Fréttablaðið - 21.05.2005, Blaðsíða 45
■■■■■■■■■■■■■■■■■■■■■■■■■■■■■■■■■■■■■■■■■■■■■■■■ { EUROVISION } ■■ 5
BIRGITTA HAUKDAL Birgitta
náði 9. sæti fyrir tveimur árum með lagið
Open Your Heart.
Best klædda sjónvarpskonan
Maria Yefrosinina verður aðalkynnir Eurovision-keppninnar í Kiev. Maria, sem er kölluð Masha,
fæddist 25. maí árið 1979 og heldur því upp á 26 ára afmælið sitt skömmu eftir keppnina.
Maria er ein þekktasta sjónvarpskona Úkraínu og hefur meðal annars tvisvar sinnum verið kjörin
best klædda sjónvarpskona landsins. Hún hóf störf í sjónvarpi 19 ára gömul og stjórnaði þá þætt-
inum UT-1. Maria talar ensku og spænsku reiprennandi auk þess sem hún hefur stundað nám við
þýðingar við ríkisháskólann í Kiev. Hún ætti því varla að lenda í vandræðum með það að koma
réttu skilaboðunum á framfæri til þeirra milljóna sem munu fylgjast með úrslitakvöldinu.
„Masha er mikil atvinnumanneskja í starfi sínu. Hún talar ensku fullkomlega auk þess sem hún er
mjög þekkt í Úkraínu,“ sagði Mykhalio Krupiyevsky, upptökustjóri Eurovision-keppninnar.
DJ Pasha, sem er þekktur útvarps- og sjónvarpsþáttastjórnandi í Úkraínu, verður aðstoðarkynnir.
Hann talar meðal annars spænsku, ítölsku og rússnesku og ætti því að verða Mariu mikil stoð og
stytta uppi á sviðinu í Kiev.
Auk Mariu og DJ Pasha munu Ruslana, sigurvegari keppninnar í fyrra, og hnefaleikakappinn
heimsfrægi Vladimir Klitschko stíga á stokk í Kiev sem sérstakir gestir. Ruslana átti upphaflega að
vera aðalkynnir keppninnar en þar sem hún hafði ekki tíma til að læra enskuna sína betur var
ákveðið að fá nýja manneskju í starfið.
Úkraínska söngkonan Ruslana mun stíga á stokk á úrslitakvöldinu.
ÁR LAG FLYTJANDI SÆTI
86 Gleðibankinn Icy tríóið 16
87 Hægt og hljótt Halla Margrét- 16
88 Sókrates Stefán Hilmarsson 16
89 Það sem enginn... Daníel Ágúst 22
90 Eitt lag enn Stjórnin 4
91 Nína Eyvi og Stebbi 15
92 Nei eða já Sigga og Sigrún E. 7
93 Þá veistu svarið Ingibjörg Stefáns 13
94 Nætur Sigrún Eva 12
95 Núna Björgvin Halld. 15
96 Sjúbídú Anna Mjöll 13
97 Minn hinsti dans Páll Óskar 20
99 All Out of Luck Selma Björnsdóttir 2
00 Tell Me Telma og Einar Ág. 12
01 Angel Two Tricky 23
03 Open Your Heart Birgitta Haukdal 9
04 Heaven Jón Jósep (Jónsi) 19
05 If I Had Your Love Selma Björnsdóttir
(komst ekki áfram úr forkeppninni)
ÍSLENSKU
EUROVISION LÖGIN:
ICY Icy-tríóið söng fyrsta Eurovision-
lag Íslendinga, Gleðibankann, sem hafnaði
í 16. sæti.
HALLA MARGRÉT Halla Mar-
grét Árnadóttir söng lagið Hægt og hljótt
sem endaði í 16. sæti rétt eins og forveri
þess, Gleðibankinn.