Fréttablaðið - 11.04.2005, Side 2

2 11. apríl 2005 MÁNUDAGUR
Lögreglan í Egyptalandi:
Bar kennsl á
sprengjumann
EGYPTALAND Lögreglan í Egypta-
landi hefur borið kennsl á mann-
inn, sem gerði sprengjuárás á
fjölmennum ferðamannastað í
Kaíró á fimmtudaginn. Þrír er-
lendir ferðamenn fórust í
árásinni, auk sprengjumannsins.
Lögreglan vill ekki gefa upp
nafn mannsins, en segir hann vera
frá fátæku svæði skammt norður
af Kaíró.
Þrír aðrir menn hafa verið
handteknir, og eru þeir grunaðir
um að hafa átt hlut að árásinni.
Ekki er vitað til þess að mennirn-
ir fjórir tengist neinum hryðju-
verkasamtökum.
Þessi árás á fimmtudaginn var
sú fyrsta í sjö ár sem gerð er á er-
lenda ferðamenn í Kaíró. Algengt
hefur þó verið að árásir séu gerð-
ar á vinsæla ferðamannastaði í
Egyptalandi. Síðast í október fór-
ust 34 ferðamenn á Sínaískaga
þegar gerðar voru sprengjuárásir
á nokkur hótel á því svæði.
Ferðaþjónustan í Egyptalandi
beið mikinn hnekki árið 1997 þeg-
ar 68 manns fórust í tveimur árás-
um, annars vegar í miðborg Kaíró
og hins vegar í bænum Luxor. ■
LONDON, AP Skoðanakannanir
benda til þess að mjótt verði á
mununum í bresku þingkosning-
unum sem haldnar verða þann 5.
maí. Þrjú til sjö prósentustig
skildu Verkamannaflokkinn og
Íhaldsflokkinn að í þremur könn-
unum sem birtust í breskum
fjölmiðluum í gær. Flokkarnir
mældust báðir með 37 prósent ef
aðeins var tekið tillit til þeirra
sem sögðust staðráðnir í að
kjósa.
Kosningabaráttan fór aftur í
gang í gær eftir stutt hlé vegna
útfarar páfa og brúðkaups Karls
Bretaprins og Camillu Parker
Bowles.
Tony Blair tók formlega við
tilnefningu sinni sem frambjóð-
andi Verkamannaflokksins í gær
og sagði við það tækifæri að
hann myndi setja mennta- og
efnhagsmál á oddinn. Hann vék
ekki orði að Írakstríðinu.
Málefni innflytjenda hafa ver-
ið ofarlega á baugi hjá Michael
Howard, leiðtoga Íhaldsflokks-
ins, en hann sakar Blair um að
forðast að tala um þau. Howard
lofar að lækka skatta, auka lög-
gæslu og endurskoða innflytj-
endalöggjöfina.
Charles Kennedy, leiðtogi
Frjálslyndra hefur útilokað að
hann muni mynda stjórn með
Verkamanna- eða Íhaldsflokkn-
um, en Frjálslyndir voru eini
stóri flokkurinn sem voru
mótfallnir Íraksstríðinu. ■
Flokkspólitík
hlaupin í málið
Tveir þriðju hlutar borgarbúa andvígir því að Háskólinn í Reykjavík fái lóð í
Öskjuhlíð samkvæmt könnun Tíkin.is. Borgarstjóri segir könnunina lið í bar-
áttu Sjálfstæðismanna fyrir því að koma Háskólanum til Garðabæjar.
KÖNNUN Samkvæmt könnun sem
Gallup gerði fyrir vefritið Tíkina
vilja 73 prósent borgarbúa að
svæðið milli Öskjuhlíðar og Naut-
hólsvíkur verði þróað áfram sem
útivistarsvæði en ekki boðið undir
byggingar. Steinunn Valdís Ósk-
arsdóttir borgarstjóri segist gera
athugasemdir við orðalag spurn-
ingar í könnuninni og segir bull-
andi flokkspólitík hlaupna í málið.
Borgaryfirvöld hafa sem kunn-
ugt er boðið Háskólanum Í
Reykjavík framtíðarlóð undir
starfsemi sína á umræddu svæði í
nágrenni Reykjavíkurflugvallar
en Garðbæingar hafa líka hug á að
fá Háskólann til sín og hafa boðið
fram lóð í því skyni.
Í könnun Gallups voru rúmlega
1300 einstaklingar í Reykjavík á
aldrinum 16-75 ára spurðir hvort
þeir vildu að Háskólinn í Reykja-
vík fái að byggja á svæðinu eða
hvort það verði þróað áfram sem
útivistar- og afþreyingarsvæði.
Sem fyrr segir sögðust 73 af
hundraði svarenda vilja nýta
svæðið sem útivistarsvæði frekar
en að þar verði byggt. Nokkur
munur er á afstöðu kynjanna í
þessum efnum en 80 prósent
kvenna eru hlynnt útivistarsvæði
þarna en 67 prósent karla.
„Mér finnst spurningin í þess-
ari könnun mjög gildishlaðin og
markmiðið greinilega að fá fram
ákveðna niðurstöðu“, segir Stein-
unn Valdís Óskarsdóttir borgar-
stjóri. Hún segir bullandi
flokkspólitík greinilega hlaupna í
þessa umræðu og að ýmsir áhrifa-
miklir Sjálfstæðismenn séu aug-
ljóslega staðráðnir í að koma Há-
skólanum í Reykjavík til Garða-
bæjar, hvað sem það kosti.
„Skýringin á þessu er einfald-
lega sú að þar eru stjórnvöld sem
eru Sjálfstæðisflokknum þóknan-
leg“, segir borgarstjóri.
Kristrún Lind Birgisdóttir hjá
Tíkin.is segir vissulega mega
deila um orðalag spurningarinnar.
„Það sem við leggjum áherslu á
með þessari könnun er að við vilj-
um að hlustað sé á raddir borgar-
búa í þessu máli og lítum svo á að
könnunin leiði vilja þeirra til þess
ótvírætt í ljós“, segir hún.
ssal@frettabladid.is
Samtök iðnaðarins:
Brögð í tafli
IÐNAÐUR Varað hefur verið við er-
indi frá sænska fyrirtækinu Nor-
disk Industri þar sem óskað er
skriflegrar staðfestingar á faxi
með ýmsum upplýsingum, til
dæmis um símanúmer og heimil-
isfang.
Sölumennirnir senda erindi á
tiltekna starfsmenn og fái þeir
ekki staðfestingu beina þeir sama
erindi til annarra starfsmanna.
Ef fyrirtækin senda staðfest-
ingu má búast við að þeim berist
reikningar fyrir birtingu á aug-
lýsingum eða upplýsingum í
gagnabönkum og er vísað í smátt
letur á faxinu.
Nokkuð er um að fyrirtækin
hafi bitið á agnið. ■
REIÐIR KÍNVERJAR
Mótmælendur krefjast þess að japönsk
stjórnvöld biðjist afsökunar.
Kínverjar reiðir Japönum:
Mótmæli
stigmagnast
KÍNA, AP Þúsundir Kínverja héldu
áfram að mótmæla japönskum
kennslubókum sem sagðar eru
gera lítið úr voðaverkum Japana í
Kína í seinni heimsstyrjöld. Tíu
þúsund manns umkringdu stór-
markað í eigu Japana í borginni
Shensen í suðurhluta Kína og
hvöttu til þess að japanskar vörur
yrðu sniðgengnar og köstuðu
vatnsflöskum að versluninni. Þrjú
þúsund manns örkuðu að skrif-
stofum japanska ræðismannsins í
borginni Gvangsjú og mótmæltu.
Á laugardag mótmæltu um þús-
und manns við japanska sendiráð-
ið í Peking og brutu í því rúður. ■
Mál Og Fjarskipta:
Afgreitt á
föstudag
FJARSKIPTI Hrafnkell V. Gíslason
forstjóri Póst- og fjarskiptastofn-
unar segir úrskurðar að vænta í
máli Og Fjarskipta vegna við-
skiptavina Margmiðlunar.
„Við höfum verið að afla okkur
gagna og gerum ráð fyrir að af-
greiða þetta á föstudaginn kem-
ur“, segir Hrafnkell.
Málið snýst um kæru Og Fjar-
skipta vegna þess að Landsíminn
neitaði að afgreiða beiðnir um
flutning á tengingum fyrrverandi
viðskiptavina Margmiðlunar yfir
til Og Fjarskipta. Ástæðan var sú
að ekki væru færðar sönnur á að
viðskiptavinirnir vildu vera í við-
skiptum við Og Fjarskipti. -sþs
Borgarstjóri um Sunda-
braut:
Köld
vatnsgusa
SAMGÖNGUMÁL Steinunn Valdís Ósk-
arsdóttir borgarstjóri lýsir von-
brigðum með ummæli Sturlu Böðv-
arssonar um að vafasamt sé að ráð-
ist verði í byggingu Sundabrautar
fyrr en ný samgönguáætlun gerir
ráð fyrir jafnvel þótt verkið verði
sett í einkaframkvæmd.
„Þessi yfirlýsing kemur eins og
köld vatnsgusa framan í okkur“,
segir borgarstjóri. „Miðað við
þessi ummæli ráðherrans sýnist
mér að það eigi að svíkja okkur um
þessa framkvæmd eina ferðina enn
og skjóta henni á frest um mörg
ár“. -sþs
SPURNING DAGSINS
Egill, ætlarðu ekki að hætta
áður en þú ferð að silfrast í
vöngum?
„Hver veit nema ég liti á mér hárið og
haldi áfram endalaust.“
Sjónvarpsmaðurinn góðkunni Egill Helgason hélt
upp á sex ára afmæli sjónvarpsþáttar síns Silfur
Egils í gær. Hann hefur gert hátt í þrjú hundruð
þætti og og ætlar sér greinilega að halda áfram
að kryfja þjóðfélagið til mergjar á meðan eitthvað
markvert ber á góma á Íslandi.
UMDEILD LÓÐ
Hin umdeilda lóð við Nauthólsvík sem Reykjavíkurborg hefur boðið Háskólanum í Reykja-
vík. Nauthólsvíkin er lengst til hægri á myndinni.
TONY BLAIR
Tók við tilnefningu sinni sem
frambjóðandi Verkamanna-
flokksins í gær.
Bresku þingkosningarnar:
Mjótt verður á mununum
■ NOREGUR
SAMKYNHNEIGÐIR FÁI AÐ ÆTT-
LEIÐA Flokksþing norska Verka-
mannaflokksins hefur sett í
stefnuskrá sína að samkyn-
hneigðum verði leyft að ættleiða
börn. Flokkurinn segir þessa
samþykkt vera tímamótaskref í
réttindabaráttu samkynhneigðra.
GÓMUÐU MUNCH-ÞJÓF Norska
lögreglan hafði í gær hendur í
hári meints þjófs tveggja af
þekktustu málverkum Edvards
Munchs, Öskursins og Guðsmóð-
urinnar. Þeim var stolið í bíræfnu
ráni um hábjartan dag úr Munch-
safninu í Ósló í ágúst í fyrra.
■ FARSÍMAR
NOKIA TVÖFALDAR TRYGGING-
UNA Nokia hefur tvöfaldað trygg-
ingu á Nokia-símum, úr einu ári í
tvö og tók þetta gildi frá og með 1.
apríl. Tryggingin gildir í öllum
löndum Evrópusambandsins, Nor-
egi, Sviss, á Íslandi og í Tyrklandi.
FERÐAMENN Í KAÍRÓ
Myndin er tekin skammt frá þeim stað, þar
sem sprengjuárásin var gerð á fimmtudaginn.
M
YN
D
/A
P