Fréttablaðið - 11.04.2005, Blaðsíða 6

6 11. apríl 2005 MÁNUDAGUR
Fangavarðafélag Íslands:
Brýnt að reisa
nýtt fangelsi
FANGELSISMÁL Fangavarðafélag Ís-
lands skorar á stjórnvöld að
standa við áform um byggingu
nýs fangelsis sem koma á í stað-
inn fyrir bæði Hegningarhúsið
við Skólavörðustíg og Fangelsið
að Kópavogsbraut 17.
Fyrirsjáanlegt er að föngum
fjölgi á næstu árum, og því telur
Fangavarðafélagið brýnt að hið
nýja fangelsi rísi sem allra fyrst
til þess að plássum fækki ekki
þótt þessum tveimur fangelsum á
höfuðborgarsvæðinu verði lokað.
Jafnframt segir Fangavarðafé-
lagið brýnt að lokið verði við frek-
ari uppbyggingu á Litla-Hrauni,
Kvíabryggju og í fangelsinu á Ak-
ureyri, enda megi kerfið augljós-
lega ekki við því að plássum
fækki.
Í áskorun sinni fagnar Fanga-
varðafélagið mjög þeirri stefnu-
mörkum sem gerð hefur verið í
fangelsismálum, þar sem meðal
annars er lagt til að föngum verði
gefinn kostur á meðferð í upphafi
afplánunar.
Félagið segist oft hafa bent á
„nauðsyn þess að markvisst sé
tekið á málefnum fanga við upp-
haf úttektar og að afplánunará-
ætlun verði gerð í samráði við
fangann sjálfan.“ -gb
Um sex heróínfíklar á Vog á ári:
Hvíti dauði ekki kominn til landsins
MEÐFERÐ Rétt tæplega eitt þúsund
manns sem hafa sprautað fíkni-
efnum í æð fóru í meðferð á Vogi
á síðustu fimm árum og 770 óp-
íumfíklar hafa farið í meðferð á
síðustu tíu árum. Á síðustu sjö
árum hafa um sex stórnotendur
heróíns, stundum nefnt hvíti
dauði, farið í meðferð árlega. Þeir
koma erlendis frá í meðferð.
Þórarinn Tyrfingsson yfir-
læknir á Vogi greindi frá því á
blaðamannafundi að fjörutíu
manns væru í viðhaldsmeðferð
fyrir heróín- og morfínfíkla hjá
meðferðarsjúkrahúsinu sem þýð-
ir að þeir eru á lyfjum. Heilbrigð-
isráðuneytið greiðir lyfjanotkun
tuttugu þeirra.
„Ópíumfíknin er eini fíknisjúk-
dómurinn sem hefur lyfjafræði-
lega lausn sem getur verið í því
fólgin að láta fólkið hafa ópíum-
efnin án þess að það fari í vímu og
án þess að það sé í fráhvörfum,“
segir Þórarinn. Fólkið sé byggt
upp félagslega og andlega áður en
hugað sé að því hvort hætta beri
lyfjameðferðinni. - gag
Skiptar skoðanir
um sameiningu
Kosið verður um sameiningu sveitarfélaga í Borgarfirði norðan Skarðsheiðar þann 23. apr-
íl. Skoðanir um sameiningu eru skiptar í Skorradalshreppi, minnsta sveitarfélaginu, sem
hefur 64 íbúa. Áhugi fyrir sameiningu er meiri í stærsta sveitarfélaginu, Borgarbyggð.
SVEITARSTJÓRNARMÁL Þann 23. apríl
munu íbúar fimm sveitarfélaga í
Borgarfirði norðan Skarðsheiðar
greiða atkvæði sitt með eða á móti
sameiningu sveitarfélaganna
Borgarbyggðar, Skorradals-
hrepps, Hvítársíðuhrepps, Kol-
beinsstaðahrepps og Borgarfjarð-
arsveitar.
Helga Halldórsdóttir, forseti
bæjarstjórnar í Borgarbyggð,
segir sameiningarnefndina ein-
huga.
„Í skoðanakönnun á vegum
Samtaka sveitarfélaga á Vestur-
landi kom fram eindreginn vilji
íbúa fyrir sameiningu. Við höfum
sent út málefnaskrá og fundaher-
ferð hefst í vikunni,“ segir Helga
og bætir við að þau málefni sem
brunnu heitast á mönnum við
sameininguna 1994 séu nú í góð-
um farvegi.
„Mér vitandi er enginn ásteit-
ingarsteinn í þessari umræðu.
Fólk sér að við sameiningu verður
til fjárhagslega sterkt sveitarfé-
lag á landsvísu; ákveðið mótvægi
við Árborg og Reykjanesbæ.
Svæðið hefur verið eitt þjónustu-
og atvinnusvæði lengi og við orð-
in vön að vinna saman,“ segir
Helga. „Sameining styrkir svæðið
sem eina heild og veitir ákveðna
möguleika á uppbyggingu til
framtíðar.“
Fram að þessu hefur Skorra-
dalshreppur fellt sameiningartil-
lögur og Davíð Pétursson oddviti
segir skoðanir manna enn skiptar.
„Menn vilja vera sjálfstæðir
eins lengi og hægt er. Við höfum
rekið sveitarfélagið þannig að
álögur eru minni en annarsstaðar
og ekki þurft fjárhagslega aðstoð.
Það er talað um að æskilegt sé að
stækka þótt maður sjái ekki
rekstrarlegan ávinning af því.
Fólk er hrætt við að í stóru sveit-
arfélagi myndist jaðarbyggðir
sem verði útundan. Fámenn sveit-
arfélög hafa litlar líkur á miklum
áhrifum og þéttbýli tekur alltaf til
sín töluvert af ráðstöfunarfé. Við-
kvæmust eru þó skólamálin, því
með hagræðingu sameiginlegs
sveitarfélags er hætta á að fá-
mennari skólar leggist niður,“
segir Davíð sem hvetur fólk að
mæta á kjörstað.
„Það væri dapurlegt ef samein-
að yrði með innan við fimmtíu
prósent atkvæðamagni og slæmt
ef fólk skilar sér ekki á kjörstað.
Kjörsókn verður að vera áttatíu
prósent svo hún sé marktæk.“ ■
Bandaríkin gagnrýnd:
Skorað á Sþ
HAVANA, AP Um fjögur þúsund
manns hvaðanæva að úr heimin-
um skora á aðildarríki Sameinuðu
þjóðanna að hafna ályktunartil-
lögu um mannréttindabrot Kúbu-
stjórnar síðar í mánuðinum.
Bandaríkin eru meðal þeirra ríkja
sem leggja tillöguna fram.
Margir nafntogaðir einstak-
lingar skrifa undir áskorunina,
þar á meðal Mikhaíl Gorbatsjoff,
Jose Saramago rithöfundur og
Walter Salles leikstjóri.
Í áskoruninni kemur fram að
Bandaríkin réttlæti viðskiptabann
sitt á Kúbu í skjóli alþjóðlegra
ályktana og að þau hafi ekki sið-
ferðilegan rétt til að gagnrýna
Kúbustjórn í ljósi eigin breytni
gagnvart grunuðum hryðjuverka-
mönnum. ■
■ LÖGREGLUFRÉTTIR
BÍLVELTA Í SKRIÐDAL Fimm
manns voru í jeppa sem valt í
hálku og lausamöl í Skriðdal suð-
ur af Fljótsdalshéraði snemma í
gærmorgun. Einn farþegi þurfti
að fara til læknis en fékk að fara
heim að því loknu. Jeppinn
skemmdist illa.
■ EVRÓPA
FYRRVERANDI NJÓSNARI SKOT-
INN Fyrrverandi yfirmaður í
rússnesku leyniþjónustinni,
Anatolí Trefemov, var skotinn til
bana í Moskvu í gær. Trefemov
var aðstoðarforstjóri Rússnesku
leyniþjónustunnar þegar Boris
Jeltsín var forseti Rússlands.
FRELSISFLOKKURINN TAPAR
Frelsisflokkurinn í Austurríki
beið afhroð í sveitarstjórnarkosn-
ingum í vesturhluta landsins í
gær. Jörg Haider og aðrir framá-
menn flokksins höfðu sagt skilið
við hann skömmu áður en kosn-
ingarnar voru haldnar, og ætla sér
að stofna nýjan flokk. Sá flokkur
tók ekki þátt í kosningunum.
■ LÖGREGLUFRÉTTIR
MIKIÐ UM ÖLVUNARAKSTUR
Töluvert mikið var um ölvun-
arakstur í Reykjavík þessa
helgina. Fimmtán manns voru
teknir ölvaðir við stýri við hefð-
bundið eftirlit lögreglunnar, þar
af sjö í fyrrinótt. Ökumennirnir
voru á öllum aldri, allt frá ung-
lingum upp að sjötugu.
KVARTAÐ UNDAN FLUGELDA-
SÝNINGU Kvartað var til lög-
reglunnar í Keflavík á laugar-
dagskvöldið vegna flugeldasýn-
ingar. Þar voru á ferðinni
stuðningsmenn körfuknatt-
leiksliðs Keflavíkur, sem voru
að fagna sigri liðsins á Íslands-
mótinu.
VÖRUBIFREIÐ VALT Á HOLTA-
VÖRÐUHEIÐI Vörubifreið valt á
Holtavörðuheiði við Sanddalsá í
gærmorgun. Ökumaður slapp
alveg við meiðsli og bifreiðin
skemmdist lítið. Lögregla lok-
aði veginum meðan eigendur
bifreiðarinnar komu með belta-
gröfu til að rétta hann við, en
að því búnu var bifreiðinni ekið
brott.
Ungverska leynilögreglan:
Skjalasöfnin
opnuð
BÚDAPEST, AP Stjórnarflokkar Ung-
verjalands hafa komist að sam-
komulagi um að auka aðgengi al-
mennings að skýrslum ungversku
leynilögreglunnar frá tímum
kommúnista.
Í desember tilkynnti stjórnin að
hún myndi opna öll skjalasöfn en
þegar drög voru birt að lagafrum-
varpinu sem átti að tryggja að
skjalasöfn yrðu opnuð fannst
mörgum ekki nærri nógu langt
gengið, þar á meðal Bandalagi jafn-
aðarmanna sem eru í ríkisstjórn
með Sósíalistum. Stjórnarflokkarn-
ir hafa nú leyst ágreining sinn og
almenningi verður heimilaður að-
gangur að skjalasöfnunum. ■
Er Hemmi Gunn að standa sig
í nýja sjónvarpsþættinum?
SPURNING DAGSINS Í DAG:
Ætlarðu að sjá eitthvað á
kvikmyndahátíðinni ?
Niðurstöður gærdagsins á visir.is
32,53%
67,47%
Nei
Já
Farðu inn á fréttahluta visir.is
og segðu þína skoðun
KJÖRKASSINN
HERÓÍN Í BANDARÍKJUNUM
Hér sést heróín frá ólíkum landssvæðum. Það hægra megin frá suðaustur Asíu og það
vinstra megin frá suðvestur Asíu. Þórarinn segir að langt leiddir morfín- og heróínfíklar fari
í viðhaldsmeðferð. Þeir fái lyf án þess að komast í vímu eða fá fráhvarfseinkenni.
FR
ÉT
TA
B
LA
Ð
IÐ
/G
VA
FRÁ BORGARNESI Í BORGARBYGGÐ
Borgarbyggð er stærst þeirra fimm sveitarfélaga þar sem íbúar kjósa um að sameinast
þann 23. apríl næstkomandi. Sameinað sveitarfélag yrði fjárflest, auk þess að geyma ann-
að stærsta sumarhúsasvæði landsins og tvo háskóla.
FANGELSIÐ Í KÓPAVOGI
Brátt styttist í að tveimur fangelsum á höfuðborgarsvæðinu verði lokað.
FR
ÉT
TA
B
LA
Ð
IÐ
/Þ
Ö
K