Fréttablaðið - 12.02.2005, Qupperneq 6

6 12. febrúar 2005 LAUGARDAGUR
112 dagurinn haldinn hátíðlegur í gær:
Skyndihjálp ætti að
vera skyldufag
VIÐURKENNINGAR „Ef ég hefði ekki
tekið þetta skyndihjálparnámskeið
hefði ég að líkindum frosið og ekki
orðið að neinu gagni,“ segir Anton
Gylfi Pálsson sem hlaut nafnbótina
Skyndihjálparmaður ársins við at-
höfn í Smáralind í gær. Tilefnið var
hinn svokallaði 112 dagur þar sem
allar þær stofnanir og félög sem
koma að neyðarhjálp í landinu
kynntu starfsemi sína.
Anton Gylfi hlaut heiðurinn fyrir
að hafa ásamt tveimur félögum sín-
um komið Ásgeiri Sigurðssyni til
hjálpar í október síðastliðnum. „Við
vorum á leið út í bíl eftir handbolta-
leik og tókum eftir að ekki var allt
með felldu hjá Ásgeiri. Hann var
ekki með lífsmarki í bíl sínum og
því dró ég hann út og hóf lífgunar-
aðferðir meðan félagar mínir
hringdu í Neyðarlínuna.“
Tókst þeim að koma hjartslætti
af stað áður en sjúkrabíll kom að-
vífandi og tókst þannig að bjarga
lífi Ásgeirs. Anton er því vel að
nafnbótinni kominn. Er það mat
Antons að allt of fáir Íslendingar
kunni skyndihjálp og vill sjá slíkt
gert að skyldufagi í grunn- eða
menntaskólum á Íslandi.
Rauði krossinn veitti fleiri viður-
kenningar fyrir svipuð afrek, en
slíkt hefur verið gert árlega síðan
árið 2000 og er gert til að minna al-
menning á þörf þess að kunna und-
irstöðuatriði í skyndihjálp þegar
eitthvað bjátar á. ■
Spennumynd tekin upp við Mývatn:
Styrkir ferðaþjónustuna
KVIKMYNDAGERÐ Um 60 manna hóp-
ur á vegum kvikmyndafélagsins
Zik Zak verður við kvikmyndatök-
ur í Mývatnssveit í mars. Allar
útitökur í tengslum við nýja ís-
lensk-bandaríska spennumynd,
Last Winter, verða teknar við Mý-
vatn en innitökur fara fram í
Hafnarfirði. Yngvi Ragnar Krist-
jánsson, hótelstjóri á Sel hóteli,
segir að þetta sé umfangsmesta
kvikmyndaverkefnið í Mývatns-
sveit til þessa.
Leikararnir í kvikmyndinni
verða erlendir en annað starfsfólk
við myndina verður íslenskt. Í
næstu viku kemur undirbúnings-
hópur til Mývatns til að byggja
viðamikla sviðsmynd en myndin á
að gerast á olíuborsvæði í Alaska.
„Þetta er mjög góð búbót fyrir
ferðaþjónustuna í Mývatnssveit,
einkum á þessum árstíma, auk
þess sem einhverjir Mývetningar
munu fá tímabundna vinnu við
verkefnið. Ef allt gengur að ósk-
um munu kvikmyndatökurnar
taka um þrjár vikur en fyrst er
vinna við undirbúning og að lok-
um frágang. Í heildina gæti þetta
tekið um tvo mánuði,“ segir Yngvi
Ragnar. - kk
Bótagreiðslur margfaldast
Bætur sem sjúklingar hafa fengið hjá Tryggingastofnun eftir læknismeðferð hafa hækkað úr tugum þúsunda í tugi
milljóna á síðustu fjórum árum. Samtals hafa umsóknir frá 77 einstaklingum verið samþykktar á þessum tíma.
TRYGGINGAMÁL Um 55 prósent bóta-
mála sjúklingatrygginga hjá
Tryggingastofnun ríkisins falla
undir lagaákvæði um að „ekki hafi
verið staðið eins vel að læknismeð-
ferð og unnt var“, eins og Una
Björk Ómarsdóttir orðar það á vef
TR. Af þeim málum sem samþykkt
voru bótaskyld samkvæmt lögum
um sjúklingatryggingu 2001 – 2004
féllu 42 undir ofangreindan flokk
en 35 undir að „um væri að ræða
fylgikvilla meðferðar sem ekki
hefði verið hægt að komast hjá“.
Flest málanna vörðuðu bæklunar-
skurðlækningar, skurðlækningar
og kvensjúkdóma og fæðingar-
hjálp.
Þetta kemur meðal annars fram
í ársskýrslu TR 2001–2004 um
sjúklingatryggingar.
Matthías Halldórsson aðstoðar-
landlæknir sagði vegna fjölda bóta-
mála eftir læknismeðferð að þessi
mál væri ekki hægt að flokka á
einu bretti undir læknamistök þar
sem grunur léki á stórkostlegri
vanrækslu heilbrigðisstarfsmanns
í starfi og jafnvel málshöfðun.
Þarna væri spurningin um bætur
vegna þess að meðferð hefði eftir á
að hyggja getað verið öðruvísi og
hugsanlegt að hlutirnir hefðu kom-
ið betur út. Í einstökum tilvikum
gætu einstaklingar leitað bæði til
TR og landlæknisembættisins með
mál sín, en það væri ekki algilt.
Lög um sjúklingatryggingu tóku
gildi 1. janúar 2001 og samkvæmt
þeim eru þeir sjúklingar tryggðir
sem verða fyrir líkamlegu eða geð-
rænu tjóni í tengslum við rannsókn
eða sjúkdómsmeðferð. Alls bárust
Tryggingastofnun 84 umsóknir
árið 2004 og voru 45 þeirra sam-
þykktar, en 39 synjað. Heildarbóta-
greiðslur námu ríflega 37 milljón-
um króna.
Tryggingastofnun gagnrýnir að
hámark bóta sé ekki hærra en raun
ber vitni, en það er tæpar 5,7 millj-
ónir króna. Þetta þýði að þeir sem
verði fyrir miklu tjóni fái það ekki
bætt að fullu, en hinir sem verði
fyrir minna tjóni fái það að fullu
bætt. jss@frettabladid.is
SINUELDUR Í FEBRÚAR Það telst
til tíðinda þegar sina er brennd
snemma febrúarmánuðar. Það
gerðist þó í Neskaupstað, en lög-
reglan þar var kölluð til vegna
sinubruna í gær. Haft var sam-
band við slökkviliðið, en lög-
reglumönnunum tókst sjálfum að
slökkva eldinn.
GESTKVÆMT Á 112 DAGINN 112
dagurinn var í gær og voru því
lögreglustöðar víða um land opn-
ar gestum. Talsmenn lögreglunn-
ar á Ísafirði, Húsavík, Blönduósi
og Vestmannaeyjum voru meðal
þeirra sem sögðu að töluvert af
fólki hefði komið í heimsókn og
sýnt starfi lögreglunnar mikinn
áhuga.
HUNDAR FUNDUST Tveir hundar
voru í gær í óskilum hjá lögregl-
unni á Egilsstöðum. Taldi lögregl-
an þó að hundarnir yrðu þar ekki
lengi og eigendur myndu brátt
finnast.
RÉTTINDALAUSIR Á SNJÓSLEÐA
Tveir sextán ára piltar voru tekn-
ir á snjósleða innanbæjar á Ísa-
firði á fimmtudag. Báðir sleðarn-
ir voru óskráðir. Piltarnir hafa
engin réttindi þar sem bílpróf
þarf til að stýra snjósleða. Lög-
reglan ætlar að ræða við foreldra
drengjanna, því þeir brutu þrenn
lög. Bannað er að aka réttinda-
laus, á óskráðu ökutæki og innan-
bæjar á snjósleða.
HÚSIÐ ER Á EINNI HÆÐ OG TEIKNAÐ
AF ARKÍS
Malarvinnslan reiknar með að byggja hús-
ið á sex til níu mánuðum.
Fljótsdalshérað:
Nýtt verslun-
arhúsnæði
ÞENSLA Malarvinnslan á Egilsstöð-
um áformar að reisa tæplega 1000
fermetra verslunar- og þjónustu-
húsnæði við gatnamót Seyðisfjarð-
ar- og Norðfjarðarvegar. Sigurþór
Sigurðsson, framkvæmdastjóri
Malarvinnslunnar, segir að byrjað
sé á jarðvinnunni en óákveðið
hvenær byggingin verði tilbúin.
„Við byrjum ekki að byggja sjálft
húsið fyrr en við höfum selt það en
nú þegar hafa fjórir eða fimm aðil-
ar sýnt húsnæðinu áhuga,“ segir
Sigurþór. - kk
■ LÖGREGLUFRÉTTIR
Eiga þingmenn að fá að
klæðast alþýðlegri fatnaði á
þingi?
SPURNING DAGSINS Í DAG:
Á að stytta nám í
framhaldsskólum?
Niðurstöður gærdagsins á visir.is
40%
60%
Nei
Já
Farðu inn á fréttahluta visir.is
og segðu þína skoðun
KJÖRKASSINN
ÞAKKAR LÍFGJÖFINA
Ásgeir Sigurðsson, til vinstri, á líf sitt að launa skyndihjálparkunnáttu Antons Gylfa Páls-
sonar, til hægri, sem hlaut sæmdarheitið Skyndihjálparmaður ársins fyrir vikið.
FR
ÉT
TA
B
LA
Ð
IÐ
/E
.Ó
L.
MÝVATNSSVEIT AÐ VETRARLAGI
Myndin á að gerast í Alaska og fannhvítar snæbreiður í nágrenni Mývatns skapa réttu
stemninguna.
■ HORNAFJÖRÐUR
NÝTT BJÖRGUNARSKIP Nýtt
björgunarskip Slysavarnafélags-
ins Landsbjargar er væntanlegt
til Hornafjarðar í vor. Skipið er
af ARUN-gerð, smíðað 1985 en
endurbyggt 2002. Tvær 485 hest-
afla aðalvélar eru í skipinu og
ganghraði þess er 17 sjómílur en
sex manns verða í áhöfn. Kostn-
aður við skipið og búnaðinn um
borð er um 20 milljónir króna.
FJÖLDI UMSÓKNA
2001 22
2002 44
2003 49
2004 84
HEILDARBÓTAGREIÐSLUR
2001 76.268
2002 1.507.056
2003 11.596.014
2004 37.634.679
SKIPTING BÓTASKYLDRA
MÁLA 2001–2004
Bæklunarskurðlækningar 22 29%
Skurðlækningar 14 18%
Kvensjúkdómar og
fæðingarhjálp 11 14%
Bráðalæknisfræði 8 0%
Heimilislækningar 5 6%
Lyflækningar 4 5%
Taugaskurðlækningar 3 4%
Annað 10 13%
Samtals 77 100%
SKIPTING MÁLA
Flest bótamálanna vörðuðu bæklunarskurðlækningar, skurðlækningar og kvensjúkdóma og fæðingarhjálp. Myndin er úr safni.
06-07 11.2.2005 19.53 Page 2