Fréttablaðið - 19.02.2005, Síða 6

6 19. febrúar 2005 LAUGARDAGUR
UMFERÐARÓHAPP Rúta, sem var á
leiðinni til Bolungarvíkur frá
Ísafirði, fauk af veginum á
Söndum skammt frá Bolungar-
vík. Ökumaðurinn var einn og
meiddist ekki og rútan skemmd-
ist lítið. Stórvirk tæki þurfti til
að ná rútunni upp á veginn aftur.
„Þetta var samspil hálku og
vindhviðu sem hefðu sennilega
sett rútuna á hlið,“ sagði Her-
mann Þór Þorbjörnsson sem
sýndi mikið snarræði þegar
sterk vindhviða skall á rútunni
sem hann ók á leið til Bolungar-
víkur. Betur fór en á horfðist
því fljúgandi hálka var á Sönd-
um þar sem atvikið varð og ljóst
að mikið tjón hefði orðið ef rút-
an hefði oltið. „Ég hafði engan
tíma til að vera hræddur því
þetta gerðist svo fljótt. Svo var
þetta allt í lagi fyrst ég var bara
einn en ég var að fara að ná í
grunnskólakrakka inn í Bolung-
arvík,“ sagði Hermann og gerir
ekki mikið úr atvikinu og var að
keyra strætó á Ísafirði þegar
blaðamaður náði tali af honum.
Annar bílstjóri fyrir vestan
lýsti furðu sinni á að Vegagerðin
skyldi ekki standa sig betur í að
bera á vegina sem voru fljúg-
andi hálir.
Slys hafði orðið í Óshlíð rétt
áður en rútan fór út af þar sem
ökumönnum varð á í hálkunni.
Hermann tók ekki undir þessa
gagnrýni og sagði að Vegagerð-
in hefði í nógu að snúast og hefði
borið sand á vegina rétt eftir at-
vikið. Önnur rúta ver send eftir
krökkunum sem voru á leið til
Ísafjarðar á skíði. ■
VERÐBÓLGAN Verðbólga er nú 4,5
prósent og hefur þar með rofið efri
vikmörk verðbólgumarkmiðs Seðla-
bankans.
Ríflega helming almennra verð-
hækkana má rekja til hækkunar á
húsnæðisverði. Ríflega 18 prósent
hækkunarinnar má rekja til hækk-
unar á annarri þjónustu en 17 prós-
ent eru vegna verðhækkunar hjá
opinberum aðilum og hækkunar á
áfengi og tóbaki.
Verðlag hefur hækkað almennt
um 8,2 prósent á þremur árum.
Húsnæðisverð hefur hækkað mest
eða um 32 prósent, verð á opinberri
þjónustu um 20 prósent, verð á
áfengi og tóbaki um 13 prósent og
annarri þjónustu um 10 prósent.
„Þetta eru mjög slæmar fréttir.
Þetta þýðir það að efri vikmörk
verðbólgumarkmiðsins eru rofin.
Forsendur kjarasamninganna, sem
gerðir voru fyrir ári og áttu að
stuðla að kaupmáttaraukningu sam-
hliða stöðugleika, eru að bresta. Það
þarf næstum kraftaverk til að verð-
lagsforsendur kjarasamninga
haldi,“ segir Ólafur Darri Andra-
son, hagfræðingur ASÍ. - ghs
Fagnaðarefni
fyrir foreldra
Greiðslur úr ríkissjóði til foreldra langveikra barna eru mikið fagnaðarefni,
segir móðir langveiks drengs. Hún hefur barist um árabil fyrir framfærslu-
eyri fyrir son sinn og sig. Hún gat ekki unnið úti vegna veikinda hans.
FÉLAGSMÁL Greiðslur úr ríkissjóði
til foreldra langveikra barna er
mikið fagnaðarefni, segir Ásdís
Jónsdóttir, hjúkrunarfræðingur og
móðir langveiks drengs.
Ásdís hefur háð harða réttinda-
baráttu fyrir drenginn sinn, Birki
Emil, sem nú er fjögurra ára. Hann
er með goldenhar-heilkenni sem
hefur áhrif á líf hans og fjölskyldu
hans til langframa. Baráttan hefur
meðal annars snúist um að fá að-
stoð frá ríki og sveitarfélagi, þar
sem Ásdís gat ekki unnið úti frá
fæðingu drengsins og þar til í nóv-
ember á síðasta ári.
Hún kvaðst fagna mjög sam-
þykkt ríkisstjórnarinnar um
greiðslur til foreldra langveikra
barna, sem Árni Magnússon félags-
málaráðherra hefur kynnt á Al-
þingi. Samkvæmt því er lagt til að
greiðslurnar til
foreldra barna
sem veikjast al-
varlega eða
greinast með al-
varlega fötlun
nemi um 90 þús-
und krónum á
mánuði. Þessi
fjárhæð var
ákvörðuð með
hliðsjón af af
fullum umönn-
unargreiðslum
og lágmarks-
greiðslum úr
Fæðingaorlofssjóði fyrir 50-100
prósenta starf. Þess er vænst að
lögin taki gildi 1. janúar á næsta ári
og kerfið taki gildi í áföngum.
Að sögn ráðherra samþykkti
ríkisstjórnin að auki að foreldrar
barna sem greindust mjög alvar-
lega veik eða fötluð til langs tíma
ættu rétt á umræddum greiðslum í
allt að níu mánuði, að tilteknum
skilyrðum uppfylltum. Loks sam-
þykkti ríkisstjórnin að leggja til að
réttur til fæðingar- og foreldraor-
lofs vegna veikinda barna yrði
rýmkaður, þannig að aldursmörk
barna yrðu hækkuð úr átta ára
aldri í 18 ára. Árni kvaðst leggja á
það áherslu að foreldrar héldu
virkum tengslum við vinnumark-
aðinn þrátt fyrir veikindi barna.
Spurður um hvort lögin yrðu
afturvirk, sagði félagsmálaráð-
herra að nú ætti eftir að fara fram
vinnan við frumvarpsgerðina. Ekki
lægi nákvæmlega fyrir hvernig
það yrði útfært. Meginlínan væri
sú að þessi réttur væri til staðar og
tæki gildi í áföngum.
„Nú virðist sem menn hafi séð
ljósið og mér finnst frábært að
þetta skuli vera komið áleiðis. Það
er meira en að segja það að vera
einn með barn, hafa enga fyrir-
vinnu og ekkert til að lifa á,“ sagði
Ásdís, sem gjörþekkir þær aðstæð-
ur af eigin raun.
jss@frettabladid.is
bluelagoon@bluelagoon.is • www.bluelagoon.is • 420 8800
á konudaginn
Ferskleiki
Verð 2.490 kr.
Konudagsgjöfin er fáanleg í verslunum
Bláa Lónsins í heilsulind, að Aðalstræti 2
í Reykjavík, í netverslun, Lyf og heilsu
Kringlunni og Austurstræti og í Lyfju
Laugavegi og Smáralind.
Gleddu konuna með léttu og mjúku algae & mineral
body lotion sem inniheldur BLUE LAGOON steinefni,
kísil og þörunga sem viðhalda rakastigi húðarinnar,
auka mýkt hennar og styrk.
5 ml prufa af vitalizer andlitskremi og 10 ml rakakrem
fylgja með ásamt boðskorti í Bláa Lónið – heilsulind.
Á ríkið að lækka áfengis-
gjaldið?
SPURNING DAGSINS Í DAG:
Á að banna reykingar á veit-
ingastöðum?
Niðurstöður gærdagsins á visir.is
21%
79%
Nei
Já
Farðu inn á fréttahluta visir.is
og segðu þína skoðun
KJÖRKASSINN
FÉLAGSMÁLA-
RÁÐHERRA
Árni Magnússon vill
að foreldrar haldi
virkum tengslum við
vinnumarkaðinn þrátt
fyrir veikindi barna.
RÉTTINDABARÁTTA
Ásdís Jónsdóttir hjúkrunarfræðingur hefur barist langvinnri réttindabaráttu fyrir son sinn,
Birki Emil, sem nú er fjögurra ára. Hún hefur yfirleitt komið að lokuðum dyrum með
beiðni um aðstoð, bæði hjá ríki og sveitarfélagi.
HVAÐ KYNDIR UNDIR VERÐBÓLGUNA?
Innfluttar vörur aðrar -7,1%
Innfluttar mat- og drykkjarvörur -2,0%
Grænmeti 1,1%
Nýr bíll og varahlutir 1,8%
Aðrar innlendar mat- og drykkjarvörur 1,8%
Aðrar innlendar vörur 2,9%
Bensín 4,2%
Áfengi og tóbak 4,9%
Búvörur án grænmetis 6,0%
Opinber þjónusta 12,0%
Önnur þjónusta 18,2%
Húsnæði 56,3%
Vísitala neysluverðs 100%
Verðbólgan orðin 4,5 prósent:
Kraftaverk til að forsendur
kjarasamninga haldi
SKRIÐDREKI BLESSAÐUR Rússneskur T-38 skriðdreki fannst nýlega á botni árinnar
Nevu við Pétursborg í Rússlandi. Skriðdrekinn, sem sökk í seinni heimsstyrjöldinni, verður
gerður upp og settur á herminjasafn.
HERMANN ÞÓR
ÞORBJÖRNSSON BÍLSTJÓRI
Hermann Þór var einn í rútunni þegar hún
fauk af veginum. Hann sýndi mikið snar-
ræði og kom í veg fyrir að hún ylti.
Rúta fauk á leiðinni til Bolungarvíkur:
Allt í lagi fyrst ég var bara einn
06-07 18.2.2005 21:36 Page 2