Fréttablaðið - 21.05.2005, Blaðsíða 64

40 21. maí 2005 LAUGARDAGUR
Allt a› 70 flúsund krónur kostar a› leigja sumarbústa› á vinsælum sta› í vikutíma í sumar. Fáir láta fla› fló aftra sér og er meirihluti
leigubústa›a a› mestu bóka›ur vel fram í tímann. fió er enn hægt a› ver›a sér úti um nokkra daga á stöku sta› hafi fólk hra›ann á.
Þrátt fyrir að vikudvöl í sumar-húsi kosti að meðaltali kring-um 50 þúsund krónur hefur
það ekki komið í veg fyrir mikla eft-
irspurn og margir leigusalar hafa
fullbókað langt fram í september.
Virðast margir sem ekki eiga kost á
slíkri dvöl gegnum stéttarfélög eða
starfsmannafélög ekki setja fyrir
sig að eyða allt að hundrað þúsund
krónum í tveggja vikna leigu á góð-
um stað.
Dýrt að vera utan félaga
Sprenging hefur orðið á sumar-
húsamarkaðnum undanfarin ár
og telja kunnugir að heildarfjöldi
slíkra húsa á landinu öllu sé um
tíu þúsund alls. Stór hluti þeirra
er í eigu félagasamtaka sem
leigja þau út til félagsmanna en
þau eru einnig leigð öðrum ef
færi gefst til.
Félagsmenn greiða milli 18 og
25 þúsund að meðaltali fyrir eina
viku í sumarhúsi og eru viðkom-
andi bústaðir þá jafnan með öll-
um helstu þægindum eins og heit-
um pottum og sjónvarpi og helst í
grónum sumarhúsahverfum.
Greitt er hlutfallslega meira
hafi fólk hug á að dvelja skemur.
Er þá í flestum tilfellum innheimt
daggjald og er það frá sex þúsund
krónum og allt að tólf þúsundum
og fer eftir staðsetningu og
íburði. Afsláttur hvers konar er
að jafnaði ekki veittur nema gist
sé fimm daga eða lengur. Má því
segja að fólk greiði svipað fyrir
eina nótt í góðum bústað og fyrir
nótt á sæmilegu hóteli.
Séu menn ekki meðlimir í nein-
um félögum eða samtökum sem
niðurgreiða leigu fyrir félags-
menn sýnir könnun Fréttablaðs-
ins að gera má ráð fyrir að viku-
leiga á hvern bústað sé í kringum
50 þúsund krónur að meðaltali.
Virðist þá einu gilda hvort þau
hús eru uppi við Elliðavatn, í
Grundarfirði eða austur á landi.
Allnokkrir þeirra bústaða sem
þannig bjóðast eru einnig talsvert
úr alfaraleið og ekki eru sömu
þægindi í þeim öllum.
Víða er allt bókað
Flestir þeir leigusalar sem
Fréttablaðið ræddi við voru sam-
mála um að vel gengi að bóka
fyrir sumarið en á flestum stöð-
um er ennþá hægt að bóka viku
eða skemmri tíma ef fólk hefur
hraðann á og er sveigjanlegt hvað
dagsetningar varðar.
Eftirspurn er engu að síður
með ólíkindum, sem sést kannski
best á því að hjá nokkrum þeim
sem eru að hefja sitt fyrsta
starfsár í leigu á sumarhúsum og
hafa ekki auglýst enn eru flestar
bestu vikurnar löngu upppantað-
ar. Kemur því ekki á óvart að
margir voru sammála um að
eftirspurn hefði aldrei verið
meiri en nú.
Staðan er öllu verri hjá félaga-
samtökum sem leigja út sumar-
hús til félagsmanna sinna. Versl-
unarmannafélag Reykjavíkur er
hvað stærst hvað þetta varðar og
þar eru aðeins stöku dagar lausir,
aðeins í maí og svo seint í ágúst
eða byrjun september. Sama er
uppi á teningnum hjá flestum
þeim fyrirtækjum sem bjóða
starfsmönnum sínum afnot af
sumarhúsum. Langir biðlistar eru
eftir slíkum húsum í júní, júlí og
ágúst.
Mikil sókn er enn fremur í þær
sumarhúsalóðir sem bjóðast víða
um land og fá færri en vilja. Sala
tilbúinna húsa gengur vel og gera
má því skóna að sumarhúsa-
sprengingunni sem varað hefur
um tíu ára skeið sé hvergi nærri
lokið.
albert@frettabladid.is
STAÐSETNING VIKULEIGA SVEFNPLÁSS FERMETRAR POTTUR FÉLAGASAMTÖK
Litli Hvammur, Vatnsendahverfi 63.000 5 til 6 50 Nei #1
Smiðjustígur, Flúðum 40.000 5 52 Já
Signýjarstaðir, Borgarfirði 41.000 6 til 10 48 Nei
Ytri-Vík, Árskógsströnd 55.000 6 50 Já #2
Einarsstaðir, Fljótsdalshéraði 20.300 6 45 Nei VR #3
Húsafell, Borgarfirði 22.900 6 60 Já VR #4
Brekkuskógur, Biskupstungum 15.500 4 til 10 50 Já Efling
Hellishólar, Fljótshlíð 54.000 4 til 6 20 Já #5
Sólbrekka, Mjóafirði 35.000 4 til 6 26 Nei
Indriðastaðir, Skorradal 56.000 4 til 6 34 Já
Háls, Eyrarsveit 45.000 4 til 6 45 Já
Stóra-Vatnshorn, Haukadal 28.000 4 til 5 22 Nei
NÝBYGGINGAR Engar áreiðanlegar tölur eru til um heildarfjölda sumarhúsa á landinu en kunnugir telja að þau séu allt að því tíu þús-
und talsins. Engu að síður finnst vart sá staður þar sem frekari uppbygging er ekki áætluð og eftirspurn yfirleitt meiri en framboð.
Aldrei meiri ásókn í sumarbústaði
GRÓIN SUMARHÚSABYGGÐ Í hugum margra er dvöl á stað sem þessum toppurinn á tilverunni hvert ár og sífellt fleiri kjósa fremur dvöl í sumarhúsum en utanlandsferðir.