Fréttablaðið - 19.02.2005, Blaðsíða 40

30 19. febrúar 2005 LAUGARDAGUR
Við hrósum...
... Valsmönnum fyrir að hafa tryggt sér Reykjavíkurmeistaratitilinn í
fótbolta og mætt í úrslitaleikinn gegn Íslandsmeisturunum fullir
sjálfstrausts og í sóknarhug. Það eru greinilega breyttir tímar á
Hlíðarenda.
„Ég held ég geti samt sagt það blákalt
að ég hafi ekkert verið að meika það. Ég
tók ekkert Stuðmannahopp.“
Handboltaþjálfarinn Aðalsteinn Eyjólfsson hefur ekki tapað húmornum þótt
hann hafi ekki fengið greidd laun svo mánuðum skiptir.sport@frettabladid.is
HANDBOLTI Aðalsteinn náði frábær-
um árangri með kvennalið ÍBV
síðasta vetur. Gerði liðið að Ís-
landsmeisturum og komst einnig í
undanúrslit í Evrópukeppni. Þessi
frábæri árangur opnaði dyrnar
fyrir hann í Þýskalandi og úr varð
að hann tók við liði Weibern sem
kemur frá 1500 manna smábæ.
Lífið í Þýskalandi hefur ekki
verið neinn dans á rósum. Weib-
ern er búið að verma botnsæti
deildarinnar í allan vetur og lítið
annað en fall blasir við liðinu.
Jafnvel þótt liðið haldi sæti sínu
þá mun það líklega verða dæmt
niður sökum fjárhagsvandræða.
„Það er frekar erfitt ástandið
hérna. Það hefur enginn fengið
laun í tæpa þrjá mánuði og á
þriðjudag skýrist hvort félagið
verði keyrt í gjaldþrot. Staðan er
ekki góð og félagið vantar rúmar
fimm milljónir króna til þess að
klára tímabilið,“ sagði Aðalsteinn
og bætti við að félagið ætli sér
niður þar sem það hefur hreinlega
ekki efni á því að spila í úrvals-
deildinni.
Aðalsteinn hefur sett félaginu
afarkosti. Annað hvort greiði það
honum það sem hann á inni fyrir
26. febrúar eða hann fer heim með
fyrstu vél. „Mér finnst miður að
þurfa að gera þetta því mig langar
mikið til þess að klára tímabilið.
En á móti kemur að maður lifir
ekki á loftinu einu saman. Sem
betur fer átti ég varasjóð en hann
fer að tæmast,“ sagði Aðalsteinn
sem er með frekar þunnskipaðan
hóp þar sem stjórn félagsins hef-
ur rekið þrjá leikmenn frá félag-
inu. Eftir standa ellefu stelpur og
vinna Aðalsteins því mjög erfið.
Þrátt fyrir alla erfiðleikana sér
hann ekki eftir því að hafa farið
út.
„Þetta er eitthvað sem mig
hafði alltaf langað að prófa og ég
lagði allt undir. Eftir að hafa
kynnst þessu umhverfi þar sem
annað hvert félag er í fjárhags-
vandræðum þá hef ég hvorki
löngun né vilja til þess að vera hér
áfram. Það er ekki gott að lifa í
umhverfi þar sem er stanslaus óv-
issa með laun. Þetta er engu að
síður búin að vera fín reynsla sem
ég hefði ekki viljað missa af. Ég
held ég geti samt sagt það blákalt
að ég hafi ekki verið að meika
það. Ég tók ekkert
Stuðmannahopp,“ sagði Aðal-
steinn léttur og hló.
Hann stefnir á að hefja nám í
lögfræði næsta vetur og samhliða
því mun hann þjálfa kvennalið
FH. „Ég er búinn að vera í viðræð-
um við FH síðustu vikur og málið
er frágengið af minni hálfu,“
sagði Aðalsteinn en Sæmundur
Stefánsson, formaður handknatt-
leiksdeildar FH, vildi ekki stað-
festa að hann væri búinn að ráða
Aðalstein en bjóst við að tilkynna
ráðningu hans eftir helgi.
henry@frettabladid.is
Var ekki að meika þaðLEIKIR GÆRDAGSINS
1. deild karla
FH–FRAM 23–24
FH: Guðmundur Pedersen 8, Arnar Pétursson 4,
Hjörtur Hinriksson 4, Hjörleifur Þórðarson 2,
Brynjar Geirsson 2, Valur Arnarson 2, Jón Helgi
Jónsson 1.
Fram: Guðjón Drengsson 8, Hjálmar Vilhjálmsson
5, Jón Björgvin Pétursson 4, Ingólfur Axelsson 3,
Þorri Björn Gunnarsson 2, Arnar Sæþórsson 2,
Stefán Baldvin Stefánsson 1.
SELFOSS–STJARNAN 29–29
Mörk Selfoss: Ramunas Mikalonis 7, Atli
Kristinsson 6, Haraldur Þorvarðarson 5, Hörður
Bjarnason 3, Ramunas Kalendauskas 3, Andri
Kristjánsson 2, Jón Þór Þorvarðarson 2, Jón Einar
Pétursson 1.
Mörk Stjörnunnar: Kristján Kristjánsson 8,
Þórólfur Nielsen 6, Arnar Theodórsson 4,
Hermann Björnsson 4, Vilhelm Sigurðsson 3,
Björn Óli Guðmundsson 2, Gunnlaugur
Garðarsson 1, Davíð Ketilsson 1.
Tveir leikmenn, einn Selfyssingur og einn
Stjörnumaður, fengu krossinn undir lok
leiksins og einn leikmaður Selfoss hafði
fengið rautt spjald fyrr í leiknum.
GRÓTTA/KR–AFTURELDING 27–25
Mörk Gróttu/KR: Kristinn Björgúlfsson 10/5,
Daníel Berg Grétarsson 5, Kristján Geir
Þorsteinsson 3, Hörður Gylfason 3, David Kekelia
3, Brynjar Hreinsson 1, Kormákur Friðriksson 1,
Daði Hafþórsson 1.
Mörk Aftureldingar: Ernir Hrafn Arnarson 10,
Hrafn Ingvarsson 5, Magnús Einarsson 3,
Vladislav Troufan 3, Einar Ingi Hrafnsson 2, Jens
Ingvarsson 1, Ásgeir Jónsson 1.
STAÐAN
FH 5 4 0 1 139–119 8
FRAM 5 3 0 2 128–125 6
GRÓTTA/KR 5 3 0 2 126–127 6
AFTURELDING5 2 0 3 143–140 4
SELFOSS 5 1 1 3 138–149 3
STJARNAN 5 1 1 3 128–142 3
Handboltaþjálfarinn Aðalsteinn Eyjólfsson er á leið heim eftir viðburðaríkt ár í Þýskalandi þar sem
félag hans, TuS Weibern, er að fara á hausinn og enginn hefur fengið laun í marga mánuði. Hann tekur
við kvennaliði FH næsta vetur.
ENGINN DANS Á RÓSUM Aðalsteinn Eyjólfsson hefur ekki fengið laun greidd í þrjá
mánuði í Þýskalandi og hefur fengið nóg FRETTABLAÐIÐ/RÓBERT
42-43 (30-31) Sport 18.2.2005 22:08 Page 2