Fréttablaðið - 19.02.2005, Blaðsíða 18

Hjartans þakkir til allra þeirra sem sýndu okkur
samúð og hlýhug við andlát og útför ástkærrar
móður okkar, tengdamóður, ömmu og langömmu,
Jónu Júlíu Valsteinsdóttur
Sólvangi, Hafnarfirði.
Sérstakar þakkir til starfsfólks á fjórðu hæð á Sólvangi fyrir
hlýhug og frábæra umönnun.
Henning Þorvaldsson J. Steinunn Alfreðsdóttir
Birna Friðrika Þorvaldsdóttir Jón Ragnar Jónsson
Valdís Ólöf Þorvaldsdóttir Steinar Harðarson
Sigurbjartur Á. Þorvaldsson Sveinsína Björg Jónsdóttir
Guðmundur Páll Þorvaldsson Helga Aðalbjörg Þórðardóttir
barnabörn og barnabarnabörn.
„Ég sá það ekki fyrir fyrir áratug
síðan hvað þetta yrði stórt og veit
það svo sem ekki enn,“ segir
Björn Bjarnason dómsmálaráð-
herra, en á þessum degi fyrir
réttum tíu árum birtist fyrsta
greinin á vefsíðu hans, bjorn.is,
sem haldið hefur verið úti allar
götur síðan.
Hangir enn á önglinum
Árið 1995 var upplýsingabylting-
in rétt að hefjast og fáir gerðu sér
grein fyrir möguleikunum sem
veraldarvefurinn átti eftir að
bjóða upp á. Björn segir hug-
myndina að vefsíðunni hafa kom-
ið frá Arnþóri Jónssyni og Gunn-
ari Jónssyni sem stóðu að tölvu-
fyrirtækinu Miðheimum. „Þeir
hvöttu mig til að nýta þessa tækni
og töldu að ef þeir fengju ritfær-
an og þekktan mann í lið með sér
myndu fleiri fylgja í kjölfarið. Ég
beit á agnið og hef hangið á þess-
um öngli síðan.“
Fjölmargir lesa heimasíðuna; á
póstlistanum eru um 1200 manns
og Björn segist fá margar fyrir-
spurnir í gegnum síðuna. „Ég
man að þegar ég var að byrja á
þessu gagnrýndu sumir að fólk
þyrfti að hafa samband við mig í
gegnum tölvu, en gæti ekki hitt
mig í eigin persónu eða rætt við
mig í síma. En tölvusamskiptin
hafa sparað mér heilmikinn tíma
og auðveldað mér samskiptin við
fólk. Þetta sýnir að menn áttuðu
sig ekki á að netið yrði einhver
greiðasta leiðin til að hafa sam-
band við fólk í náinni framtíð.“
Heimild um eigin viðhorf
Björn uppfærir síðuna einu sinni
í viku, yfirleitt á laugardegi eða
sunnudegi og birtir pistla sína um
leið og þeir hafa verið skrifaðir.
„Ég hugsaði frá upphafi að ef ég
ætlaði að gera þetta þannig að ég
væri sáttur, krefðist það þess að
ég væri alltaf með nýtt efni. Ann-
ars hættir fólk að lesa síðuna.“
Ráðherrann þjáist þó aldrei af rit-
stíflu að eigin sögn; á frekar
erfitt með að stilla textanum í hóf
ef eitthvað er.
Björn segir einn helsta kost
síðunnar þann að hún stendur
sem heimild um viðhorf hans um
atburði samtímans. „Þegar ég
skrifa á netið tileinka ég mér
beinskeyttari stíl en ég myndi
gera ef ég væri til dæmis að
skrifa fræðigrein. Það kemur
fyrir þegar ég skoða það sem hef-
ur verið sett á netið að ég hugsa
að kannski hafi maður verið í
harðari kantinum þegar viðkom-
andi færsla var skrifuð. En það er
hluti af andrúmsloftinu sem ríkir
þegar maður er að skrifa og ekki
svo að skilja að ég sjái eftir því
sem ég læt frá mér.“
Skrif Björns vekja stundum
sterk viðbrögð en hann segist
ekki vísvitandi reyna að stuða
fólk. „Maður veit aldrei hvað á
eftir að hitta einhvern fyrir. Ég er
oft mest undrandi á því sjálfur að
fólk taki upp einhvern ákveðinn
punkt í skrifum mínum frekar en
annan.“
Fylgist með bloggsíðum
Björn hefur mikinn áhuga á fjöl-
miðlum og segir að þeir séu jafn-
an þráðurinn í skrifum hans. „Ég
var blaðamaður í tólf ár; hætti í
stjórnarráðinu á sínum tíma til að
fara í blaðamennsku því mér
finnst gaman að sýsla við þessa
hluti. Ég skrifa því samfellt mjög
mikið um fjölmiðla og finnst gam-
an að fjalla um það sem þar er
sagt, sem og efnistök.“
Björn er ekki aðeins virkur
bloggari sjálfur heldur hefur
hann líka áhuga á öðrum blogg-
síðum sem hafa sprottið upp eins
og gorkúlur undanfarin ár. „Mér
finnst áhugavert að sjá mismun-
andi stílbrögð. Sumir eru per-
sónulegri en ég og fjalla mikið
um sjálfa sig, en ég skrifa meira
um annað fólk og skoðanir þess
og reyni að halda mig við hinn
opinbera vettvang.“
Björn segist sjálfsagt alltaf
munu hafa áhuga á að halda síð-
unni úti þó hann myndi láta af
stjórnmálastörfum, en myndi
sennilega ekki kæra sig um að
taka upp persónulegri stíl. „Mér
finnst bara gaman að skrifa um
það sem er að gerast á líðandi
stundu og fæ útrás með því. Ég
held að það megi segja að með
þessari síðu hafi ég að vissu leyti
haldið í blaðamannsstarfið.“
bergsteinn@frettabladid.is
20 19. febrúar 2005 LAUGARDAGUR
BON SCOTT (1946-1980)
lést þennan dag.
Fæ útrás með skrifunum
TÍMAMÓT: HEIMASÍÐAN BJORN.IS ER TÍU ÁRA Í DAG
„Ég er þrjátíu og þriggja... Áður en ég byrjaði
með AC/DC spilaði ég með fullt af hljómsveit-
um í Ástralíu. Maður verður aldrei of gamall
fyrir rock ’n roll.“
Rokkarinn, sem þekktur var fyrir drykkjuskap, náði ekki 34 ára aldri. Bon
Scott kafnaði í eigin ælu í bíl félaga síns fyrir utan íbúð hans í suður-
hluta London. Hann var fæddur í Kirriemuir í Skotlandi, en fjölskylda
hans flutti til Ástralíu árið 1952. Scott gekk til liðs við AC/DC árið 1974.
timamot@frettabladid.is
AFMÆLI
Sigurður Ingi Ásgeirsson
kvikmyndagerðarmaður er
55 ára í dag.
Helgi Már Arthúrsson upp-
lýsingafulltrúi er 54 ára í dag.
Hannes Hólmsteinn Gissur-
arson stjórnmálafræði-
prófessor er 52 ára í dag.
Hilmar Oddsson kvik-
myndaleikstjóri er 48 ára í
dag.
ANDLÁT
Baldur Björnsson, Borgarsíðu 13, Akur-
eyri, lést miðvikudaginn 9. febrúar.
Páll Jónasson, Lambastaðabraut 12,
Seltjarnarnesi, lést föstudaginn 11. febr-
úar. Útförin hefur farið fram í kyrrþey.
Sigurður Bjarnason, stýrimaður, Hraun-
bæ 40, Reykjavík, lést mánudaginn 14.
febrúar.
Jón Marinó Stefánsson, Austurbergi 30,
Reykjavík, lést þriðjudaginn 15. febrúar.
Þórey Ólöf Halldórsdóttir, Skálateigi 1,
Akureyri, lést þriðjudaginn 15. febrúar.
Björn Guðmundsson, hjúkrunarheimil-
inu Eir, áður Miðtúni 2, lést miðvikudag-
inn 16. febrúar.
Gunnhildur Eiríksdóttir, Hrafnistu,
Reykjavík, lést fimmtudaginn 17. febrúar.
JARÐARFARIR
11.00 Grímur Samúelsson, Hlíf, Ísafirði,
verður jarðsunginn frá Ísafjarðar-
kirkju.
13.00 Sigurgeir Hannesson, bóndi,
Stekkjardal, verður jarðsunginn frá
Blönduóskirkju.
14.00 Einar Magnússon, fiskmatsmað-
ur, Völusteinsstræti 15, Bolungar-
vík, verður jarðsunginn frá Hóls-
kirkju.
14.00 Lilja Halldórsdóttir, Hlíf 1, Ísa-
firði, verður jarðsungin frá Ísa-
fjarðarkirkju.
14.00 Sigrún Gunnarsdóttir, Ásvegi 9,
Breiðdalsvík, verður jarðsungin frá
Heydalakirkju.
14.00 Stefán Björgvin Guðmundsson,
frá Dratthalastöðum, verður jarð-
sunginn frá Egilsstaðakirkju.
14.00 Þuríður Sigurðardóttir, frá
Hátúnum, verður jarðsungin frá
Prestbakkakirkju á Síðu.
Þennan dag árið 1968 náðust sættir fyrir Hæstarétti í
Bretlandi um að 62 börn, sem fæddust vansköpuð
eftir að mæður þeirra höfðu tekið inn lyfið þalídómíð
á meðgöngu, skyldu fá bætur frá lyfjafyrirtækinu sem
framleiddi og markaðssetti lyfið þar í landi. Þalídó-
míð-harmleikurinn er talinn eitt af hörmulegustu
dæmunum um mistök vísindamanna.
Um 8.000 konur um heim allan sem tekið höfðu þalí-
dómíð til að draga úr morgunógleði og róa taugarnar
eignuðust vansköpuð börn. Lyfið var fáanlegt í Bret-
landi frá árinu 1958 þar til síðla árs 1961 þegar rann-
sóknir leiddu í ljós að það ylli fósturskaða. Distillers
Company (Biochemicals) Ltd. féllst svo í september
1968 á að greiða hverju barni 40 prósent af upphæð-
inni sem krafist var í bætur fyrir dómi, en krafðist þess
á móti að allar ásakanir á hendur fyrirtækinu um van-
rækslu yrðu dregnar til baka. Eftir það var samið um
bætur í fjölda annarra tilvika.
Eftir mikla gagnrýni
frá bæði fjölmiðlum
og almenningi ákvað
fyrirtækið árið 1973
að setja upp sjóð og
greiða öllum börnum
sem urðu fyrir barð-
inu á lyfinu úr hon-
um. Opinber rann-
sókn á málinu sem
ítrekað var kallað eftir
fór þó aldrei fram. Al-
menningur leit á
þessum tíma á börn-
in sem fórnarlömb hörmulegs slyss og bjóst við því
að þau ættu fyrir höndum stutt og erfitt líf. Flest hafa
börnin hins vegar tekist á við fötlun sína og afsannað
slíkar hrakspár.
ÞETTA GERÐIST MERKISATBURÐIR
1803 Miðlunarlög samþykkt í
Sviss, en með þeim héldu
kantónur sjálfstæði sínu.
1878 Thomas Edison fær einka-
leyfi fyrir fónógraf sinn.
1951 Bylting í Nepal steypir
Rana-einveldinu sem stjórn-
að hafði landinu í 104 ár og
konungsfjölskyldan endur-
heimtir völd sín.
1957 Verkfall háseta í kaupskipa-
flotanum hefst og stendur
til 17. mars.
1976 Fyrstu stjórnmálaslitin milli
aðildarríkja Atlantshafs-
bandalagsins þegar Ísland
slítur stjórnmálasambandi
við Breta vegna flotaíhlut-
unar þeirra innan 200
mílna fiskveiðilögsögunnar.
1986 Bandaríkjaþing samþykkir
sáttmála sem bannar þjóð-
armorð, 37 árum eftir að
sáttmálinn var fyrst lagður
fram til samþykktar.
Þalídómíð-börnin fengu bætur
FÆDDUST ÞENNAN DAG
1717 David Garrick, rithöf-
undur og leikritaskáld.
1743 Luigi Boccherini, tón-
skáld.
1908 Sir William McMahon,
fyrrum forsætisráðherra Ástr-
alíu.
1911 Merle Oberon, leik-
kona.
1940 Smokey Robinson, tón-
listarmaður.
1945 Michael Nader, leikari.
1948 Tony Iommi, gítarleikari
Black Sabbath.
1955 Margaux Hemingway,
leikkona.
1955 Jeff Daniels, leikari.
1957 (John Hoelcel) Falco,
níunda áratugar poppari.
1960 Holly Johnson, söngvari
Frankie Goes to Hollywood.
1960 Andrés Bretaprins.
1963 Seal, tónlistarmaður.
1966 Justine Bateman, leik-
kona.
1967 Benicio Del Toro, leik-
ari.
SJÓNVARPSDAGSKRÁ
VIKUNNAR »
BJÖRN BJARNASON Björn hefur alltaf haft áhuga á fjölmiðlum og starfaði lengi sem blaðamaður, því séu fjölmiðlar þráðurinn í skrif-
um hans.
FR
ÉT
TA
B
LA
Ð
IÐ
/P
JE
TU
R
FÓRNARLAMB ÞALÍDÓMÍÐS
20-21 Tímamót 18.2.2005 19:31 Page 2