Fréttablaðið - 06.11.2004, Blaðsíða 23
23LAUGARDAGUR 6. nóvember 2004
Gegn ykkur, sem kjósið að vera
þjóðfélagsmein, í stað þess að vera
menn, ber þjóðinni að berjast eins
og meindýraplágu. Ómar Smári
Ármannsson var í Fréttablaðinu 23.
október ekki að gefa grænt ljós á
handrukkun. Hann komst bara
klaufalega að orði. Þá sem réðust
inn á skrifstofur DV átti að setja
bakvið lás og slá. Þar skyldu þeir
vera til loka komandi dóms. Lin-
kind við ykkur, kenni ég þingmönn-
um. Þeir tala um ykkur sem þjóðar-
plágu og láta þar við sitja. Þið haf-
ið þokast yfir landið og skaðinn af
ykkar völdum orðinn óheyrilegur.
Þið farið að skyggja á svartadauða,
en rottur báru þann faraldur í
menn. Það sem gerir ykkur óhugn-
anlegri en aðrar plágur, er að slóð
ykkar er stráð eiturháðum börnum
og líkum ungmenna. Það vefst ekki
fyrir siðlausum illmennum að
ánetja börn eitri. Þau eru fá sem ná
því að verða fullorðin og þá stór-
skemmd. En á meðan þau eru að
veslast upp, eru þau gróðafyrir-
tæki ykkar. Ykkur nægir ekki að
hafa blóðmjólkað börnin, firrt þau
námi og framtíð og kvalið þá stuttu
ævi sem eitur ykkar skammtaði
þeim. Þið rænið fjölskyldur gleði
og hamingju. Þið rænið fólk lífinu.
Fyrir utan allan þann fjölda sem
þið myrðið á óbeinan hátt, stuðlið
þið að öryggisleysi borgaranna
með sívaxandi afbrotahrinum sem
rekja má til eitursölu ykkar. Eftir
að barn hefur ánetjast eitri, leyfið
þið því að stofna til skulda sem eru
á margföldum vöxtum og þá kemur
að foreldrunum að borga. Ef ekki
er greitt, þá er lögum ykkar að
mæta. Upp úr því hefja börnin að
stela hvar sem því verður við kom-
ið. Með aldrinum þurfa þau meira
eitur og peninga og verða að lokum
hættulegir innbrotsþjófar. Nú er
svo komið að fólk þorir varla frá
eignum sínum. Þótt barn eða ung-
menni deyi af völdum eiturs, eða
fremji sjálfsmorð í vonlausri
stöðu, þá skiptir það engu fyrir
ykkur. Þið færið skuldina á móðir
eða aðra ættingja ungmennis sem
þið voruð að myrða á ykkar hátt.
Það nægir ykkur ekki, að valda
dauða dóttur, eða sonar, þið hafið af
foreldrunum ævistarfið ef þið get-
ið. Þið þurfið ekki hnífa, byssur eða
önnur vopn. Þetta leikur allt í hönd-
unum á ykkur. Ég er undrandi á að
Alþingi skuli enn heykjast á að
setja lög sem gera ykkur ófært
að færa þjóðina í fjötra ótta og ó-
öryggis og sem koma í veg fyrir að
þið fáið að eitra fyrir ungmenni
þjóðarinnar. Starfslið DV virðist
vera það eina, utan fárra einstakl-
inga, sem þorir að berjast við mein-
vætti þjóðarinnar. Vonandi áttar
fólk sig á að í stríðinu við ykkur, er
DV að vinna þjóðþrifaverk. Ég
vona að DV-fólkið láti ekki úrkynj-
aða bölvalda þjóðarinnar hræða
sig. Við ykkur vil ég segja: Leitið
hjálpar hjá samfélagi manna við
andlegri neyð ykkar. Því votti fyrir
ærlegheitum í sálinni, er von. Losið
ykkur við græðgina, heimskuna og
illskuna og takið með heiðarlegum
hætti þátt í samfélagi manna og þá
fyrst mun ykkur líða vel. Forðið
ykkur úr myrkrinu og leitið ásjár
manna. ■
Orðsending til eitursala og handrukkara
ALBERT JENSEN
TRÉSMIÐUR
UMRÆÐAN
UNDIRHEIMARNIR
Guð blessi Bandaríkin
George Bush vann sögulegan sig-
ur í forsetakosningunum. Hann
sigraði ekki aðeins andstæðing
sinn örugglega heldur varð fyrsti
sitjandi forseti repúblikana í 80 ár
til að auka meirihluta flokksins í
báðum deildum Bandaríkjaþings.
Ósigur demókrata er algjör en
þeir geta aðeins sjálfum sér um
kennt. Þeir keyrðu einfaldlega
slaka kosningabaráttu og þrátt
fyrir mýmörg sóknarfæri tókst
þeim aldrei að bjóða fram skýran
valkost í þessum kosningum.
Hugmyndafræði þeirra er þoku-
kennd, stefnuáherslur gamaldags
og þörfin á naflaskoðun æpandi.
Bush skilgreindi Kerry sem
stefnuvingul og Kerry fann aldrei
sannfærandi mótleik. Demó-
kratar munu hugsa sig um tvisvar
áður en þeir tefla fram öðrum öld-
ungadeildarþingmanni með langa
þingreynslu.
Bush hefur lýst yfir vilja til að
leita sátta milli fylkinganna. Það
verður hægara sagt en gert. Hóf-
samir þungavigtarmenn úr báðum
flokkum sem hafa leitað mála-
miðlana í mikilvægum málum
féllu af þingi. Þar ber hæst Tom
Daschle, leiðtoga demókrata í öld-
ungadeildinni. Í staðinn eru komn-
ir harðir íhaldsmenn og félags-
hyggjumenn sem munu eiga erfið-
ara með að ná saman á þinginu.
Leynivopn Bush í þessum
kosningum var hin áhrifamikla
hreyfing kristinna íhaldsmanna,
sem leggur höfuðáherslu á íhalds-
söm fjölskyldugildi. Þessi hópur
vill banna hjónabönd samkyn-
hneigðra og Bush lagði grunninn
að sigri sínum í sumar þegar hann
studdi lagafrumvarp um slíkt
bann á Bandaríkjaþingi. Þessi af-
staða forsetans kveikti baráttu-
elda í röðum hinna kristnu og skil-
aði metkjörsókn þeirra í kosning-
unum. Það segir sína sögu að al-
menningur í ellefu fylkjum sam-
þykkti með miklum meirihluta
atkvæða bann við hjónaböndum
samkynhneigðra. Bush hefur þeg-
ar fært kristnum íhaldsmönnum
meiri völd í stjórnkerfinu en
dæmi eru um í sögunni. Allt bend-
ir til þess að hann muni auka enn
veg þeirra á komandi kjörtíma-
bili. Þetta gæti birst m.a. í skipan
íhaldssamra hæstaréttardómara,
auknu vægi kristins boðskaps í
skólakerfinu, harðari baráttu
gegn fóstureyðingum og stór-
auknum þrýstingi á að festa í
stjórnarskrá landsins bann við
hjónaböndum samkynhneigðra.
Bush mun vafalaust ganga hratt
til verks í að koma fram helstu
baráttumálum sínum í innan-
ríkismálum, s.s. breytingum á
skatta- og almannatryggingakerf-
inu, minnugur þess að atburðarás-
in á alþjóðavettvangi getur koll-
varpað öllum áætlunum á einum
morgni. Hins vegar er svigrúm til
mikilla útgjalda afar takmarkað,
þar sem fjárlagahallinn er í sögu-
legu hámarki og Bush hefur lofað
að lækka hann um helming á kjör-
tímabilinu jafnframt því að festa
skattalækkanir í sessi. Íraksstríð-
ið verður í forgangi í utanríkis-
málunum fram á næsta ár hið
minnsta og Bush bíður væntan-
lega ekki boðanna að hefja harða
árás inn í Fallujah nú þegar kosn-
ingarnar eru yfirstaðnar. Forset-
inn þarf að grípa til aðgerða gegn
Íran og Norður-Kóreu sem líklega
eru meiri ógn við heimsfriðinn en
Írak var á sínum tíma. Heims-
byggðin bíður með öndina í háls-
inum eftir því hvort Bush herðir á
hinni herskáu stefnu í utanríkis-
málum eða dregur lærdóm af
Ronald Reagan sem tryggði sér
sess í sögunni með samningum
við Sovétmenn sem lögðu grunn
að lokum kalda stríðsins. Það
verður sérstaklega athyglisvert
að fylgjast með því hvort Colin
Powell heldur sæti sínu sem utan-
ríkisráðherra. Powell er lúinn
eftir glímuna við harðlínuhauk-
ana í stjórn Bush og ef hann hætt-
ir er horfinn virtasti miðjumaður-
inn úr stjórninni. Það yrði túlkað
sem endanlegur sigur harðlínu-
manna og vísbending um frekari
einangrun Bandaríkjanna á al-
þjóðavettvangi. ■
Ameríkubréf
SKÚLI HELGASON
22-23 Umræðan 5.11.2004 21:25 Page 3