Fréttablaðið - 21.05.2005, Blaðsíða 46

800 7000 - siminn.is
Ekki missa af Evróvisjón í
Sjónvarpinu í kvöld kl. 19.
• Hægt er að hringja úr heimasímum eða GSM hjá
öllum símafyrirtækjum á Íslandi.
• Ekki er hægt að hringja úr númerum sem eru lokuð
fyrir hringingar í símatorg.
• Heimilt er að hringja þrisvar úr sama númeri en
gjaldfært er fyrir öll símtöl.
• Atkvæðagreiðsla stendur aðeins yfir í 10 mínútur og
verður tilkynnt í útsendingunni hvenær hún hefst.
• Einungis þau atkvæði sem eru greidd innan tíma-
rammans eru gild en gjaldfært er fyrir öll símtöl.
• Hvert símtal kostar 99,9 kr.
• Sé lokað fyrir símakosningu úr símanum þínum getur
þú opnað hana á þjónustuvefnum á siminn.is
KÆNUGAR‹I 2005
SÍMAKOSNING!
1. Ungverjaland 900 1001
2. Bretland 900 1002
3. Malta 900 1003
4. Rúmenía 900 1004
5. Noregur 900 1005
6. Tyrkland 900 1006
7. Moldavía 900 1007
8. Albanía 900 1008
9. Kýpur 900 1009
10. Spánn 900 1010
11. Ísrael 900 1011
12. Serbía og
Svartfjallaland 900 1012
13. Danmörk 900 1013
14. Svíþjóð 900 1014
15. Makedónía 900 1015
16. Úkraína 900 1016
17. Þýskaland 900 1017
18. Króatía 900 1018
19. Grikkland 900 1019
20. Rússland 900 1020
21. Bosnía
og Herzegóvína 900 1021
22. Sviss 900 1022
23. Lettland 900 1023
24. Frakkland 900 1024
Þitt atkvæði gæti ráðið úrslitum!
kjósa
Mundu að
Úkraína er örlítið stærri en Frakk-
land, alls 603.700 ferkílómetrar að
flatarmáli. Landið stendur á víð-
áttumikilli sléttu án náttúrulegra
landamæra, utan Karpatafjalla í
suðvestri og Svartahafs í suðri.
Áður fyrr var Úkraína kölluð
„brauðkarfa Evrópu“ vegna auð-
ugra náttúruauðlinda og vegna
Dnépr-fljótsins með sínar mörgu
þverár tengist landið Balkanskaga
við Svartahaf og löndunum við
Miðjarðarhaf, auk þess sem Dóná
opnar Úkraínu markað í Austurríki
og Þýskalandi.
Íbúafjöldi Úkraínu er nú rösklega
52 milljónir, þar af eru 73 prósent
Úkraínumenn og 22 prósent Rúss-
ar. Veðurfar í Úkraínu einkennist
af stuttum sumrum og löngum,
þungskýjuðum og köldum vetrum.
Meðalhiti á sumrin er 19˚C, en
-6˚C á veturna.
Staður dýrgripa
Í höfuðborginni Kænugarði búa
um þrjár milljónir íbúa, en borgin
er ein sú elsta og stærsta í Evrópu.
Sagan segir frá þrem bræðrum,
Kyi, Schek og Khoryv, ásamt syst-
urinni Lybed, sem áttu að hafa
stofnað Kænugarð í lok sjöttu ald-
ar, en borgin var nefnd eftir elsta
bróðurnum, Kyi. Kyiv merkir því
„borg Kyi“ á úkraínsku, en Kíev er
rússneska nafn borgarinnar, mun
þekktara síðan á tímum Sovétríkj-
anna.
Kænugarður stendur við bakka
Dnépr-fljóts og einkennist af
glæsilegum bygginum, sem marg-
ar teljast til fegurstu djásna heims.
Kænugarður er miðstöð menning-
ar, menntunar, fjármála, vísinda
og iðnaðar. Borgin er vinsæll
áfangastaður pílagríma sem koma
hvaðaæfa frá til að berja augum
ómetanlega minnisvarða og dýr-
gripi, en Kænugarður hefur löng-
um verið minnst sem „móður allra
borga“ af Rússum og Úkraínu-
mönnum.
Blómaskeið og hremmingar
Blómaskeið Kænugarðs var á
tólftu og þrettándu öld þegar
borgin var miðstöð viðskipta milli
þjóða Balkanskaga og við Mið-
jarðarhaf. Mongólskur innrásarher
réðst inn í Kænugarð árið 1240 og
landi þess var skipt upp í ríki sem
síðar hlutu nöfnin Pólland, Lit-
háen og Rússland. Eftir það hófst
mikill niðurlægingartími fyrir
veldi Kænugarðs.
Höfuðborg Úkraínu fór illa út úr
heimsstyrjöldinni síðari þegar
ómetanlegum dýrgripum á sviði
arkitektúrs og lista var grandað í
sprengjuárásum. Áður, eða á
fjórða áratugnum, höfðu sovésk
stjórnvöld kerfisbundið eyðilagt
fjölda kirkna í Kænugarði, en um-
fangsmiklar endurbætur hafa nú
fært Kænugarð í upprunalegt horf
að mestu. Borgin komst í heims-
fréttir í apríl 1986 þegar kjarnaofn
nágrannans Chernobyl bráðnaði
og lak út hættulega miklu magni
geislavirkra efna, en vísindamenn
eru flestir sammála um að borgin
sé laus við geislaáhrif í dag.
Gestrisin og örlát þjóð
Þrátt fyrir undirokun, þrengingar,
efnahagskreppu og pólitískt öng-
þveiti hefur andi og þjóðarvitund
úkraínsku þjóðarinnar aldrei látið
bugast og í ágúst 1991 lýsti Úkraína
yfir sjálfstæði frá Rússlandi. Frá
1994 hefur Úkraína stofnað til
diplómatísks sambands við 135
önnur lönd og fleiri en sextíu
sendiráð hafa verið stofnuð í
Kænugarði.
Fréttamenn, kaupsýslumenn og
stúdentar frá öllum heimshornum
búa nú í Kænugarði, og ferða-
mannastraumurinn er mikill árið
um kring enda borgin eitt listaverk
í landslagi sem og menningu, auk
þess sem gestrisni Úkraínumanna er
víðfræg.
Kænugarður býr yfir mörgum feg-
urstu byggingum og listaverkum
veraldar. Dómkirkja St. Sophiu
geymir mósaíkmyndir og freskur
frá tólftu öld og í elsta hluta Kænu-
garðs, Podol, stendur kirkja heilags
Andrésar, eftirlæti Úkraínumanna.
Við Percherska Lavra standa tvær
tólftu aldar dómkirkjur, auk heims-
þekktra grafhvelfinga, bjölluturns
og safngripa frá klausturstímum.
Nálægt miðbænum stendur Gullna
hliðið, sem haldið hefur verið við
frá því 1037, og skammt frá hin
stórfenglega dómkirkja St. Volody-
myr.
Menning og mannlíf er litskrúðugt
í Kænugarði og víst að Júróvisjón-
farar verða ekki sviknir af örlæti og
lífsfjöri heimamanna.
thordis@frettabladid.is
6 ■■■ { EUROVISION } ■■■■■■■■■■■■■■■■■■■■■■■■■■■■■■■■■■■■■■■■■■■■■■
Brauðkarfa Evrópu
Úkraína hefur verið nefnd „brauðkarfa Evrópu“ vegna ríkulegra náttúruauðlinda, en þjóðin
hefur þurft að þola miklar hremmingar í aldanna rás. Höfuðborgin Kænugarður hefur viður-
nefnið „móðir allra borga“ vegna undurfagurs arkitektúrs og ómetanlegra listmuna sinna.
Viktor JÚSJENKÓ
Þann 22. janúar síðastliðinn sór
Viktor Júsjenkó embættiseið
sem forseti Úkraínu, eftir
tveggja mánaða kosningadeilu.
Í ræðu sinni sagði hann inn-
setningu sína í embætti forseta
vera sigur frelsis yfir einræði og
að nú væri þetta fyrrverandi
sovéska ríki í miðri Evrópu.
Sumir þingmenn fögnuðu ákaft
meðan aðrir sýndu engin við-
brögð. Var það talið lýsandi
fyrir þær deilur sem bíða
Júsjenkós sem leiðtoga Úkraínu.
Forsetaframboð Viktors Júsjenkó
er mörgum eftirminnilegt sökum
þess að keppinautar hans
byrluðu honum díoxín, en eitr-
unin olli því að andlit forsetans
afmyndaðist svo mjög að það
varð óþekkjanlegt; grátt, guggið
og bólgið af útbrotum. Áhrif
eitrunar í andliti Júsjenkós
munu hverfa hægt með tíman-
um en díoxíneitrun er talin auka
líkur á sykursýki, krabbameini
og lifrarsjúkdómum.
Efnahagur Úkraínu er með
miklum ágætum um þessar
mundir en fáeinir auðkýfingar
hafa þar töglin og hagldirnar.
Þeir studdu flestir Janúkovitsj í
kosningunum, erkifjanda Júsj-
enkós. Ráðamönnum í Kreml
líst illa á stefnu Júsjenkós í ut-
anríkismálum en hann rennir
hýru auga til aukins samstarfs
við Vesturlönd.
Erfiðasta verkefni nýja forsetans
verður að sameina úkraínsku
þjóðina á nýjan leik. Íbúar aust-
urhluta landsins eru tortryggnir
í garð Júsjenkós og viðbúið að
þeir fari fram á aukið sjálfstæði,
bæði í stjórnmálum og efna-
hagsmálum. Því er lykilatriði
fyrir Viktor Júsjenkó að róa
þessa landa sína eigi hann að
verða farsæll í embætti.
Glæsilegur maður sem varð óþekkjan-
legur eftir að honum hafði verið byrl-
að díoxín í forsetaframboðinu í vetur.
ÚKRAÍNA
• Úkraína er í Austur-Evrópu með landamæri við Svartahaf, á milli Póllands, Rúm-
eníu og Moldóvu til vesturs og Rússlands til austurs.
• Staðsetning á hnettinum er 49 00 N, 32 00 A.
• Stærð: 603.700 ferkílómetrar.
• Aðeins minna en Texas.
• Náttúrauðlindir: Járn, kol, mangan, olía, salt, brennisteinn, grafít, títan, nikkel,
kvikasilfur, magnesíum, timbur, akurland.
• Íbúafjöldi: 47.425.336 (áætlað í júlí 2005).
• Meðalaldur: 38,22 ár.
• Fæðingatíðni:10,49 fæðingar á hverja 1.000 íbúa.
• Dánartíðni: 16,42 dánir á hverja 1.000 íbúa.
• Eyðnismitaðir: 360.000.
• Kynlífsmarkaður með úkraínskar konur er geysilegt og nýuppgötvað vandamál.
• Tungumál: úkraínska: 67%, rússneska 24%, lítilsháttar rúmenska, pólska og ung-
verska.
• Úkraína er lýðveldi og fékk sjálfstæði frá Rússlandi 24. ágúst 1991.
• Þjóðhátíðardagur er 24. ágúst
• Frægir Úkraínumenn: Popplistamaðurinn Andy Warhol, tónskáldin Leonard Bern-
stein og Igor Stravinsky, tónlistamennirnir Ruslana, Michael Bolton, leikararnir
Milla Jovovich, George Montgomery, Walter Matthau og Dustin Hoffman.