Fréttablaðið - 19.02.2005, Blaðsíða 2

2 19. febrúar 2005 LAUGARDAGUR
Seðlabankinn berst gegn verðbólgu:
Stýrivextir hækkaðir í 8,75 prósent
VIÐSKIPTI Seðlabankinn hefur
hækkað stýrivexti um 0,5 prós-
entustig í kjölfar þess að bankinn
sendi ríkisstjórninni greinargerð
í tilefni þess að verðbólgan mæl-
ist nú yfir þolmörkum peninga-
málastefnunar. Stýrivextirnir eru
nú 8,75 prósent.
Birgir Ísleifur Gunnarsson
seðlabankastjóri segir að með að-
gerðum Seðlabankans sé horft
langt fram í tímann og að vaxta-
hækkun nú sé til þess gerð að
draga úr verðbólguþrýstingi á
næsta ári. Hann segir að nokkurn
tíma taki þar til vaxtahækkanir
Seðlabankans hafi áhrif á lang-
tímavexti en áhrifin á skamm-
tímavexti séu skjótvirkari. Þetta
þýðir að skammtímalán eins og
yfirdráttur og kreditkortalán
verða dýrari.
„Verðbólguhorfurnar eru enn
þannig að við teljum að það þurfi
að herða frekar að. Í fyrsta lagi til
að ná verðbólgunni aftur niður
fyrir þolmörkin, sem við gerum
ráð fyrir að geti orðið í sumar, og
svo að koma henni niður fyrir
verðbólgumarkmiðið sem við von-
um að geti gerst á næsta ári,“ seg-
ir Birgir Ísleifur.
Helsta ástæða verðbólgunnar
nú er mikil hækkun á verði íbúð-
arhúsnæðis. Innfluttar vörur,
utan áfengis og tóbaks, hafa hins
vegar lækkað lítillega í verði á
síðustu tólf mánuðum. - þk
Fíkniefni finnast í Hafnarfirði og Garðabæ:
Fimm handteknir og
þrjú mál upplýst
LÖGREGLUMÁL Lögreglan í Hafnar-
firði hafði afskipti af fimm
manns í þremur óskyldum fíkni-
efnamálum í fyrrinótt. Bifreið
var stöðvuð í Garðabæ og fannst
þá lítið magn af amfetamíni og
maríjúana. Í framhaldinu var
gerð húsleit í Hafnarfirði og
fundust þá 50 grömm af am-
fetamíni.
Tveir menn voru handteknir
og gistu fangaklefa. Málið er
upplýst og mönnunum hefur
verið sleppt.
Lögreglunni barst svo til-
kynning um ósætti fyrir utan
iðnaðarhús og þegar hún kom á
vettvang fundu þeir eins metra
háa kannabisplöntu sem ræktuð
var þar innan dyra. Tveir menn
voru handteknir.
Á Arnarnesi í Garðabæ
fannst svo töluvert magn af
kannabisefnum og amfetamíni í
húsi sem lögreglan hafði verið
að fylgjast með vegna grun-
semda. Einn maður var handtek-
inn.
Samanlagt voru því fimm
manns handteknir og þrjú
óskyld mál upplýst þessa nótt í
Hafnarfirði og Garðabæ.
Töluvert hefur verið um inn-
brot í Hafnarfirði að undan-
förnu en lögreglan vill ekkert
um það segja hvort tengsl séu á
milli þessara tíðu innbrota og
fíkniefnamálanna. - jse
Bæjarstjórinn leggur
kennitöluna að veði
Útgerðarfélög í Sandgerði ganga í aðildarfélag og greiða í það fé til að fá út-
hlutað byggðakvóta. Féð er geymt á reikningi sem er á kennitölu bæjarstjór-
ans áður en það er nýtt til að auka kvóta í bæjarfélaginu.
Heiðar Ásgeirsson:
Minnihluti
er sáttur
SANDGERÐI Heiðar Ásgeirsson,
bæjarfulltrúi í Sandgerði, segir
minnihlutann hafa leitað skýr-
inga á því hvers vegna kennitala
bæjarstjóra væri á bak við
reikning aðildarfélags um
byggðakvóta.
Skýring meirihlutans, að sögn
Heiðars, sé sú að ekki sé rekstur
í kringum félagið. Innan íþrótta-
hreyfingunnar sé til dæmis
þekkt að félag sem ekki er með
rekstur stofni reikning í nafni
forsvarsmannsins.
Heiðar segir sátt um að auka
aflamark bæjarfélagsins. Hins
vegar sé hann ekki sáttur við að
aðildarfélagið sé sagt einkamál
þeirra sem að því standa. - gag
Fasteignalán:
3 milljarðar
í stimpilgjöld
FASTEIGNALÁN Umsvif nýrra fast-
eignalána á síðasta ári eru um 200
milljarðar. Sum þessara lána voru
endurfjármögnun, en þar sem
stofnað var til nýrra skuldabréfa
þarf að greiða stimpilgjald af
þeim. Undantekning er ef um við-
bótarlán er að ræða, þá þarf ekki
að greiða stimpilgjald. Miðað við
þessar tölur má gera ráð fyrir að
tekjur ríkissjóðs vegna stimpil-
gjalda á fasteignalánum hafi ver-
ið um þrír milljarðar, en slíkt
gjald er 1,5 prósent af heildarupp-
hæð bréfanna.
Í svari við fyrirspurn Margrét-
ar Frímannsdóttur á alþingi, kom
fram að fjármálaráðuneytið áætl-
ar fjögurra milljarða tekjur af
stimpilgjöldum vegna fasteigna-
kaupa. Í þeirri tölu er hluti tilkom-
inn vegna þinglýsingar á kaup-
samningum. - ss
A‹E
INS
ÖR
FÁI
R B
ÍLA
R E
FTI
R
Sævarhöf›a 2 Sími 525 8000 www.ih.is
SKIPT_um væntingar
SKIPT_um gír
FEBRÚARTILBO‹ Á NISSAN
Listaver›: 1.940.000 kr.
Tilbo›sver›: 1.749.000 kr.
Afsláttur: 191.000 kr.
NISSAN ALMERA
21.133 kr. á mán.*
SPURNING DAGSINS
Ásgeir, þið hafið nú verið nýj-
ungagjarnir þarna hjá Strætó
með aflgjafa, en er þetta ekki
full langt gengið?
Við erum sjóðheitir hjá Strætó.
Eldur kom upp í vél strætisvagns sem ók Sæ-
brautina á fimmtudag. Í nýjum og stækkandi bíla-
flota Strætó bs. eru fyrstu vetnisknúnu vagnarnir.
Miklar breytingar eru framundan hjá Strætó bs.
undir stjórn Ásgeirs Eiríkssonar framkvæmda-
stjóra. Þar á meðal er gjörbreytt leiðakerfi.
Landmannaleið:
Lést í
vélsleðaslysi
BANASLYS Maður lést þegar hann
fór fram af hengju á vélsleða á
Landmannaleið um miðnætti að-
faranótt föstudags.
Félagi mannsins kallaði strax
eftir hjálp. Björgunarsveita-
menn frá björgunarsveitinni
Dagrenningu á Hvolsvelli og
Flugbjörgunarsveit Hellu komu
á staðinn uppúr klukkan tvö
ásamt þyrlu Landhelgisgæslunn-
ar sem einnig var kölluð út. Var
þá staðfest að maðurinn væri lát-
inn. Þyrlan sneri þá við en hinn
látni var fluttur til byggða með
björgunarsveitum.
-jse
Síminn og Landsvirkjun:
Síminn kaup-
ir í Fjarska
VIÐSKIPTI Síminn kaupir sex af tólf
pörum í ljósleiðarastreng Fjarska
milli Hrauneyjarfossstöðvar og
Akureyrar. Jafnframt kaupir Sím-
inn fjórðungshlut í Fjarska. Á
sama tíma var tilkynnt að Síminn
muni sjá um almenna símaþjón-
ustu fyrir Landsvirkjun.
Ekki er gefið upp hvert kaup-
verð er á hlutnum í Fjarska eða
fyrir ljósleiðarastrenginn. Um
miðjan janúar sagði Friðrik Soph-
usson, forstjóri Landsvirkjunar, í
bréfi til borgarstjóra að hlutafé í
Fjarska árið 2001 hefði verið 250
milljónir. Uppsafnað tap af
rekstrinum hefði verið tæpar 15
milljónir. Miðað við að það hlutafé
Fjarska haldi, er kaupverð Sím-
ans á fjórðungshlut í fyrirtækinu
um 60 milljónir. Þar er ekki inni-
falið verð á ljósleiðurum. - ss
SANDGERÐI Til að auka aflamark í
Sandgerði stóð bæjarstjórnin að
stofnun aðildarfélags sem veitir
útgerðum byggðakvóta gegn
greiðslu í félagið. Féð er geymt á
bankareikningi
sem er á kenni-
tölu bæjarstjór-
ans þar sem það
er ekki skráð og
því án kennitölu.
Sjóðurinn er not-
aður til kaupa
eða leigu á kvóta
frá útgerðum
utan bæjarins.
Hann er síðan
skráður á báta
þeirra sem eiga
aðild að félaginu.
Sigurður Val-
ur Ásbjarnarson
bæjarstjóri segir
að félagið hindri
að kvótinn hverfi
úr bæjarfélaginu
og efli byggð í
S a n d g e r ð i :
„Engu sveitarfélagi hefur áður
tekist að koma bæði stóra kerf-
inu, litla kerfinu og fiskverkend-
um að borðinu til að takast á við
framtíðina.“
Aðildarfélagið um byggða-
kvótann var stofnað árið 2003.
Meginregla þess er að við hvert
úthlutað tonn byggðakvóta þurfa
útgerðir að greiða sem nemur
leigu á hálfu tonni til félagsins.
Þeim er landað í Sandgerði auk
sama magns af eigin kvóta eða
leigðum. Þannig skilar fimm
tonna byggðakvótaúthlutun sér í
löndun fimmtán tonna í
Sandgerði. Enginn
kvóti hefur hins
vegar verið
keyptur síðan
s a m s t a r f i ð
hófst en kvóti
hefur verið
leigður fyrir
minni útgerð-
irnar.
S i g u r ð u r
segir vand-
kvæði hafa
komið upp
vegna samn-
ingsins. Breyta
þurfi þremur
ákvæðum
hans. Ákvæði um að 75 prósent
þeirra sem séu í félaginu þurfi að
samþykkja inngöngu nýrra félaga
stangist á við lög um úthlutun
byggðakvóta. Eins gangi ekki að
nýir félagsmenn þurfi að greiða
hærra gjald. Ekki sé heldur hægt
að verða við því að reikningar og
fundargerðir liggi frammi fyrir
öllum á bæjarskrifstofunni.
Sigurður segir aðalbókara bæ-
jarins sjá um reikninga aðildar-
félagsins og endurskoðandi fari
yfir þá. „Ég hef hins vegar á
tveimur fundum spurt hvort ein-
hverjir aðrir vildu lána kennitöl-
una sína,“ segir Sigurður. Menn
treysti hins vegar engum
betur. Fari hann ekki vel
með peningana sé mann-
orðið fokið.
gag@frettabladid.is
,,„Við erum
með þessu
móti að
gera mönn-
um sem
eiga engan
kvóta hægt
og bítandi
kleift að
eignast
kvóta og
verða þar
að leiðandi
ekki leigu-
liðar alla
tíð.“
Samstarfssamningur um byggðakvóta
var gerður 20. febrúar 2003. Að hon-
um standa Sandgerðisbær, fiskvinnslur
í bænum og þær útgerðir sem þess
óska og hafa heimahöfn í Sandgerði.
Samningurinn kallast Joint Venture
Agreement. Gildistími hans er ótíma-
bundinn. Útgerðum er heimilt að segja
honum upp með árs fyrirvara og fá
þær þá 90 prósent af því verðmæti
sem þær eru skráðar fyrir innan fé-
lagsins. Þær útgerðir sem eftir sitja
eiga forkaupsrétt á kvótanum sem
keyptur hefur verið.
SIGURÐUR VALUR
ÁSBJARNARSON
Segir að hann fái engin laun
vegna aðildarfélags um
byggðakvótann. Allir pen-
ingar sem fari inn á reikn-
inginn séu skráðir í eigu við-
komandi útgerða auk vaxta
að frádregnum þeim skatti
sem ríkið taki.
AL-KHADIMAIN MOSKAN
Árás var gerð við moskuna al-Khadimain í
Bagdad.
Ashoura-trúarhátíðin:
Ráðist á
síja-múslíma
ÍRAK, AP Að minnsta kosti 36 írakar
létust, flestir síja-múslímar, í
fimm sprengjuárásum uppreisn-
armanna súnní-múslíma í landinu
í gær. Talið er að árásirnar tengist
Ashoura, trúarhátíð sjía-múslíma,
sem nær hámarki í dag.
Mannfallið í Írak í gær er hið
mesta síðan þingkosningar fóru
fram í landinu um síðustu mán-
aðamót. Tvær árásanna voru
gerðar þegar bænahald stóð yfir í
moskum síja-múslíma.
Mouwaffaq al-Rubaie, þjóðar-
öryggisráðgjafi Íraka, segir
hryðjuverkaleiðtogann Abu
Musab al-Zarqawi standa á bak
við árásirnar. Súnní-múslímar
gerðu einnig fjöldamargar árásir
þegar Ashoura-trúarhátíðin stóð
yfir í fyrra. Þá lét 181 lífið. ■
SANDGERÐI
VERÐBÓLGAN YFIR ÞOLMÖRKUM
Seðlabankinn sendi ríkisstjórninni
greinargerð í gær þar sem farið er
yfir ástæður þess að verðbólgan er
nú 4,5 prósent. Það er hærra
en stjórnvöld telja ásættanlegt.
FR
ÉT
TA
B
LA
Ð
IÐ
/R
Ó
B
ER
T
02-03 18.2.2005 22:07 Page 2