Fréttablaðið - 12.02.2005, Qupperneq 43

LAUGARDAGUR 12. febrúar 2005
Finnska hljómsveitin Apocalyptica
sló í gegn árið 1996 þegar hún gaf
út plötuna Plays Metallica by Four
Cellos. Þar hristi hún upp í mörg-
um af frægustu lögum Metallica,
þar á meðal Enter Sandman og
Master of Puppets, með því að
spila þau eingöngu á selló án þess
að raddir kæmu við sögu.
Hinir fjölmörgu aðdáendur
Metallica lögðu við hlustir og eru
margir þeirra á meðal traustustu
aðdáenda Apocalyptica enn þann
dag í dag. Ekki er heldur ólíklegt
að finnska sellósveitin hafi kveikt
þá hugmynd Metallica að gefa út
plötu með sinfóníuhljómsveit, sem
varð raunin þremur árum síðar
þegar S&M kom út.
Tvær milljónir seldar
Þetta fljúgandi start Apocalyptica
í tónlistarbransanum kom sveit-
inni á kortið og hefur hún ekki
þurft af hafa miklar áhyggjur síð-
an. Hljómsveitin hefur selt tvær
milljónir platna og hefur haldið
tónleika í yfir tuttugu löndum.
Meðal annars hefur hún hitað
tvisvar upp fyrir goðin sín í
Metallica. Auk þess að spila lög
eftir þá merku sveit hefur
Apocalyptica gert sínar útgáfur af
lögum eftir aðrar rokksveitir á
borð við Sepultura, Faith No More
og Pantera. Einnig hefur hún unn-
ið með trommuleikara Slayer,
Dave Lombardo, bæði á annarri
plötu sveitarinnar, Inquisition
Symphony, og þeirri fimmtu sem
nýverið kom út og heitir einfald-
lega Apocalyptica.
Kynntust í tónlistarskóla
Þeir Eicca Toppinen, aðallagahöf-
undur sveitarinnar, Paavo
Lötjönen og Perttu Kivilaakso
kynntust í hinum virta Sibelius-
tónlistarskóla í Helsinki og byrj-
uðu að spila saman árið 1993. Eicca
segir þá félaga hafa verið blauta á
bak við eyrun er þeir gáfu út sína
fyrstu plötu þremur árum síðar.
Stefnan hafi síður en svo verið sett
á heimsfrægð. „Við ætluðum
aldrei að gera plötu og spiluðum
bara ánægjunnar vegna. Síðan
kom náungi frá litlu plötufyrirtæki
í Finnandi og spurði hvort við vild-
um búa til plötu. Við hefðum orðið
ánægðir ef við hefðum selt þúsund
eintök en núna höfum við selt 900
þúsund eintök af henni. Það er
erfitt að búast við svona hlutum,“
segir Eicca rámri röddu, hálfkvef-
aður.
„Á fyrstu plötunni vorum við
klassískir sellóleikarar nýbyrjaðir
að spila rokktónlist,“ segir hann.
„Við höfðum enga reynslu af því að
vera rokkhljómsveit en núna höf-
um við verið á ferðinni í átta ár og
spilað á yfir 500 tónleikum. Á nýju
plötunni finnst mér við loksins
vera orðnir að alvöru rokkhljóm-
sveit, bæði hvað varðar tónlistina
og hljóminn. Ég tel að þessi plata
sé vel samkeppnishæf við aðrar
rokkplötur sem eru að koma út,“
segir hann.
Þannig eru öll lög plötunnar eft-
ir liðsmenn Apocalyptica, þar af
átta af ellefu eftir Eicca, sem
smám saman hefur verið að færa
sig upp á skaftið í lagasmíðum.
Engin Metallica lengur
Nýja platan var unnin öðruvísi en
áður. Þeir félagar tóku hana upp
sjálfir í stofunni hjá Eicca og tóku
upp demó í fyrsta sinn til að átta
sig betur á lögunum. Einnig er
söngurinn meira áberandi en áður.
„Aðalatriðið var að finna lög sem
hefðu sína eigin ímynd og stemn-
ingu sem passaði á plötuna. Mér
finnst hún sameina það besta frá
plötunum Cult og Reflections. Þess
vegna vildum við kalla plötuna
Apocalyptica, því okkur finnst við
núna vera Apocalyptica. Við erum
orðnir að sjálfstæðri hljómsveit;
engin Metallica-lög lengur og ekk-
ert of mikið hugsað um sellóleik.“
Aðspurður hvort Apocalyptica
hafi aldrei átt að verða þunga-
rokkshljómsveit segir Eicca að á
tímabili hafi þeir félagar íhugað
það. „Við vorum að hugsa um það
um miðbik ferilsins, fyrir svona
fjórum til fimm árum. En þegar
við bættum trommuleikara í
hljómsveitina fannst okkur það
ekki nauðsynlegt því við getum
náð svipuðum hljóm úr gítar og við
náum úr sellóunum.“
Undir áhrifum frá finnskri náttúru
Að sögn Eicco semja liðsmenn
Apocalyptica lög um sitt eigið líf og
nota tónlistina sem síu á sína eigin
reynslu. „Venjulega er ég ekkert að
hugsa um eitthvað sérstakt efni. Ég
sem tónlistina fyrst og síðan fer
það eftir henni hvernig titilinn
verður og textinn. Það getur verið
erfitt að finna nöfn á lögin því það
besta við ósungna tónlist er að hún
gefur hlustandanum svo mikið
rými til að ímynda sér um hvað lag-
ið fjallar. Annars er ég undir mest-
um áhrifum frá finnskri náttúru og
samskiptum við mismunandi fólk í
lagasmíðum mínum.“
Spiluðu á Íslandi
Engir tónleikar með Apocalyptica
eru fyrirhugaðir hér á landi á
næstunni en Eicca hefur engu að
síður mikinn áhuga á að koma.
„Við spiluðum í partíi hjá Iceland-
air fyrir 6 til 8 árum. Það var frá-
bært að heimsækja landið ykkar
og ég hefði mjög gaman að því að
koma þangað aftur. En það verður
mikið að gera á þessu ári og við
stefnum á 100 til 120 tónleika.“
Það er því nóg fram undan hjá
þessari óvenjulegu hljómsveit sem
spekúlantar hafa átt erfitt með að
staðsetja á tónlistarmælikvarðan-
um. Helst mætti þó líkja sveitinni
við þungarokksveitir níunda ára-
tugarins þar sem sellóin hafa tekið
við af vælandi gíturunum. ■
SPILAÐ Á SELLÓ Þeir félagar hafa spilað saman á selló síðan 1993.
Loksins sjálfstæðir
Margir muna eflaust eftir finnsku hljómsveitinni
Apocalyptica sem sló í gegn þegar hún lék lög
Metallica í sellóútgáfu. Freyr Bjarnason ræddi við
Eicca Toppinen forsprakka sveitarinnar.
Við erum orðnir að
sjálfstæðri hljóm-
sveit; engin Metallica-lög
lengur og ekkert of mikið
hugsað um sellóleik.
,,
42-43 (26-27) Kári/áhrifavaldur 11.2.2005 20.00 Page 3