Dj Frímann.
„Reyndar hef ég verið að vinna í kirkjugarðinum lengi líka. Ég
byrjaði að reyta arfa þar 17 ára gamall, fékk svo fasta vinnu sem
grafari og fór þaðan í útfararþjónustuna.“ <
Svava Halldórsdóttir stundar nám
við skólann Polimoda á Ítalíu þar
sem hún lærir fatahönnun. Hún er
ekki ókunn faginu því hún var á
fatahönnunarbraut í framhalds-
skóla. „Ég er að einbeita mér að því
núna að læra ítölskuna sem er mjög
erfið. Það tekur mann víst átta til
níu mánuði að ná tökum á henni.
Eftir það fer ég svo á fullt í fata-
hönnuninni. Ég sker mig úr í skól-
anum að því leyti að fæstir hafa
snert á saumavél en ég er búin að
læra að sauma í nokkur ár,“ segir
Svava.
Í frístundum sínum skiptir
Svava um stíl og tekur hraða hringi
á Go-kart brautum í bílnum sem
hún og faðir hennar festu kaup á.
Þetta virðist þó ekki einungis vera
áhugamál hjá stúlkunni því hún
varð önnur í Íslandsmeistarakeppni
karla og kvenna í Go-Kart árið 2003
á eftir annarri stelpu, Evu Arnet
Sigurðardóttur en þær voru einmitt
einu stelpurnar í þeirri keppni.
„Ég er búin að vera með bíla-
dellu síðan ég var lítil skrudda. Við
pabbi ákváðum svo að fara í þetta
sport fyrir fjórum árum. Ég hef
líka prófað að keyra torfærubíl en
ég er meira fyrir formúluna og
hraðakstur og svoleiðis, læra akst-
urslínur og hraðabeygjur. Það er
braut hérna rétt hjá mér í Flórens
og ég held ég drífi mig bara þangað
fljótlega og æfi mig,“ segir Svava.
Blekkjandi
útlit
VALLI DORDINGULL
lifir harðkjarna lífi en
er „straightedge“
grænmetisæta.
SVAVA HALLDÓRSDÓTTIR
nemur fatahönnun á ítalíu og
þeysir þess á milli um á Go-
kart bílnum sínum.
FRÍMANN ANDRÉSSON
er útfararstjóri á virkum dögum og
techno-plötusnúður um helgar.
52-53 (40-41) helgarefni 5.11.2004 20:41 Page 2