Fréttablaðið - 19.02.2005, Blaðsíða 44

19. febrúar 2005 LAUGARDAGUR
Hátískudagarnir sem haldnir voru í
París nýlega einkenndust af glamúr,
glæsileika og áhrifum úr ýmsum
áttum. Sýndar voru vor- og sumar-
línurnar fyrir árið 2005. Franska
hefðartískan frá tímum Napóleons
setti sinn svip á dagana, áhrif frá
Austurlöndum sem og mikil notkun
á shiffon-efni sem hefur verið mjög
vinsælt í tískuheiminum upp á
síðkastið. Lítið fór fyrir minimal-
isma í öllum glæsifatnaðinum og
hinum íburðarmiklu kjólum sem
þarna voru sýndir og oft virtist sem
svo að reglan „more is more“ gilti
frekar. Því meira skraut og litir, því
betra.
Hátíska, eða „Haute Couture“
eins og hún kallast í útlandinu, ein-
kennist ávallt af miklum glæsileika
og glamúr. Augljóst er að gríðarleg
vinna er lögð í fatnaðinn og mikið er
um bróderingar og ísaumaða steina
eða perlur.
Mörg stærstu tískuhúsin og
hönnuðirnir sýndu í París og má þar
helst nefna Dior, Valentino, Christi-
an Lacroix, Chanel, Armani og Jean
Paul Gaultier. Litir sem mikið fór
fyrir voru rauður, appelsínu-
gulur og bleikur en sá allra
vinsælasti var hinn klass-
íski hvíti. Hattar virðast
vera að sækja í sig veðrið
sem og fyrirferðarmiklar
hárgreiðslur sem marg-
ar hverjar minntu helst á
stærðarinnar hatta. Fáir hafa
efni á fatnaðinum sem flokk-
ast undir hátísku en spenn-
andi verður að sjá leikkon-
urnar spranga um í há-
tískukjólunum á ósk-
arsverðlaunaafhending-
unni sem ekki er langt
undan.
hilda@frettabladid.is
Fatahönnuðurinn Hulda Karlotta Kristjánsdóttir vinnur að spennandi fatalínu
Heilluð af skrítnum formum
Föt skipa stóran sess í lífi
Huldu Karlottu. Nú er
hún að vinna að nýrri
fatalínu þar sem hún
leggur mesta áherslu á
skrítin og skemmtileg
form. Glamúrinn er þó
aldrei langt undan og
eru metallitirnir í mestu
uppáhaldi hjá henni.
Fatahönnuðurinn Hulda Karlotta
Kristjánsdóttir er að vinna að nýrri
og spennandi fatalínu þar sem hún
leggur mesta áherslu á form. Hún
blandar saman náttúrulegum
bómullarefnum við teygjupólíester-
efni í glamúrstíl og er útkoman stór-
skemmtileg. Hulda Karlotta var um
tíma í starfsþjálfun hjá hönnunar-
hópnum As Four í New York og varð
fyrir miklum áhrifum á meðan hún
dvaldi þar. Hönnun As Four er afar
sérstæð og þeirra markmið er að
nostra við hverja flík. Í New York
opnaðist Huldu Karlottu nýr heim-
ur sem breytti lífssýn hennar.
„Mér finnst skipta miklu máli að
það sé eitthvað áhugavert að gerast
í flíkinni og jafnvel að hún breyti
formi líkamans. Sem fatahönnuður
er ég alltaf að pæla í formum og vil
helst að formin séu óvenjuleg. Ég er
mjög hrifin af skrítinni hönnun en
ég vil jafnframt að allar flíkur hafi
notagildi,“ segir Hulda Karlotta.
Hún leggur mikla áherslu á boli í
línunni sem hún er að vinna að. Það
er þó aldrei að vita nema buxur og
pils bætist við ef vel tekst til en
þessa stundina er þróunarferlið í
hámarki og hún er opin fyrir öllu.
„Bolirnir eru gerðir úr heilhring
og ég verð að viðurkenna að þeir
eru undir töluverðum As Four
áhrifum,“ segir hún. Á síðasta ári
var Hulda Karlotta að vinna við
búningahönnun fyrir Latabæ. Hún
segir að það hafi verið mjög góð
reynsla. Spurð um hvort það gæti
einhverja áhrifa úr Latabæ segir
hún svo ekki vera.
„Það var mikið ævintýri að vinna
að búningunum í Latabæ en ég hef
haldið eigin hönnun og vinnunni þar
algerlega aðskildu. Það er þó ekki
laust við að ég sakni Latabæjar. Það
var svo mikil gleði og leikur þar.“
Núna er Hulda
Karlotta með vinnustofu
úti á Granda ásamt
þremur öðrum lista-
mönnum. Í nýju fatalín-
unni sinni eru grunn-
formin Huldu Karlottu
mjög hugleikin. Kassi,
hringur og þríhyrningur
hafa fengið nýtt hlut-
verk.
„Grunnformin virð-
ast kannski ekki vera
mjög þokkafull en þegar maður
leikur sér með þau verða þau afar
skemmtileg. Þau gera það að verk-
um að það er hægt að fá meiri þrí-
vídd í fötin,“ segir Hulda Karlotta. Í
línunni hennar er litavalið einfalt.
Grunntónninn er svartur og með
honum notar hún mest metalliti,
rauðan og bleikan. Ásamt fatahönn-
uninni hefur hún verið að þróa næl-
ur sem hægt er að festa í nánast
hvað sem er. Nælurnar saman-
standa af nokkrum litlum körlum
sem haldast í hendur.
„Þessir nælukarlar eru gleði-
gjafar í skammdeginu. Ég hef ver-
ið að þróa þá og hingað til hef ég
aðallega verið að hengja þá í fólk
sem mér þykir vænt um. Maður á
aldrei of mikið af svona litlum vin-
um,“ segir hún.
-MMJ
GLYSBOLUR ÚR GLIMMERLÍNU
Þar leikur Hulda Karlotta sér með
hringlaga form.
KALLANÆLAN Setur punktinn yfir i-ið.
FRÍSKLEGIR KARLAR
Eins og sést á myndinni er hægt að næla
karlana í hvað sem er.
Uppáhaldshönnuðir?
Chloé, By Malene Birger, Day og
Prada.
Fallegustu litirnir?
Svartur og allir grænir litir.
Hverju ertu mest svag fyrir?
Skóm.
Hvaða flík keyptir þú þér
síðast?
Grænan bol í Evu og gullskó í GS
skóm.
Hvað finnst þér mest sjar-
merandi í vor- og sumartísk-
unni?
Það er alltaf svo gaman þegar
sumarvörurnar koma í verslanir. Ég
ætla að sjá hvað verður í boði en
ég er ekki búin að ákveða hvað ég
ætla að kaupa. Mér þykir samt lík-
legt að ég kaupi mér ljósan galla-
jakka, flottan kjól og pils. Annars
hlakka ég gríðarlega til sumarsins
þegar léttleikinn tekur völdin og ég
get farið að vera berfætt í skónum.
Uppáhaldsverslanir?
Eva, Kultur og GK.
Hvað eyðir þú miklum pen-
ingum í föt á mánuði?
Svona 20-30 þúsund krónum en
það er samt mjög misjafnt. Stundum
er það meira og stundum minna.
Hvaða flíkur gætir þú ekki
verið án?
Ég gæti ekki verið án Lee-galla-
buxnanna sem ég fékk mér á dög-
unum og svörtu By Malene Birger
skyrtunnar minnar.
Uppáhaldsflík?
Plíseraða pilsið mitt úr Spútník er
alltaf jafnflott.
Ljótasta flík sem þú hefur
keypt þér?
Í fyrra keypti ég mér skyrtu í H&M.
Hún er plíseruð og virtist flott á
herðatré en ég hef aldrei farið í
hana. Hún er eitthvað skrítin í
sniðinu. Þegar ég var í námi í
París keypti ég mér glæran plast-
jakka, en ég gat eiginlega ekkert
notað hann því það kom alltaf
móða innan á hann. Það var mjög
fyndið.
Tískupælingar Þórunnar Högnadóttur stílista og sjónvarpskonu
Hlakka til að geta verið berfætt í skónum
VALENTINO
Austurlensk áhrif sjást hér í
litanotkun og hárgreiðslu.
Aðalsmerki Valentinos er
glæsileiki og það sást vel á
sýningu hans.
CHANEL
Karl Lagerfeld sýnir
hér glæsilegan
slaufu- og blúndu-
kjól. Hvítur og bleikur
voru aðallitirnir í
Chanel línunni. Lag-
erfeld sýndi einnig
nokkrar nýjar útgáfur
af hinni klassísku
Chanel dragt.
Valentino Shiffon
efnið var áberandi
hjá Valentino sem
hentar mjög vel í
glæsikjólana
sem hann er
þekktur fyrir.
Hátískudagar í París:
Glæsileikinn í fyrirrúmi
46-47 (34-35 ) Tíska 18.2.2005 19:03 Page 2